超級大食凹 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2017-05-28
其實想試好耐，不過經常遇唔啱時間，終於的起心肝去試下抹茶脆豬同茶冰珍珠奶茶。 果然好味!特別係茶冰珍珠奶茶，加埋半糖，茶味突出，就算溶晒啲冰都唔會淡（梗係啦～茶冰嘛！😂😂），好喇~~到抹茶脆豬，真係又脆又香，不過抹茶啲味……應該係添加人造香料，但係算啦！li個價錢點可能用全抹茶丫~~~一分錢一分貨，過口癮唔錯~~ 其實我另外仲叫咗個奶醬脆豬，味道一般! 一個包加一杯飲品，平3蚊!算係咁啦～😆😆 自從試完杯茶冰珍珠奶茶，我成日都好想再去飲，可惜，唔太就腳，如果開係又新街或者西菁街就好喇! 評分: 味道 4 環境 3 服務 3 衛生 4 抵食 4
2017-05-16
新開一段時間服務唔錯，refill算快，環境夠闊夠大，冷氣大咗啲，不過用pad落單就……估唔到部pad有問題，不停自己 restart, 最後要搵職員落單！ 雪糕，乳酪嘅配料較少，希望將來增加多啲啦～同埋乳酪機好快冇晒，仲係黃金時間喎！li點有啲唔開心。 去牛一前睇咗食評，見足90cm就算未夠3歲都要收錢，唔知係咪比人投訴過定一早有張memo呢？不過張memo唔太顯眼！ 屯門冇日式葛絲，但li間有，正呀～感覺上li間啲自助食材較少款，可能仲係新啦～  其他分店會15分鐘前通知客人last order，比啲客可以有預備，但li間就夠鐘即cut即熄爐, 要枱客出去埋單，li方面真係要改善。 
評分: 味道 3 環境 3 服務 2 衛生 3 抵食 3
2017-04-09
成日見有人排隊，見食評好似幾好，於是今日同朋友去試，點知…… 朋友同我分別叫一份拉斯維加斯軟殼蟹鵝肝漢堡（$158）同吉烈魚柳漢堡（$78），睇樣好似唔錯，以為1分錢1分貨啦！不過希望越大失望更大，麵包係好味嘅，但真係未食過鵝肝係又乾又粉又散，完全冇juicy冇軟滑嘅口感，又細塊，隻軟殼蟹細到😢😢，元氣果啲仲大隻過佢。 吉烈魚柳勁大塊，不過得個大字，醃得有點過咸，啲炸油唔知用咗幾耐，塊魚柳係深色過茶餐廳奶茶，好硬囉！ 收li個價錢，真心覺得中咗伏，唔會有下次。 評分: 味道 2 環境 3 服務 3 衛生 4 抵食 1
2017-04-06
唔好以為1分錢1分貨，絕對係1分錢5分貨，先唔講份量，味道真係比好多所謂貴價西餐廳好味，意粉唔會好林，亦唔會好硬，醬汁唔會太多，唔會好似飲汁多過食意粉，似炒意粉比例係啱啱好。 而意大利飯亦唔會生米，唔會太咸，平時食半碗飯都嫌多嘅我，竟然一碟唔夠仲要加底先滿足。 好喇!到份量喇!就算唔加底都真係算幾多下，仲要有埋餐湯同蒜蓉多士，加埋杯巨大飲品（等如其他餐廳1.5至2倍），唔洗50蚊都落到樓，li個價邊到搵呀？不過，如果飲慣味精湯/重味湯，可能會覺得餐湯難飲，因為都幾清淡，飲到食材原味，但我反而欣賞咁嘅餐湯，因為太濃味會影響食主菜。 至於杯巨大飲品，實話實說奶茶太甜，飲落冇乜茶味，li點有一丁點失望啦！但如果對飲品冇太大要求嘅，其實真係算抵食抵飲喇，唔洗50蚊，午餐都易搵到，晚餐就……（當晚樓面有啲甩轆，始終得一個，但好好禮貌，加油!） 會再去食，希望可以加返長通粉同保持水準啦！ 推介美食: 香煎鵝肝黑松露意大利飯 評分: 味道 4 環境 3 服務 3 衛生 3 抵食 5
|
1次成為首位寫食評會員
食評數目
編輯推介數目
0
會員推介次數
7
人氣指數
1919
留言數目
上載相片
上載影片
我推介的食評
我的餐廳
關注
1
粉絲
1
