終於可以再試喇! 之前食過已經覺得好好味, 但每次都book唔到位, 今日晏晝過到o黎, 即刻book位先! 各位食家要食, 記得book位先呀!

砵酒牛尾 - 牛尾燜得好腍, 砵酒溶和喺個汁度互相輝映.

咖喱蟹 - 我愛咖喱汁比較濃, 不過今次個汁唔太稠, 但味道唔差, 而且蟹味鮮甜.

燴焗馬介休 - 第一次食呢種煮法嘅馬介休, 入面加咗薯仔, 蛋, 洋蔥, 橄欖一齊, 味道超正!

葡國雞 - 葡汁香濃, 雞嫩滑, 一個字, 正!!!

馬介休炒椰菜 - 馬介休係醃鹹咗嘅魚, 魚肉較實, 炒起o黎唔會散開, 加埋椰菜,味道啱啱好.

豬肉粒炒蜆 - 豬肉粒一放入口, 問題就o黎, 點解可以炒到好似牛肉咁爽口呢? 蜆肉大大粒, 配炸過嘅薯粒一齊炒. 菜式有創意又好味. 如果佐酒, perfect

豬仔飽 - 即烘, 外脆心軟! 無論配砵酒牛尾, 咖喱蟹或者葡國雞都一流.

也不只一次光顧此家豬扒飽, 但這次感覺扣分, 而且像是不憂做的態度令人失望.

首先, 喜歡嚐新的我當然想試試別的食物啦! 當我要求餐牌時, 服務員說: "隔離枱有, 自己攞啦!"
吓? 要自己去攞? ok, 有幸鄰坐帥哥為我把餐牌送到我手上, 真的感謝!

待點食物時, 服務員又說:" 自己去買就得喇!" 我第二次"吓".
今天沒有再嚐豬扒飽, 反而點了菠蘿豬扒飽, 但飽身冷而皮不鬆脆, 沒有香港菠蘿飽的水準, 可豬扒仍入味, 腍腍的, 還可以吧!

當我想點飲品, 再問服務員誰人可以為我寫單時, 服務員竟答: "我可以, 不過我依家唔得閒.", 我即是目瞪口呆!!!

就算有再出色的食品又怎能再吸引食客呢?

朋友為了給我驚喜, 雖然過咗生日, 但仍為我送上蛋糕! 感謝朋友們呀!

木槺布甸食得多, 但係木槺蛋糕都係第一次食, 總覺得木槺嘅食品都係澳門嘅一大特色! 哈哈!

木槺其實係餅乾碎做成既, 不過呢個蛋糕嘅木槺分散得好平均, 而蛋糕與cream 之間亦都井然有序, 又唔太甜! 好味道!

去澳門聽演唱會, 喺旅遊書裏面介紹嘅呢一間不太起眼嘅飯店, 試下先!

腰果炒蝦仁 - 腰果炒完都唔會腍, 食落都係脆既, 不過蝦仁就唔係太新鮮.

义燒, 燒腩仔 - 义燒係呢度招牌菜之一, 但係又唔太大驚喜. 反而個燒腩仔個皮脆, 味道都唔錯.

生炒骨 - 呢個做得唔錯, 外皮脆口, 心內軟, 而且個酸甜汁都好味.

蝦醬腩肉蒸豆腐 - 一上枱已經聞到好香嘅蝦醬味, 腩肉爽, 豆腐滑, 唔錯.

例湯(蓮藕煲豬骨) - 飲唔到有味精, 而且唔係一d 溝好多水嘅例湯. ok!

菜胆雞 - 雖然雞味唔太濃, 不過雞好滑, 味道都唔差.

椒鹽鮮魷 - 個脆漿唔平均, 而且唔太特別. 一般啦!

薑汁炒芥蘭 - 芥蘭都算當做, 所以幾腍幾嫩, 但薑汁味唔多. ok既.

糯米飯蒸蟹 - 奄仔好新鮮又多膏, 而且糯米飯吸收晒蟹嘅香味! 好味道!
P.S. 多謝一班朋友給我的驚喜! Thank you very much!

上回食譚家魚翅嘅時候無寫食評, 今次補數!

翅湯芥蘭 - 芥蘭好新鮮好腍, 唔錯!

牙揀大鮑翅 - 雖說大鮑翅, 不過個翅又唔係相像中咁大梳, 不過個翅湯好濃! 好味!

譚公海蔘魚鰾 - 魚鰾=魚肚, 炸過唔易散, 海蔘好滑!

魚翅撈飯 - 聽得多魚翅撈飯, 今次第一次食, 真係好好味喎! $38一鍋熱辣辣上枱. 雖然唔係好大梳翅, 但係呢個價錢, 真係抵! 朋友嗰鍋重有瑤柱添呀! yummy !

鮑羅萬有 - 真係包咗唔少嘢呀! 鮮鮑, 海蔘, 鮮蝦, 花菇, 鯪魚球, 瑤柱....等等! 正!

好耐之前朋友帶我o黎食過呢度嘅魚湯粉, 一試難忘, 今次有朋友肯陪我食!

