其實我係888fans黎架~ stamp card 都儲滿過好幾次
響香港~ 如果想經濟d 食碗令人滿足既拉麵, 我自己就覺得888比到我.

以前我鐘意食味噌湯底, 不過依家我較為鐘意食豬骨湯底既拉麵,

<<<味噌湯底較為濃味, 師傅會先將豬肉碎同芽菜加麵豉醬炒香做成湯底>>>
<<<豬骨湯底味道不濃, 清甜>>>, 有成4,5塊叉燒, 叉燒為半肥半瘦, 食落唔會太乾, 麵底都幾多, 麵質彈牙, 基本上男仔食一碗都夠飽.
依家叫拉麵仲有得跟埋綠茶或者氣水, 之前冇的.
我仲加左粟米, $10, 就咁睇份量好似好少, 不過倒落碗麵之後就覺得份量其實都幾多.味噌拉麵, 味噌（みそ）其實姐係麵豉, 岩晒鐘意濃味既客人.
普通一碗拉麵$48都有2塊叉燒, 麵底份量都一樣咁多. 所以我覺得都幾經濟架~

食完碗再飲埋D湯就真係ICHIBAN!!!!!

唔多講了.
4個人叫左6樣野.先黎左個蠔仔粥, 其實起初食既時間味道都唔錯, 蠔仔味道幾鮮....可惜我就食到多蠔殼,
成塊拍甲咁大喎....當我唔好運啦.然後黎左炸大腸, 其實我本身都幾鐘意食炸大腸既, 不過呢度既大腸真都幾肥, 炸完出黎竟然唔熱的呢個蠔餅最失敗, 食打冷必叫既蠔餅個師傅都可以攪成咁, 首先個外觀似係有d炸過龍,
口感好林身, (但其實個味道係唔錯的), 炸完出黎可以一d都唔脆!.
食到底果2塊仲比d鼓油浸到林晒.....散晒..... 拼盤黎講鵝腸唔爽口, 覺得較為好食既係個腎, 同埋豬肉.豆卜芽菜呢味送合格, 同埋都算夠大碟, $32.鵝片等左好耐先到, 鵝肉冇咩鵝味, 肉質韌. 唔似我食開果d咁好食.

anyway, 如果係打冷我自己就唔會再黎.

一大班人黎到所以叫左好多送,
素鵝: 清清地又幾好味.北京填鴨: 好食, 食到停唔到口, 個薄餅皮夠薄, 令到咬落去既味道平均一點.京燒羊肉: 香, 蘇, 唔痴牙, 有風味! 好食!!牛肉絲叉子燒餅: 呢個牛肉絲用黎夾叉子餅我第一次食, 味道出乎意料咁好味, 必叫~!紅燒元蹄: 呢個紅燒既元蹄好肥, 不過燒得好好味, 表面好脆, 不過肉就有點硬. 最後食唔晒要打包.上湯豆苗: 勁大碟.上湯津白: 很普通松子魚: 表面偏硬, 不過食落魚肉幾鮮味.咕嚕雞球: 很普通咕嚕斑球: 很普通拔絲香蕉: 呢個幾特別架, 待應會拎盤冰水黎, 之後倒d香蕉粒入去, 表面甜脆, 裡面有熱啦啦既香蕉.

人多真係抵食好多, 11個人最少都叫左11樣送, 最後仲要樣樣都打包d返屋企食.

講到金鳳, 對香港人黎講應該係一個幾熟悉的餐廳,
如果想平平地又想頂下鋸扒癮其他呢度都唔錯.
六十幾蚊就有一扒餐, 都真係好過響快餐店度食個扒架~

平時我諗都唔使諗, 一坐低就T骨扒餐, 但竟然今日呀姐話賣晒....
無奈地我就叫左蘇格蘭肉眼扒餐. (跟餐仲有一個包, 湯, 同埋飲品)

