放工後約了細佬食lunch，他說想食pizza!我就提意不如黎呢度~
因為自己一直都有幫襯開!點了2個lunch set，
分別是至尊pizza餐加炭燒雞扒野菌意大利飯另外加了湯&雞翼沙律~
至尊pizza，要厚批!細細個份量又不會太多~剛剛好!另外的飯...
每次都不夠!!!!因為份量太小~細佬次次都唔夠喉...不過味道幾好!好香~

而且lunch價錢方面都ok、環境也不差...間中試下都冇訪~

今日請左假去左睇醫生，睇完剛剛好下午茶時間~三文魚狂熱分子(媽媽)想見識下御八三文魚的長度!見到學生餐好抵牙....25蚊仲有野飲wor!好懷念以前讀書啊~~~~~~~
好!坐下來媽媽先來三碟三文魚，我再點了赤貝、北寄具壽司、海謄手卷&串燒組合~
三文魚上檯的時候!份量果然驚人~嚇得媽媽嘩一聲....漏死了!點了3份.....而且勁長!!!!
至於我必食的2款都好新鮮~海膽又鮮甜而不臭!份量還滿多的~的確不錯!!!!
等了很久~最後上的串燒組合就不過不失!沒太大的驚喜~
係大埔黎講，呢間既水準都不錯~會繼續支持

播著「傲氣面對萬重浪，熱血像那紅日光…」黃飛鴻的男兒當自強上菜：的確幾棧鬼!　

鴻運乳豬 - 先來打頭炮的大頭乳豬，大家見習不怪!先來乾乾杯.....開飯喇皮脆肉滑的大頭豬，豬皮香口但太油膩!少食為妙...被骨肉分離的肉去掉中間的那層肥豬油~再點一點醬汁..不錯...
開邊龍蝦伊麵 - 接著的是龍蝦，龍蝦的大細不一!都幾誇張...anyway蝦肉幾甜!我食了一碗伊麵，精華所在!都是有芝士的伊麵較吸引!
西蘭花帶子 - 比較正常的一款!
發菜瑤柱 & 海參扣鵝掌 - 2個菜都過咸得好嚴重....
鮮蟹肉燴生翅 - 找不到翅
飽魚 - 有點苦!
金華玉樹雞 - 配金華火腿，雞的味道被火腿嚴重地搶了~完全不配!!!!!!!!!!!!

其他的都是例牌菜，飯、壽包、紅豆沙&生果盆。
結論:醉翁之意不在酒

好耐未行過宜家傢俬，原來宜家傢俬餐廳及咖啡室係沙田咁出名，以前都唔覺得好食
見到個個都對d瑞典肉丸都讚不絕口，自己都想回味一番!不過朋友就說食物款式太少~
沒什麼好食!所以就叫了很少....

瑞典肉丸 - 的確唔錯...肉丸有彈性得黎肉質鬆軟!味道鹹鹹地咁~點左果醬又match到~薯仔粒好滑~

炸薯條 - 差!!!可以冇乜人食...薯條好淋!仲差過M記

肉醬意粉 - 醬完全冇味....

最後飲左杯咖啡，7蚊任飲!不過都係飲左2杯....下次唔會特登去食了~

食完詠藜園行左陣，發現單單一條街都有好幾間台式飲品舖!
日出茶太第二次飲，之前飲旺角果間衰左!其實唔想試第二次
但係又唔想成日飲貢茶SO俾多次機會佢啦。
照舊飲珍珠奶茶，比上次飲的好，但奶味過重喝不到茶味!~珍珠大粒彈牙，
算是合格吧!

平時較少會係黃埔出沒，對上一次應該係去食時新快餐店!所以係紅磡搵食比較陌生，在開飯看到了在黃埔新天地的Outback Steakhouse有點吸引，但主要是食扒的!本人又沒太大興趣，都是清淡一點吧!簡了試排名第二的詠藜園，二人點了五款食物如下:

拌海蜇 - 看上去份量飽滿，足料!味道略略偏咸，但個人喜歡粗小小的海蜇會爽D~

擔擔麵(唔辣) - 大大碗!看上去是抵的，湯汁不夠濃~都條幼身...但不彈牙!

改良擔擔麵(唔辣) - 與不改良的分局就是內碎的份量多了，湯看起來就當然濃一點~

砂鍋雲吞雞 - 職員介紹說是招牌菜之一，最後悔莫過於點了這款菜!個砂鍋職員首先撈起半隻雞，然後將煲裡的黃油撇開分了兩碗給我們，先試試半隻煲完湯既雞...發覺超鞋又冇味!忍不住喝了一啖湯!冇理由用半隻雞、6粒雲吞、娃娃菜加火腿煲出黎都咁既味!結論:又一裝假狗，同飲有菜既味精湯冇分別!....湯唔飲得、雞(油多到爆)唔食得~唔通整煲野凈係雲吞同菜?咁就貴lo......所以大家千奇咪試!寧願叫個醉雞食好過食湯渣!!!

