星期六做完運動, 約左好友食元氣~ 

眾多元氣分店中, 我們最愛上環信德這一間, 除了員工服務很好之外, 食物的質素也是很穩定的

今天由於做完運動, 唔想食咁飽,所以只是order了幾碟, 少食多餐身體好~~

我們叫左唔多, 其中以下的都很出色
1. 天婦羅蝦, 炸得很乾身, 9/10
2. 三文魚腩壽司, 肥美香滑, 10/10
3. 火灸三文魚, 略燒過的三文魚, 沒有不好吃的理由喇, 9/10 其他的都能保持水準呢~

我們keep 住慢慢食, 慢慢傾計, 由工作傾到生活, 由習慣說到喜好, 天南地北, 暢所欲言，而服務生keep住幫我地加茶，很窩心的服務！
很開心可以在一間服務好, 食物正的餐廳過了一個很愉快的下午呢~~

年三十返半日, 所以出左cwb食lunch 後再去行花市, 買靚花之前要食飽飽~ 

早一日book了lunch time 2 位, 餐廳位於世貿5樓, 要入左uniqlo女裝部後再按指示牌找, 很快會看到一個小入口, 告知訂位資料後上樓梯就到餐廳。

我們被安排坐在最近走廊的位置, 浦坐下, 侍應立即為我們送上茶杯及一壺茶, 再放下set lunch menu。

我地先order了一份炸雞定食($45)及刺身定食($98), 前菜先上, 是胡麻醬沙律及漬物坐在自然彩光的位置，一邊喝茶，一邊品嚐清新的胡麻醬沙律及漬物，一邊看著師傅準備食材，心情也變得期待~

不消一回, 主菜都ready了~ 
先來的是炸雞定食份量不少呢, 炸雞又香，夠熱，外脆内軟, 十個讚!

再來的是刺身定食：一共有五款魚生，厚切，其中池魚極為出色，味道濃郁，油甘魚甘香油潤！其他魚生則一般，但以$98一客來說，已很不錯

以上的定食均附味噌湯及白飯, 前者普通, 白飯略乾

不消一會, 我們已把所有食物都掃光光! 由於心情好, 就自然食得多d, 所以...放大個胃, 多加一客壽司定食($98)丫唔該!壽司定食，一客有8件壽司加3件卷物, 壽司的魚生很新鮮, 三文魚很肥美，可惜飯略硬，紫菜已軟, 扣少少分... 另外, 呢個定食係跟烏冬和沙律, 不錯吃呢~ 

話咁快食哂, 食飽飽再來杯飯後啡, 埋單就出發去買花~ 熱啡，易入口，香滑，咖啡味不重, 幾好味道~ 埋單$265, 已很飽足呢~ 

情人節正日未能晚上出街慶祝, 同時又唔想食得太唔抵, 故選址大會堂的美心西餐廳食一個經濟一點, 但又有少量海景睇下的情人節午餐~~ 

餐廳當天也有提供平日的menu, 睇唒成個menu後決定order兩個sets加一客火焰雪山

落單冇耐, 待應送上熱辣辣的湯和餐包金必多湯：素翅雞絲火腿忌廉湯，入口香濃，不愧為招牌湯；餐包一如以往，夠熱夠軟熟

主菜:什扒，有羊架豬扒雞扒煙肉司華力腸，份量足，一人一半一同分享，在情人節一齊食，應比一人一碟豆腐火腩更浪漫海鮮餐，有蝦球帶子魷魚青口三文魚龍利配薯菜，你一件我一件 ^u^

食唒主菜, 係時候上甜品了~~ 侍應收搭餐枱, 為我們換上甜品碟後, 登登登登, 雪山來了!!火焰雪山：其實是焗蛋白蛋糕，上枱後侍應淋上酒再點火，再淋上朱古力醬，一個是兩人份量火焰雪山入面有朱古力同雲呢拿雪糕各一大球，生果及清蛋糕，配上外層挺身但軟滑的焗蛋白一齊食，滲出的酒香混合甜酸涷，以$80多元來說是超值！

