紀念日專燈黎返呢間響山頂既360食晚餐,
因為已經9點鐘所以冇咩人, 好寧靜.
仲坐返同上次一張檯
半年前同今次黎份menu 更新左, 內容其實大同少異.

一早已經諗定要食呢個豬仔骨!!
睇menu張相會比佢扼左, 因為張相得4細舊豬仔骨,
放心, 一黎到就見到有2大排!!!!!
上得好快, 唔知係唔係丁熱架呢~ 不過算啦, 味道唔錯, 最緊要係女友鐘意食.全靠個麻醬, 如果唔係基本上呢碟野係好普通.
不過唔緊要主要都係想食個清清地既沙律~再來一個和風蘑菇PIZZA~ (根本就係肉醬+蘑菇), FEEL唔到是什麼和風~~~
呢個PIZZA 中等SIZE 都有5件架~呢個等得最耐~ 咁我相信佢真係即焗既~
味道都係咁啦同一向食開的都~ 鐘意薯蓉既可以一試~黎都係為左食呢個~ (不過比以前細個左)
我女友真係一年365日都話想食, 所以大家可以試試係唔係真係咁好食.
我就覺得個批幾特別, 因為係一塊塊蘋果鋪面的. OK的.食咁多野賣單都係3百幾蚊2個人,
因為夠寧靜~ 所以情侶黎食飯個人都冇咁燥~

今日比我響旺角遇到呢一間餐廳~
諗都唔諗就入左去~ 一來唔使等位~ 二來環境唔算太差~一坐低就諗到想食酸辣湯同埋小籠飽, 仲有我們都最愛食既紅油炒手~
先來個湯~廿幾蚊都幾大碗~ 天氣凍凍地食完個人都真係幾暖~
個湯d料都算ok啦~

再黎就係蟮糊炒粗, $36蚊算幾大碟~ 分到4個碗~
蟮糊幾彈牙~ 份量ok~ 味道也ok~一放上檯都聞到好香~ $28 有大概6粒~
睇落好似好辣~ 其實就一d都唔辣, d香油同豉油好香, 仲有好多蔥響面頭~ 好好食!! 呢個 LIKE!!!!

主角最後出場!一放低已經見到全部小籠飽已經穿晒
熱係好熱....不過一咬........個皮好厚~
味道很淡.....完全影衰晒小籠飽既可愛之處!!!
呢個千其唔好叫!!!!! 一定後悔!!

算啦....平平地頂住上海癮~ 呢間野都可以接受既~

年近歲晚, 銅鑼灣真係人山人海,
黎到平時都唔使點等既清亭, 今日一上到黎就座無虛席.

叫左一碗火車頭好大碗架!!! 男仔一個人都夠飽!!
清河夠清甜~ 我鐘意加d魚露~ 好好味~
都幾夠料~ 牛丸, 肥牛, 牛腩, 牛根, 牛柏葉!

另外一碗係沙爹牛腩河個湯相反好濃~ 其實食河粉黎講我唔鐘意太濃湯~
不過味道算ok啦!! d 牛腩都炆得幾林~

最好味! 黎親一定要食既就一定係呢碟蒜香雞翼基本上我一個人可以食晒成碟, 但始終都係果句~ 小食多滋味~

服務一般, 可能因為實在太多人, d待應都做唔切~
最欣賞餐廳會供應一個布袋架你放手袋同埋行李~ 算係幾細心.

今日同屋企人一行5日預早食團年飯,
我就同佢地黎左呢間星馬餐廳開飯~

要問我點解食呢一間的話, 係因為佢呢個海鮮喇沙真係好味都爆,
再冇第二個地方個喇沙好味得過佢. 講堅~

例叫既肉骨茶一定唔少得, 味道唔係好特出, 不過頂下癮好過冇,再黎就叫左幾個小食分別係炸蝦餅同串燒, 仲有烤薄餅. 不過不失. 今日既主角就係咖哩肉蟹 ($198左右)
味道唔錯, 仲可以跟飯或薄餅, 很開胃.當然唔少得海鮮喇沙啦不過太心急食所以連相都冇影,
最後唔夠喉就叫多左碟雞.問我係唔係好好食. 我覺得.....不太驚喜, 只係肉質很嫩滑~
另外甜品選了炸香蕉. 幾特別. 喜歡香蕉的不妨一試~

呢晚開左2,3支啤酒, 不過價錢黎講唔值. 可以的話就唔好叫了~

呢間野次次黎都好多外國人黎幫襯. 應該guide book 有不少介紹~
今次我就好彩, 等左5分鐘 (有book位的)
如果平時walk-in 平均等15-20分鐘吧~

再一次黎到呢間耐唔耐就黎一次既南記~
時間係晚上既7點半
今次叫左碗肥牛小鍋米線~依然都係大大碗, 味菜很開胃~
只係肥牛熟左d~ '
呢個size絕對夠我呢隻恐龍飽足一晚~

但朋友話加左價~ 平均都加左2蚊~
我見佢cashier 後面塊menu 板咁新仲有燈箱就知一定係調整過d價錢~~~

其實呢度環境衛生算唔錯了, 要計埋客人流量~
所以快餐黎講絕對係一個唔錯既選擇~

作為半個銅鑼灣人,
這家麵店已經幫襯了至少6年~

到現在基本上每個星期都會去一次~
最喜歡這裡的坑腩, 崩沙, 還有我一定會介紹大家食的牛肉餅!!!

