家姐入開荃灣約我晚膳, 簡簡單單就翠華啦!

我揀咗是日晚餐
羅宋湯+豬仔飽 - 豬仔飽可謂佢哋嘅店鎮之寶, 當然有品質保証, 可惜今晚個飽唔夠熱, 扣咗D分, 但羅宋湯濃味, 重加咗好多材料, 好味.

黑椒豬手西冷牛扒薯菜 - 豬手似德國鹹豬手嘅味道, 只係加咗黑椒汁, 不過個黑椒汁都唔差. 牛扒就韌咗D, 而且黑椒味蓋過咗牛扒味. 最奇景嘅係我叫薯菜, 佢哋可以搭咗D飯比我!!!!

茶走 - 茶香濃滑, 唔錯.

P.S. 家姐喺我order嘅時候叫咗個瑞士雞翼麵, 點知到我差唔多食完都未到. 於是就問下啦, 服務員話無落order喎, 明明頭先係呢個服務員幫我哋落單, 佢聽唔聽到都應該repeat order, 佢唔單只唔覺得自己有問題, 重無意識問我哋重要唔要. 呢D真係要改進下喇!

工作上嘅忙碌令我缺少咗喘息嘅空間....最後決定自駕享受一個自在嘅週末, 久違嘅大尾篤, 發現咗呢度. 一個悠閒嘅茶座!

雞翼沙律 - 雞翼係即炸既, 而且皮脆肉嫩, 帶有淮鹽味, 唔錯. 沙律除咗罐頭什果重加咗青瓜, 幾好.

香蔥薄餅 - 唔太特別, 因為同某個急凍牌子嘅薄餅係一樣味.

涼粉冰 - 天氣熱, 食涼粉冰簡直係透心涼, 而且涼粉爽口又唔太甜, 好味!

某程度上間唔中都鍾意幫襯下大排檔, 一來有佢哋嘅獨特風味, 二來係支持下囉! 今日好想食上海麵, 就算30度高溫下仍支持呢間兒時舊居嘅大排檔.

豉汁鳳爪牛腩上海麵 - 鍾意佢哋嘅細心將雪菜同蔥分開. 鳳爪入味而仍帶炸過嘅口感, 牛腩更是十年不變的炆得腍, 牛筋,腩分佈適中, 好好味. 上海麵亦煮到剛好, 唔會糊口.

菜肉雲吞 - 自家包一隻湯葖size, 皮薄而菜肉平均, 味道唔錯.

炸豬扒 - 即叫即炸, 重幫你剪開方便食. 豬扒唔太厚用麵包糠炸, 唔錯.

茶走 - 茶味濃中帶點苦. 唔好飲.

之前參加咗openrice 嘅活動, 送咗個免費午餐buffet 卷, 有效期3個月, 最好係星期六都可以用. 雖然要返工, 不過放工都即刻喺金鐘飛的去.
今次終於都有free lunch, 可惜又係唔可以同唯一分享. 不過仍有家人同我共享.

酒店好寬敞, 舒適. 重有seaview添, 食品分區清晰, 服務員禮貌可躬. 不過略嫌refill 食物慢咗啲, 可能因為重有差唔多一個鐘頭食完嘅關係啦!

一班相識多年嘅舊同事, 依家已經變成好姊妹. 以前為咗就我喺旺角放晏, 而揀咗呢度. 如今時間飛逝, 我已經唔洗返旺角同收晏, 但我哋仍然選擇呢度作為我哋嘅聚腳點. 雖然見到好多劣評, 不過個人而言, 真係唔係太差, 而且一間西餐廳食中菜, 當然會有失色嘅地方.

羅宋湯 - 好濃味, 而且湯料都唔少, 唔錯. (個人喜歡跟餐飽多啲, 而且呢度嘅蒜茸飽硬咗啲, 麻麻地)

莧菜忌廉汁焗扇貝 - 賣相好似比翼相飛咁, 幾靚! 扇貝重加上芝士一齊焗, 忌廉汁好creamy, 所以唔會令扇貝乾或者韌. 好味!

燒肉眼扒黑椒汁配牛油薯茸 - 肉眼腍身, 連有筋部份都唔韌, 不過牛味就唔濃, 但都唔差.

之前有雜誌介紹"明師傅"係前酒店廚師主理, 又開多咗間, 當然要試下啦!

