近日常出外食, 都唔知食咩好? 食得中菜多, 今次就揀韓國菜啦!

前菜
涼瓜肉片 - 苦瓜味甘又爽口, 幾得意嘅凍食前菜.
泡菜 - 韓國菜點少得泡菜呢? 不過呢個泡菜鹹咗d, 而且對不嗜辣嘅我o黎講辣咗dd.
大豆芽 - 呢度係白灼既, 不過大豆芽本身都甜.
昆布湯 - 似味精湯多d, 唔好飲.

蘆薈蜜 - 唔太甜, 而且唔吝嗇都唔少蘆薈肉.

肥牛鍋 (豬骨湯底) - 眼見湯底白雪雪以為好味, 點知換o黎失望2字. 因為無咩味. 連牛肉都係無咩味, 呢個鍋除咗賣相, 真係麻麻.

韓式炒年糕(走辣) - 韓國嘅年糕好煙韌, 要配合炒法同配料先可以帶出炒年糕嘅神髓, 不過呢個炒年糕唔好味.

牛肉石鍋飯 - 配菜好多, 感覺滿滿, 不過味道淡咗d, 但石鍋嘅飯焦好脆好味呀!

鐵板牛, 豬肉 - 牛肉熟咗d, 豬肉反而煮得幾惹味,

鐵板牛仔骨 - 唔多筋, 好入味, 唔錯.

眼見好多地方都賣大大塊雞扒, 今日路過見到就試下啦!

呢度sell 即叫即炸, 不過實在等得太耐喇! 而且等嘅位置近巴士站, 企喺度等感覺好阻街.

有10種口味比你揀嘅雞排, 我揀咗蒜味, 真係大大件, 不過無咩味道, 好似只係靠味粉咁, 我只欣賞佢係即炸, 但味道真係麻麻, 應該唔會再幫襯lu.

朋友本想食隔離明記, 點知無開. 咁就幫襯咗呢度. 返o黎睇番Open Rice先知食評麻麻, 不過我又覺得唔錯喎! 唔知係咪見到太多劣評而改善咗呢?

豉椒炒蟶子 - 蟶子漲卜卜, 豉椒炒得幾有鑊氣. 唔錯.

香炸墨魚餅 - 手打墨魚好爽口, 而且炸得好香口.

西蘭花百合花枝片 - 花枝片好新鮮爽口, 加埋百合, 韮王, 冬菇同西蘭花一齊炒, 味道唔差, 不過油咗d.

香煎蠔仔餅 - 成個碟咁大, 蠔仔唔太多, 蛋多, 味道一般.

豉椒炒鵝腸 - 同炒蟶子嘅味道差唔多, 而且份量都唔少, 鵝腸爽脆, 青椒重好甜添.

蒜茸粉絲蒸扇貝 - 個扇貝好細粒, 反而蒜茸粉絲就比較多, ok啦!

P.S. 現場坐位迫咗d, 而且比較嘈.

一班唔同部門嘅同事, 難得聚首一堂, 所以約埋一齊食新年兼做節午餐. 平時人多多數會去飲茶, 今次試下阿拉先! 返咗青衣咁耐都唔知有呢間嘢!

午市麵點套餐
鎮江餚肉 - 味道都可以, 一般水準啦!
雪菜粉皮 - 清淡味, 不過粉皮都幾滑.
鮮肉鍋貼 - 皮薄餡多, 如果再煎香口d, 會更好.
阿拉酸辣麵 - 酸辣湯底較糊口, 味道都ok.
熱薏米水 - 喺咁凍天時飲一杯熱飲, 感覺暖暖的, 而薏米水又唔太甜.

午市客飯套餐
燻魚 - 燻得唔太入味, 甜咗d, 而且多碎骨.
毛豆素雞 - 唔太難做嘅菜, 無咩特別.
銀芽鱔糊 - 銀芽都幾多, 鱔糊炒得幾好味.
糖醋排骨 - 酸甜味適中, 排骨亦唔肥, 唔錯.

另加-
醉雞 - 酒清香, 雞嫩滑, 好味.
高力 (奶皇) - 高力豆莎食得多, 奶皇餡就比較少食, 不過一樣做得唔差, 奶皇餡又唔太甜.

見到其他食家對佢嘅評語都麻麻, 不過愛lunch 去茶記嘅我都試下係咪咁差先, 因為每次經過都見有人等位, 應該唔差喎!

鳳爪排骨蒸飯 - 雖然係茶記, 但仍有心思將d 餸排得好好睇睇! 排骨同鳳爪腍身入味, d 飯蒸得幾乾身又唔會硬, 好味!

茶走 - 一般, 茶味太濃, 唔夠滑.

**朋友叫嘅北菇滑雞飯都唔錯, 而呢度我見好多人都係食常餐, 厚多士都幾好既.

P.S 可能係lunch 時間都幾多人, 而且地方都迫迫地.

聽演唱會當然要揀近紅館啦! 喺尖沙咀見到呢間茶餐廳!

