大熱天時不想打邊爐, 就趁跟朋友相聚,選了串燒店,  坐住店內涼冷氣, 又可以喝點啤酒,何等relax~ 喜膳燒還是頭一次光顧, 都是經朋友介紹才知道的美食.
店內環境很舒適,  座位間的隔距不太近, 不會感到局促. 牆上用木牌寫住的菜單名, 十分有特色. 雞、牛、豬串燒是必點的食物, 而我私心推介日本霜降和牛串、海鹽燒牛肩胛和燒雞心 特別是日本霜降和牛串, 入口牛肉味道濃郁, 而且肉脂豐腴, 充滿牛油香 自己整整食完一串也不夠喉. 海鹽燒皇牌牛舌, 燒得不會太過火, 表面乾身但入口爽口, 不會太乾. 味道剛剛好, 也相當不錯. 燒珍寶大扇貝 蒸扇貝最忌蒸得太熟, 大概八成熟就是最鮮味. 扇貝厚肉肥美, 加上粉絲將醬汁就精華全都吸收晒, 味道可以~ 貴妃蚌又是私心推介其中一款要食的, 真的超級鮮味, 而且貴妃蚌肉質柔軟不韌, 是encore之款. 蒜蓉燒廣島生蠔  蠔的尺寸不算大, 入口沒有任何腥味, 而且帶有海鮮的甜味, 可見也十分新鮮. 鵝肝煎到兩邊微焦, 而且油份很充足, 不會煎得過熟, 配上香脆的法包, 食落入口即溶, 油脂於口內散開,
甘香無比很綿口, 相當不錯.

近期去左幾間樓上餐廳, 發現樓上餐廳的環境往往比地鋪舒服好幾倍. 而MINI FRIDAY就是其中一間, 無論食物或座位舒適度都很不錯的地方. 每枱都會免費附送的墨西哥脆片, 脆片炸得香脆, 飯前小食一流. 凱撒沙律 HK$88 沙律菜是食得出的新鮮爽脆, 配上沙律醬,簡單而又清清地,是一個很好的開始. 水牛城雞翼 HK$88 醬汁濃稠,帶有微微的酸酸辣辣 雞翼醃得相當入味, 外層惹味, 內里仍保留肉汁,好JUICY. 鮑魚鮮蝦意大利麵 HK$198
這個似係炒意粉, 顏色看似較深, 原以為很鹹,不過又鹹淡很適中 鮑魚及鮮蝦都用上新鮮的海鮮, 卻不偷工減料, 比起雪得沒有味道的水晶蝦及鮑魚來得有誠意. 而且意粉煮得十分彈牙, 整體十分不錯.很推介~ 雪糕梳乎里 HK$108 好軟熟的梳乎厘，同平食開果種不同, 梳乎里質感好鬆軟，空氣感飽满，食落唔會太飽，洋溢著滿滿蛋香和淡淡的奶油香,口感一流.

天氣涼同朋友食飯，就想着去打邊爐，識食嘅朋友帶左今次揀咗六十六十
餐廳以套餐形式選擇, 一個價錢有8款海鮮+6款火鍋料, 真心好飽.

天氣乾燥, 當然要來個滋潤補湯,而椰子文昌雞湯底 就係不二之選
將所有雞放於湯內大滾, 再熄心焗5-10分鐘先食,雞肉完全唔會老, 好嫩口.



記住落其他料之前先來一口湯, 味道清甜到不得了
店員會先奉上醬料架讓你自己調味醬料, 都是一些基本的醬料及配料.
可以DIY自己口味嘅醬油碟,混醬後店員會提走醬料架., 不過有需要時可以要求再次取醬
先食海鮮, 而且每款都很新鮮,沒有將價就貨.
我地揀左肉蟹、鮑魚、扇貝、貝類X2、蠔、帶子、蝦(忘記拍照)

扇貝肉厚大粒, 不需要灼太久,8成熟入口軟稔好味道

肉蟹蟹味鮮甜, 肉質好飽滿, 蟹鉗幾大,好鮮甜美味.

另外推介鮑魚, 口感煙韌有嚼勁我只是加了少少的鼓油、蔥花及蒜頭提鮮,已經很好味.
完食海鮮之後, 就上6款火鍋配料.
我就點左魚皮餃、手打墨魚丸、午餐肉、肥牛、梅頭肉、鮮淮山

手打墨魚丸:手打丸口感非常爽口彈牙, 又數蝦丸同墨魚丸最有鮮味, 這種爽彈口感只有人手打才會有的效果
黑毛豬梅頭肉:採用薄切方法,不需要灼太久, 入口柔軟不會嚡



雪花肥牛:性價比高，雪花分佈在每一片牛肉上, 每片輕灼已經可以, 牛味都好濃郁

總括來說, 火鍋店食物質素及食材好新鮮, 款式簡而精, 最重要是各方面味道都相當不錯.下次可以再encore.

