一間唔起眼嘅小店, 坐落轉角位置, 不過食物喜出望外.

超值套餐 ($148) 不另加一!

頭盆
蒜茸飽 - 如果可以多d 蒜茸令蒜茸味更香會好d.
龍蝦湯 - 個賣相可以見到小店嘅心思, 只係加咗小小圖案就好有美感lu. 而湯好creamy同有唔小海鮮喺入面添, 好味!
翡翠螺 - 好大隻, 又新鮮
芝士焗蠔 - 個蠔焗得唔夠乾身, 味道都可以.

主菜
鵝肝伴牛柳 - 雖然唔係入口即溶, 不過軟滑得o黎, 鵝肝味濃. 牛柳厚身唔韌又juicy, 加埋個汁, yummy!
羊架 (3件) - 又一唔羶而有羊味嘅羊架, 唔錯!

甜品
木糠布甸 - 軟滑而唔太甜, ok.
芝士蛋糕 - 食落好似未溶雪咁, 又無咩芝士味, 失望.

**本來期望呢度會有即磨咖啡, 可以同三五知己舒舒服服咁relax下, 傾下計. Oh! 原來只得普通嘅咖啡, 奶茶, 檸茶....等等.
小店可以考慮加添一d 特別嘅飲品, 令雖然細但呢度舒適嘅地方更吸引.

依家d 茶餐廳都比較迫, 呢度就坐得舒適喇!

干炒豬扒公仔麵 - 個人而言炒公仔麵應該係乾身唔太油為好味. 呢個干炒豬扒公仔麵就做到呢2點, 而且豬扒入味又腍, 好味.

送嘅例湯 - (霸王花煲豬骨) 雖然係送但無味精,清清地, ok.

茶走 - 用黑白奶沖, 奶滑茶濃唔錯.

1028一個特別的日子, 可惜有些人已經忘記了. 幸好有另一些喜歡吃牛的朋友邀請嘗新.
任食只限90分鐘, 而且夠鐘亦會提你埋單. 除咗牛肉同豚肉任叫之後, 其他配料, 醬料同雪糕都係自取既.
我哋揀咗shabu shabu湯底 - 火鍋中湯底差不多是靈魂, 可惜這個湯底沒有一般水準, 而且味道也普通. 失望!
呢度嘅牛肉有分和牛, 上級牛肉同普通牛肉, 睇你自己想揀咩價錢. 第一次o黎, 試下中價先!
另外, Häagen-Dazs雪糕任食, 食幾球都歸本, 不過就只得朱古力, 雲o厘o拿同咖啡味.
個人而言, 呢度嘅牛肉都ok, 但係唔太突出, 而其他配料都係一般大眾化口味!
可以讚嘅係佢哋d 配料乾淨同refill 都快, 不過價錢就唔太大眾化!
後記: 本想post 相, 可惜一唔小心按咗delete......

韓國菜也有一段時間沒有吃了, 今天陪媽媽看醫生, 順道到銅鑼灣吃韓國料理!

前菜 - 很喜歡韓國料理的前菜, 款式多, 又美味. 今晚有8款前菜, 個人感覺比較特別是酸洋蔥, 酸酸的, 有點開胃作用.

蛋包魚 - 顧名思義是蛋包著魚同煎, 沒有油膩感覺的魚柳, 多一分蛋香.

豆腐湯 - 端上枱時, 已看見湯上一片紅, 勇敢而不嗜辣的我....當然一嗜口味啦! 果然有點辣, 可是豆腐嫩滑, 海鮮鮮甜.

石頭鍋飯 - 這是今晚最失望的一道飯, 味道方面比較清淡, 不過仍保持著有點焦.

炸醬麵 - 與港式炸醬麵不一樣, 麵質像烏冬, 帶點甜內有些菇及肉, 吃多了比較膩.

牛肋骨 - 小小喜愛韓燒的我, 也頗好牛肋骨, 服務員幫忙剪開方便燒. 噢! 好美味呀! 附有一些生菜絲, 洋蔥絲, 蔥絲混少許醋, 一併吃時去了點油膩, 真的細心.

海鮮煎蔥餅 - 千呼萬喚始出來! 哈哈! 因為漏了單! 海鮮不太多, 加上甜椒, 蔥及麵粉同煎, 也可以的.

豆腐雪糕 - 香濃豆味, 不錯.