茄燴豬扒意 - 用埋新鮮蕃茄做燴汁加埋洋蔥都唔錯, 豬扒腍, ok.

茶走 - 茶味太濃, 而且沖得麻麻.

服務員忘記比餐具我, 到我叫嘅時候, 個义濕不特止, 上面...
嘩! 餐廳最好留意呢d 情況, 而且有待改善呀!

沙嗲王 - 記憶中係一間開咗好耐嘅食肆, 依家仍然有佢嘅生存之道.

沙嗲牛肉粉絲 - 呢度我最鍾意叫嘅, 濃濃嘅沙嗲醬淋喺灼得啱啱熟嘅牛肉上面, 粉絲爽滑加埋牙菜, 好味呀!

印度薄餅配咖哩汁 - 呢度嘅咖哩都係唔錯嘅選擇, 跟埋印度薄餅, 真係細心.

越南豬肉粉卷 - 蒸乾咗d, 粉卷唔厚, 都ok.

日式炸蝦餅 - 一咬開, 好香嘅蝦味, 因為成塊蝦餅都係蝦, 粉醬又啱啱好, 唔錯.

椒鹽軟殼蟹 - 呢度話係自己養既. 果然好肥美, 薄薄一炸配腰果, 茄子, 肉鬆, 好夾味道.

白咖哩豬扒飯 - 白咖哩唔係度度都有得食, 不過呢度嘅白咖哩甜甜地, 豬扒腍身都唔差.

青檸柑梅蜜 - 青檸加柑桔同梅, 入口清甜, 感覺幾潤, 如果有熱飲重好.

椰汁黑糯米 - 叫熱既, 但好似係凍嘅番熱, 唔太甜, 黑糯米煙煙韌韌.

朋友話呢度嘅雞煲好味, 所以抵著9度低溫坐街邊品嚐呢個惹味雞煲.

涼伴豬耳 - 用蒜茸, 青瓜, 芫茜加上麻油, 辣油...等等, 豬耳爽脆, 佐酒一流.

涼伴雞腎 - 同涼伴豬耳做法一樣, 都係咁好味! 朋友已經飲咗幾杯酒lu.

雞煲(半隻) - 半隻雞都唔細鍋喎! 個雞煲落咗芫茜, 洋蔥, 乾蔥, 薑片, 八角....等等, 好惹味呀! 又有冬菇添, 雞件又滑! 正!

另加嘅配料中肥牛真係犀利, 比手掌重要大, 肥瘦平均, 牛味夠又爽口!
其他嘅配料好似薯粉咁, 又係一流, 爽滑, 放入個鍋度吸收晒雞煲嘅味! yummy !

後記: 呢度真係食過番尋味, 下次一定要叫多d 朋友o黎食!

煮飯有時都幾辛苦, 所以今日叫媽咪放假一天, 出去搵食!
見屋企附近開咗間新店都未試過, 就去啦!

豆漿 - 豆味濃而唔甜.

牛肉麵 (牛肉湯) - 5片牛肉用"月展" 嘅部位, 所以好腍, 好味!

招牌水餃麵 (牛肉湯) - 5隻椰菜豬肉餡水餃, 皮薄, 而且個餡味道適中, 麵條粗粗有口感, 配牛肉湯, 唔錯.

滷水大腸 - 份量小咗d, 不過跟餐優惠$6都好抵, 滷水好入味, 但肥咗d.

**中間我哋叫咗蚵仔煎, 服務員話賣晒, 無問題啦! 點知事隔20-30分鐘鄰坐食客叫同一食品, 竟然有喎! 我即刻問服務員點解先前話無, 依家又有?
服務員有趣地答: "之前廚房個阿姐唔喺度, 所以以為無, 依家返咗o黎而又得一碟份量嘅蠔仔, 咁唔好意思呀!" 算啦!

到埋單牆上貼有附近屋苑住戶優惠, 只要出示住戶證有9折, 有優惠當然要問下啦! 我問:" 請問住公屋無住戶證咁點先有優惠呀?" 服務員又一妙答:" 吓? 你個屋苑無住戶證呀? 唔...." 我再問:" 公屋當然無住戶證啦! 唔通要用租單? 服務員無再答. 我亦無再問. 其實我都只係問下, 有咪有無咪無囉!

服務員應該要清楚公司嘅優惠, 而公司提供優惠嘅時候, 亦都要清楚"市況", 否則優惠只係形同虛設!

呢度嘅烏冬比較好味d, 不過今次想試第2樣.

午餐
中華沙律 - 中華沙律再加生菜都幾fresh, 不過感覺少咗d sauce.
照燒雞親子飯 - 照燒雞幾嫩滑, 洋蔥冬菇炒蛋, 味道唔錯.

P.S. 呢個set 重跟汽水既. 總括o黎講, 我都係鍾意呢度嘅烏冬多d.
唯一曾經應承會同我o黎食, 希望有機會同佢一齊再食呢度嘅烏冬啦!