看了T V B的介紹，和老公二人來試試，點了二人套餐B，温泉玉子沙律 ，很清新，汁也配合，最好味是羊架 ，厚切，肥廋剛好，不過以二人餐，得兩塊太少了，因為這餐沒有飯供應，反而較平那個餐有飯。另外，我平時吃較熟，所以我覺得如果可問我吃多少熟程度，我會開心些，但老公極愛，吃埋我那件。豬串也很多肉计， 用大葱串起來，一起咬下去，很香，葱汁衝入口中。另一串燒，豚肉青椒，豚肉太薄了，好像是燒青椒，總結，串燒好味，但份量太少。至於甜品，是杯型的非常微小朱古力蛋糕，我寧願吃一粒雪米滋。
不過服務好！ 地方也舒服

因為預先訂位，所以不用等，有一格格的房，很舒服，私隱度高，贊！，我們由八時吃到零晨一時，也一路有供應，最推介，油炸鬼，叫了兩次，餃子勁大，好新鮮，墨魚丸，超彈彈，果然是推介之作，醉雞肉也中上，不過令到個湯底也辛辣了，服務也好，餸上得快，我地會再去。

一直也很想嘗試Coco,留意到開分店,唔駛去到觀塘排隊,尖沙咀這分店是好好的選擇,我們三人晚上七時到,也不用排隊.
店員服務,勁好,欣賞,就算我們有更改,他們也願意幫我們,沒有不滿意的樣子,Good
位置很好,與隔離枱不會太近,坐得很舒服
吉列朱咖哩飯(不辛辣)~~好好味,來的快,但吉列豬杁不會唔脆,好味到被我的朋友搶來吃,又脆,又有肉味,不吃辣的我,終於有好味咖哩吃啦,很香,很甜,減肥中的我,也吃晒所有的飯,哈哈
忌廉蛋包飯(少辛辣)~~我朋友想加辣,但原來蛋包的飯類,不能加辣,個汁真的很好,連不愛吃飯的朋友,也吃多左飯
咖哩牛肉飯(第四級辣),連地獄辣也不怕的老公,也覺得很滿意此辣的程度,他建議男士要叫400gm飯,因為足夠汁伴飯,
其他:湯,可試,可不試,一般般,檸檬茶,好淡,要改善,飲品也不可忽略
沙律:芝麻醬落得太多,鹹左但蔬菜也新鮮
雪糕,真的好正,不是普通是但應付客人的甜品,太好啦,女士們,記得要留肚吃啊
一定會再光顧!!!

點算點算難食左好多,已經光顧左十多年,但近幾個月,真係難食左好多,特別是車仔麵,豆腐包,好硬,雖然份量仍然很足夠,一碗三寶,真的很飽,但加左價後,反而質素差左好多,連主打的雲吞,也無以前咁鮮味,好似雪左好耐咁,最重要是不清潔,留意地下,真的好多垃圾,一定要好好檢討,否則幾平,都會趕走客人

我是spaghetti 的fans, 但我發現這分店的食物水準很好,及服務態度也好好,值得推薦
酥皮湯 酥皮很鬆化,不會油,正!
煙三文Sal salad 菜很新鮮, 買相很好
蕃茄意粉第一次吃,滿滿的蕃茄,味剛好,有酸有甜,蕃茄迷一定不可錯過,我地全家也讚好
燒豬仔骨店員勁推薦,份量夠四人吃,老人家也吃到,我覺得好吃過Tuesday,因有時Tuesday太燶
pizz忘記了那名字,很特別的,都有中上水準.芝士可以一條條撕出來,正!!

有恆生咭仲有九折,其實其他優惠套餐也好好,不過今次選擇獨立叫,環境也好好,傾計也不嘈雜

一直喜愛茶餐的我,見到茶餐一定要試試,我同老公一人叫一份,佢食炸菜肉絲出前一丁,我食义燒米粉,我覺得味道好好,店員亦好醒目,所以要為佢平反,當然我心中仍是牛奶公司第一,但這店絕不相差好多,而且多士很脆,但又不會濃,蛋又好滑,仲好大隻,唔駛去到咁遠,就可以嘗到好味茶餐,絕對值得推薦,而且我觀察到,今日好多食客叫茶餐呢!