<<< 個扒會有薯仔跟, 通常我地會叫佢分開上, 唔使比D汁攪到林晒>>>本人覺得個包同個湯都合格, 其實唔係特別好味, 只不過唔會係難食,
個包丁熱黎到記得即刻搽牛油食. 我就覺得好香好好食.份量小左, 以前只賣廿蚊既金銀蛋波菜依家要成28蚊. 貴....貴.....
雖然話就話貴...相比響其他餐廳的話, 其實價錢差不多.
我最鐘意食D 蒜頭粒. 勁正!!!今日既主角, 配左黑椒汁

<<< 今日個黑椒汁勁黑椒, 唔係太食得辣既人點返燒汁會好D>>>

2隻手掌咁大塊既肉眼扒, 冇錯食落真係好柔軟, 冇根, 唔痴牙,
但我就覺得好唔似牛扒....
真係唔知佢點解可以整到咁林.....
我都係鐘意食返T骨...真係有牛肉味好多!!!

餐飲!!
呢度既奶茶真係好似一杯水咁淡....唔知師父點攪.....咁多年都冇進步過....
飲熱朱古力好過!!!

今次7個人去食~

牛肉沙律: 這個味道一般
炭燒雞沙律: 口感特別, 裡面仲有海草, 炭燒味重, 呢個之後仲ENCORE!!!
厚燒玉子: 呢個招牌菜真係好食, 因為係即煮, 同埋唔會太甜, 記得夾D白蘿白蓉, 更好味~~
厚燒蟹肉玉子: 反而呢個加左蟹肉既玉子就冇咩特別, 基本上點普遍的已經夠了.

:chopstick: 刺身盤: 最好食係TORO,肥美, 甘香!!! 另外仲有大蝦, 個蝦頭最正!!! 三文魚刺身: 很一般. 唔值得叫. 蝦串燒: 蝦夠大隻, 所以燒完出黎都唔會縮水. 蝦肉彈牙, 鮮甜. 點知!!! 之後仲驚喜 就係個雞皮蝦串燒!
雞皮蝦串燒: 雞皮取代蝦殼包住蝦身, 中間仲夾住左一塊香葉, 表面好熱,好香, 好脆. 香葉中和味道, 蝦肉同上. 呢個值得一食!
和牛串燒: 叫得做和牛, 肉質一定有保證, 不過價錢有點貴, 比我會選擇多食一串牛舌~~
牛舌串燒: 就算唔鐘意食牛舌的, 試一舊, 我諗唔會有人講唔好食! 因為實在太好食, 所以最後ENCORE!!!
雞翼串燒: 一串有1.5隻, 唔杉口, 很香口, 呢個仲ENCORE!! 推介!!!
粟米串燒: 普通一條粟一燒, 表面有牛油香味, 粟米粒甜, 合格.豚肉露筍串燒: 薄薄既豚肉包住條粗身既露筍, 露筍唔會有渣, 好食! 記得試下.
豆腐: 這個連我咁鐘意食豆腐都覺得一般, 冇咩特別, 佢係炸過豆腐再林D汁同木魚響面頭.
ASAHI生啤: 叫左兩ROUND

<<< 整體係好好食, 不過好貴>>>

雖然呢度標榜食牛扒係出名.
但一直以黎講緊有8,9年, 我都未曾試過響呢度既扒.

無他既~ 都係想平平地食完就返屋企.
我比較鐘意呢度既格式, 檯椅都好闊落. 坐得舒服.

通貨彭脹, 今時今日食個炒河都要34蚊~ 聽落呢個價錢都算平 (其實有d地方28蚊,30蚊都大大碟熱啦啦香噴噴)先黎個乾炒牛河, 睇張相佢幾有光澤,
但其實都唔算多油, 個份量就適中,牛肉大大塊. 再黎一個菜遠斑塊炒麵.
呢個份量較大, 個麵底好多, 炸得好香脆.
不過我就覺得佢脆既範圍太大, 有d杉口,
如果中間"林"身麵多返d會好好多. (落單時同呀姐講聲, 個廚應該會因應要求去整既~~)

座無虛席!
等左一陣先有位.

