一直聽一位粉紅控的朋友推介一定要食美滋鍋，因為從佢口中形容的餐廳係超夢幻，而且食物很好食，仲有兒童室(重點)，作為仍有少女心的媽媽級，當然就要去朝聖一下。 美滋鍋開幕短短三個月好評如潮，大排長龍！以招牌養生美顔湯底及新鮮食材集合四川的麻辣香料、台灣的藥膳湯底及日本涮涮鍋文化，美滋鍋成功打破傳統火鍋界限，將創新食材與傳統飲食文化的精髓融為一體。 店內設計飾以柔美粉嫩色系為主題，係絕對不能錯過的火鍋打卡熱點！ 調味料與醬汁更有超過20種選擇，食客可以自由享用各種蘸料、新鮮時令水果和冷盤小食。 美滋鍋特別設置室內兒童遊樂場，讓3至7歲的小朋友可以係遊樂場內放一放電， 只要透過掃描電子餐牌的二維碼，家長們可放心安坐於座位就可以從閉路電視留意小朋友係遊樂場的動態。電子菜單，唔洗下下舉手叫人落單，方便快捷。 我地點左店內推介的大熱膠原蛋白養顏美容鍋和維他命C蕃茄栗米鍋。 膠原蛋白養顏美容鍋 湯底以瑤柱、雞肉、雞腳、豬骨及豬手等含豐富骨膠原食材熬製，每一口都含有豐富膠質，而且味道無敵好味，真係推介大家落火鍋料前就要先嚐一碗，真係比平時自己煲的老火湯仲要濃郁美味。維他命C蕃茄栗米鍋 湯底沒有什麼特別，不過滋味濃郁的蕃茄栗米湯底必定是素食愛好者或者小朋友的最佳選擇。 本地手切肥牛，這個牛口感比較有咬感, 略厭脂肪不夠多及平均, 不過肉味也算突出. 手打墨魚丸(半份)，手打丸口感非常爽口彈牙, 鮮味十足，這種爽彈口感只有人手打才會有的效果。 珍寶鮮蝦水餃，餃子皮的厚薄度做得不錯, 落湯後不易散開, 蝦肉爽口彈牙, 味道比某些粉麵店的還要好. 炸響鈴，這個係我重點推介要食，自家制響鈴比一般現成的更厚更脆口，落湯數秒再夾起，掛到湯汁之餘仲保留到脆脆口感。 豬黃喉，唔係周圍有得食，只需落湯數秒就要食，本身沒有什麼味道，只係食個清脆口感，可以試下。 最後就是餐廳贈送的免費沙冰, 酸酸甜甜的，可以幫忙消滯。 