西瓜盅 - 賣相好靚, 可惜唔多西瓜肉, 只得西米, 椰果, 火龍果. 不過配比較少甜品店用嘅椰子雪糕, 香滑椰子味! 重跟埋西瓜汁, 唔錯.

焦糖燉蛋 - 面層焦糖做到幾脆, 又唔會太甜. 燉蛋好滑, 可惜奶味重咗啲, 如果唔係重好味! 跟埋生果, 真係細心.

之前見做甜品任食, 今次想試試. 點知做完lu. 所以有優惠, 真係要好好把握呀! 不過今日仍然選擇呢度食飯.

今日揀咗呢個超值歡聚四人餐 ($360)

頭盤
至尊小食大拼盆
香酥魷魚鬚 - 魷魚鬚唔韌, 爽口, 又無太多嘅粉漿, 唔錯.
清酒凍澳茄 - 唔太愛蕃茄嘅我無試到, 但外型都幾靚.
蒜香牛仔腸 - 薄切加洋蔥一齊炒, 牛仔腸亦好香蒜味!
家鄉煎魚餅 - 賣相似泰式魚餅, 不過都OK.

忌廉磨菇湯 - 個湯好creamy, 磨菇濃味, 重夾雜磨菇碎, 好想encore! 如果跟埋餐飽或者多士重好.

主菜
XO醬美國牛柳粒炒飯 - 牛柳粒腍身, 不過個飯好似陽州炒飯, 好多蔥. 味道唔差.
挪威鮮三文魚椰香海鮮湯飯 - 好濃嘅海鮮湯, 帶椰香味, 配什菌同脆肉瓜, 三文魚炸過, 去除腥味好好味!
焗葡國腸雞柳蔥油薄餅 - 雖然叫薄餅, 但係就用咗酥餅做底, 芝士溶入個餅度, 香酥味濃, 好味!
彩椒羊仔柳串燒伴鮮茄汁雜菜煮直通粉 - 彩椒味甜, 羊仔柳唔羶, 味道唔差, 但配茄汁個人覺得有啲唔夾, 而且直通粉唔夠腍身.

甜品
花生榛子雪芭 - 三角形好得意, 帶少許花生碎混埋榛子, 入口溶化, 好味!
綠茶焦糖燉蛋 - 焦糖燉蛋食得多, 綠茶味都係第一次食. 焦糖面脆口, 蛋燉得幾滑, 綠茶味清香, 唔錯.

柑桔蜜 - 普普通通嘅一杯餐飲, 唔太甜, 都OK.

後記: 5個人都食唔晒呢個餐, 如果唔係太大食要留意lu.

人生六十古來稀, 同事今年六十大壽, 太太秘密安排我們一班同事為他慶祝, 給他意外驚喜! 她真是細心! 這裡有coupon 優惠, 所以便來嚐嚐. 而這地方又給人有一種傳統的感覺.

江南大花拼 - 燻魚, 烤麩好像沒有解凍, 入口感覺太冷了! 雞絲粉皮, 鴨胸, 肴肉味道也不錯.

蔥花脆皮蝦仁 - 簡單的一道菜沒什麼特別的地方, 唯蝦仁爽口, 粉漿也醮得剛好.

蜜糖豆炒花枝鳳片 - 個人感覺比較油的一道菜, 但味道可以.

紅燒竹笙雞絲翅 - 竹笙與雞絲切得細細的, 仍帶有一些碎翅, 翅身亦濃度適中, 不會太湯的感覺. 味道不錯.

豆酥大石班 - 豆酥是用綠豆混合蒜蓉做的, 香味可口, 而且石班起了骨, 入口啖啖肉, 非常美味.

生菜片海鮮崧 - 說是海鮮崧, 不過多是蝦肉, 加上一些沙葛同炒, 清清的效果也不錯.

富貴鮑片扒時蔬 - 也是一道大眾化的菜式. 簡簡單單吧!

脆皮豉油雞 - 脆皮雞講求皮脆肉嫩, 但這雞肉炸得乾身了點, 感覺比較油膩, 還是喜歡那炸蝦片多一點. 熱烘烘的又不失乾脆.

菜粒薑米炒飯 - 薑米可吃不到, 可是加上菜粒, 蔥花, 蛋白, 還有少許瑤柱絲同炒, 飯粒乾身, 味道不錯.

