放假出去發掘下有咩新店 見到呢間試業鼎家喜筷， 就黎會一會先。 店內出名燒鵝，咁就要試喇。 ＊招牌柑橘燒鵝瀨＊ 唔用甜酸醬改用柑橘醬點燒鵝， 果然有新鮮感， 鵝皮脆，肉又唔會燒都死實， 湯底有大地魚加胡椒香味， 瀨粉煙韌好有驚喜 ＊原隻生炸雞脾沙律＊ 原隻生炸雞脾皮脆肉嫩， 沙律中加入沙葛清新，唔錯。 ＊豉油雞脾薯條＊ 帶有淡淡八角味既豉油雞脾， 而薯條帶有清清既松露鹽味。

行開長洲見到小巷有呢間鋪， 夏天天氣又濕又熱見到薏米水已經心心眼 ， 再睇埋價錢＄16，吸引到呢～ 即買，入口檸檬清香， 但薏米味就淡左， 不過都鍾意。 再買埋個紅棗杞子燉桃膠， 價錢都係＄16枝， 入口膠質感帶紅棗杞子淡香味 味道又唔會太甜，唔錯。 下次入長洲一定要再試其他。

去開坪洲拜金花娘娘， 諗住去醫肚， 行過見到就去試下， 我地一行四人， 三個人坐低左， 先有一個唔知係咪老闆娘既人話， 呢度只招待會員著我地離開， 咁我地唯有尷尬起身離開。。。 當時成間餐廳啲人都望住我地， 好似以為我地係帶手帶入去食野咁。 但門口無寫只招待會員， 只一間茶餐廳做到自己咁高級， 真係唔敢幫襯， 再番睇open rice 大部分評價都係服務差， 今日真係慶幸。

好耐無入黎元朗想試一試呢度既點心， 嘩。。。比起出面既酒樓， 真係可以考慮唔洗黎食， 反而之前黎食晚飯重好。 相都唔想影 不過既然係寫食評， 分享下都應該既 豉汁蒸排骨~肉質嚡到無朋友。 鮮竹牛肉~嘩。。鮮竹都可以好似曬乾左咁，牛肉直情係實到好似要練牙力咁。 香煎腸粉~上枱都幾靚既，可惜又係粉厚，唔好食。 豉汁蒸鳳爪~都唔錯既，味道適中，又唔會太乾身。 奶黃馬拉糕~係仍然保持水準之作，入口軟綿綿，唔太甜。 P.S 元朗應該有其他酒樓好食過佢， 呢度留番食晚飯先黎

閒逛看見門口有點懷舊感覺， 兒時回憶湧上心頭😍 甫進餐廳內即時。。。嘩的一聲😮 內裏有如進了當年的歡樂天地， 有玩的，吃的，賣的， 只影相打卡已很吸引😂😂 當然要試一試這餐廳是否如此懷舊吧～ 跟餐廳服務員傾談下， 原來這裏的廚師都是65歲以上的， 所以食品都是用上傳統的手法。 迷你焗豬扒飯 聽聞這個醬料是茄醬茄膏茄汁做的， 也難怪比坊間其他餐廳的味道比較濃郁， 跟豬扒不太濃味而軟身的口感恰到好處。 雞肶沙律 雞肶外脆內嫩， 個人覺得雞皮咸了點， 但肉類嫩滑， 沙律中規中矩， 賣相吸引。 加料邪惡西多士 聽名字很有趣， 原來是用上芝士做餡， 西多外面仍帶點脆， 切開西多士芝士仍是軟滑的😋 無敵風火輪 在桌上介紹時已被這摩天輪吸引， 內裏包括5種食物雞翼，腸仔煙肉卷， 雞串，薯條，蝦餅。 整體味道都不錯。 **這餐廳無論大小朋友都可以在這裏玩玩，逛逛，吃吃喝喝，值得推介，臨走時仍見有人排隊等進場玩耍😂

