飯後甜品, 朋友話想食呢間, 而我又未試過, go !

火焰雪山 (朱古力雪糕) - 端上枱沒有火, 有點失望, 但賣相不錯, 蛋白同cream入口即溶, 而且不太甜, 底層雪糕還可以自選, 實在適合我這愛自由配搭的人, 雪糕也是味濃而滑. 讚!

心太軟配綠茶雪糕 - 切開即見朱古力滲出, 朱古力蛋糕鬆軟味濃, 不錯.

朋友("蘇","珮", "昌")生日, 又想試下新菜式, 見個名咁特別, 就睇下係咪咁o了o能先.

鹽焗鵝 - 鹽焗雞食得多, 鹽焗鵝都係第一次食, 鵝肉唔韌, 而且鹽焗帶出鵝嘅鮮味.

姬蟲茸燉螺頭 - 螺頭鮮甜, 加埋雞同豬肉去燉, 清清地好滋潤嘅湯.

豉椒炒蜆 - 白蜆唔夠甜味, 豉椒亦炒唔出嗰種獲氣.

順德煎釀尖椒 - 一個好傳統嘅順德菜, 魚肉做得唔散, 唔錯.

梅菜炒菜芯 - 梅菜唔甜, 而且菜芯老咗d, 所以唔太好味.

順德焗魚腸 - 魚腸有少少腥, 所以麻麻.

豉汁蒸大魚頭 - 新鮮大魚頭, 用豉汁蒸, 鮮甜嫩滑, 好味!

蜆介鯪魚球 - 外皮用粉絲炸, 可惜鯪魚球做得比較實, 而且味道一般.

啫啫芥蘭煲 - 用蝦糕去炒, 然後煲仔上枱, 好惹味!

桂花糕 - 送嘅甜品, 桂花清香, 唔太甜, 不過做得唔實淨, 一夾散開.

P.S. 鹽焗鵝, 姬蟲茸燉螺頭係要預訂既, 想食記得訂咗先.

有車, 所以揀d 平時少去嘅地方, 九龍城---應該食泰國菜.

魷魚炒鹹蛋 - 聽個名好特別, 所以試下, 出o黎個效果又唔錯喎! 魷魚仍然鮮嫩, 鹹蛋味唔多, 個汁用o黎送飯或者蒜茸飽, ok.

芥蘭炒脆肉 - 比較油, 味道一般, 不過芥蘭炒得腍, 可以既. 脆肉其實係义燒.

蒜茸飽 - 蒜茸味唔多, 不過都可以.

特式什錦拼盆 - 炸春卷入面有d 粉絲, 而且味道唔錯, 重好脆.
荷葉包雞, 清香荷葉味, 雞肉做到外脆肉嫩, 唔錯.
炸魚餅 - 炸得硬身咗d, 味道一般.
炸蝦餅 - 粉漿鬆脆, 蝦味鮮甜.
炸蝦片, 即炸, 新鮮, 脆口, 唔錯.

燒鰂魚 - 好少食鰂魚, 而且多數食蒸既, 不過條魚燒得好香, 原來裹面加咗香茅一齊燒, 配埋泰式醬, 好味!

咖喱炒蟹 - 賣相唔差, 蟹鮮甜, 個咖喱做得唔錯, 唔會太稠, 不過略嫌蟹嘅份量少d.

芒果沙冰 - 夏日炎炎, 沙冰係消暑之一, 芒果味濃又唔太甜.

後記:街市地方唔太大, 而且位與位之間比較迫.

陪朋友去買錶, 行下行下諗起呢度, 開頭重以為係美國嘅漢堡飽! 原來係made in Korea.

The Matiz - 入面嘅牛肉餅做得好鬆軟, 芝士, 厚切蕃茄, 青瓜加生菜, 簡簡單單一個漢堡飽, 唔錯!

Mega bite - 用麥包配double 牛肉餅裏面加埋A1 牛排汁同燒汁, 重有淡淡tabasco 香味. 嘩! 要分開上下層食呀! yummy !

Cajun chicken salad - 炸雞好鬆軟入味, 即叫即炸, 肉質好嫩! 西式雜菜新鮮配意式沙律醬, 果味黑醋, fresh得o黎又健康!

Chili cheese Fries - 芝士味濃軟滑, 肉醬鮮味鋪喺即炸內軟外脫嘅薯條上, 正!

**每個飽都跟一個雜菜(粟米, 青豆, 紅蘿蔔), 上枱時以前係白烚, 原來係用好香嘅牛油煮過, 一d 都唔馬虎! 讚!

終於可以再試喇! 之前食過已經覺得好好味, 但每次都book唔到位, 今日晏晝過到o黎, 即刻book位先! 各位食家要食, 記得book位先呀!

砵酒牛尾 - 牛尾燜得好腍, 砵酒溶和喺個汁度互相輝映.

咖喱蟹 - 我愛咖喱汁比較濃, 不過今次個汁唔太稠, 但味道唔差, 而且蟹味鮮甜.