最近太過忙於小朋友的事, 對於出外食飯的時間覺得是有點奢侈。
但忙碌過後, 都係需要好好享受一頓美好的食物去犒賞一下自己, 所以要依, 就食好一點有質素一點。餐廳選址在尖沙咀的金馬倫道赫德道，整家店地方著實不大, 能坐的位置大約只有十多個位。
這次來是聽朋友推介靖的午餐有十二件及九件的高質廚師發辦，而且價錢十分抵食，抱住一試無防的心態就訂位。
跟朋友各自order了廚師精選九貫 HK$270, 當中已包括前菜、沙律、荐碗煎、湯及甜品。前菜是鱈魚燒，鱈魚片燒得香脆，一下子就被清掉，很不錯的餐前小食。
沙律是普通的雜菜沙律，不過雜菜是食得出的新鮮爽甜，配上酸酸甜甜醋汁，很開胃。
仲有角切雜錦魚生沙律，配以芝麻醬，十分夾。
主角來了， 頭一ROUND有3件貝殼類壽司，分別左至加是粒貝、石垣貝同海膽牡丹蝦。
粒貝口感超爽口，入口已經有陣陣的海水味道，加上柚子汁，味道很清新。
石垣貝係我至今食過最鮮甜的貝類之一，口感軟稔得來有著很濃的貝類甜味。
海膽牡丹蝦在香港都巳經算是很普遍的壽司款式, 但當然質素也有參差不齊，蝦肉顏色雪白亦處理得很乾淨, 入口吃得到那份蝦的爽身甜美, 配上海膽同食，個人覺得是不錯的配搭。
池魚入口肉質非常有彈性. 當中的魚味較濃不過油脂不高吃起來好清爽活赤貝體型十分大，入口咬下去爽脆得聽得出來, 貝肉帶點橙黃色澤, 鮮味突出,吃完一件後, 感覺有點不夠喉呢~
師傅先把鮫鰈刺身輕輕灸燒，入口時比一般刺身來得更香口一點, 魚肉輕炙過的關係, 質地更軟棉,更帶起魚味。
這個大拖羅比平常吃到的油脂更少， 看看刺身上的油脂紋理亦不多, 入口果然油脂真的比較少, 肉質吃起來也較硬，感覺一般。
北海道馬糞海膽入口果然是CREAMY的, 而且味道甘甜, 海膽味是非常濃那種, 味道可以形容好味到顛。
平時食左口魚多，經火槍輕輕燒燙過的右口魚裙邊壽司，迫出了不少油油，令魚油和右口魚味道更加豐富。
同樣輕輕炙燒的銀雪魚，魚油十分濃，入口有即溶的感覺。
拖羅碎飯，加上天婦羅碎，令到口感有更有層次感，比起拖羅壽司，我更愛這個。


最後以茶碗蒸、湯及雪糕作結。

這頓壽司午餐價錢真係十分抵，而水準令人相當滿意. 餐廳氣氛不錯, 也不會太拘謹.當中自己比較喜歡的是他們的右口魚壽司、石垣貝及北海道馬糞海膽, 吃罷的確令人印象深刻, 回味無窮。

同老媽子去左銅鑼灣Shopping，行到兩個人好攰，5點又未晚飯時間，
但兩隻餓壞左嘅人，就順便在附近餐廳開飯。 閒日未到食飯時間，餐廳座位選擇多，以長枱為主，每張枱之間有一定的距離，雖然是茶記的格局，但環境卻好舒適。 辣妹當然要點一個招牌海鮮喇沙 HK$55
喇沙麵底係油麵加米粉，食落口感好有咬口，喇沙湯底好濃郁，配料有青口、蝦、魷魚、仲有豆卜，白魚蛋，配料分量真係幾多。
特別讚一下海蝦好夠鮮味彈牙, 很不錯。 麵底係油麵和米粉混合食，一粗一細，米粉比較掛湯，但油麵比較滑口，一齊食幾乎合南洋風味。 媽媽叫的印尼炒飯 HK$55，賣相都好吸引，食物一樣好豐富，有太陽蛋、串燒、炸蝦片。炒飯雖然顏色深，但卻唔係想像中咁鹹，反而味道適中。 炒飯主要材料是蝦肉粒，很足料，食得出不是用無味道的水晶蝦，蝦肉爽口彈牙。
而太陽蛋煎到有脆邊，這個我喜歡。 串燒比較失色一點，個人覺得燒得有點乾，不過沙嗲醬惹味搭夠。 我覺得來南山冰室，如果喜歡肉骨茶的朋友，一定唔可以錯過。
這個藥味很重，整個湯好濃郁好足料，唔會好似坊間一樣清淡無味，另外碗肉有兩塊大大的排骨，肉質很稔不會硬，所以推薦一定要飲。 最後來一杯柚子蜜同黑糖姜母茶，成餐飯食到捧住個肚走, 都係每人幾十蚊，係銅鑼瀛地段來講真係好抵，所以下次會再來。

