是日下午外出工作，之後行過此地，心癢癢想試下新出的雙牛包
因小弟極愛雙層芝士孖堡，所以呢個只需要 $8 但少一塊CHEESE 對我來說是個不錯的便宜選擇

味道與雙層芝士孖堡沒有分別，牛好味，最重要係酸瓜依然有 2塊！
正正正正正!

是晚享受了 "順德村" 的粥後，兩口子決定依照當年拍拖路程行去旺角
這個行程一定會經過義順，而我們亦會 ORDER 兩客凍的雙皮奶

味道與多年前一樣沒有變 (已經有2年多沒有來)
太太仍會在吃第一口後面上表現出幸福非常的樣子
我也會減慢品嚐的速度來細味它
彷彿那個時間是很漫長~ 腦海亦浮現當年第一次來這裡的情境 (十年前了)

這一間的義順 (有別於其他分店)，對於我倆來說，不單是味道的回憶，也是關係的回憶

今午與太太談及晚飯地點 - 對於我們這對少飯夫婦，一星期總有幾晚外出食飯
她看到網上講起呢間粥店，加上 OPENRICE 食評有讚冇彈，決定去試一試

在地鐵站行 5分鐘便到，到達時只看到有一個客 (大約 6:35)，店內職員全在廚房
等了一會也沒有人來落單，正納悶之際其中一個職員出來，但表示暫不落單
聽另一枱客說 7:00 才正式營業 - 這樣我們豈不要等半小時~~~幸好他們 6:50 開始落單 - 當時已有5、6 枱客，太太要一個奄仔蟹粥，我要三寶粥
另外要一個油炸鬼、魚皮、炸鯪魚球 (請注意，落單的職員沒有表情，很酷，不要對她太有期望 XD)

由落單到有食物到又再等15分鐘，先來的是油器 (其實一早放於舖前，只是沒有人安排分派)
因為太餓了，所以先吃了一點 - 不錯，脆脆的
之後我的三寶粥先到，太太不吃魚，但用油器 DIP 了魚粥，因魚粥的鮮味，油器變得更美味及後爽魚皮及炸魚球都預備好了，魚皮味道很好，那些豉油完全被吸收，加上有魚皮花生、薑及蔥，味道更佳
另外炸魚球都不錯，大大粒，ORDER 小的已有 5 粒，但蜆蚧味道有些腥味，少少失望吃這兩款小食很容易會與羅富記的相比，我與太太都覺得魚皮是這裡做的好，尤其是每塊魚皮都吸收到豉油
亦加上羅富記沒有加的花生 - 原來這樣配襯是增加味道，羅富記的比較可取是魚皮較冷，爽脆感更好~
至於魚球真的是羅富記好，由魚球炸出來的效果，到蜆蚧的味道，只是個子比這裡的小

終於到主角出場 - 來這裡其中一個原因是為這個蟹粥，但是.....
未放在枱上已經嗅到燶味....好失望
但太太堅持不換 (怕再等多15分鐘) ，為了不讓太太吃太多燶的便提議SHARE 食
幸好她也喜歡吃魚粥，我嚐過蟹粥都覺得不錯 (不算太燶，但蟹的味有少少被蓋過，仍美味 )
而他們用的蟹很肥美，$4X 一碗蟹粥但用料如此的足也值得一讚基本上如果不是早到的話，等15-20 分鐘是沒有問題~
食物亦是很有水準、用料上乘，價錢又合理，值得再去，希望下次D粥唔會再有燶啦...

今午同同事食，比個同事老點話去機利文新街食 CURRY，大家明明記得果度冇CURRY 食.....
當然最後係搵唔到傳聞的 CURRY，取而代之係求其搵間
見呢間排晒隊，大家又好想食下其他野既情況就揀呢間

地方就 UPUP DUPDUP，不過中環食LUNCH就只要求快 & 價錢合理，地方乾淨與否不考慮 (乾淨D都貴)
等左一陣就有位，係坐 COCKLOFT，因為之前等位時已經看了MENU，所以即刻落ORDER
4個人有3個都叫左喇沙 (2油麵1米粉)，另外一個叫黃薑飯

我叫左的喇沙油麵係鮮味蠔仔，講真係唔好要求有賣相，但係就好好味 - 好多蠔仔
個喇沙湯係我食完個麵之後 KO 左一半 (本身都叫左飲品，但唔係因為口渴，係個湯幾好味 - 不過飲品叫左龍鳳檸樂，要加 $7 )
基本大家對個喇沙都讚好 - 一個食海鮮喇沙油麵，一個食唔知咩料既喇沙米粉
只係有個食雞翼黃薑飯講個飯普通，雞翼OK

下次再來試個海鮮麵先~

今日有人請食TEA，所以大家打算個LUNCH 唔好食咁飽
所以諗住食少少野，我提議上次去過的新香園食個麵

去到個四眼哥仔叫我地等等 (剛好FULL 左)，等左一陣就有位
叫左個沙薑雞翼麵同凍奶茶，D 雞翼味道唔錯，只係個麵比較普通
凍奶茶就淡淡的 - 其實早兩星期來過，當時都是飲凍奶茶，覺得味道好OK~ 今次就真係好唔得!

