之前食過brunch buffet, 食品和服務都不錯, 所以試下dinner buffet

打電話book 位時問左會有麵包蟹, 之前見到其他人的post 話麵包蟹好好味, 且價錢又不貴, 星期一至四都係$248only~ 抵

當日7:00左右到達, 感覺燈光比較暗, 比brunch 時浪漫了點

一開始立即去拿麵包蟹, 一打開, 嘩, 好多羔 !不過可能因為冷盤, 羔太硬了, 唔甜, 而且冇咩肉, 所以ko左半隻就收手, 轉食其他熟食同三文魚其他熟佷都不錯, 是正常的水準, 跟之前食brunch buffet 差不多, 而燒牛肉也保持到水準, 其中最above standard 的係呢個炸魚, 入面juicy出面脆, 且有鮮味~ 食完幾round肉類之後, 為左健康d, 都整左個沙律食, d羅馬生菜真係好新鮮呢~ 講真, 2百幾蚊食到呢個水準的buffet 係不錯的了~
另一提, 全晚係啤酒汽水橙汁任refill的~

打電話book枱先知道原來己轉了同集團的black stump. 接電話的人很有禮貌, 我因為不認識black stump而問了幾多問題, 那人都一一清楚解答 ^^

未去食已經留下了好的印象, 而牛牛亦不介意一同做白老鼠, 所以book了兩位

準時去到, 但發現沒有了我們的booking, 只有一個近似的, 可能就那一個吧! 由於肚戈餓, 且見現場有吉位, 也沒想太多就入座了

裝修依然是shakey's 的模樣, 只是少了些on wall 食物相, 簡潔了. menu 和shakey's 的差不多, 由$8x到$14x不等, 有pizza有pasta有扒, 我地2個人要左沙津做前菜, 要左一個夏威夷風光pizza & 雞肉長通粉, 2個都比shakey's 好食呢, 不管是漿汁或用料方面皆味道香濃,而pizza更有我最愛的芝士牽絲呢~~ 好味~~
不過coffee 真係同shakey's差唔多, 唔好飲.... 要扣少少分, 不過無損我倆食野同講心事講八卦野的好心情~~~

記得以前shakey's 的service 係麻麻的, 但現在的black stump, 可能仍然很新, 人人都很好笑容! 還有一個英文人不時問食客食物ok嗎等問題, 到我地差唔多食完時, 更主動問我地有冇興趣要他們的vip card, 堂食可以有最多15%off, 內另附 $400 coupon, 一年會藉 , 最重要的是, 係free of charge 的!!! 只要填簡單資料加個email 即成!! 下次再約人食lunch/dinner 都可以係幾好的選擇呢~~

希望佢keep得住水準, 唔好虎頭蛇尾呀~ 我會再來的, 因為有85折卡同埋above standard 的食物&service ~ 哈哈

摘了星的添好運, 對我來說是一個我一定不會去食野的地方, 一來怕熱(特別是mk那一間,又會有工作人員的朋友打尖), 二來, 又成日俾人調來調去, 吃飯都想食得安安樂樂, 三來, 怕等成幾個鐘, 似乎為了食那幾個點心所花的時間太多了, 不太值得. 所以一直都沒有食過. 不過現在好了, 中環有添好運, 看其他食評的食家也不是等很久便有位, 所以今晚放工就一於來排下隊, 會一會出名的添好運吧!!

是夜來到時, 已有10多人在店外等位, 前面約要等15張枱, 我見個wait list 等位的大多是2-3位的, 嘻嘻. 咁即係話有好多人拿了籌但走左喇~~ yeah!!! 應該唔使等好耐wor~~


因為沒有到過其他分店, 所以不能比較. 但眼見大部分人都是斯文人, 沒有出現打尖情況, 只是拿籌時混亂了一點. 環觀四周環境, 只見店內的空間都用得幾盡, 中間有幾張12-14人的橫枱, 人流被2人2人地面對面入坐, 隔離就是陌生人, 大家手臂踫手臂, 好不親密哦~~ 店的近邊位則是一些幾人枱, 有2人的, 有4人的, 在等的時間, 真希望有幸能坐2人枱呀!!!!!!

可能上天真是給我的誠意打動了, 我們被安排坐2人枱呀!!!!!!! 雖然坐位不寬敞, 但是, 已是這店內最豪華的坐位了!!! 仲有一壺"私家茶", 不用和其他人share呀!!!