甜品後的餐飲 - 涷啡，有茶餐廳水準埋單300多元, 以這種環境, 食品質素來說, 滿足呢~~ 

在一個懶洋洋的的周六, 什麼計劃也有沒有的走上前往高街的路。漫無目的, 隨心所欲的走著, 走過了一間又一間的餐廳, 結果因為店門前的招徠而踏進了這意大利餐廳。

星期六的中午, 懶惰的我們選擇了這所餐廳供應的set lunch menu中的牛扒餐~ $98一份

由於時間尚早, 餐廳客人不多, 點餐後, 侍應很快就送上餐前面包和parma ham沙律。餐包估計是自家製的, 用料實在, 口感扎實, 配上黑醋和olive oil, 伴著沙律一塊吃, 感覺清新。沙律用料新鮮, with a great balance of acidity and saltiness, 十分開胃! 主菜是5成熟的牛扒伴薯蓉, 調味很到位, 肉味也香濃, 唯一美中不足是筋略多, 但以這個價位來說, 質素實屬不俗甜品是pudding with ice-cream, 整體味道不賴是物有所值的一餐 

11月是我和老公的周年紀念月, 最啱係周圍揾下有冇咩餐廳可以俾我地過下2人世界, 又可以靜靜地想當年~ 得知中環的caffè HABITŪ the table有供應weekend brunch (all-you-can-eat), 特意選了一個星期六到蘭桂享受一個"hea爆"的brunch~ 

早一日打電話book位都book到, 進餐時間分2個時段, 我們選了較早的11:30-1:30。行上蘭桂斜路時會看到樓上的招牌 (注意, 入口是在橫街的一棟不顯眼的大廈內, 我們花了幾分鐘先揾到呢)

幾經辛苦, 我們終於到去到了, 嘿嘿, 我們比book枱時間早左5分鐘左右到, 但係... 冇人的... ,而我們被安排坐到最近窗戶的2人位(好逼呢...不過因為唔知佢會唔會係full booking, 所以都冇要求要轉位...)由於未開始, 我地先睇住個menu 先: 睇落都幾多野食呀~~ 
坐左一陣先有另一枱客到...到時間到左... 舉手... 好肚餓... 再揮手.... 先有一個人見到我地... 唔理咁多, 先叫左個最signature 的egg benedict配三文魚再加個沙律先~ 
幾分鐘後, 等待中的egg benedict...吓... 我的媽呀... 估唔到我的期待勁到隻蛋穿左!?!?!?!這一刻我百感交集... 叫唔叫佢換過一隻俾我? 但係換的話, 呢隻就會俾人丟棄... 做人要惜食呀... 但係... 我想享受一啖咬爆隻蛋而蛋汁充斥住口腔的怠充實感呀.... 這一刻, 我真的想哭... 為什麼要我做這個決定喎...

結果：我我我默默咁, 接受左.... 三扒兩手撥食哂成碟... 除了不滿足外, 仲有一個問題: 呢度的荷蘭醬唔通要自己加salt? 

跟住來的都不過不失, 沒有什麼特別

沙律: fresh~ scone: 個醬好味, 第一個scone夠熱同鬆, 但encore 那個差很多, 是硬的.... 未能保持水準蘑菇湯: 冇味... 蘑菇應該好香呀... 但係唔知佢點煮到佢冇菇味呢? 神!煎蛋配菠菜煙肉三文魚野菌: 還好, 至少是合格的, 同埋, 蛋黃係完整的!!感恩!!!刁草三文魚意粉: 如果料多少少會好d~~ 冇咩刁草味, 只係得cream味... Carbonara天使面: 夠al dente, 幾好, 只係太creamy了.... 除了以上的還好的, 這餐還有一個surprise! 係一隻好好味的scotch egg!!! 糖心的蛋黃, 外脆內軟的肉, 熱呼呼咁送到我地面前, 真係正呢!
由於食左個好食的, 唔知點解又有番少少希望... 所以, 叫左個炒蛋好多油..... 佢滑... 但係油到呢, 不要誤會旁邊的是蛋汁... 那... 是真真正正的油!!! 