酸辣雞絲麵 - 個人覺得辣咗d, 而酸味又多咗d, ok啦!

鹵水豬什 - 個鹵水都幾入味, 又唔會太鹹, 豬什煮得幾腍, 唔錯!

奶茶 - 雖然飲唔到我唔鍾意嘅lixxon茶味, 不過都可以既.

豬扒飽 - 個飽唔脆, 豬扒味道一般.

大腸撈麵 - 鹵水大腸又係唔差, 撈麵用油麵, 但食落又唔會太油, 好味!

咖哩牛腩跟薄餅 - 個人覺得辣咗d, 不過個牛腩好腍, 好好味! 配埋印度薄餅! yeah !

魚湯粉 - 今日嘅主角仍然無令我失望, 個靈魂豆餅都係脆既, 魚湯味濃, 正!

後記: 多謝3位肯陪我再會魚湯粉嘅超強花! Thanks !

天氣熱, 食完飯都好似成身汗咁, 見到呢間報紙介紹過咁, 當然要試啦!

店內係自助式既, 揀咗自己鍾意嘅味道同生果, nuts....等等, 然後去磅就ok. $15/ 100g

今日食咗 - 芒果, 芋頭, 藍莓味, 個人覺得芒果味比較清香, 其他2款一般啦! 不過食完真係透心涼呀! 而且我嘅唯一重開始當兵肯去嘗試食新嘢添! 唔知佢會唔會有一日都成為open rice嘅食家呢?

去威尼斯人聽演唱會之前, 當然要醫下肚先啦! 到咗官也街.....嘅呢一間, 試下先!

燒排骨 - 乾身咗d, 唔太juicy, 不過味道都ok.

紅酒燴牛尾 - 個汁做得好好, 送飯一流! 牛尾切得唔太大件, 就算咬到有根部分都唔韌, 好味!

炒什菜 - d 菜唔太腍, 味道一般.

燒鱸魚 - 意外驚喜! 唔怪得要等45分鐘啦! 因為係即燒既, 鱸魚外皮燒到脆, d 肉雖然唔太滑, 但係好新鮮, 好味道!

馬介休球 - 鹹魚味唔太濃, 不過都唔差.

豬頸肉 - 個外表唔係幾吸引, 味道ok.

即磨咖啡 - 好香濃嘅咖啡, 用黑白奶, 好!

澳門之行, 其實都食到好飽, 不過o黎得澳門又點可以唔食葡國菜呢? 喺官也街買完手信見到呢間曾經介紹過嘅餐廳, 又試啦!

蒜茸飽 - 新鮮即焗, 不過唔多蒜茸, 都ok既.

咖哩牛尾 - 牛尾一定係出街食先好味, 我鍾意紅酒燴多d, 但係呢度無, 而且要配蒜茸飽, 所以揀咗呢個餸, 味道同牛尾都唔差, 不過嫌佢嘅咖哩汁稀咗d.

白烚菜 - 澳門嘅白烚菜真係有一手, 簡簡單單嘅椰菜都烚得好腍, 好好味.

馬介休 - 馬介休其實係鹹魚, 不過做得唔太鹹, 而且皮脆薯蓉腍, 好味!

燒風鱔 - 燒風鱔最講個皮燒得脆唔脆, 其次先係味道! 呢個鱔燒得都脆, 但係竟然有d 腥味! 好難食.

失望於翅客, 又再搵第二間醫肚, 行過呢間見佢門口介紹嘅蝦煎米粉好似好吸引, 於是心口一個勇字嘅我, 當然要試啦! 唔試點知得唔得呢?

蝦煎米粉 - 淨係個賣相已經好吸引, d 蝦擺得好靚, 中間重開埋邊方便食, 個蒜茸汁煮得好好味, d 米粉亦煎到邊脆心軟, 簡直係perfect match. 超好味. 老闆重教我哋點佢哋自家製嘅辣椒醬, 佢話唔係太辣, 但好夾個米粉, 果然食唔到辣嘅我都食到, 而且味道又真係match喎!

沙嗲牛肉炒烏冬 - 話係手打烏冬, 不過真係幾彈牙, 沙嗲醬幾好味, 炒到個牛肉同烏冬都好惹味.

蒜茸焗蠔 - d 蠔細咗d, 不過個蒜茸做得好好味! 唔錯.

魚湯蟹泡飯 - 香濃嘅魚湯加埋新鮮嘅蟹, 呢個泡飯值得再回味呀!

鬼馬油炸鬼 - 用魚肉釀入油炸鬼裏面, 雖然唔係咩新菜式, 不過一樣做得唔錯.

煎蠔餅 - 呢度嘅蠔餅用咗好多韮菜煎, 都ok, 不過蠔就少咗d.

鹹檸7 - 鹹檸幫你打碎加冰底比你自己落汽水, 嘩! 大熱天時, 簡直勁解渴, 正!

後記: 睇到店內新假期嘅介紹先知老闆原來係兩姐弟, 今日細佬老闆重好有心介紹菜式比我哋, 重話下次可以早d 打電話去, 佢可以做私房菜添. 咁有心嘅老闆, 希望佢生意興隆啦!