由於在等位時已mark了食物, 所以等左5分鐘左右就有野食喇!這個不愧為招牌點心, 外皮香脆, 叉燒是一片片的, 偏甜少咸的那一種, 正是我愛的呢~~ 另可能因為turnover 高, 即叫即焗的關係, 所以都幾燙口, 正! 拾菜蝦餃: 我個人覺得呢個點心有好有唔好, 好是夠多菜, 感覺清淡中夾爽脆; 缺點是太多種菜, 且有一些質感怪異, 似是菜頭菜尾.... 蝦餃: 還可以.. 但沒有筍... 味道也不夠濃, 蝦肉爽口但不太有鮮味.... 個人還是比較喜歡蓮香居的蝦餃蝦腸: 同樣的問題..... 沒有蝦味... size只有平時的60-70%, 一條2隻蝦... 料少d 哦.....

另外仲order 左炸蝦卷, 也沒有什麼特別..... 不脆... 重油味... 不過叫做左d 菜的甜味喇

食後感:
如果要我花上幾個小時line up 食佢, 我會覺得唔值, 不過, 如果夜晚想食點心, 呢度都係可以考慮的地方丫, 反正放工時間都係等20分鐘左右, affordable 呀~
另外, d staff 收碟好快, 係加茶慢d, 同埋, 好多野賣唒... 食唔到粉果.... 我想, 店主都要諗下入定多少少貨la, 7點幾就呢樣冇0個樣冇, 唔得wor~

久違了的glo, 我們三人帶著期待到訪, 想像著會有一個豐富新奇難忘的pre-birthday午餐, 可是希望越大, 失望越大.

是日menu: (而沒有再花心思在menu 上highlight G, L, O 的字了... 是食物心思不再的先兆嗎 ? )前菜我們都要了salad with slow cooked egg. 菜是新鮮的, 上面有一些crispy的potato chips, 蛋也是滑的, 但是放在一起, 仍是菜和蛋, 中間的interaction 呢? 主菜選了duck leg risotto. 失望呢!!! 飯太軟身, 沒有彈牙的感覺, 鴨肉質感和味道都很不濟, 如果不是menu 有寫, 我會以為是煲完湯的豬月展肉... 豆是用急涷的雜菜粒, 一點鮮味都沒有.... 好失望呀......... 早知道不叫好友遠道而來慶生日喇.... 對不起呢..... 唉.... 甜品.... 幸好甜品沒有失準.... chocolate tart with coconut sorbet朱古力味道香濃, 中間仲有d流心!! 算是有surprise. 另coconut sorbet感覺清新可口, 總算能洗去少部分對主食的不滿. 不過都係不足以修補
對glo的失望 ....

drink: 要左cappoccino...... 和regular coffee這一餐, 有很多失望呢.... 另要一提.... 我猜是新來的waiter好似好迷糊咁, 係咪都應該做左briefing 先俾新人落場呢!?!? 話哂都係hotel 丫.... 又多一個失望... 係唔係太多笑令佢持寵生驕 ? 且加了價水準反而下降? 幾個月前那份對煮食藝術的熱誠那裡去了? 還是, 以後只可以在這裡食甜品 ? (另順便一提, 那牛油也縮了水.... 只有以前的一半....)唉.... 早知自己再試一次才決定介紹給朋友喇.......

期望會見到GLO回復當日熱誠的一天. 到了那一天, 我會再來的, 但現階段, 實在令人太失望了
這個喊, 不是因為它的食物不好/難食, 而是它的退步實在太明顯了, 那對食物的誠意已不復再. 如果付出百多元, 在這樣的一個不就腳的地方的一個LUNCH, 這樣的quality令人太失望了

一直都未去試過附近開左一段時間的safety stop, 於是趁今日放工唔想煮,試下佢喇~~

到達時已是7:30, 只見有2枱食客, 吉枱佔左8成.... 咁冷清點捱落去呢.......
我地選左sofa位坐低之後, waitress 好快就俾個menu 我地, 我找了一回兒...揾唔到門口menu 個炭燒西冷!?!? 問waitress, 佢開頭話冇... 咁我地話我諗多陣先, 佢話一陣再過來落單, 轉頭就講番話係有ge.... .... 都.... 幾亂....

講番食物, 我地叫左炭燒西冷配焗薯, 湯係mushroom soup. mushroom soup: 不是很creamy的那一種, 而是有清新感覺的湯. 咬落有些爽口的菇, 飲落都幾順滑, 不過.... 湯上面的蕃茜就不太好.... 同個湯的感覺不match... 畫蛇添足了..... 炭燒西冷配焗薯: 呢個係要俾like 的!! 我地要左5成熟就真係差唔多5成. 拿上來時已聞到好香的炭燒特有焦香味. 牛肉肉質有彈性, 不是用soda power "拿" 過的那一種, 且很有牛味!! 正 !!

個餐仲有drink. 我地都要左regular coffee. 係味濃且香的coffee.
普通coffee 都已經好好飲, 下次要try 下佢其他口味先得!

埋單218 (連加一), 仲有2張85折卡下次食野用. 都好ok 呀~~
會再來的 !!!

