又去食担担面, 一樣係少辣 (不過唔記得叫多麻.... 又真係冇咁麻... )另外, 叫set可以加$6要小食, 我地叫左
1. 紅油抄手 (3隻) : 個肉同小籠包係一樣的, 好似食緊薄皮小籠包咁... 2. 同埋鍋貼 (3隻): 炸得勁左d...不過放入担担面湯度一陣先食就好好味~ 外皮半脆半較, 咬開super juicy (因為d湯入左去), 好clever 的食法!因為呢期經濟面餐全日供應, 担担面餐 (連飲品和桂花糕) 都只係 $19... 係, 係$19! 真好抵食呀!!! 結果, 2個人都只係食左 $50, 係$25一個人, dinner 喎!

一直好鍾情carbonara, 愛它creamy得來有少少蛋黃的香味, 混合煙肉的咸香及煙燻氣味, 幾種香吷分開寺各有特色, 但在做得子好的carbonara身上, 它們互相配合得很有共鳴, 不會有任何一種味道搶味的情況! 今天, 我在這裡找到價錢相宜但味道很能産生共鳴的chef's carbonara (單價 $62)! 蛋黃, 是自行趁pasta剛送到時很熱時快速混合的, 在過程中, 那蛋汁和芝士汁接觸所産生的化學作用, 絕對是一個視覺和聞覺之享受, 混合好後真的急不及待吃一口, 結果太熱辣口, 哈哈哈哈, 太心急了! 接住吹左幾下, 終於可以試真個味: 口腔內的芝士忌廉汁在剛半熟的蛋黃陪伴下, 與煙肉的煙燻味在口中共舞tango, 亙相較量但同時互相合作互相補足; 彈牙之意粉的麵粉香則在濃味之中慢慢滲中... so wonderful!!!!!

這個, 真是我近年吃過最抵的carbonara!!!! 至於個iced coffee, 係合格的~ 味不濃但有after taste~ 不錯, good value for money 呢~ 環境都幾relaxing, 坐在sofa舒服地食個late tea, 真係好爽呢~~

行行下街肚餓想食dim sum, 就過左去食個tea
叫左3樣野: 雪山叉燒包 (9 分):
夠香夠脆夠熱, 應該真係即叫即焗, 一份有3個, 好味, 不過叉燒少左d...... 一個包得幾粒仔.... 春風得意腸 (9分):流沙包 (10分): 真係好好味. 聽講越流即係越多油...不過呢個入口一d都唔覺得油wor雖然貴左好多, 不過, 又真係樣樣都好食呢~~

呢期做promotion, $12一個魚堡加細汽水 (有coke zero/雀巢lemon tea)

魚堡我要左多醬, 有一整塊cheese (唔似m記得1/3塊...), drink 我叫左coke zero走冰, 果然正野都有好野

burger king, 我support你!!

好彩行快幾步, 因為遲5分鐘的人都已要等位了~~叫左3個餸 : 帶子粉絲煲 ($78): 份量幾多, 用瓦煲上, 食到最後都仲係熱ge, 好有風味! (10分)豉椒炒大蜆 ($50): 以豆豉及少量辣椒大火快炒, 夠火喉, 且一粒沙都冇 (老公話佢食到一粒, so poor~~ 哈哈哈哈), 好惹味呢 (9分)椒鹽九肚魚 ($60): 唔夠脆, 不過正合我地2個食得太多熱氣野ge為食貓的心意, 份量不太大, 也較味淡 (7分) 仲有紅豆沙呢 (送ge, 不過都有quality 架~~)

總括來說, 呢一餐, 真係好滿足

打完波肚餓, 行過見到早餐都係$20左右, 仲要由早供應到11:30am, 所以入去試下

入到去, 衛生真係唔多好, 桌面有灰, 大概是因為沒有關大門的關係. 不過, 既然已經坐下, 便姑且試下

叫了早餐b, 係火腿炒蛋牛油多配羅宋牛肉或雞肉通/米/意再加個茶走 ($20)
炒蛋幾滑, 火腿牛多正常, 羅宋牛肉或雞肉米味道濃郁, 有大量薯仔和菜, 真的是多菜少肉... 酸酸甜甜幾開胃!

