樂園牛丸大王 (旺角)

同屋企人行MK, 行過樂園 , 好啦 ,未試過 試下啦!

一入去...嘩座無虛席, 以為一定係好味先多人食.....個WAITER仲非常之咁有腦地叫我地3個人 搭檯係一張已經坐左兩個人既小圓檯到.....之後咪唔坐囉 咁迫...顧客都應該有權揀食定唔食呀...

之後個收銀亞姐黑口黑面話 而家食飯時間係咁多人架啦 個個都係咁迫架啦 嘩大佬而家我比錢食你間野 洗唔洗咁講野呀 一日未比錢 未坐低個客都可以揀啦下馬 我個人已經出左門口架喇 不過屋企叫我返轉頭 因為有4個人位坐喇 於是算啦 諗住屋企人想食咪陪佢地囉 得整我叫牛筋腩+招牌牛丸 佢黎左婉 得一粒牛丸 2粒豬肉丸 腩碎河比我 我想換 屋企人又話算啦 一陣佢地加料都似

然後屋企人叫左佢店推介既果汁 $8 / 200ML 紅色果罐難飲到嘔 好似飲咸果汁咁 都算數

最過份係.............都冇人坐埋黎我地張檯到, 個有"腦"WAITER叫我地吉返個位出黎唔好擺野係佢地D橩到喎!@.@ 3個人拎住4袋野 間鋪地下又DIRTY 又多人出入 行黎行去 唔擺橩 擺邊呀?又冇客要坐 做乜咁快趕其他客要立起D野姐 有客我都會體諒下 嘩...而家都冇

仲大大個牌話蔡瀾推介 咪整臭人地個名啦 服務咁差 上個麵都錯 質素又唔係十分好 服務又唔好 坐又坐得迫 咁都有人比好評 真係執到啦

以後都唔會食E間咁差勁既丸店呀!

3人收費共110元正 食完都唔飽 最後去左其他地方掃街

雲米家 (荃灣)

我獨愛佢地既過橋紅薯粉$39 如果係6點前仲可以以1蚊加多一杯飲品抵

佢地會將d配菜擺係你面前 先將粉條加入熱湯 然後再加入配菜 最後咪就係比你食囉

佢地既口水雞亦值得一味 香辣..超正

加埋佢地既玫瑰冰沙 簡直一流 香濃玫瑰味 而且仲有玫瑰花瓣 好好味

至於其他野我就冇咩點試 因為我只係想食佢地既過橋紅薯粉咋

水車屋日本料理 (尖沙咀)

唉................諗住11個人去食飯電話訂位食放題..

其實e間野係唔止食過一次, 但唔代表服務好好

間野10個人以上既booking要先落500元既訂金...的確無可口飛

不過以咁大間鋪泥講,咁樣做會唔會令d客覺得唔方便呢

而且接線果位姐姐態度又差......一路講個戶口講得勁快 叫佢慢少少好似會死咁連講4次都係一論咀講

好啦到寫好個戶口喇 佢叫我抄埋個戶口名 講得勁快 講左2次 我只係抄到個crown ............ltd

再問佢再勁唔耐煩囉 我勁冇心機再抄喇 做生意做到佢咁真係第一次見 如果唔想講咪叫人落訂啦

刺身雖然新鮮 款亦算多 不過熟食既款相對地少 服務態度真係.................可以的話請炒左個咁既亞姐啦....

稻葉亭 (長沙灣)

剛剛睇完e到d食評 ,真係好驚心,不過試下都無妨丫。

首先朋友即日訂位,竟然仲訂到,我覺得勁驚,因為荃灣同埋其他地方都一早冇位,不過抱住人一世物一世心態,乜都要試試。

訂左7:30,不過由於有朋友未到,所以諗住食住等,點知waiter哥哥勁好人,開左一間房,叫我地等齊人先計時間喎!(限時2小時)

人都未齊佢就送左d魚翅比我地食 (味道絕對可以接受架!我食左2碗!)
之後仲送左海龍王壽司味道接受啦,冇特別驚喜!

不過d刺身就真係嚇死人,從未試過成班大食友連一盤刺身都食唔晒,除左北寄貝外,其他都唔錯,由其係甜蝦同埋魷魚,而且仲極少見放題會有劍魚,而且味道同樣鮮甜!

炸帶子,羊架,天婦羅,雞軟骨,鹽燒帶子如果10分滿我比8分-9分,我去過最少8間放題,雞軟骨都冇e間咁好味!

138蚊連埋加1都係141蚊,仲有飲品任飲,我覺得絕對值e個價錢!連荃灣x月花質素都唔及e間!

最重要係人少少6個人都比間房你先正,成班人玩到癲都冇問題,而且我地今日超晒時,成3粒鐘先走,佢地都冇趕人,服務好過牛陣!

其實我覺得絕對唔係之前d劣評講既咁差,可能換左廚師掛,一試無妨!千其唔好比e d 略有質素既食店埶笠呀!

以前食過mk大久保真係難食到死,好似食x咁,仲要貴過e間,一定質素比荃灣x月花好!

川味軒 (天水圍)

越做越差，幫襯咁多年，越嚟越冇禮貌，餸又越嚟越少。

打電話落單，男人接聽，覆兩次，兩次都錯，要撈粗，就覆我撈幼，要牛栢葉就覆魷魚。

等咗1個鐘，打去問出咗未就話出咗，好快到。
再過多半個鐘，又話嚟緊。
最後要成2個鐘先到，仲要係送去天耀商場。

叫個外賣等2個鐘，打去問幾時到，只係答好快好快，聽電話果個亞姐又冇禮貌，送到嚟個外賣凍晒，搞到好難食，啲油凍咗漿住啲薯粉，餸又少，牛栢葉少到得6條絲，每條5~7mm闊！

除咗價錢稍為正常外，搵唔到再幫襯嘅理由！