叫左有:
套餐 - 勁大碗 加了酸辣, 足料泡製, 比較特出的有牛丸, 墨魚丸, 腩肉, 其他味道一般, 豬潤質感硬, 扣分!!!!
幸好! 米線夠彈牙! 加分!!!蒜泥白肉 - 香蒜撲鼻, 唔太辣, 很香, 但食完可以keep住18個鐘都有蒜味響口內....不過係好食....算~米線 - size 細小小. 不過都好大碗. 腩肉份量都好多下. 有誠意!!!<<< 仲有好多抵食既小食>>>賣單都係8十幾蚊. 仲要食到好飽

<<<兩個人其實可以叫一碗米線, 跟住叫2,3個小食都唔錯架~~>>>

5人行, 黎到星加坡餐廳食下飯傾下計,
朋友黎過, 話呢度D野食唔係樣樣好食, 要睇運氣
咁我地就叫左幾樣SHARE食.

肉骨茶 - 味道幾好, 好濃, 好少可有D咁濃味既肉骨茶
西冷牛扒 - 75一個扒餐算係經濟, 可選意粉/飯, 白/紅河, 肉質林, 大件, 鐵板上.
串燒(牛,豬,羊) - 都係鐵板上, 有12串, 各4串, 味道一般
薯容焗田縲 - 很一般, 冇味, 薯容唔香. 自己整仲好食....
海南雞 - 味道淡, 肉質幾滑, 最可惜都係D醬料唔好食....
咖哩牛腩 - 冇咩咖哩味既咖哩
墨西哥薄餅 - 好明顯係搵微波爐丁熱...2塊. 味道一般, 後來有個朋友拎左黎巻牛扒食, 反而唔錯
春巻 - 一般貨色. 你地都黎試試運氣吧
我地呢一餐都算OK
仲飲埋野傾埋計坐到11點.

<<<PS. 只收現金~ 記得拎夠現金喇~~>>>

又係銅鑼灣, 想30幾蚊攪掂一餐
下次可以黎試下呢間!

今次我就叫左一碗四寶河, 仲有一碟魚容付皮巻,
朋友叫左一碗五香豬排河.

四寶河有豬肉丸, 魚蛋, 墨魚丸, 魚片, 仲有紫菜.
呢度最好食既始終都係墨魚丸同豬肉丸.付皮巻10蚊有6條, 熱啦啦襯熱食, 味道ok.試左朋友小小五香豬排, 好好味,
見佢一碗裡面都有2塊剪開左既排, 份量都幾多.唔錯唔錯, 會再黎.

首先最煩係要預早比$100一個人DEPOSIT. 先至BOOK到位.

一行12人慶生, 坐正響堆食物既中間, 攞野食好方便.
今次第二次黎都係果句, 地方好細, 坐得好唔舒服.
時段為8:30 - 10:30

今次buffet主題話慶祝新年, 所以唔同平時, 多左中式菜款.
所以冇意粉, 變左填鴨, 貴紀雞, 松子魚, 蒜泥白肉.
不過其實呢d味道全部都麻麻地.

最主打既莫過於係生蠔, 長腳蟹, 刺身.先講講生蠔, 今次得2款, 分別係 SCOTTISH, 同埋 NEW ZEALAND,
SCOTTISH 味道清甜D
NEW ZEALAND 就重海水味D
本人就鐘意食SCOTTISH多D, 呢一晚一發不可收拾, 食左差不多廿隻.
<<<仲有, 呢度生蠔SIZE 好細. 唔好諗住會好大隻!>>>

長腳蟹, 基本上隻隻都好粗好長, 肉質非常彈牙, 鮮美, 值得食多幾隻.
我好好彩, 比我夾到條好似我手臂咁長既, 真係食一條都夠咁濟.

刺身, 三文魚必食. 呢度既三文魚又肥美, 又好味, 一食就知係好貨色.

另外仲有巴馬火腿夾蜜瓜, SALAND 都唔錯.

甜品我唔好, 不過今次送左一碟平果蘇皮巻, 係勁好食.
如果講特別的還有CHOCOLATE, COOKIE, 我都覺得唔錯.

<<<330黎講算差唔多了, 食生蠔同長腳蟹都夠回本~>>>