後記 : 這裏最值得一讚是他們的服務, 細緻如換鐵板, 分湯, 分麵, 飯, 就連牛肋骨和蔥餅也幫我們煎開. 難怪人說韓國多大男人啦! 哈哈!

好少會去三陂坊, 今次朋友有人介紹呢間新開筍盤, 果然無失望呀!

生腸 - 自家制喎! 加入咗washabi, 醒神爽口, 非常好嘅小食.

冰鎮涼瓜 - 涼瓜薄切用冰鎮住, 加埋個汁, 苦味少咗, 不過多咗生嘢嘅"醒"味.

白灼螺 - 新鮮, 而且size適中唔會韌.

豉椒炒花甲 - 花甲大大隻又新鮮, 豉椒煮得唔錯.

油鹽水花甲 - 一樣出色, 加入少訐芹菜同胡椒, 好味!

火焰蝦 - 淨係賣相都可以見到廚師嘅心思, 用錫紙包住外面有火燒住嘅蝦, 入面用小小胡椒, 蔥去煮, 好香, 好惹味!

象拔蚌刺身(特價$68條) - 廚師特別為我哋切長條狀, 出面多數都係片既, 食落原來超爽口, 又鮮甜. yummy !

薑蔥炒蟹 - 個薑蔥夠鑊氣, 肉蟹多肉, 好味!

豉椒炒蟶子 - 大隻嘅蟶子加埋豉椒炒, 炒得好!

炆大斑 - 廚師話條斑d 皮比較韌, 炆會好d, 咁就用枝竹, 燒腩同冬菇一齊炆, 嘩! 唔錯! 唔錯!

蔥油雞 - 好香嘅蔥油配滑雞, 又一美食.

椒鹽九肚魚 - 九肚魚炸到外脆, 肉滑, 再加乾蒜上面. 唔錯!

啫啫通菜煲 - 惹味!

話梅骨 - 呢度嘅招牌菜, 用金沙骨加話梅一齊炆煮, 入味得o黎又唔會酸. 果然係招牌菜!

肉絲炒麵 - 個麵煎到脆脆地, 淋上肉絲汁, 唔錯!

很多時都想吃日式放題, 不是因為怕限時間, 就是大多數朋友都不能準時放工而櫊置, 今天終於可以再試lu. 不過入面坐得比較迫.

飲品方面:
有罐裝可樂, zero, 忌廉, 檸檬忌廉, 芬達任叫, 好過出面只送一d 雜牌汽水好.

刺身
三文魚 - 愛三文魚嘅我, 點會錯過呢! 厚切鮮甜.
希靈魚 - 爽口, 新鮮!
甜蝦 - 一個字鮮!
榮螺片 - 切得細, 麻麻地好味!
八爪魚 - 切得細, 不過都新鮮!

小食
蟹籽沙律 - 蟹籽份量都唔少, 青瓜絲又多, ok!
枝豆 - 唔知依家係咪平咗呢? 以前枝豆係比較貴既! 有得食, 又可以三五知己慢慢食, 飲下嘢, 傾計!

燒物
鹽燒雞翼 - 即燒嘅雞翼皮脆味濃, 唔錯.
鹽燒牛舌 - 厚切嘅牛舌, 爽口唔韌, 好味.
雞軟骨串 - 燒得比較乾, 味道一般.
燒香草羊胺 - juicy 得o黎又唔羶, 正!
鹽燒海蝦 - 我只order一隻, 可惜隻蝦霉霉地.
焗廣島蠔 - 蠔係連埋洋蔥, 菇菌, 芝士一齊焗嘅, 不過隻蠔就細隻咗 dddd.
燒豆腐 - 外皮炸得過脆, 食唔到豆腐內嘅滑.

炸物
芝士年糕 - 個年糕好煙韌, 芝士味香, 唔錯!
自家制吉列蠔 - 吉列做厚咗少少, 蠔細隻無咩肉食.
吉列蟹蚶 - 似出面嘅急凍蟹蚶, 一般啦!
天婦羅蝦 - 正宗日式嘅天婦羅都會跟埋蘿蔔蓉, 呢度一樣認真, 個蝦炸得幾好.
蕃薯天婦羅 - 大件又炸漿份量夠, 好味!