一個本來希望食個hea爆但好味的 weekend brunch的食客, 結果帶住一口油和一肚子不爽離開...
冇下次..... 

加拿大一向都是抵食大件而味道也不錯~ 今日行過見佢的dinner set 係肉眼扒, 所以又偷懶一晚出街食dinner~ 一如以往, 這麼的紅湯是很足料的, 味道也很好, 相反白湯像加味精的面粉湯, 所以我地一定要紅湯喇~
不負所望, 這個湯大大碗, 微酸的湯配上牛油蒜泥多士(一人2件), 味道很好呢~ 主菜是牛扒, 這個價錢的牛扒都預左係用梳打粉"拿"過的, 幸好這牛不是拿得很利害, 牛還是有牛味的~ 這個價錢算是不錯的~~ 另外, 晚餐還包括餐飲和朱古力蛋糕配雪糕, 都不錯呢~ 

會來這裡享受一頓semi-lunch buffet的原因, 是在openrice 發現了一張75折的coupon, 剛好每年的11月都是我們努力找好吃的餐廳慶祝的大日子, 而bostonian又是主要盛產水産的地方, 仍記得多年前在這進餐的印象不錯, 畢竟以此為名的酒店餐廳必須有一定的水準才能生存, 故早於一個月前便訂好位子準備飽嚐一頓美味海鮮午餐~

早一天已經有餐廳員工致電confirm booking, 我們亦於當天準時到達。到場時有一位男士正和接待的員工交涉, 看來是訂錯了樓上的餐廳吧~ 

我們等了一會, 待員工處理好那個男人的事 (就是告知他應該是訂錯了地方, 因為很多人都有同一個情況... 我想, 如果這是常發生的事, 餐廳最好想想法子減少這個問題吧... ), 我們便被帶到一處較偏遠的角落就坐~ 點好主菜後, 我們立即到自助枱看看。

早前爬文已留意到這餐廳較出色的是生蠔和龍蝦, 這果然沒有令我們失望, 有三款蠔, 全部都不是很大隻的品種, 而每一款都有標明味道比較偏向mild, fruity, sweet, salty 等~ 試了三款後, 我最喜歡sweet n creamy的那款 (印象中是來自加拿大的), encore 了幾隻呢~另外看見有不錯的三文魚腩, 當然也要試一試~ 肥美~ 很鮮甜呢~ 

由於我們是衝著龍蝦而來的, 生蠔魚生我們只是淺嚐了便轉戰熱食的焗龍蝦~ 龍蝦是約中型不足1kg一隻的那種, 隻隻都有著不少肉汁, 沒有因為烤焗而太乾, 味道很好~ 另外焗蠔都有2款, size不大, 熱辣辣香噴噴, 一下子都掃了幾隻!
其他冷盤也不少, 有3款煙三文和一款野生煙三文魚, 我們最喜歡的是野生煙三文魚! 入口是魚生的口感, 煙燻味柔和但持久, 最重要的, 是我們可以在煙燻味中食到三文魚的鮮味! 很amazing! 另外, 鵝肝醬也是必食項目, 甫入口, 那即融的甜酒啫哩和肝醬融合時, 那平行的感覺真的很濃而不膩, 令人多食幾件也不覺得膩~  
主菜我們要了lobster cake~ 這主菜的份量不大, 但啖啖龍蝦非常彈牙, 加上旁邊微酸的汁, 不失為一個semi buffet的主菜好選擇~ 甜品也是buffet~ 味道也不錯, 可惜種類較少~ 但也是一個不錯的ending~
tea 我們要了earl grey~ 一人一壺~ 正好為這飽得很的午餐做一個perfect ending呢~