在荃灣，要數富有香港地道味道的，樓下冰室可以係其中一間。
每次朋友入荃灣，都會拜訪一下先走。 而樓下冰室走新派裝修, 但又保留香港舊有的傳統風味的
店內環境十分好, ,座位舒服, 以卡位為主。 瑞士汁雞脾 HK$28/隻
樓下冰室最出名除左係蕃茄濃湯系列，另一個就係瑞士汁。
瑞士汁味道十分濃郁, 而且味道完全滲入雞脾內.  雞脾肉質有彈性, 每一口都有滿滿濃香味, 這個重口味道我最愛. 自家製叉燒滑蛋飯 $50
平時食得多蕃茄通粉，今次轉食叉燒滑蛋飯，估唔到份量好多,而且賣相十分吸引。
飯底不會太冧身,粒粒分明，而蛋整得好滑, 叉燒肉質又唔會嚡, 再加上豉油同蔥花好味道。 焗芝士肉醬薯角HK$36
上次食過芝士肉醬意粉，個肉醬整得好好味，又唔會太鹹，
今次試下焗芝士肉醬薯角，一樣無令我失望，味道唔錯。
薯角事先炸過再同肉醬一齊去焗，所以薯角口感唔會太稔太爛，
加上整份薯角份量唔少，而肉醬不是只是面層有，更是每一塊薯角都沾有肉醬，
呢一點就已經大大加分。 來冰室當然唔少得一杯紅豆冰， 個人推介忌廉紅豆冰和話梅柑桔蜜都是不錯的選擇, 可以試一試.

跟老公行街後想搵一處舒服的餐廳食飯，上網見到Plato食評唔錯，今晚就係你啦!! 閒日晚上7時多, 雖然時間尚早，但唔係淨返好多枱，有好多枱已經預留俾訂位客人。 是晚兩人共叫左2個套餐，因為套餐最抵食，價錢也十分相宜。跟餐是蔬菜湯,而餐包是香脆的蒜蓉包，剛上枱的蒜蓉包, 熱辣辣的, 香脆可口。 龍蝦汁海鮮天使麵HK$168
這個天使麵真的要讚一讚, 材料相當多, 有帶子、三文魚, 每款食材都很新鮮,所以整個麵鮮味十足. 意粉軟硬度適中, 龍蝦汁精華更完完全全地沾滿每條意粉，味道很好。 西班牙黑毛豬鞍架HK$208
豬鞍雖然不是很厚切的那種, 但肉質完全不嚡口, 超柔軟, 而且有咬勁。
肉質烹調得不會剛剛好, 肉質軟稔, 口感柔軟, 黑毛豬味重，
再配合清香微酸的紅桑子汁一齊食用, 剛好中和油膩感覺, 取得一個很好多平衡，這個推介必要試一下。 飲品方面只包了一杯$34的飲品，就是熱檸水或熱檸茶，如果要叫其他飲品只需要補回差額就可以。 可以試一試這裡的咖啡，沖調得還不錯。

每次同朋友聚會，大家都會建議食中菜, 因為一班人圍住一張圓枱食飯, 傾下計、分享下枱上的美食佳餚, 先係最歡樂時光.
今次食飯地點是潮州菜式百樂小館, 地方時尚又寬闊, 可說是很適合一班人聚會的餐館.
先點了滷水骨香鵝肉片 - $168（例）
我喜歡這裡的鵝肉片, 味道鹹淡得宜, 而且肉質非常軟稔入味, 很值得試.
而且拼盤底的墊底用上豆腐, 比一般的大豆芽菜更吸引


杏汁白肺湯 - $68(一位)/$208(四位)
我最期待就是這個杏汁白肺湯 ，不是很多地方做得好味。
今次的白肺湯杏仁味道超濃郁，食得出是真材實料，而湯質稠密，入口醇滑，值得推介。
麻醬手撕雞 - $128（半隻）
我們就點了半份的手撕雞. 雞肉整體不錯, 肉質嫩滑, 本身已經帶有足夠的味道. 而精髓在於麻醬的味道. 這個醬汁味道香濃, 但略為有點甜.
潮式蘿蔔灌漿 - $60
這個潮式小食不是很多地方可以找到, 算是滿有特色的小食.
外層炸得金香, 有外脆內軟的效果.  入面包住軟甜的蘿蔔粒, 雖然是炸物, 但餡料仍保持濕潤感, 喜歡蘿蔔的我表示味道好正.