見到新店,就試吓先,之前見佢地好落力派傳單,我自己好喜歡吃蕃茄,所以都想試吓
我同老公試左以下食物
豬杁焗飯,等左15分鐘,上枱真係好熱,賣相也好,但我覺得汁太少,不過,個飯好硬,又好少蛋,就算好多飯,我也覺得唔太抵食,要改善吓
蕃茄湯公仔麵,中辛辣我老公話好食,湯好濃,好多餸,所以大男人也吃得好飽,
泡沫檸檬茶好好味,又唔駛自己整檸檬,好推薦

店員服務好好,好積極,但一定好提高食物水準,我地始終最關注食物

一直都好想試吓,因為見到openrice中的介紹相,好似好好,好多芝士,跟住問吓街坊,佢都話唔好食,我仍有好奇心之下,仍好想試.結果...真的好失望,好難食.
首先,我地叫外賣,那女店員,好似新手咁,我地問佢五十五十個pizza的資料,佢唔識答,價錢又講到唔清唔楚,跟住又聽到旁邊有人教佢,真係要好好改善,pizza hut的跟單,真係專業好多
真係好快來到家中,不用半小時,我地叫左五十五十pizza,同另一加陪芝士pizza,但唉!!!又硬又唔熱,個加陪芝士,仲少過平時普通pizza,想拉條芝士都無,呢個係pizza嘅基本條件,如果都做唔到,真係要好好改善,另一五十五十,不過不失,辛辣的那一邊,都可以,最少有味道

結果,我立即將外賣紙掉左

首先,為服務平反,都唔係之前寫的評價咁差,可能之前食評已經好耐,可能某些人已轉了,所以.....今晚覺得服務好好,有笑容,又醒目,
今次是第一次光顧,我們七人慶祝朋友的生日,環境很好,地方也很大,也超過一半坐滿了,不過相比其他食店,印象中,真的比較無咁滿客人,所以更顯得服務好周到.
花膠海皇冬瓜盅ok啦,唔會太鹹,唔會太味精的感覺,但花膠....好似無喎
原個火龍果大蝦沙律係食店推銷,三十多元一個,少吃水果的就推薦,因為很清新,買相也很靚
野菌原個溫室小南瓜很好味,煮法特別,很爽口,好少吃到這道菜,買相又靚,成個瓜也吃得,勁推薦
京式烤米鴨 食店推介,半價一百三十元,以又一城來講,是便宜的,味道也可以,但服務員切得太少,回家看鴨身,仲剩很多皮,
清蒸老虎斑中等大細,肉也很滑,很新鮮
火焰干蔥牛柳粒服務員拿到卓上後,再起火,燒一燒,我唔食牛肉,但我的朋友也大讚,話肉好滑,一路話好味好味
米網拔絲咕嚕肉 加左個脆脆米,特別些,.....咕嚕肉好夠味,唔會太酸,唔會醬粉太多,好適中
仲有雞絲粉皮,莧菜,白飯...好飽
地方好舒服,我地又切蛋糕,唔會收切餅費
我留意到好多一家大細來吃,俾多次機會佢地,也值得一試

今晚很想吃燒臘飯,本來想去廣東燒臘,點之行錯路,見到已經有幾多食客的"一樂",於是,決定試試,那時,還未到晚上七時,而且是平日星期五,但已經有很多人,我和老公二人坐在最尾的卡位,雖然近住個大湯煲,但因冷氣很足夠凍,所以也不覺得熱
店員服務態度很好,很快便過來招呼我地,我地睇到"招牌鵝",而且有很多食客也點了,所以也叫了一個例牌味道很好,不會太鹹,或油太多,皮好易咬,但肉唔夠厚,果然是招牌菜,值得推薦.
另外,义燒油雞碟頭飯,就唔多好啦,义燒好普通,無味道,雞肉好"梅"就算鵝係招牌,其他也唔可以是是但但呢!
店員送上兩大碗湯,可惜,都係味精湯,

七時十五分,已經全滿了,希望可以改進些,始終是燒臘店,應該樣樣也好味,不應只得鵝好味,檢討檢討