難得要去西環尾上手作仔堂. 上之前去先要去近日開了很多新restaurant的厚和街食飽飽先~

一轉入厚和街就見到這間餐廳, 看了menu, 好似幾好, 咁就入左去食個大lunch~ Menu 上都有幾多款式, 而且比晚市單點便宜很多呢, 愛食牛的我們結果都點了牛扒餐~ 湯或沙律我們選了沙律, 以平衡一下食肉帶來的罪惡感. 這沙律用料很新鮮, 沙律的醋汁是酸酸甜甜的, 上面還有一些咸咸地的吞拿魚, 而且份量也不少呢~ 正好為我們打開胃口迎接牛扒~~ 主菜是牛扒伴薯菜, 5成熟, 火喉控制得很好呢! 牛扒不但肉汁鮮甜, 很有牛味, 而且很易切開(但不是用鬆肉粉拿過那種), 應該是牛扒本身有好的質素~ 我想, set lunch 的已經不錯, 晚市食的比這個貴一倍的牛扒不知會不會更好呢?~ 
不得不提一下配菜薯條, 炸得新鮮熱辣, 十分可口!! 怕熱氣的我們把碟都清了呢~~ 最後的coffee or dessert 我地要dessert, 係一個蛋pudding, 加埋上面的果醬很不錯, 可惜細左少少, 唔夠喉呢~ 哈哈我真為食~

今日我地一行11人星期五放工後去左上環食呢間餐廳，一去到話冇我地的BOOKING!! 一早打過來BOOK, 仲要訂左一D野食喎! 好彩我地都叫去得早 (7:00), 都仲安排得到位....

我地坐低後叫左一個夠6人食的4人餐，另外仲要左一隻手抓豬同另加幾個小菜同西米布甸，11人（2男9女）來說應該努力的話都食得哂
呢間野係行會員制，但不是會員都可以食，只係行會員制就有一些不公平事出現
一早（7：00）落左order 要2份燉湯（一份約6-7碗，我地11個人，個短髮女侍應話唔夠分，要2份先夠），咁好喇，湯可以飲多少少的，所以加多一份$188的燉湯（已落單，中間都confirm過幾次有湯的）！如是者到7：30我地人齊可上，個女侍應走來話冇左一份，提議我轉個餐的燉湯做2份（共約12-14碗）$88一份的例湯， 再另外要一份$188的燉湯！ 先唔講佢係唔係俾左份湯俾其他客，但，佢真係揾我笨喎，咁即係要我用$88x2 的價值的湯代替個$188的燉湯？仲要一共有近20碗湯！好彩我冇上當， 我話唔要，我只要個餐本來的湯！ 佢又係咁話我地唔夠飲，係要逼我用佢個建議... 結果我地唔要個另加的湯，佢又話落左單唔cancel得，只可改其他野！結果改左要一個$88的例湯 唉，漏單同逼我地食快d(未得哂已經話要收走)同部份食物唔熱(如馬拉糕)的事都唔想再提了

食物方面質素是OK的, 雖然是比上幾次去食的退步了, 但還是不錯的, 由於一開始就俾人影響左心情, 都冇咩影相, 只係有一些在被不公平對待之前影的相

我地叫左呢個餐, 個燉湯係值$188的, 係幾抵食的; 另外仲要左出名的手抓豬, 就係下面2張相的:  另外, 呢隻係出名的企鵝雞, 其實同炸子雞差不多, 不過比較滑~ 幾好味呢~ 

一直以來對印度菜的印象不是太好, 感覺上味道太濃烈, 但近期看到這間在家附近的印度菜店有很好的評價, 而且這店的名字有"深井", 看來很有可能是本地化了的印度菜, 很特別吧~ 本著人一世物一世,咩都試下的宗旨, 是夜放工後一於行去試下~

