麥田緣既麵包雖然貴，但真係好好味，麵包好夠份量，非一般麵包店可比，質感煙韌。

店內每款麵包均有牌仔介紹成份，又可以試食，唔洗驚唔好味。

下次一定要買其他款試下~~

今次買蜂巢同藍莓卡門，唔會好甜，亦唔會搶走麵粉，而且仲淡淡天然酵母味，一食就忍唔住想食晒成個。

幫襯過幾次，服務同食物都唔錯，咖喱唔辣，偏甜，清湯腩其實真係好清，但唔會覺得難食，食到幾香牛味，而且湯底唔覺有味精。
我見店員對帶住小朋友既顧客都幾細心，會提醒e樣熱，要小心，果樣要擺入啲。
值得再食

叫個外賣，落單要等15分鐘先有人落單，等左30分鐘，問職員個外賣呢？竟然話已經拎左，將我個外賣比埋人，一句唔好意思都冇。又要再等過多20分鐘，樓面夠人，但啲人做野冇系統，比外賣唔睇清楚啲號碼，～幾好味都冇用啦～

早前有雜誌介紹，已經好想試，不過每次都唔經，今日終於比我試到，買左35蚊既套餐，豬雜肉丸湯+撈麵，味道真心覺得唔錯，湯我飲唔到有味精，湯鮮甜，可惜肉丸有味精，如果可以用手打肉丸更好，至於麵，因為我買外賣，返到屋企已經凍左成麵餅，味道還可以，菜莆豬肉碎加蔥撈麵，總括泥講，35蚊，ok啦～企係到等外賣見客人不絕，可能鋪面太細，但係見老闆娘同客人有傾有講，有人情味，仲聽到老闆娘話會搵間大啲既鋪，將會搬遷，不過係搬遷之前老闆娘會放下假休息下。

希望，稍後會再見到呢間鋪啦～食品價錢以元朗泥講唔算貴，不過食物種類真係唔多。

羔羊肉餃擔擔麵 ， 特別，唔會太so，係個麵底差啲，但值得一試。 醉雞，比起好多名店好味，啲雞有咬口，唔錯 口水雞，始終都係四川口水雞惹味，不過不失啦！ 菜肉餃，鮮肉餃，小籠包，涼拌青瓜，全部都唔錯。特別係個小籠包，我係上海婆婆到食，一夾就穿，e間皮薄得黎唔易穿，肉汁好味，唔會太咸。 老闆服務好認真，又好好人，下次會再去試其他食品

隔幾個鋪位都聞到陣香味，榴槤友點可以唔試，雖然價錢唔平，不過偶然食下冇壞。 今日試左榴槤班㦸周榴槤脆餅，完全冇失望，真係好濃榴槤味，唔似出面用啲熟到苦既榴槤整比你食。 裝修都幾特別，唯一美中不足我地叫左兩樣野都唔比叫杯廿八蚊既榴槤雪糕堂食，如果可以搭入一齊叫，相信會更好。 一定會再黎食！

同朋友團購試下呢間.估唔到真係如團購圖片一樣咁好。 首先冷盤竟然有龍蝦，仲要有膏，絕對鮮甜，肉質唔會梅；生蠔細隻，唔肥，但好重海水味，同新鮮啱晒我；長腳蟹同麵飽蟹一樣唔錯，開正愛食海鮮既我。 熱葷啲羊架，扇貝......味道正常，款式略為少左啲，不過我係貴精不貴多既人，質素好，款少啲都唔緊要。 要讚下啲鵝肝多士，我就鐘意細細舊，唔洗食太大咁快漏嘛。佢地有個即煮海鮮湯，都幾得意自己揀湯底同海鮮，不過就咸左啲啲。薄切西冷，正！ 刺身，新鮮，正，啲款算係咁。 另外甜品仲有雪巴同乳酪雪糕，係出乎意料，味精正常啦！不過咁啱開正我胃口，甜品未算突出，不過不失，正常酒店水準。 總括黎講，團購價去食都幾抵，如果正價就……要諗諗，始終以正價黎比，款唔算多，可以有更好選擇。

四川食店荃灣冇廿間都有十間，e間鋪面唔大，相比隔離其他食店完全輸晒，不過我太喜歡四川菜，於是膽粗粗試下。 店內裝修頗新，細細間，但坐位尚算舒服。 麵底款式約有八至十款，加餸價錢唔算平，但仍可接受。最重要係湯底味精唔覺，最少食完都冇口乾，又唔會太咸，鮮味十足，可能湯底有加配料生滾啦！ 好喇！講到食店推介既手打紅薯粉，果然唔錯，煙韌軟滑，有蕃薯香甜味。 期待再試其他食物，希望保持到水準啦，暫時覺得e間食店幾有誠意！

見間野新開左都有2個月,加上仲有推廣價決定去試一試!

一坐低第一!梗係叫刺身啦,然後再去斟飲品,嘩!!!!!!....凍櫃都有4-5款甜品任食,仲要有DREYER'S任食,愛食甜品既我又點會放過.其實佢地仲有檸茶檸水奶茶咖啡提供,有熱有凍....好多地方都冇得飲E類港式飲品.....

刺身一黎到每樣試下...發現每樣都幾新鮮,除左章紅魚,佢切左個魚腩位,好腥......不過佢地上碟都有心思,用乾冰放係小杯入面加水,令到有煙出黎.

之後再食壽司,D飯算係咁!不過值得一讚既係佢地個羊架,比出面大少少,JUICE D,但係個汁就真係超一般,如果可以改用薄荷汁會更好.....

串燒方面,個人認為牛肉同牛舌都好味,雞腎都OK.但係由於我比DREYER'S打沉左,所以好多野都未試......

總括黎講,佢地既質素幾好,比好間都好,而且用既才料唔會太CHEAP,不過開業都冇半年,所以唔知能唔能夠保持水準....

是日埋單168(不限時任食)..因為預早訂位,免收加一!

不過真係預早BOOK好D,因為唔BOOK一定分分鐘冇位.

環境真係好迫!加上本身佢係一間bar,d音樂真係好難頂!

未食過半自助餐係咁差!生蠔好瘦,唔夠甜,唔夠鮮同埋幾咸!

魚生還可以,不過其他野食就.....

d蟹唔新鮮,d肉好"梅"

個黑松露湯,,,,我覺得似普通既雜菌湯囉!

青口,當冷盤就唔錯!可惜無啦啦加左個汁,好唔夾味!

鰻魚炒飯,好腥,又凍!

係d甜品整得較好!

仲有d火腿,算係最好味!不過戲肉都未到...唔講唔得,食個主菜.係羊仔膝...竟然係白烚加個汁就算,成碟野好多水,d薯蓉....好似食薯仔皮咁苦苦地

諗住飲下野啦,點知佢d可樂冇氣仲要溝左水,可樂姐,唔好咁丫,一支1.25公升都只係12蚊左右....我而家飲你一杯....算得係d乜呀!

團購攪得咁差真係唔好攪,每次拎野食都要排隊,朾身 生蠔雖然係任食,不過係出左2次咋!每次都勁多人排囉!7點幾到左要等到8點先食得,9:15pm就冇得食架喇!所以食得好少野......講真比百幾蚊食li d野,我寧可去食放題,食打邊爐!

我奉勸大家唔好抱太大期望,求期當填飽就算!加埋成二百多d.我比多幾十蚊去食d平價酒店自助餐好過。想長做,真係考慮下做好d,如果唔改善,只會越多人唔敢去!