肉鮮味美~
牛肉餅很鮮很彈牙, 很香!!!

今次有d趕時間, 餓餓地叫左個雙拼河粉~寫單後先發覺原來加加價了....
現在食一碗雙拼也要35蚊~
當然~ 覺得貴啦~

但念在有D感情~
下次叫返單拼食得會開心D~

PS 小心男侍應會唔記得落單~ 有時見耐要提提佢~ 我試過等12分鐘一碗牛腩河 最後我趕時間冇食到就要走了.

清湯腩癮起真係唔講得少, 響銅鑼灣都要專燈行去食華姐清湯腩.
一坐低基本上就唔使諗,
一定係清湯腩~ 不過今次就叫呀叔比碗清湯坑腩我~ 黎到一睇個樣同平時叫普通腩一樣樣~
食落~ 都係一樣樣~
我諗其實冇分別....佢都係比返個腩你

湯清, 肉鮮~
見我連湯都飲晒就知碗野有幾好味.

如果大家個肚有D空檔,
可以叫埋個腩汁蘿白. 好好好清甜~

有D沖動想食多碗架~
不過....都係唔好去咁盡. 少食多滋味~

就是因為想食海南雞飯才走進這家坐滿了客人的泰國菜館!
落單才告知海南雞飯已經賣晒一刻, 當堂覺得很掃興.

算~ 反正喜歡食的多的是~

我和女友最後點了
冬蔭公, 泰式鮮蝦炒金邊粉先來的是冬蔭公, 看上去都是一個標準的SIZE,
"不"起來就看見有很大隻蝦!! 一共4隻~
每隻都已去殼, 和挑腸~ 有誠意!!
味道很好, 有風味~
可以"不" 4碗!不是很大碟, 可說是適中~~
4隻蝦相信和煮冬蔭公的一樣~~ 都是去了殼, 和挑腸!
但最驚喜的就是那金邊粉的口感, 很彈牙~~~
是我食過的最好味~

最後甜品就是香芒椰汁糯米飯,
可選(白, 黑, 綠)
我們選了白黑!!
來了!一放入口就不得了, 很香! 很甜!
好食的就不用多說!
這個一定要叫呀!!!!

雖然早幾日已經book左位, 不過去到都要等大概15分鐘
今次全男班7個人, 算大鵬人喇呱

第一次黎呢間越南餐廳, 入到去第一個感覺就係........細!!!
真係好細間, 我諗得10張檯咁上下,
所以如果想坐得舒服既就一定唔好黎呢間喇.

因為今次一大把兄弟出黎吹水食飯, 所以我顧住吹水冇影到相,
但唔緊要, 我記得我地食過d咩!!!!

一叫就叫左豬頸肉, 拼盤, 火車頭湯河, 蝦餅, 春卷 (本來想叫蟹餅! 因為未食過....但係冇....)
另外仲有雞絲湯河, 扎肉湯河, 蒜香雞翼, 焗蒜蓉青口, 牛柳炒紅飯, 咖哩牛腩煲

其實樣樣野都係一般水準, 最好食係 蒜香雞翼
焗蒜蓉青口 好香好鮮味!!!

呢2樣野真係最深印象~ 因為真係好好味
另外野飲都幾大杯, 小弟就叫左杯咸檸7, 飲足個半鐘~~~

反而最唔好食係豬頸肉 >>> 太乾
另外仲有果個牛柳炒紅飯 >>> 牛柳用左好濃既汁去炒, 味道ok, 但係個飯我真係唔識得欣賞.......
待應招呼都算周到~ 感覺唔錯.

賣單每人$90蚊. 前後坐左2個鐘...
不過就真係坐得好唔舒服

舊同學生日飯, 又唔想食火鍋咁燥, 又話要響屯門市中心附近設宴.
我靈機一動~ 就諗起呢間青森日本料理.
唔係經常黎, 但最鐘意呢度既沙律, 青瓜很爽~
雖然地方唔大, 但5個人的話, 最好都係黎呢d舖頭仔食野~
絕對唔會趕你走~~~~

今次好彩, 完全唔使排隊, 入到去仲有張檯岩岩夠5個人坐之餘仲有個位可以放衫放袋.

落單~ 我地叫左個肥牛菇鍋, 牛油果軟殼蟹卷, 三文魚壽司, 玉子壽司, 甜蝦壽司, 曼魚壽司, 帆立貝壽司, 蟹子沙律先黎肥牛菇鍋, 煮法有點特別, 唔係有個火響鍋底果種, 另外個汁結結地, 味道可以.牛油果軟殼蟹卷......個軟殼蟹硬到好似紙皮咁, 仲有放頂既飛魚子好腥.....所以呢個唔好叫喇下次....仲要唔抵食....人人都鐘意既三文魚壽司, 冇錯雖然好長, 好大件, 不過三文魚味好淡~ 冇左果重甘香 @@玉子壽司都係我既至愛!! 呢度$15蚊2件係貴左少少, 不過絕對抵食!!!!!!
另外個甜蝦壽司....好大隻, 大到一d都唔係正統既甜蝦....不妨一試.

最後唔夠飽再叫左個煎餃子, 味道可以.
仲有最重要係encore 個三文魚壽司同埋玉子壽司.

因為舊同學生日自携生日CAKE, 冇另外收費.
8點坐到佢地差唔多收舖都冇比面色我地睇, 待應態度唔錯,
埋單每人仲送一粒雪米磁......天寒地凍食雪米磁真係心都寒埋.