一直想去呢間Café試下，點知超近新屋企🏠 以後可以常去😆 我要係不同位置打卡🤣 °爽瓜瓜熔岩手打(美國)牛肉芝士漢堡(特調花生醬)🍔花生醬配漢堡幾夾，原來熔岩係指花生醬，個包係有烘過，食落去質地係我喜歡的，但牛肉太碎，打得唔夠膠，咬落去碎濕濕咁，有待改善 °焙茶麻糬Bagel🥯最好味，煙煙韌韌，好夠焙茶味，作為焙茶控嘅我覺得🅰️💯仲有幾舊麻糬增加口感，暖烘烘咁食👍🏻正 °特濃香烤芝士忌廉雜菌雞肉意粉(微微微辣)🍝正常水準，特別在於佢個辣味，食落似係‘腐乳’🤔🤔但唔確定🙈大家都可以去試下 食物分量都算大，都幾飽，連老公都嗌飽😆 價錢我覺得係中上價，都算合理，係個Bagel 有點貴 距離啟德站5-8分鐘路程，都算方便，地方寬敞，落地玻璃採光十足，有日光時影相顏色好好，多款不同位置可以打卡，就算唔打卡，係度過1個悠閒下午都真係幾舒服。

老公生日驚喜《上山頂》 當日係平日，平日嘅山頂真係無咩人🙈 我哋好似包場咁🤣可以好好享受+欣賞餐廳嘅裝潢，最喜歡餐廳中間一排燈💡💡💡 不過呢間餐廳嘅分量比較適合多啲人一齊食 樣樣菜式都好正，起碼我哋order嘅菜式無一樣會覺得比較之下會變遜色，反而係樣樣都覺得“嗯！好味喎”，而且個“烤豬腩肉”仲✨️非常出色添👍🏻👍🏻 “薄切牛仔肉”同個醬真係好match😋 經典“辣肉腸蕃茄水牛芝士薄餅”無得輸😆 “薯條”唔係嗌貨個種，應該係真薯仔切😋正呀！ ⭐️超推薦大家去食⭐️ 本身我通知咗餐廳今餐係老公生日，餐廳本身都有準備，但2個人食呢個份量真係太飽，真係食唔到甜品，但餐廳💕超好💕知道我哋已經超full，所以送咗2杯酒for慶祝老公生日🎂🥂 職員全程都好好，又有禮貌，仲好慇懃，而且個個都好好笑容👍🏻 好質素，價錢合理，一定會再去幫襯👍🏻👍🏻

老公生日驚喜《去⭐️⭐️餐廳 Arbor食Lunch》 5月就book定😆仲request 埋舒服寬敞嘅sofa位俾身形龐大嘅老公🙈🙈 雖然中環一定係高樓大廈景，但25樓都算高，大玻璃採光都足夠，夠光猛，感覺都夠寬敞。 一黎就飲香檳🥂So Happy🤭 明明係食西餐，但Arbor主要用日本食材烹調，所以入口又好似食緊日本菜咁☺️好得意 最重要係望住菜色係會諗唔到可以咁煮，所以入口就好有驚喜，老公一路食一路都好開心💕，好想參考個烹調方式😆 而我，非常enjoy美食，而且精緻嘅美食仲可以一款都有多種口味，就好似個《Tuna醬油Pancake》咁，Pancake面有2種配搭，碟邊亦有2款醬汁配搭，我就比較喜歡煙燻醬，擺入口一合埋口，個醬頂上味蕾，濃濃嘅煙燻味好正😍又有似食壽司嘅感覺，好過癮😋 餐前麵包《法國牛油軟包Brioche》非常鬆軟 老公話加入白味噌嘅麵包就食得多，再加埋紫菜就好少，再加埋醬油牛油，就好似食緊味噌湯咁😋 《乳鴿Pigeon》 肉質嫩滑，同樣都有多種配搭，我個人喜歡配花椒口味，好有驚喜🤩老公話佢去埋E所以同平時食到嘅唔同，唔會硬到食唔到 《Medeleine》暖烘烘，入口順，唔會有糖嘅顆粒感，老公勁讚👍🏻 甜品有我喜歡嘅麻糬+豆腐雪糕+咸蛋+炸腐皮，我個人喜歡以呢種淡口味、清味蕾作結👏🏻👏🏻 🎉Happy Birthday to My World's Best Husband🎉 老公非常滿意今餐，有個識食又識煮嘅老公，帶佢去烹調＆味道都複雜嘅餐廳實無錯🤣🤣🤣 慢慢細緻品嚐，佢已經夠晒開心啦😁 今餐我哋嗌咗3杯酒，$2-3xx/glass 嗌咗2個4C 嘅Lunch set $1776