6:45左右到達, 店舖的位置不是在大街上, 但門外鮮黃色的招牌很eye-catching! 甫進餐廳, 已聞到一陣香料的香味, 也有一陣燒烤的香氣。店內正播著疑似外語的歌曲, 驟眼看約有10-15張枱吧, 裝潢也頗有異國風情, 也許時間尚早, 店內只有少數人客, 正好可以讓我拍拍照~~ 我們選了一個近門口的位置坐下, 桌上有著頗特別的擺設呢~ 很快侍應便放下2杯有檸檬香味的水。看了menu, 都有不少選擇呢~ 我們看了一會又商量了一會後order了幾個item, 因為不知夠唔夠食, 所以先order 一份nan, 一羊一牛一菜~ 

order完後一會兒, 店家便送上了一份餐前小食: 香辣鬆化胡椒餅 $21 (7/10) (這是送的~~)一如其名, 這餅很脆和鬆化, 上面有一些芫茜, 洋蔥等香菜及少量香料鹽, 而餅內本身是混有胡椒一同烤焗, 微辣和清新的味道很適合做前菜; 另外還附上2種醬汁: 微辣的薄荷醬和酸甜的甜酸醬, 加在胡椒餅上進食都很開胃~

幾下就ko了胡椒餅, 接著上場的是那幾個主菜: 特色瑪沙拉羊肉 $89 (8/10)瑪沙拉是一種印度的signature咖哩, 味香濃而微辣, 不油膩。根據店家指出, 他們的咖哩主張以香料及食材為味道的根源, 烹調過程只用少量的油, 故口感沒有泰式咖哩幼滑, 但啖啖咖哩都有大量配料, 口感豐富, 易入口。羊是印度菜常用的食材(因印度人是不食豬肉), 我喜歡店家的羊肉是有咬口的, 不是一般鬆散的! 可以食得出這羊肉沒有加化學品去令它鬆軟, 羊味頗香濃, 羊羶味在咖哩的襯托下頗可以接受 (我不太好很羶)

試了一啖羊後, 真後悔沒有多叫一個白飯來送咖哩! 幸好這時我們點的芝士烤餅到了: 芝士烤餅 $32 (10/10)大愛烤餅! 這餅香而不油, 聞落有陣陣烤香, 正正是用正宗的clay oven烤出來的! 我很喜歡它的煙韌口感和實在的味道, 配上咖哩汁, 真是十分滿分! 

緊接上枱的是:原汁咖哩牛腩 $75 (8/10)一如其名, 有很重的牛肉味, 牛腩是厚切的片狀, 但一樣是tender但不散, 有嚼口, 加上因為surface area大, 件件都沾有很多的原汁, 而辣度較低, 這正突出了牛的原味呢! 可以感覺到用料的認真呢~ 另一很愛的菜式!

登登登登, 我看食評時最想試的菜式到了到了: 印式芝士波菜 $78 (10/10)波菜是打成碎, 加入易入口的香料和一件件芝士塊的煮成的, 在軟滑的波菜中吃到煙韌的芝士, 味道不是很濃, 可以大口大口的食, 真令人有開心的感覺!  這是最不辣的一道菜, 可以不配其他食物單吃, 真是十分出色的特色菜!

食到咁上下, 跟店家傾計, 提起那店中的燒烤味, 被告知原來這裡的燒烤都是用正宗的clay oven燒的! 事不宜遲, 立即再要一份燒烤來試試: 串燒雞柳 $78 (9/10)雞肉, 看樣子是乾身的, 好像不太特別, 由侍應幫忙加上lemon juice 後我地等左一陣才食, 想不到, 是嫩滑的!!!! 味道有著淡淡的烤香, 店家沒有用很多香料或調味來醃肉, 反而令雞肉的原味更突出! 店家表示, 因為他們用clay oven 來烤, 受熱快且勻, 所以很有效鎖住肉汁, 保持肉質鮮嫩; 不用太多調味是為了讓食客嚐到食物的原味及香烤味! 另一大愛呢!!

食飽飽, 再飲杯印度特色拉茶, 用的是印度地道的茶, 味道清淡易入口, 可以一試呢! 另外再食埋地道用來給食客除味的糖果和香料盒, 為這一餐畫上完美句號! 總括: 這是一家很適合香港人口味的印度菜, 值得推介~