之前 team reform，阿頭想齊人食返餐，見呢間新開張好似幾靚仔，就決定去食返餐
全team 人12個人 book 左房，其實都唔係太多人~

lunch 有2個set，我地多數叫呢個executive set - 都唔平大家多數叫係 3 個 COURSES，頭盤可以揀湯或者前菜，多數同事揀三文魚前菜之前例牌有包，呢度D包同STICK 都好好味，又有得添主菜同事多數選羊架 - 嘩！超大件，2個人share 都仲得，有同事食唔晒 XDD，不過都話正！我就揀左燒吞拿魚塊，半生熟，味道好OK~ (燒得剛剛好)另外女仔們就選意大利飯，賣相不錯，但冇問佢地味道如何3 COURSES 就有埋甜品 - 睇OPENRICE D 人講佢地甜品好得
所以我叫左個 CHOCOLATE CAKE - 真係好得，加埋個ICE-CREAM更加正有同事叫左另一個有MACROON, SORBET，佢地話都唔錯我地叫甜品時WAITER 送左幾塊乾橙皮 - 話佢地用唔知咩方法整，甜甜地
最後仲飲埋 COFFEE - 係唔包係個餐度，另計。但係飲埋先叫做完滿~

今餐多謝阿頭請~ (仲要咁貴 )

寫返第一次食呢間焗飯的經歷
記得當天外出工作，就連LUNCH TIME 都冇時間食
同上司交代一聲就係大家食完飯的時候先出去

可能因為非 LUNCH HOUR，所以好多地方都冇咩人
行到上環見呢間 UPUP DUPDUP，價錢又抵就入去試下
$28 個焗飯再加 (好似) $3 凍飲，見佢叫自己焗飯專家就叫左個焗飯
我唔記得佢個名堂 (有成十幾款焗飯任你揀)，好似係雙汁 (黑椒 + 葡汁) 鴨胸飯但好記得係味道好好，$28 係中環有時真係食唔到D咩....
加上個凍奶茶，簡直係 PERFECT~

之後的日子都試過買外賣，係一條友食飯 (除左同太太食 / 同事食以外) 的一個平靚正選擇!

之前成日睇D人介紹呢間食肆，終於食到第一次
因為工作要同同事去佐敦附近，做完野大家講起不如食TEA
我就問起澳洲牛奶公司，兩位同事都 OK 便由佢地帶隊 (原來得我未食過 )

係OPENRICE 有人話佢地D SERVICE 好差又趕人走
我就冇咁既經驗，D STAFF 仲比我地慢慢睇個餐牌 (可能係下午四點幾唔多人 - 唔FULL，所以佢地都冇催我地)女同事A 叫左個燉奶, 男同事B 叫左個快餐，我第一次試就食個午餐 (係比快餐多個通粉)炒蛋確實滑 & 有蛋香，通粉也不錯，奶茶亦很正！吃得很飽呢~
期待下次再出去行時再食~

平日中環返工，揀地方食午飯永遠都係最頭痛的事
偶爾會選擇一些較遠離工作地方的午飯點

比較多去的是嘉咸~ 因為貪其方便、近，但又有少少遠離中環
又加上佢地的食物做得很好~

太太多數點 "鮑魚粒紅米飯"，而我則每次不同
今天吃了 "鴨胸天使麵"

鮑魚粒紅米飯 基本上係冇投訴，上碟已經好香，紅米好有口感~
反而第一次試的天使麵有驚喜，鴨胸味道很好，就連我不喜的天使麵也做得很好，只是吃多一點有些鹹
飯後沒有點甜品 (打算去買蔗汁糕)，但之前試過MUD CAKE - 勁正！未試過就一定要試!