之前1個人去食深水埗💛cafe 🦞香煎帶子黑魚籽龍蝦汁闊條麵 $138 有3粒厚身刺身級數嘅帶子，如果多1粒就更好🤭 龍蝦汁香濃，有咸鮮味，但整體份量略嫌太少，我嘅細胃口嚟講只係“有野落肚”，正常人應該一定唔夠肚，但真係好味👍🏻 🍵焙茶鮮奶(熱) $42 呢杯會帶有微甜嘅味道，人人都岩飲，而且都有濃郁焙茶茶香，只係我個人喜歡無甜味嘅焙茶鮮奶多啲🙈 總結：我會再去食，仲要帶埋老公去，因為呢間舖有個打卡位，但我1個人去所以無辦法去影……而且上網睇佢哋嘅甜品都好出色，無奈我1個人真係食唔落…… P.S. 聽講週末假日好多人排隊，唔想排隊就最好12點前去到，我食個日係平日下午2點後，所以唔洗等，即刻有得入😆

11Jul 2020 男友🎉Birthday 🎂 驚喜 朋友推薦🎈香港出名扒房【MORTON'S】 聽講之前起碼要早成個月先有機會Book到，而今次咁岩Book到，仲可以安排到window位置😄 🎂一坐低就有驚喜🎊印上男友的名字嘅menu🥰仲有Happy Birthday 添🥰 🎂上菜之後更幫我地影相，當時男友仲未知發生咩事🤭到職員印好出黎，制作埋Birthday card🎊俾佢時，佢個驚訝開心樣，真係好正🤣🤣🤣🤣 🎂樣樣都高水準嘅美食😋當然我都有search 啦！ 🟠外脆內軟又香噴噴嘅🧅洋蔥包包🍞 🟠《必食🦀蟹餅》真係超多🦀蟹肉，第1次蟹肉味咁澎湃，仲好鮮味添，係暫時食過最好味嘅蟹餅 🟠2人海鮮冷盤好鮮甜，咬落去質感就會知夠新鮮，有🦀蟹腳、🦪生蠔🦞等等。 🟠帶骨肉眼🥩牛扒，真係不得之了‼️‼️男友係超讚👍🏻我都非常滿足😋好嫩滑又Juicy，有慢煮嘅感覺，真係值得再去試多幾次，試下其他菜色😁 🟠因應壽星仔要求order咗薯條，係好味，而且分量好多，又係男友喜歡嘅質感 🎂到甜品時間啦～又係驚喜🎊時候，會多1款甜品同時亦會寫上"Happy Birthday" 今餐重重驚喜🎊男友非常滿意，講真會再去，因為仲有好多野未食，而且每樣菜色分量都偏大份架 P.S. 冷氣比較大，建議女生帶件披肩更好

男朋友🎉Birthday🎂 對於2個鍾意😋食嘅人黎講: 🍣食美食😋 已經係好大嘅驚喜🎉及樂事❤ 所以揀嘅餐廳以「我想食」為標準🤣 🌞早餐食Omakase🍣其實都1:45🙈 記得要早少少或準時去到，因為Lunch只做2輪。入坐後，我見職員已即刻call未到嘅客人，confirm book枱時都會提醒只留15分鐘，所以準時到比較好，咁樣有充裕時間享受用餐 男友生日食豪少少，揀中間價錢💰set lunch 🍣滑溜溜又足料嘅金箔海苔🍵茶碗蒸 🍣清新＋油脂＋慢煮sashimi 慢煮🐙八爪魚好出色，無咗一般un嘅口感，反而係Lum同時好入味🤤 🍣sushi好新鮮 拍一拍會郁嘅akagai😍仲有自家醃製嘅清甜魚子👍🏻火灸過嘅更顯魚油香🤤大蝦🦐個款真係不得之了，將鮮蝦×蝦子×蝦膏，1啖多重口感🤤 🍣明太子青椒仔天婦羅 咬落去嘅清脆聲音表現，薄薄外脆做得非常之好🤤 🍣迷你uni雲丹盛 放咗2~3層好澎湃嘅北海道uni海膽，味道清甜🤤好Fresh 嘅感覺😋 🍣茶壼湯 好足料‼️蟹、帶子、魚肉、菇等等，原來個青檸係擠係湯料上食作去腥之用⭕ 🍣手卷 淨係記得個油脂感➕勁香脆紫菜 而且拎之前師傅都有提醒我地要雙手接，之後就好似飲酒咁放入口，好滿足啊‼️ 食到飽飽時，師傅突然“生日快樂”遞上點咗蠟燭嘅生日“吞拿蓉uni魚子盛”～～ Surprise🎉🎉 (其實我都唔知，只係book台時有講聲佢生日，點知有驚喜喎😁) 呢一刻男友已經好飽，所以食咗1啖之後，我就已經將uni同魚子食咗落肚嚕🤣🤣🤣🤣🤣 尾聲以豆腐雪糕作結尾🍦 見到男友內斂得黎又滿足、突然又收到驚喜又不知所措嘅樣子真開心❤