跟老公提議食一餐好的, 慰勞一下辛苦的11月.
神隊友都快快手搵到一間好滿意又有情調的日本餐廳食OMAKASE.

鱻88是一家剛業的餐廳,整體環境相當不錯.



如果食OMAKASE, 個人比較喜歡坐吧枱,因為一邊睇住師傅製作食材, 一邊進食, 是一件賞心樂事,胃口都會更好.
揀選左88會席的套餐HK$888/位(未連加一)
先來前菜三小碟, 叫醒一吓胃是需要的~


先食左水雲母, 帶點微酸味道, 超級開胃.而中間的鰻魚玉子口感同蛋糕無誤. 鮟康魚肝 配白葱食就夠晒甘香.

刺身先來魚太, 肉質爽口, 有咬感,但魚味不算太突出. 配上 師傅自製的青檸辣椒蘿蔔泥醬汁,即時有提鮮的作用. 
第二款刺身就係針鯛刺身兩味, 一款是刺身連魚皮,先將魚皮輕燒左, 所以入口有煙韌口感, 魚味比較濃郁; 另外一款就是魚肉只配上辣椒柚子,酸酸辣辣的, 但又唔會掩蓋過魚鮮味. 我比較喜歡呢一款.
第三款刺身就係赤身, 魚油脂不會太豐盛之餘亦可以吃到吞拿魚的鮮甜.
燒物係味噌燒廣島蠔, 味道沒有太特別,但廣島蠔就是很飽滿.
揚物櫻花蝦豆腐反而係我最愛之一, 豆腐勁滑溜而不再話下,配上鹹香的櫻花蝦十分夾,. 醬汁都係重點之一, 應記一功.
壽司8件, 但最特別就係富山灣特產白海老壽司,
每只蝦只有手指甲長度, 所以一件壽司已經包含20-30隻蝦肉. 難怪十分十分鮮甜,口感完全跟平時食的不同, 不是爽身甜美,反而是多左一份清甜軟綿. 推介~
整隻赤貝色澤鮮明, 而且也頗厚身,飯的份量不算很多, 能讓整件赤貝覆蓋著. 
入口赤貝非常的爽身, 口感清爽得來有著很濃的貝類甜味, 吃完一件後, 感覺有點不夠喉呢~
這件活凡立貝, 只可以說, 好正~
肉質相當厚實, 入口超有彈性, 跟現開現食的感覺一樣.
吃壽司每次來到海膽環節都是大家最興奮的時候, 師傅說是用來自日本根室馬糞海膽,
海膽入口果然是CREAMY的, 而且味道甘甜, 海膽味適中, 味道非常濃, 水準很高.




吃完那麼多件壽司, 再喝一碗暖暖的下肚, 很舒服呢~


最後揀了花茶做甜品, 三款花茶, 就荔枝茶最合口味.

食物方面各項都沒有令人失望, 當中自己比較喜歡的是他們的根室馬糞海膽、活凡立貝和櫻花蝦豆腐, 吃罷的確令人印象深刻, 回味無窮.

每當係旺角諗唔到食咩好, 我都會食樂天皇朝.
貪其價錢合理, 而且上海菜做得好出色.

今次跟友人的飯局就定係樂天皇朝.
是晚全場爆滿, 好彩早了約定6:30pm食飯,唔需要等太耐就有位.

茶芥每位$8, 而小食是$15/碟

呢個味道好唔錯，係我食過咁多間上海菜最出色嘅其中一間
賽螃蟹當中更加入一些瑤柱來增強口感. 把蛋黃略略攪拌一下再吃, 
蛋白滑溜之中帶點蛋香, 而且蛋白亦夠厚身帶點咬口, 不會有太多油份量都算多，絕對對得起這個價錢！
原本對生食油麥菜有點抗拒, 但試過第一口之後, 會深深愛上.
油麥菜清脆爽甜, 微微的甘甜, 配搭麻醬一同進食,完全是Perfect match. 感覺清新.
8色小籠包是招牌菜, 餐廳標語小籠包每粒25克,巧手18摺, 特薄面皮湯汁飽滿,清甜不油膩.
味道分別有原味(白色)、人參(綠色)、鵝肝(橙色)、黑松露(黑色)、芝士(黃色)、蟹粉(橙啡色)、蒜香(淺黑色)、麻辣(紅色)
侍應會較你由淡味小籠包開始食到濃味的, 不過我還是喜歡挑自己喜歡的口味.