如果不理會環境, 這個早餐算是抵食的

請國內同事食lunch, 一早訂了位, 且同事早左去拿位, 所以唔使等 (不過在門口聽到有人話: we still need to wait though we have booked a table long time ago... )
好彩早d叫人來jar!!! 如果唔係, 一行13人都幾麻煩!

一來到好快就有野食 (因為我地一早fax 左個order 到酒樓, 醒!)

鎮江肉排 : 一份有6-8件左右.... 所以冇食到.... 以10x的價格來說, 好似真係貴左d... 不過同事話都幾夠味
燒味併盤 : 有差燒同燒鴨, ,不過差燒過火左, 幸好個鴨都合格, 有彈性, 可以一試
荷葉飯: 上面有5隻蝦, 都爽口, 但沒有鮮味; 飯乾身, 可惜沒有荷香..... 可以不叫
蒜片牛柳: 這個是小菜中較出色的. 牛粒味濃, 肉汁豐富, 入口嫩滑, 推介!
咕嚕肉: 不脆, 幸好肉的質地軟濡令它加了一點分數. 最怕不脆但原來卻過火的咕嚕肉呢!
燒腩仔 vs 化皮乳豬: 前者如果是8分, 後者我會給5分.... 原因: 1. 性價比: 價錢差不多但份量是2:1; 2. 燒腩仔的皮是鬆化的, 反而化皮乳豬是脆的, 且超咸.... 不知道是我誤會還是化皮乳豬真該如此, 只是小女子膚淺不了解?

相比起來, 這裡點心雖然種類少, 但比小菜和主食出色, 例如蝦餃, 又彈牙味鮮, 又有不可缺少的筍! 味道比得上蓮香居; 差燒包也夠鬆, 差燒較大粒, 鬆較面包配上彈牙肉感, 口感不錯; 燒賣正常, 比其他酒樓的大粒

另外, 同事亦有叫其他食物, 不過我沒有試, 所以亦不予批評, 只知整體來說大家都是滿意的

埋單$2,400, 算是不貴呢!
同事們, 辛苦你們了~

見到咁多食評都話好食咪放工去試下lor
叫左下面3樣野, 2個good一個bad.... 個担担面... 係唔係應該有肉碎同花生? 我一粒都食唔到.... only 食到花生醬味.... 好失望lor..... 本來諗住如果佢好食就order 多一個主食... 但見到佢個担担面咁... 都係算la.... 冇mood 了

$2.5一個酥皮蛋撻, 買六送一
行過買左2個, 同老公一人一個, 好好味, 夠熱, 酥皮鬆化, 蛋汁又香又滑, 皮和蛋比例剛剛好~~ yammy
不過, 之後好後悔, 早知買6個喇.... 一個唔夠喉呀.......

另外亦買了2件栗子卷, 好大件, 上面有很多栗蓉, 卷蛋中亦是栗蓉"涵", 不過今次唔知係唔係因為佢落少左糖呢? 有一d酸, 不過我都係成件食唒, 哈哈哈哈~~

放工後四圍找吃的, 因為呢期使大左, 所以想找間平靚正的小店食dinner. 行到正街, 見到這裡有快餐, 有湯有飯連飲品都只係$28!! 再望入去都見有7成full, 所以, 即使店面好似舊左一d 都入去try下

入到去, menu上見到好多小時候去茶餐廳會見到的東西, 好像滾水蛋~~ 不過我地冇叫, 而係一人叫左一個是日快餐:
菜干豬骨湯 (7分) : 足料, 味道清甜, 應該加左蜜棗
黑椒牛扒飯 (7分) : 牛扒係茶餐廳一貫的薄牛扒, 雖然沒有太多牛味, 但質感仍是QQ 的彈牙的, 並沒有因下太多梳打粉而變得太軟~~
茶走 (8分) : 香,滑,濃 不過太夜就最好唔飲, 會失眠呀

另一樣我喜歡的, 就是那懷舊的吊風扇, 看著它慢慢的轉, 感覺很悠閒呢~~