近期不禁會懷緬過去，真係會常陶醉 每次經過呢間冰室都會不禁睇一睇入面舊式而又港式嘅裝修 舊時嘅信箱、舊時嘅霓虹燈 餐牌設計好可愛 厚厚的鬆軟的多士塗上一層暖暖的牛油，表面微微香脆 紅湯好足料 ，有微微嘅酸辣味 鐵板招牌牛柳餐 128 牛柳夠嫩，又juicy，三成熟岩岩好，牛柳既肉味慢慢散發出來，愈嚼愈有肉汁，配上超香濃黑椒味既黑椒汁，辣得黎又可以刺激味蕾，令人有少少上癮既感覺 當天身體有點不適，所以叫咗一杯含有舊時風味嘅熱薑檸樂， 真係唔係度度都有得叫㗎。 其實之後我都有去幫襯 呢個厚切午餐肉嘅常餐，我覺得件午餐肉都真係算厚，而且上餐速度都算快，上餐時所以食品都係熱架

喺呢度睇舞台劇就睇得多， 都係第一次喺度食嘢，原來有間光線充足又開揚，而且坐得幾舒服嘅餐廳係4樓。 坐喺巴枱仲可以睇到維港、會展景色 聽朋友講呢度最出名嘅就係「 花膠雞米線」 上枱時大大碗， 睇到大大塊花膠，仲有好多件雞、杞子、圓肉、紅棗。 大大塊花膠，仲有少少掛湯添， 好濃郁嘅花膠雞湯呀湯一飲落去，就好容同埋好「骨膠原」嘅感覺，足料 睇睇隻雞，原來係雞髀肉嚟㗎，仲要去曬骨添， 咬落去好嫩滑呀 杞子同圓肉都好甜，成碗花膠麵，我係連湯都飲曬，湯夠濃，雞夠滑，真係好正同好滿足，一定會再幫襯

白色的瓷磚、舊式的地板 往下行落去。。。 一張藤椅、一幅用麻雀砌成的地板 充滿著80年代的懷舊風味 其實是一間火鍋店，店內一直播放著充滿回憶的80年代歌曲， 每一首我都可以琅琅上口 (暴露咗年齡添))) 胡椒豬肚雞鍋 x 老成都麻辣鍋 胡椒豬肚雞鍋一滾時，當然係裝一啖湯試下先啦，好清香，唔會好油膩，而且雞肉以滾湯嚟講雞肉質地:: 佢有麻辣嘅香味，但係又唔會係搶喉嘅辣味， 令到大家都由胡椒豬肚雞鍋轉去麻辣:: 牛肉粉嫩滑口，每一下咀嚼都有牛既油香揮發出黎，灼10秒已經足夠，牛既鮮甜味會係口中齒頰留香 門鱔炸魚皮(有骨) 分量都幾大塊，質感比較硬，建議浸耐啲先食， 沒有油益味非常好。 冰鎮黑栢葉，爽脆而彈牙既黑柏葉，係火鍋界中必點既食物之一，口感難以抗拒，爽而不un 滑溜溜既牛骨髓，用白雪雪既外表吸引著你，厚重既牛味完全隱藏其中，咬落軟軟的，有種不一樣的感覺。 鮮蝦黑松露餃未放入個鍋度，已經聞到濃濃嘅黑松露味，熟咗之後咬開，見到有兩、三隻大大嘅蝦，頓時覺得好滿: 自家鮮制四寶丸( 鮮蝦丸，墨魚丸，牛肉丸，黑豚肉丸) 立立都好彈牙，牛肉丸仲有好香濃嘅牛肉味 ，食一粒都已經覺得好飽。

休息係為了行更遠嘅路， 減肥係為了食更美味嘅食物 今次黎到新蒲崗搵食，因為咁岩有個fd係附近開舖，順便聚一聚。 未食先吸引眼球，我就係1因為上圖隻牛而入去試一試 入到去，就連隻碟都吸引過人，真係唔影低紀錄唔得 我叫左1個set，呢個羅宋湯真係與別不同，湯料多不在話下，跟湯嘅包仲正，用上辣椒製造，同個湯真心非常夾好想再 encore個包 三文魚沙律看似平平無奇，但係佢銀白色嘅醬汁，真係令我好難忘，酸酸甜甜似的，而且三文魚咬落係新鮮的，唔係"梅梅"的，好質素 慢煮法式豬鞍扒 188 份量十足既豬鞍，厚實咁係面前出現，慢煮過後再以大火煎制，以至表面焦香，切落感覺嫩滑，肉汁亦緩緩流下，食落有香味慢慢係口中散開，至肉汁亦不斷滲出 焗大啡菇配松露忌廉芝士 68 香濃既芝士焗到表面金黃焦香，而大啡菇充分濕潤，咬落有菇汁係口中爆發，香味瞬間湧出，再加上黑松露，簡直錦上添花 伯爵茶本身帶有微微既苦澀味，但係當混合上花茶包，一種香甜味隨即取代苦澀味，只需要聞一下，都感覺呢份香甜，令人安神 最後甜品係奶凍，幼滑微甜，牛奶味香濃 休息後，要繼續堅持💪🏻💪🏻💪🏻