紅炆四寶魚鰾 - $198（例）
菜式內的四寶就是荀、鮮蝦球、冬菇和鮮魷。 原本魚鰾就沒有什麼特別味道，但就十分吸味。用上四寶的鮮味及醬汁去提升魚鰾的味道，整體味道很好，特別喜歡鮮蝦球和鮮魷，很爽脆鮮甜。
杏汁蛋白芋泥 - $48
這是比較傳統的潮式甜品, 質地比較軟糯，芋頭味是十分十分的濃郁, 味道不會太甜. 雖然細細一碗，但吃完一整個就會有點飽膩, 可以的話跟朋友分享食吧.

近年越來越多人著重健康，所以素食餐廳也開得比以前多。
今次跟一向如素的媽媽到銅鑼灣素一食自助餐，比想像中更有驚喜。 位於銅鑼灣中心地點，只要出地鐵站大概5分鐘的路程，地點易搵。當日我地係進食閒日的下午茶時段(2:30-4:00)，所以環境坐得更舒服。 而店內環境光猛，坐位之間有一點距離，也不侷促，感覺很不錯。 食物只有2個區域，而沙律區就是最細的區域，只是一張枱，選擇不算多。 而熱食區、小食區及飲品區就集中在一個位置。 壽司區有不少選擇，特別要說三文魚的魚紋仿真度極高，味道雖然不能和真三文魚相提並論，但外形跟真魚生有九成相似，入口頗有鮮魚的爽滑感，加埋豉油同wasabi，幾可亂真，顏色和賣相，可謂形神俱備。 冷盤區有唔少選擇，最喜歡涼拌木耳，黑醋味夠足夠，相當開胃。
而蕃薯仔更是無限encore的小食。

下午茶來講，熱盤都有唔少款式。  推介幾款必食之選:
咖哩雜菌: 咖哩味道香濃，帶點微甜，不是一般的辛辣口味，與雜菌更配。
南乳炆蓮藕: 南乳味很突出，不會太鹹，而蓮藕炆得很粉很入味。
素餃子: 有蔬菜的自然鮮甜味道，也有汁，一口一粒餃，味道真心很不錯。 香口食物就係我杯茶，炸物中要數炸饅頭同炸豆角最好味。
炸饅頭外脆內軟，再配上煉奶一齊食，這配搭永遠是最佳拍檔，I LIKE IT!!
而炸豆角就係天婦羅的的做法，無諗過炸過後一點都唔乾，軟軟的口感，很好味。 另外有湯、薑醋蛋同椰汁芋圓西米露。  薑醋蛋內的蛋, 煲得時間很夠，口感有點硬，有點鐵蛋的口感。
而椰汁芋圓西米露味道比較淡，也比較稀，中規中矩吧! 另外，飲品選擇不多，但豆漿很有豆，夏天多喝幾杯，透心涼。 素一自助餐價錢相宜，下午茶時段二人都只係百幾蚊，整體味道不錯，地方又坐得舒服，下次會想試下晚餐時段。