一品料理
焗什菇 - 用牛油焗, 好香, 唔差.
牛油炒粟米 - 粟米帶香濃嘅牛油味! 正!
牛油燒帆立貝 - 無牛油味, 細隻咗d.
鐵板牛柳粒 - 牛柳粒腍而好味!
清酒煮大蜆 - 比較淡味同蜆肉細粒.
雪花牛肉鍋 - sabu sabu, 湯底濃, 配菜又唔少, 連牛肉都好好味!

**後記 : 其實寫放題都幾辛苦, 因為種類多, 但係又想同一眾朋友同食友分享! 哈哈! 辛苦d 都值得!

朋友揀去lunch嘅呢間, 都唔錯喎!
我揀咗蒜片牛柳粒定食, 日本食品最吸引我一定係賣相. 哈哈!
個定食有三文魚刺身2片, 象拔蚌1片,
3條芝士春卷, 沙律, 蒜片牛柳粒, 白飯同飲品,
+$10 重可以揀加芝士年糕/ 燒餅/ 墨魚丸.
牛柳粒腍而且個汁又唔錯,
3片刺身都好鮮甜, 三文魚刺身重係厚切添.
個芝士春卷夾少量嘅芝士, 啱啱好!
沙律就食咗都唔係好知入面係咩! 所以無意見!
我加咗芝士年糕, 外皮脆, 年糕煙韌, 不過食晒2粒就比較漏.
奶茶 - 當然唔可以同茶記比啦! 不過都ok.

與朋友一年兩度嘅約會又到喇! 選擇咗喺荃灣, 無去過嘅呢間!

一坐低, 服務員就送上麵包一籃, 未放低已經聞到好濃嘅醋味! 原來係...

麵包 - 切到小片, 跟醋同橄欖油一併上枱, 唔怪之咁濃味啦! 不過用o黎點麵包, 我唔識欣賞.

什菜湯 - 比較清淡嘅菜湯, 普普通通啦!

意式什扒 - 一般坊間都係跟牛, 豬, 雞扒等, 不過呢度就包牛, 羊, 雞扒, 重有一條大腸同煙肉, 貪心嘅人, 一定滿足! 哈哈! d 扒煎到啱啱好! 羊扒又唔羶, 個薯蓉加埋cream. 好滿足呀!

雞肉海鮮長通粉 - 白汁好creamy, 長通粉亦唔太硬, 材料新鮮, 唔錯!

綠茶雪糕(跟餐) - 綠茶濃郁中帶苦! 難食!

凍檸檬茶 - 茶味足, 唔太甜.

P.S. Thanks for your dinner from "B".

朋友為了給我驚喜, 雖然過咗生日, 但仍為我送上蛋糕! 感謝朋友們呀!

木槺布甸食得多, 但係木槺蛋糕都係第一次食, 總覺得木槺嘅食品都係澳門嘅一大特色! 哈哈!

木槺其實係餅乾碎做成既, 不過呢個蛋糕嘅木槺分散得好平均, 而蛋糕與cream 之間亦都井然有序, 又唔太甜! 好味道!

去澳門聽演唱會, 喺旅遊書裏面介紹嘅呢一間不太起眼嘅飯店, 試下先!

腰果炒蝦仁 - 腰果炒完都唔會腍, 食落都係脆既, 不過蝦仁就唔係太新鮮.

义燒, 燒腩仔 - 义燒係呢度招牌菜之一, 但係又唔太大驚喜. 反而個燒腩仔個皮脆, 味道都唔錯.

生炒骨 - 呢個做得唔錯, 外皮脆口, 心內軟, 而且個酸甜汁都好味.

蝦醬腩肉蒸豆腐 - 一上枱已經聞到好香嘅蝦醬味, 腩肉爽, 豆腐滑, 唔錯.

例湯(蓮藕煲豬骨) - 飲唔到有味精, 而且唔係一d 溝好多水嘅例湯. ok!

菜胆雞 - 雖然雞味唔太濃, 不過雞好滑, 味道都唔差.

椒鹽鮮魷 - 個脆漿唔平均, 而且唔太特別. 一般啦!

薑汁炒芥蘭 - 芥蘭都算當做, 所以幾腍幾嫩, 但薑汁味唔多. ok既.

糯米飯蒸蟹 - 奄仔好新鮮又多膏, 而且糯米飯吸收晒蟹嘅香味! 好味道!
P.S. 多謝一班朋友給我的驚喜! Thank you very much!