海蜇頭是我每次都會點的, 真的很美味.
海蜇頭口感比較硬, 有點像吃脆骨的口感.配上酸醋和青瓜絲同食, 挺開胃的.
夫妻肺片, 如果你是喜歡辛辣的朋友.這個最適合你, 朋友都說叮的時候辣得好過癮.

樂天皇朝水煮魚是我第一次試
味道麻辣得來又不會太攻鼻, 只是越食頭皮就會越麻..
試吃了一片, 味道很香很惹味, 魚肉非常軟嫩又夠滑溜, 吃起來是有點辣度, 不過仍可以接受
最後來個宮廷驢打滾, 糯米外層煙煙韌韌，包裹住的紅豆蓉比例剛好,只是微甜不膩. 再撒上黃豆粉，食落軟綿軟糯, 十分美味.

再次來到The Stadium, 對上一次是一家人晚上聚餐, 今次剛好又係觀塘工作完, 所以同同事食個Lunch~ 餐廳本身環境相當唔錯, 非常寬敞,  所以人多的朋友或家庭聚會,呢喥都係一個唔錯的選擇. 餐廳一入門口就有張桌球枱, 如果技癢, 可以同朋友切磋一下. 每張枱上都有張墊枱紙, 因為設計是黑白色,同時可以供小朋友填色玩樂. 是日午市套餐選擇有七款, 好快我地已經鎖定目標. 安格斯牛肉漢堡 $128 疊得高高的漢堡，賣相澎湃，相當具份量，加上半溶的芝士更加芝味無窮 麵包烘焙出外層輕脆的口感，內裡鬆軟有彈性 漢堡扒十分厚肉，口感扎實爽彈，一入口已是肉香四溢，牛味濃郁 薯條炸得份外酥脆, 而吃完這麼多炸物後，也可來點清新爽脆的沙律中和一下 炸魚薯條 $98 剛炸起, 熱辣辣, 炸粉薄又香脆, 而且炸得好香脆， 魚肉厚切, 配上Tartar醬味道唔錯. 呢個炸魚薯條做得最好嘅係一啲都唔重油益味 如果覺得油膩, 可以擰少少檸檬汁, 中和油膩感. 但外皮就會容易變稔, 個人喜歡脆口, 唔太會加檸檬汁. 吃Fish n Chips 不一定要配啤酒、配冰凍檸茶都很爽.

係旺角太子要搵到一間環境舒適又唔嘈吵的餐廳真係唔容易.
人越大, 就越有人群恐懼症!(你懂的~)
下午去SKY726食個Brunch,
環境好正(仲有哈囉喂裝飾), 坐係玻璃窗位, 可以一邊食飯一邊放空.Brunch的餐牌選擇都有唔少款式, 好好選自己愛吃的~
跟老公各人點了一個餐, 我仲貪心地多點一份心太軟.
女生….再飽都會有多一個胃食甜品.
先上枱係前菜沙律, 清香脆嫩的沙律菜都幾爽甜,食落爽脆. 醬汁用左黑醋, 令人食落更開胃


蔬菜周打蜆湯跟熱辣辣的餐包,
要俾個讚個蜆湯, 因為味道唔會過鹹,我好怕平時跟餐的超鹹餐湯. 每啖的周打蜆湯都有粒粒蔬菜， 好creamy又有咬口，濃郁芳香，濃稠美味

而餐包混有香草, 食落又幾Fresh.

點左平時比較少食的香草雞胸意大利粉, 



意粉份量十足，擁有濃郁的香草味，意粉整個口感彈牙爽口


就連平時對雞胸很有主見的老公, 都讚個雞胸煎得唔嚡,所以真係要握介

點了另一個手打和牛漢堡. 上來的份量也真的太驚人!!!

大大個漢堡, 內裡簡單的就只有一片和牛漢堡肉,和芝士!
但其實餐廳貼心地將配菜都放在伴碟上, 有蕃茄、洋蔥、酸瓜,大家就按自己喜好夾在漢堡內一同進食吧.
老實說, 單是吃碟上的配菜同薯條就巳經夠飽了.


切開來看看, 漢堡是剛熟的狀態,中間還帶著點點粉嫩色澤

和牛肉入口十分軟棉, 也夠厚身, 吃起來好JUICY
整個漢堡味道相當不錯, 不過份量真的太多了,最後差點就食唔晒.
個心太軟即叫即整，所以都要等一陣子
個表皮蛋糕都焗到軟硬適中, 一切開個表皮蛋糕，d流心朱古力即刻湧出黎，唔會太濃或太稀, 吃進去感受到濃濃的朱古力，而且甜度剛剛好。