在長期抗爭的時期, 有時都需要找一個令自己精神放鬆的方法，
食就是令人心情愉快的好選擇。

位於旺角的大本瀛，不是第一次幫襯，但之前食過質素很不錯，所以一想到要食放題，就第一時間想起佢。 下午的時間，相對夜晚時店內人流不多，坐得很舒服。
而且店內有提供BB座椅，對於有小朋友的家庭飯聚，是個不錯的選擇。
刺身類，我就點了三文魚、甜蝦、北寄貝、帶子、馬刀貝、赤貝、鮑片。
刺身夠新鮮，我點的也沒有什麼可以挑剔。
個人比較喜歡帶子夠鮮甜, 而馬刀貝同赤貝的爽脆口感令我最回味，再encore了3次。 壽司細細的一件，可以食多幾件，除了基本的三文魚、帶子、鰻魚等外，也有比較特色的壽司: 火炙左口魚，有入口即溶既感覺。 手卷選擇不多，而軟殼蟹手卷算是中規中矩。 燒羊架：羊架肉質鮮嫩軟腍，帶點肥膏油脂香，而且調味適中。 日式的炸豆腐精髓在於外層有薄薄脆口炸漿，而內埋的豆腐滑不流口，配上醬汁，根本就是我的菜。 榴槤炸彈：呢個炸粉厚薄恰好，入面有熱辣辣的流心爆餡榴槤蓉，榴槤控一定喜歡。
炸香芋丸：香芋丸既炸粉就比較多，香芋蓉亦都略為實身，口感被比下去。 來到最後要再叫一Round焗蠔，佈滿沙律醬的焗蠔雖然感覺很肥膩，但醬汁惹味得很。 醬汁中加入洋蔥、煙肉粒再配上一口蠔，值得一試。

相約朋友見面, 當然暢談時間不會少. 所以食飯要找環境舒服的.
日式居酒屋, 感覺輕鬆自在,能盡情飲酒聊天岩晒我地心水.
申子居酒屋位於旺角黑布街, 地點都易搵. 極上鹽焼牛舌心$98
燒牛舌火候燒得剛剛好，粒狀的牛舌心雖然厚，但食落爽口有彈性，仲有保留有肉汁，幾juicy惹味 申子飯$78 申子飯賣相吸晴, 可以講係梳乎理飯. 將蛋白打至企身, 上加完整蛋黃, 食的時間拌勻及加上味粉、紫菜. 簡單而不花巧, 味道還不錯. 鰻魚天婦羅$168  唔洗講, 必試的菜色. 選用比較肥美的鰻魚去炸成天婦羅, 入口是充滿魚油香, 之後就品嚐到鰻魚肉的彈性, 味道超佳, 一定要試. 海蜇柚子沙律 $98
海蜇及柚子十分配合,加上新鮮翠綠的沙律菜，加上酸酸咪咪的醋汁，又清新又開胃 豚肉鵪鶉蛋 $32 將半肥瘦的豚肉包住鵪鶉蛋一同燒, 油向滲入鵪鶉蛋內, 食得時候外層豚肉香口, 而內裡的鵪鶉蛋就柔軟, 充滿油香, 這個配搭很夾, 而且入口很有層次感.

總覺得香港的泰菜再是好吃，也無法超越泰國當地風味；
當然, 人在香港, 不能奢求太多. 不過觀塘Add Some Thai Restaurant價錢及味道都十分平均，所以一試無妨！

星期六日的下午, 3點過後時段, 環境最舒服, 可以慢慢享受.假日套餐一點都不貴, 可以說是十分抵食, 因為份量是超級大份


招牌泰式無骨海南雞, 雞肉十分嫩滑,雞的份量都幾多，而且中間有層啫喱狀
唔好以為中間的啫喱狀係肥膏，其實是精華所在
油飯有雞油香, 水準很不錯
泰式金邊粉配牛肋條, 粉條足夠乾身不膩口而且韌度十足不會一夾即散。
蝦肉爽口美味, 配上芽菜、青檸汁、碎花生等配料口感十足.


而最有驚喜的是牛肋條, 燘得十分入味.
跟餐會送上蕃茄椰子雞湯, 不過味道略微淡了一點.
香燒沙爹雞串, 串燒的份量真的比預期大很多, 只需$36有兩串, 真心抵.
雞肉厚切, 燒得不會太乾身, 而沙爹味濃, 醬汁內仍保留左花生的顆粒, 很惹味.

這店的泰式COFFEE，並不是泰國標準超甜口味，反而甘醇美味，濃淡又得宜，超！好！喝！


這個價錢在泰菜來說, 真係很值, 味道都係水準之上, 所以可以再encore~