第一次去li間野,我覺得冇其他食家講得咁差,可能近期改善左掛!

我覺得變化唔算多,不過還可以食多幾次,要讚既係佢既餃,整得幾好味,有木耳有香菇有肉咁囉...

我食過佢既蕃茄湯,夠酸,夠蕃茄味!又試過佢地既雞蛋肉碎蕃茄湯,有d似茄膏味,個湯唔錯,每次去親都飲晒!

另外一讚係佢地既雞扒,真係幾好味!不過唔好食佢地既麻辣雞肉,都唔係雞肉咁!至於飲品,我每次都好安全地揀飲熱檸水,所以好難整得差......

上黎openrice搵食,見到li到個網評都唔錯就決定去試下喇!

不過價錢就唔算平,中價啦!但係我覺得都值,原因係又一誠意之作既地方!晚晚爆場!

叫左半邊大魚,...真係好大條下,雖然唔係咩名貴魚,不過呢就整得好好味,又香又滑,而且個魚湯真係好濃魚味,好鮮甜!
不過佢個口水雞就差d喇,比起同區,唔夠味囉!佢既羊肉串燒正.....

我去左食3次喇...都係一樣咁正呀........

偶然同友人路過,發現價錢唔算貴,平民價膽粗粗,就入去試試啦!門口一d都唔靚,而且仲有陣舊式酒樓既up味,不過唔會影響到我地既食欲!

上到去見到有卡位,幾正喎!仲要跟一部電視添,出面好少每個卡位跟一部電視機囉!

最正既係,雞蛋任你自己拎,醬料任得你自己落,你想點溝就點溝.有黃金蒜同生蒜,仲有蔥花,辣椒粒....etc (好多地方都加你錢架,由其係雞蛋!)

蝦 :鮮甜 唔算大隻 但唔係冇肉
菜 :新鮮 算乾淨
手打丸 :好味 有肉味
花枝 :唔錯
肥牛 :唔會超多脂肪冇肉 而且仲幾有肉味 脂肪可接受 而且上檯唔會係好冰
牛柏葉 :我諗唔會有地方做得特別差掛 正常水準
粉腸 : 苦苦地 可能唔太靚掛
滑牛 :唔錯 唔會太多生粉
雞件 :有雞味 幾好食
芋頭 :好粉正正正

由於太多野食,真係唔記得咁多,不過總括我覺得算係咁,li個價錢,li個環境己經有良心!而且佢任飲比你既氣水都唔係話好差,唔係果d大陸或者印尼氣水,雖然佢既啤酒唔係話靚,不過好多地方都係飲li個牌子架啦!所以冇咩問題,都可以一試,而且星期日去都唔洗等位,己經好開心!而且都唔算好迫又唔算嘈!

一分價錢一分貨,如果佢做得差就唔會有街坊客既!

好期待的一餐,不過可能太過期待,相對有d失望!

味道....真係唔錯由其係個鵝肝,真係超級正呀!(忍唔住食左n塊!)

甜品...個心太軟我好鐘意因為即場整,我食左2個,仲有佢既香檳啤梨真係好好味,食左3個!仲有佢既香檳果凍又係值得一試

熟食...個海鮮湯唔錯好好味,好鮮甜!但我覺得款太少。

冷盤....好失望冇生蠔,收得呢個價應該要有囉,九龍酒店同佢差唔多價,人地有蠔喎!d海鮮唔係好甜,唔算十分好味。刺身還可以啦,一般般!

不過li餐最開心既係.....有一個海景比我地,環境尚算靜,不過我嫌d燈光太暗,有時唔一定要好暗先叫有情調。

我覺得可以一試.,..有優惠可去!

已經試過幾次喇,每次都係好唔同!不太穩定,可能是一個人煮的關係吧。而且太細太迫喇,坐都唔舒服,如果差10-20蚊我會揀森美!

我有時候會想,這間跟森美會否有關,因為set dinner是一樣的

龍蝦湯幾好味
塊多士都唔錯
頭盤焗蠔好一般,可能太細喇!
主菜.....還可以的,幾有誠意(我覺得)未至於其他食評咁講,話好細好薄,鵝肝太大太厚唔好味,會好漏架!不過仍可再大少少,可能成本問題所以,呢個價錢,呢種質素...尚可接受。

甜品,好味,個心太軟幾正,餐飲就.....有待改善!!!

不過d沙律係超唔得,所以真係唔洗考慮!

成日行過,但係少會去食,今次終於有機會喇!

叫左一個精選晚餐同埋一個牛柳,我個人認為,係荃灣區黎講,已經唔錯,事關地方雖小,但坐得舒服。

鵝肝好味!!!!牛柳唔差,個頭盤都唔錯,不過呢....d意粉就差左d,太淡喇。至於個甜品係個cheese cake,我覺得好似食緊冰咁,不過味道尚算接受啦!

我幾鐘意佢地既d扒控制個火喉控得幾好,唔太熟唔太生,食落d肉質仲有咬口,而且仲有肉味!

以一間細鋪黎講,佢既品質算係咁啦,一分價錢一分貨!

我去晒荃灣區所有食酸辣粉既地方....川味d炸醬比佢好,不過le到既酸菜比川味好喎!

最估唔到鋪仔細細竟然有3款唔同既薯粉揀,加上正宗既四川皮蛋,簡直一絕,基於我好討厭香港既皮蛋,但食四川既就好一流

仲有佢地既麻辣土豆絲唔錯唔錯!佢地既魷魚係新鮮架,所以好好味呀!但1!我嫌佢地方太細.坐得辛苦!

川味d人勁串,以前就好鐘意幫襯荃豐果間,而家入都唔敢入,越做越串.唉.................

好味道既奶茶....好味道既珍珠...每次去親荃灣我唔係幫襯佢就一定係comebuy......佢價錢都比comebuy平少少!!

不過都試過有一次佢d珠冇味....但就每次d珠都好煙"銀"

呢點好多地方都保持唔到架.....包括出名既comebuy

我成日飲架...不過唔係真係太好飲....

原因係....d珠時甜時唔甜.....750cc變左700cc然後仲要價錢冇減

試過d珠冇味既添.....

基本上我原本覺得係葵芳最好果間....但而家我覺得都唔係lu....

可能佢地成日換人啦...飲品既品質就保持唔到....

每次飲親次次唔同味....最唔掂既係.....有時d珠係未發晒....咬落去仲硬硬地架個心

一係就冇用糖撈落d珠到....變左每次飲親都好唔同味.....

不過係葵芳佢都算係較好架喇!!