壽飽 - 白蓮蓉作饀, 皮薄而不太甜, 不錯.

紅豆沙 - 做得不夠沙, 稀了一點, 一般吧!

P.S. 這裡的服務值得加許, 除跟進上菜情況, 還主動幫我們拍照.
在此祝願濤哥"福如東海, 壽比南山" !

有幾次經過都見到好多人, 心想有機會都試下先. 今日同朋友打完波, 就o黎試lu.

滷水拼盆 - 老闆好好比我哋自由拼, 墨魚, 腎, 豬腸. 滷水味唔太濃, 不過味道ok. 豬腸又唔會太肥.

潮式煮蜆 - 本來想食豉椒炒蜆, 老闆又提議我哋試下呢個煮法. 味道又唔錯喎, 清清地又帶胡椒味. 個感覺似食胡椒豬肚湯.

蠔餅 - 呢度嘅蠔餅同出面唔同, 佢哋係炸既, 所以比較乾身, 個粉漿亦好脆口, 不過蠔肉就唔多.

上湯菜芯 - 呢度一d 都唔吝嗇, 雖然係上湯菜芯, 仍有一些什菌鋪面, 菜芯唔老又甜.

客家黃酒雞 - 雞係煎過既, 用黃酒, 紅棗, 薑片一齊煮, 唔愛酒嘅我嚐了一點點. 味道唔差, 而且d 雞都滑.

好耐無去深圳揼骨, 襯放假去relax 下兼搵食先! 朋友介紹咗呢間泰國菜, 哈哈....原來呢度話攞咗泰國皇家頒發嘅世界"泰精選"餐廳認証. 唔怪得佢哋嘅食材新鮮, 而且服務好貼心週到. 上至經理會問我哋點嘅菜o黎晒未, 下至各服務員都會跟貼上菜情況.涼伴青木瓜絲 - 好鍾意泰式嘅木瓜沙律, 呢度叫涼伴, 味道都ok, 不過青木瓜絲略嫌切得唔夠幼, 咬口差咗dd, 而且加花生有d 怪.泰皇酥炸拼盆
炸蝦餅 - 外脆而餡唔會太實, 蝦膠仍食到一d 細細粒嘅蝦肉.
荷葉包雞 - 雞肉嫩滑, 味道ok
炸蝦 - 粉漿一般, 不過圍蝦爽口.
炸香蕉 - 香蕉唔夠香, 食落甜味多d.
炸春卷 - 用粉絲, 紅蘿蔔絲, 木耳等等做餡料, 香脆好味. 招牌泰皇咖喱炒肉蟹 - 肉蟹好新鮮, 咖喱溝埋蟹膏等一齊炒, 可能有d 人會唔鍾意個咖喱比較稠, 不過我ok, 而且點蒜茸飽或者印度薄餅就match 喇! 可惜呢度只係跟厚細切方飽, 但方飽又唔熱, 所以扣分. 服務員都推介另一個薄蝦餅, 可惜個拼盆已經有炸蝦餅, 所以無考慮.清蒸香茅桂花魚 - 明爐魚係泰國菜嘅特色之一! 香茅清香撲鼻, 加埋青檸味道不凡, 桂花魚肉滑骨少啱晒我呢d 怕骨嘅人.XO醬炒西蘭花 - XO醬混入一粒粒蝦米乾, 好鮮美, 可惜西蘭花煮得唔太稔. 菠蘿炒飯 - 上枱已經覺得賣相好得意, 唔知係咪因為個菠蘿裝唔晒d 飯, 所以另外用個碗仔一齊上呢? 個飯用蟹柳, 粟米, 菠蘿等去炒, 上面加肉鬆同腰果, 而且炒得乾身, 不過有d 菠蘿係酸既.炭燒沙嗲(牛肉, 雞肉) - 牛肉有d 韌, 有d 渣, 麻麻, 不過雞肉就燒得皮脆肉嫩, 敗筆係佢個沙嗲偏甜.後記 : 直至今個月尾, 餐廳promote 食滿$100 送$30 現金劵.
另飲品買2 送1, 場內重有live band 表演, 而且唱功唔差.
如果一班朋友去重有VIP 房添, 可以考慮開個小型party 呀!