上次除左叫麵 & 奶茶外，再加多個奶醬多 - 奶醬多係唔錯GEI

總括來說簡單吃一個 LUNCH 係OK~ 希望下次個MILK TEA 好D 啦~

之前曾打算在復活節假到 LAMMA ISLAND 一遊，但因天氣不穩而最終取消
今次假期鐵定要到 LAMMA ISLAND 走一趟，所以一早兩口子到達中環碼頭
乘搭 11:50 船到索罟灣

到達後先醫肚，選擇了威記 - 已經是第 4次幫襯他們本來較出名的應該是 RAINBOW，但有一次我們在RAINBOW 吃DINNER (貪有免費船返中環)
覺得個價錢好貴但又唔係真係咁好食，仲要係碼頭吹左勁耐風先有船 (因為索罟灣晚上較大風)
自始之後就選擇由索罟灣行去榕樹灣

威記是有兩款二人餐提供 (有鮑魚 & 冇鮑魚)，1月1日已經食過餐
今次改為自己散叫，最後叫左三餸一炒飯

先來個豉椒炒蜆，蜆洗得乾淨、炒得好、美味，好多肉 (唔係淨係個壳)自從一次試過呢個椒鹽鮮魷之後，每次都要叫，外面的漿薄薄的加上魷魚熱騰騰，好好味呀~~~!!!惟一一個是以 "市價" 的餸 - 豉油皇大蝦，$98 但係蝦好新鮮，做得好靚又好味~唔記得佢個名，總之係特色的炒飯，味道不錯~吃這些惹味的食物 + 天氣熱，特別需要啤酒，叫了一罐兩份飲其實唔明點解次次都係其他食肆坐滿了而威記只有 3、4 枱客
(當然我除左 RAINBOW 之外其他我都冇食過)

今天阿頭請食LUNCH，全TEAM 14個人浩浩蕩蕩到呢間新開的日本食肆 (之前曾是韓式食肆)
裝修黑黑的不算太差，但位置相對之前食肆為寬闊，坐得較舒服坐下看看餐牌，價錢也合理 (與之前的韓店價錢差不多，大約是大吉的價錢)因為是一張長枱，所以14人較難傾計
我 ORDER 了蔥吞拿魚腩蓉飯，對面同事 ORDER 了三文魚子魚片飯
等了大約10 分鐘送來了一個前菜、飯及湯但前菜OK 的 - 生果粒 + 菜，火龍果粒很酸，但蜜瓜粒係好甜，對比很大 XD
我在蔥吞拿魚腩蓉飯上加些豉油，味道不錯呢，魚腩蓉很肥美，飯都可以的~
湯就NO SURPRISE~

問過下對面同事那一個飯，她說不錯的，只是魚片較薄，魚子鹹了一點點吃飽了還送我們一客甜品 - 每人一小球雪糕 (有4款, 綠茶、紅豆、芝麻、菠蘿)
我選了菠蘿 - 有菠蘿粒的，味道不錯，不知是不是HANDMADE?

總括來說都不錯的，侍應就比較 GREEN，唔算好醒目，但都唔算差
但回到公司同事們的 COMMENTS 好不同，有些覺得好差，有些覺得一般
差的多數是ORDER 壽司魚生類，一般的是ORDER 銀鱈魚，點解同枱的人的COMMENTS 有咁大分歧?

之前答應表妹要係佢考完 AL 請她吃好的朱古力
見這間的佈置精緻，便去試試 (買之前沒有看過其他評論) 就佈置上實在很吸引，所以與太太買了一些嚐嚐朱古力包裝、外觀都不錯，惟獨是味道不是太特別
(後來看其他 COMMENTS 都說飲品很好，或者下一次試試飲品)

公司由去年底有個 TRAINING，要逢星期三放工後到太古的 "地利亞" 上課
由第一次食到今次最後一次，都只係食 PEPPER LUNCH
原因係 (1) 快，對起我係朗豪坊每次都大排長龍
(2) 平 - $50 內已經有這樣美味的黑椒牛肉鐵板飯
(3) 美味 - 每次都係食黑椒牛肉飯加大，每次都期望下星期再吃 (但係唔期望上課 XD)

今次係最後一堂，要好好咁享受 - 所以加左 $ 加隻蛋
對於一個係九龍住的人，要咁多個星期遲放工仲要係香港果邊真係唔太好
幸好有這個美食 "陪" 住我~ 未來可能很少機會再吃了 @_@

晚飯後 (晚餐到了黃枝記，但好似地方唔係太傾到計)
轉去附近的 Haagen Dazs 食甜點、聊聊天
本來打算去 Starbucks，但太太想吃點雪糕 (天氣太熱了)

三個人各點一個甜點，但係因為 D 名太難記，所以只可以用照片再加上解釋
食物基本是不錯~ 但最值得讚是他們的服務，我們吃完後坐了差不多一小時
他們收起餐具後也不時添水，讓我們可以多聊一會，也沒有很騷擾 / 趕客，Good~