同朋友行開v city見到個名好特別， 即管入去試一試， 呢度枱與枱之間唔會太迫， 三五知己聚會之選， 服務員跟餐點菜上菜服務都ok。 珍多冰 - 椰汁味唔夠香濃，味道比較淡。 泰式炸蝦餅 - 外皮似用腐竹包著蝦肉做，食起黎外脆蝦肉爽，唔錯。 泰式春卷 - 用米網做皮炸，所以個皮入口好脆，餡內帶有少許芋香，所以一上枱要即食。 鹵水豬脾 - 豬脾啖啖肉亦炆得好淋，唔多食皮既我都覺得個皮炆到唔油，幾好。 馬拉盞炒通菜 - 油左啲，馬拉盞味唔夠香濃。 泰式海鮮炒金邊粉 - 海鮮用料新鮮，金邊粉炒得唔錯。

有新店開當然要去試啦! 可能新店的關係, 所以人不多, 但可體會什麼是服務. 這裡每張卡座也有用紗分隔, 很有私人空間感!
因為不太多人的關係, 經理還給我們介紹了這食府的環境, 有情侶座, 獨立私人房可供多人開派對用, 讓人感覺舒適私密. 還有一角可供三五知己"歡樂時光", 並有串燒小食供應.

今夜可能客人不多, 經理還請我們吃了酒吧內供應的小食.
鹿兒島鹽燒雞翼 - 雞翼燒得皮脆肉嫩, 雖是小食, 但仍可見他們的細心.

土耳其鹽燒火雞腎 - 從未嚐過這種大而爽口的火雞腎, 薄切加鹽燒佐酒一流.

牛柳 - 連名字也忘了, 只記得味道帶點蜜糖味, 牛柳也腍.

香桃椰林 - 即是椰汁, 香蕉加蜜桃酒. 簡直像是為女仕而設, 酒精度不高, 消暑解渴, 甜甜的容易入口, 所以朋友嚐後也說有點醉意.

Jack 7 - 薄荷酒加7-up, 又一易入口的飲品, 我把它清光了.

今天經理推介菜單如下:

頭盆

美國Blue point蠔 - 較重鹹水味, 蠔身不厚.
法國White Peral 蠔 - 味道清淡, 鮮甜.
** 經理還介紹我們呷少量香檳, 嘩! 原來目的是提升蠔的鮮甜. **

意大利十年黑醋沙律 - 看似簡單的一個沙律, 卻發現重點是那意大利十年黑醋, 微酸中帶點甜, 果真特別!

北海道帶子 - 初嚐這半生熟帶子, 鮮嫩肉厚配上魚子,薄片芝士及火箭草, 幻化那餘甜在口中.

紐西蘭白酒煮藍青口 - 藍青口肉質比較鮮嫩, 未端上桌已聞到那白酒混上青口的鮮味. 入口揮發酒香鮮甜的味道.

湯

極級龍蝦湯 - 龍蝦湯一呷就像把整隻龍蝦嚥下, 因為那濃郁的味道簡直令人回味. 請教經理後, 原本這湯連蝦頭蝦殼也一併煮, 然後打成濃湯, 難怪味道如此香濃幼滑.

白松露雜菌湯 - 白松露比較多人選用的材料，而且也比較健康！小巧精緻，濃度適中，分量恰到好處！

主菜

美國安格斯西冷牛扒 - 略帶少許牛的脂肪, 肉質鮮嫩, 如能濃一點牛味更佳, 不過肉質仍軟腍. (配上IN SITU紅酒, 不愛酒的我也淺嚐少許, 真的與牛互相輝映)

香煎澳洲紅立魚 - 魚肉嫩滑, 味道不錯. (奉上白酒一杯, 清清的像跟魚拍拖去)

西班牙豬扒 - 香草混些微炸粉, 入口香草蓋過豬扒味, 所以有點失望, 如若愛香草味的食家也應不錯.

甜品

法式焦糖燉蛋(凍) - 焦糖薄薄一片, 燉蛋嫩滑, 一少口焦糖, 一少口燉蛋, 甜道剛好, 誰也搶不了誰的角色.

極品藍山一號咖啡 - 酒保在開放酒吧沖調時, 已傳來陣陣咖啡香氣, 來到面前又是小巧的一杯, 糖奶不加時, 簡直是一杯Expresso! 但最窩心之處在於用暖cream代替淡奶, 令咖啡帶出那香, 濃, 滑. 使咖啡味停留在口腔內久久未散.

後記 : 跟經理傾談間發現, 原來食府所用餐具大部份也是購自法國, 而且食物中間有停頓位給客人能夠真正享受美食, 並在食品之間加配香檳, 紅白酒等, 真的讓人有賓至如歸的感覺.