一到萬聖節,好多餐廳都會推出萬聖節主題的菜式,有些菜式的賣相甚至乎做得好驚嚇。今晚我揀選的萬聖節菜式驚嚇度就冇啦,反而質素就不錯。餐廳以深色格調為主,牆上掛住白色單車做裝飾,好搶眼。
安息吧! 鮮蝦意大利飯
菜式上的萬聖節元素就是十字架形狀的翠玉瓜,但吸引我的,反而是黃色的意大利飯。意大利飯用上南瓜去煮,好香甜好creamy,而且飯粒煙韌,好味。當然少不了主角 - 鮮蝦。略煎後的蝦肉好香口,而且彈牙。地獄之火-火焰美國頂級牛肉漢堡
賣相有驚喜!睇見侍應將酒精倒出來後, 漢堡突然之間着火,冒起藍色火焰,不過大概燒十幾秒後,酒精發揮左就會熄滅。漢堡份量好大,牛肉扒厚身,牛味重,夾埋其他配料食,正!而配角酥炸魷魚鬚都好香口,又有咬口,比起平時配搭薯條的組合,更覺有新意。
即焗酥皮蘋果
類似碟形的酥皮超香脆,而中間的蘋果混有Rum酒及玉桂粉,腍腍地又甜甜地,加入少少吉士漿更覺味美。

香港的日式串燒店多的是，有的質素高但價格非常高，
有的質素劣但價格亦是超貴！但唯有黑木是我覺得會值得繼續光顧的.



餐廳內地方不算很大,但大部份都屬二人方桌, 不過坐起來舒適度還可以的.
看看餐牌, 主打不少串燒及燒物,價錢方面算是幾優惠.
而我們選了串燒OMAKASE HK$680定套餐.
這裡貼心地提供熱毛巾, 可以先擦擦手….
前菜是凍田螺和厚燒玉子

最欣賞是個厚燒玉子, 暖暖地超軟綿的,而不是平時吃到那樣厚實, 蛋味也很重.


之後來到串燒12串….

燒雞腎: 咬下去腎的質地非常爽脆呀! 完全不老亦不會有渣, 沒太多調味, 更能吃出其腎的獨特鮮味.
最特別是雞尾及雞頸肉, 雞尾油脂十分香, 但一串下肚已經有點點油膩. 而雞頸肉相反就只有肉, 油脂少, 不過肉質跟雞翼位差不多, 很有彈性.
這裡特別的串燒真的比較多, 而雞潤又是另一個驚喜. 本身雞潤有點粉粉地的口感, 我原以為會很膩很腥, 因為燒的時間加上慈味醬汁, 而且表面燒出來的帶一點點焦, 所以很香口.

雞肉棒味道相對比較濃, 把蛋黃攪拌一下再把雞肉捧沾進去吃, 入口有著香甜醬油味之餘還有突出的蛋香, 這款又是不錯吃的.
無花果黑豚肉用慢煮的方式去烹調,保留到食材原有的鮮味外, 也令到肉的口感軟稔. 黑豚肉帶有淡淡的焦香及果甜, 是推介之一.

茶壺海鮮湯, 整個湯看上去以為是清湯, 但飲落味道更濃郁, 好鮮甜. 
一壺有點唔夠喉.
馬友一夜光
魚肉燒起出奇地嫩滑 而且大大啖魚肉連皮食 成口充滿魚油香味 
飯團份量細細一份, 而且表面燒得帶點金黃十分吸引,
飯粒捏得相當結實, 吃起來甚有質感, 飯粒每顆都夠圓短肥大十分飽滿. 味道比預期中好, 不過個人覺得飯團接面的醬油如果可以濃多一點就更惹味了.

來到人來人往的尖沙咀,想靜靜地和朋友邊聊邊吃,輕輕鬆鬆的,就選擇了位於美麗華商場的cafe。 Cafe內有設座位，亦有外設開揚座位，成個環境都令人好舒服。 先來有煙豬面肉薯仔炒蛋,經過煙薫的豬仔面肉粒,仍帶有鹹香豬肉味,加上軟腍薯仔粒,以及很滑溜的炒蛋,連同多士一同進食,實在滋味十足! 再來是燒伊比利亞豬腩配芹菜沙律，豬腩肉絕對是肥而不膩，加上有清新沙律以及生菜夾在一起，又爽又香，口感不錯。香茅奶油汁煎魚,所煎的是鱲魚,非常厚肉,而且製作得剛好,外層微脆,魚肉不韌帶軟,沾上帶有檸檬味的汁醬,實在美味,和朋友對此都讚不絕口！ 最後以奶醬多作結,熱呼呼登場,而且奶油和花生醬不過甜,由店家自製的多士咬落脆脆的,就算平時唔太鍾意花生醬的我,都忍唔住食左大半碟。 呢個Yunnan Blonde (Black Tea)由店家直接從雲南搜羅回來的黑茶,在吃畢美食後喝一杯,正好消消膩,而且茶味甘香,容易入口,亦十分暖胃。