小湯包 - 類飲小籠包又稱楊家湯包，一夾即穿!yeah~不過豬肉餡料新鮮食落都OK

埋單二個人29X差唔多3百~食不出什麼好野....感覺價錢有點貴!
最後結論非常同意之前出post的食家說: 「黎詠藜園，只可以食小食，包點，麵食!」

食完點心要食多個飯先夠飽真係超大食!
要了一個燒肉加燒鵝(雙拼)飯配油菜&例湯!盛惠$38 係TST黎講算係大份夾抵食~
不過今次的燒肉比對上一次黎差!今次的比較多肥肉(最憎)!!!
燒鵝皮脆肉滑...不錯!

喜歡這個Food Court，因為有不錯的點心食!先回味一下以下四款:

鳳爪 - 鳳爪入味之餘又淋!辣辣地，唔錯!

糯米雞 - 材料有火腿、小雞翼、碎肉，糯米食落有口感!不會太淋又香~

鵪鶉蛋燒賣 - 最愛此點心!每次黎必定會食的~鵪鶉蛋燒賣較少地方有~
燒賣又新鮮!值得推介~

雞扎 - 一般之作

會繼續支持!

數日前得知有免費Buffet食，想講句:酒店員工福利真的不錯!謝謝Daniel W的幫忙，Book了星期六晚上....由於早早知道質素如何!所以沒太大的期望，只抱著一種新鮮感去試!同主要係想食甜品&雪糕!店內格調不錯，一眼望落去食物款式都幾多

凍海鮮 - 長腳蟹、翡翠螺、凍蝦&青口等，是日沒有蠔&龍蝦...最喜歡的翡翠螺竟然有沙!!!失望失望~其他一般....

壽司 - 種類真的很少!刺身只有三款(三文魚、八爪魚&鱆紅魚)壽司有點不新鮮，刺身就OK

熟食 - 有多款!飯、菜&扒類!自己沒有試~要留肚~試了幾隻焗蠔，蠔又是裝假狗不但之又小得很!油炸鬼爙蝦肉，這個香口做得不錯!蛋白燉蛋也是出乎意料意料好驚喜!蛋白很滑很香~

串燒類 - 有蝦、牛肉&墨魚，牛肉時間燒得剛剛好加上醬汁一流~墨魚太靭~

到了下一Part:甜品時間:

首先試了小蛋撻、麵包布甸&蘋果批，果然甜品方面比以上的好得多!麵包布甸~正~

之後就拿了好幾款甜品
芥辣味/朱古力cheese cake、綠茶味焦糖燉蛋、朱古力小丸子、香滑牛奶腸粉、咖啡冰、杏仁味冰、 梅果子等...其中最正係焦糖燉蛋&腸粉~其實仲有好多款未食朱古力噴泉&pancake冇食~但已經超飽狀態中...放棄了沙律、生果&糖水~

最後12款Mövenpick雪糕只試了五款而已!
可惜雪糕不是自行拿，要captain先可以打開~幫你[不]而且每次份量一種味1、2啖左右KO，太小家了......

其實以正價黎食就一定唔會再黎，半價都可以考慮下(If only 食甜品&雪糕)

續添好運的頭炮，已打響了數間點心舖，是日剪完頭髮剛好到了下午茶時間，自從添好運上了米芝蓮星級食店，已經沒有去過了!紅了起來人就自然多，等的時間不然就愈久...選擇了不用等位的茶點，在旺角據知茶點已開兩間分店!通菜街那一間數月前已到過...

沒有二人檯，入座後~安排了坐吧位，懶得再等了....坐下來先看看點心紙，款式都算OK! 茶款有四款，分別是鐵觀音、普洱、五花茶&三和茶，自己要了鐵觀音(常用茶)。然後快快手點了七款常叫的點心!如下:

至尊飽魚燒賣 - 為著它而來，除開十四蚊一粒都可以接受，這次的size比上次食的大!食落都有鮮味，起碼唔會俾人揸乾揸淨!而燒賣的肉比較瘦沒有太多肥肉，又爽口!值得推介~

古法糯米雞 - 看上去吸引，作填肚之用但食過之後又稱肥肉糯米雞，主要餡料半粒都無的咸蛋黃、火腿、叉燒、雞肉粒&超多肥肉等....糯米方面做得不錯，很香!但由於肥肉過多，導致不能再食下去(個人對肥豬肉有恐懼)

安茜牛肉腸粉 - 腸粉拉得極淋，牛肉也是極淋!拉埋一起就極之沒口感!像冇牙的人食超爛的腸粉一樣!不會再試....

四寶滑雞扎 - 以痴性超強的腐皮卷包著雞肉、魚肚、火腿&小粟米，雞肉滑、魚肚也很入味!但火腿味道不夠香!差一點點...

香煎蘿蔔糕 - 這次夾得安全，沒有散開!但食落發覺粉多蘿蔔少...吃不到一絲絲的蘿蔔絲...做得比較差!!!

安蝦咸水角 - 友人話想食，看上去顏色明顯偏向淺!沒有金黃色的吸引~餡料的比例較少，要做到皮脆內軟就必然!擺左陣，食落口仲好熱!明顯新鮮炸...不過油太多的食物都是少食為妙!

竟然!!!馬拉糕賣完....嚐不到!十分可惜....最後要說說，不知道是人手不足還是怎樣?店員不會自動加茶!每一次都要人叫先會做....坐吧位感覺不太舒服，下次等一下還好!埋單百多元，價錢不貴!值得一試。