這間在大會堂的美心扒房平日中午這裡都很full, 而且餐湯都會out of stock, 環境較吵, 絕對是一間快快食完就要走的快餐餐廳.
到了夜晚, 由於人流少, 這裡變成一個聊天慢食的好地方. 另外也可以選擇坐window side, 可以一邊聊天一邊看中環夜景, 真是一個可以好好享受一頓優悠的dinner, 又可以hea一整晚的好地方

說回食物, 我點了金必多湯, 加一份有很多海鮮的主菜 (有石斑, 三文魚, 帶子, 蝦, 尤魚!), 配以煮的新薯, 澆上疑似用蛋黃煮成的惹味醬汁, 是很滿足的一個主菜.
至於金必多湯, 應該是裝修後改良了, 味道比以前rich, 更滑, 且湯中有幾可亂真的魚翅! 口感真的十分相似呢, 既不用殺害鯊魚, 又可滿足口慾, 何樂而不為呢~~

另外, 必須讚一下這裡侍應的服務. 我們由7:00 坐下至點餐, 由於二人太久沒見, 只是看menu 已用了差不多20分鐘, 中間沒有人嗺落單或以奇異目光注視, 且有問必答, 又不停加水
我們傾計傾到9:30, 發現所有客都已走了, 侍應們仍沒有趕我們走的企圖, 還為我們加水, 嘩~ 這窩心的服務, 絕對值得我再來呀~

(p.s. hsbc card 有9 折)

行過閈到好香, 買左兩樣野
1, 肉鬆蛋卷 ($16 13件): 入口鬆化, 一件兩啖, 不會太甜且牛油味香濃, 好味呢
2. 黑糖馬仔 ($15 8件): 打開包裝, 嘩, 好香, 食落唔甜, 酥軟, 不油膩, 好好味! 一次過食左兩件!! 如果唔係怕熱氣, 一定食多幾件先收口呢~~

雖不便宜, 但, "對自己好d, 食d 好野先" arma~

多年前去過上海城隍廟排了隊, 吃了一次它的小籠包, 雖然皮厚, 但很有風味, 那次真的吃得很滋味~ 到今天仍在回味呢今天到了香港分店吃飯, 當然一定要order 鮮肉小籠包 ($35 6件)
另外仲order 左幾樣食物: 東波肉($46); 素菜包 ($26 4件); 糯米燒賣 ($22 4件) 和砂鍋津白 ($55) 最先到的是東波肉, 份量少得很, 只有4小件, 差不多都是白肉部分, 而豬肉是粗糙, 硬及overcooked的, 真是令人失望! 本來以為呢一種打正上海老店旗號的食店應會對這一類主打菜都要表示出誠意呀.... 早知道就order紅燒肉喇... 接住糯米燒賣, 鮮肉小籠包和素菜包同時送到 (唔通佢地係一齊蒸ge?) 糯米燒賣味道都特別, 入面應該有類似菇和一些不知名的醬, 混合糯米燒賣面頭的糯米, 都幾好味, 燒賣皮較厚, 幸好醬汁味道濃郁, 所以整體感覺還可~~鮮肉小籠包反而皮薄, 且多汁, 味道鮮甜, 肉質彈牙, 唯一要彈的是, 太少薑絲了!素菜包是最不能挑剔, 菜和包的比例很好, 沒有 太薄的包, 同時間菜是爽脆的, 得難想像蒸的包會有這樣的口感, size又維持在4啖可KO的medium size, 令人吃得滿足~~ 本來想先吃一個就停手, 結果我一次過食左兩個, 哈哈

砂鍋津白的湯是奶白的, 當中配有咸肉, 蛋角, 肉粒, 竹笙, 草菇, 牛肚, 雞腎, 仲有少少瑤柱絲!! 真係幾好味! (結果... 唔記得左影佢相... 另外要提的, 是這裡的茶幾足料, 我們叫的貢品杭菊足足有半壺滿!!

下次再去, 試下紅燒肉先!!!

放工唔想煮飯, order左一個大manhattan 傳統批, 自取半價~
最like 個pizza 的蕃茄醬夠多, 配合牛肉粒和磨菇, 批邊不大而且夠脆, yummy!

14寸的pizza兩個人食真係太飽了... 哈哈哈哈

$64.5一個pizza, 真係太抵食了

放annual leave 最好係去唱k, 又平又可以唱耐d
今日去左neway, 由10:30 至4:00 都係$52-$58一位, 仲有自助salad bar (有湯有沙律, 不過唔refill) 和一杯冇酒精飲品

我地叫左一客牛排薯條和一客芝士焗石斑飯, 味道在karaoke中來都算係幾好, 至少薯條夠脆石斑夠彈牙~~

唱左幾個hour, 真係爽~~