好朋友生日, 又係荃灣之友, 又係新開, 當然要試啦!

帶子賽螃蟹 - 帶子鮮甜，不過蛋白炒得一般！

沙拉蝦球 - 蝦爽口，千島沙律醬炒得剛好。

片皮鴨二食（七彩炒鴨絲）- 鴨片得薄，鴨肉唔太多，但皮夠脆，而且唔太肥，個薄餅唔太厚都唔錯。七彩炒鴨絲, 鴨肉唔會炒到韌, 而且味道清清地, OK!

上湯龍蝦（伊麵底）- 龍煆肉唔多，不過味道唔錯，伊麵又爽口。

啫啫芥蘭煲 - 唔夠惹味, 比較普通嘅一味菜.

紅燒豆腐 - 豆腐滑, 味道唔錯嘅簡單小菜.

蜜糖豆炒牛柳粒 - 牛柳粒味濃又腍身, 炒得唔錯.

砵酒焗蠔 - 蠔唔夠肥味, 不過砵酒清香, 味道唔差.

順德椒鹽骨 - 比較乾, 而且排骨無咩肉.

西芹炒雙蚌 - 珊瑚蚌, 貴紀蚌鮮甜, 不過油多咗d.

紅豆沙 - 起沙而又唔太甜.

朋友話想食泰國菜, 諗起呢間就腳又唔差.

生蝦刺身 - 生蝦鮮甜爽口, 配埋個泰式汁, 唔錯!

木瓜絲沙律 - 有d 失望, 木瓜絲唔太爽口, 欠缺木瓜絲嘅清甜, 麻麻.

咖喱炒蟹 - 咖喱汁做得唔錯, 唔太辣啱我口味! 而且咖喱汁無蓋過蟹嘅鮮甜.

明爐烏頭 - 加入好多香料, 新鮮味美!

泰式拼盤 - 炸蝦餅, 雞翼同春卷都各有特色, 而且味道做得唔錯.

泰式炒椰菜苗 - 椰菜苗炒得又係唔太腍, 味道一般.

芒果蟹肉炒飯 - 呢個組合幾得意, 芒果清甜(不過有部份酸), 蟹肉鮮味, 飯身乾, 幾好.

芒果糯米飯 - 我以為係黑糯米, 點知係白糯米, 椰漿太甜, 味道..

蒜茸飽 - 唔夠脆, 無咩蒜茸香, 一般!

印度薄餅 - 一般嘅印度薄餅, 無咩特別, 可以.

椰汁綠豆冰 - 又一失望, 以為係綠豆蓉, 點知係原粒綠豆, 一般.

炒貴刃 - 鮮蝦爽口, 炒得乾身而且帶少許酸甜幾得意.

後記 : 我哋order 咗4人套餐, 因為餐牌無寫咖喱炒蟹跟蒜茸飽之類, 咁我哋就order 埋蒜茸飽, 但服務員話蒜茸飽跟餐送, 唔需要再叫, 咁我哋咪無再叫囉! 點知咖喱炒蟹都上咗枱, 等極都無蒜茸飽, 我哋就追啦! 另一個服務員竟然話我哋個餐唔包蒜茸飽! 我哋就話你哋個服務員話包我哋先無叫喎!
哈哈! 個服務員再答:"唔好意思呀! 嗰個係新同事, 佢答錯咗你" 答錯唔緊要, 但係都要同我哋講聲嘛!!!

今晚去會展聽演唱會, 又想食個簡簡單單嘅晚餐. 因為去完東平洲晒咗成日無咩胃口.

醉雞 - 花雕清香雞嫩滑, 唔錯！

上海粗炒 - 麵炒得剛好，味道唔錯！

炒鱔糊 - 黃鱔爽口，韮王，芽菜也炒得惹味！

酸辣湯 - 不嗜辣的我也能吃，而且配料豐富，味道好！

青菜燴麵 - 燴麵要控制得宜才好吃，否則可能會太糊口或太硬，老字號真的做得不錯，而且湯底清甜！

炸春卷 - 椰菜肉絲做餡即炸，外皮脆而不太油膩！

小籠包 - 個人而言，味道一般，而且也不是皮薄餡靚那種。

豆沙鍋餅 - 即做而不太甜，不過過了點火喉. 有點焦.