燴焗馬介休 - 第一次食呢種煮法嘅馬介休, 入面加咗薯仔, 蛋, 洋蔥, 橄欖一齊, 味道超正!

葡國雞 - 葡汁香濃, 雞嫩滑, 一個字, 正!!!

馬介休炒椰菜 - 馬介休係醃鹹咗嘅魚, 魚肉較實, 炒起o黎唔會散開, 加埋椰菜,味道啱啱好.

豬肉粒炒蜆 - 豬肉粒一放入口, 問題就o黎, 點解可以炒到好似牛肉咁爽口呢? 蜆肉大大粒, 配炸過嘅薯粒一齊炒. 菜式有創意又好味. 如果佐酒, perfect

豬仔飽 - 即烘, 外脆心軟! 無論配砵酒牛尾, 咖喱蟹或者葡國雞都一流.

媽咪生日遇上柏景做"蝦蟹鮮味自助餐"點可以唔做孝順女呢? fb重有7折coupon, 正!

菜式唔少, 所以揀選個人喜好同大家分享一下.**祝願媽咪身體健康! 食得走得.

蘭芳園喺信德中心開分店, 實在係一眾過大海人士早餐之選.

薯仔鮮茄火腿通粉 - 薯仔煲得好腍, 蕃茄做到湯底好濃, 好好味!

奶油豬仔飽 - 外脆內軟, 奶油分量平均, 唔錯.

茶走 - 奶味稍重, 一般.

銀芽炒麵 - 炒麵無咩味道, 可賣相ok.

蠔豉豬骨粥 - 火喉足, 材料足, 係好粥.

咖央西多 - 食唔出咖央味, 普通一個西多, ok.

三五知己, 不常相聚, 難得見面, 簡單菜式, 坐得舒適.

上湯魚腐浸莧菜 - 魚腐賣相像墨魚丸, 入口像棉花糖, 沒什麼味道. 上湯莧菜, 味道清淡.

海皇玉子豆腐 - 玉子豆腐嫩滑, 而且不吝嗇地加上不少海鮮, 有蝦, 蠔, 帶子, 蚌, 魷魚....等等, 味道不錯.

千島醬京都骨 - 京都骨味道不錯, 可惜肉質粗糙了點, 否則更好.

燒汁季豆牛柳粒 - 牛柳粒入口嫩腍, 四季豆有點乾燒感覺, 配上燒汁, 其味不凡.

桂花紅豆糕 - 味道不太甜, 桂花帶清香.

銀果芋泥 - 銀果即白果, 芋泥偏甜, 但不失幼滑.

今日無飯食, 即慶同朋友一齊入大圍食泰菜.

酸辣去骨鳳爪 - 落咗好多洋蔥, 蔥, 香料令去晒骨嘅鳳爪好好味, 又爽口.

馬拉盞炒椰菜苗 - 椰菜苗炒得唔夠腍身, 但味道OK

泰式炒蜆 - 嚴格而論, 個蜆似大花甲多, 泰式醬比一般嘅炒法入味, 可惜分量少咗ddd.

炸蝦餅 - 炸蝦餅爽口, 而且粉漿適中, 好味.

燒生蠔 - 蠔不太大, 而且唔太惹味.

串燒(牛肉, 豬肉, 雞腎, 鱔) - 我哋order 嘅串燒都燒得皮脆肉嫩, 配合沙嗲醬, 味美.

朋友介紹呢間泰國菜兼且一齊慶祝朋友生日. 不過店舖感覺似家庭式經營.

炸蝦餅 - 賣相不吸引, 只將蝦膠炸完再切開, 不像坊間一件件的炸.

泰式春卷 - 皮韌餡料不多, 扣分.

生蝦刺身 - 說是生蝦刺身, 何解蝦身像灼過一樣? 只可解釋不夠新觧, 而且加入蒜頭令味道失真, 反而魚露調得不錯.

冬蔭公 - 足料海鮮加秀珍菇令湯清甜, 配上各式香料, 連不嗜辣的我也嚐了幾口.

豬肉炒金邊粉 - 金邊粉炒得比較乾身, 不過炒法似港式, 味道一般.

木瓜絲沙律 - 木瓜絲不爽口, 而且酸甜度做得麻麻, 辣度十足.

明爐烏頭 - 烏頭不太大, 而且像是用冬蔭公湯底上枱, 魚肉不太滑, 而且多細骨, 個人覺得麻麻.

炒椰菜苗 - 味道較辣且帶甜, 椰菜苗炒得不夠腍.

炸蝦春卷 - 圍蝦size, 粉醬過厚, 可取是即炸.

炸蟹拑 - 新鮮即炸, 可是卻吃不出蟹肉味, 反似用蝦膠做多一點點.

咖喱蟹法國飽 - 法國飽甫上枱已經嘩然! 因為個飽好大呀! 平常咖喱都係跟蒜茸飽或者薄餅. 此處較有心思用法國飽, 而且法國飽是即焗既, 皮脆心軟, 我們還再追加. 咖喱汁並沒有用椰汁, 卻有淡淡的香料味! yummy ! 唯蟹肉不多.