是日叫了一碗細酸辣湯 ($30), 真係几細, 材料種類少, 味道差!

是日叫了一蒜泥白肉 ($45), 真係几少料, 几塊無皮腩肉, 几厚, 好柴, 醬汁竟然係泰式甜辣醬菜?! 好難食呀!
蒜泥白肉的白肉是要連皮的, 且片得很薄才好吃.

是日叫了一客咕嚕肉客飯, $39, 好像不貴, 但來了一看, 只有四粒仔咕嚕肉, 份量好少, 味道一般.

是日叫了一客紅燒蟮糊客飯, $45, 份量好少, 味道一般.

是日叫了一客南京牛肉面, $35, 面份量一般, 牛肉好少, 味道一般.

絶對無下次, 呢道居然有人讚, 真難明!!

經過看見一條鯇魚的標示圖, 覺得頗專業, 可以一試, 入去叫我在生記的最愛, 魚鮫魚泡粥. 粥來了, 用匙更攪看, 嘩!!有無搞錯, 得一個小魚鮫, 少許切碎的魚泡, 太少料了, 一吃, 魚肉也不新鮮, 魚泡還有食粉的味, 不好吃, 我只吃了一半便結數, 這麼難食的粥居然要$33, 非常不合理, 我即時向收銀小姐反映, 並請她有空到生記食吓, 就知她這店多過份.

叫了二人餐, $138, 包括:

1. 例牌太爺雞: 買相好, 但一食就知係冰鮮雞, 好失望, 非常一般貨色, 但葱蓉不錯,

2. 燒汁牛柳: 唉, 醃到冧冧的牛扒. 唉!!

3. 順德魚頭煲: 最差的一味了, 全無味道, 而且兩塊魚頭都沒有魚雲, 一丁點也沒有, 不知去了那, 沒有了魚雲的魚頭還有甚麼可食?太離譜了!!

居然還很好生意, 人客多伙記少, 一壺茶飲完, 根本無人再幫你添水.

伙記無心機做野, 縮起來, 唔望客, 很辛苦才ORDER到野. 叫燒肉燒鵝飯, 上枱一睇就知係燒鴨唔係燒鵝, 因為佢俾胸肉, 大佬, 鵝胸會唔會咁細呀, 連正常的鴨胸都比佢大, 肯定唔係鵝, 係鴨, D皮好冧, 肉好粉, 根本唔係鵝. 大佬, 以鴨允鵝, 太過份啦, 價錢食味都唔同架!!!

燒肉仲得人驚, 係猪頭肉, 肥到無譜, 根本食唔落,

免費的例湯無話可說, 就係將D頭頭尾尾的東西放進去煲, 有個客仲問, 今日例湯係乜, 暈!! 你估高級食府咩, 今日例湯係乜, 根本日日都係個煲湯, 只是每天加水同加D頭頭尾尾既砧皮屎同下欄野落去, 所以有D骨頭好似罐頭咁, 冧到可以食.

無論如何, 呢餐食得落的野無乜几多, 很差的食肆,

富記食咗几十年, 以前在旺角街巿附近好正, 而家愈黎愈差

是日叫咗;

a.白切雞飯, 雪雞, 一d雞味都無, 以往富記的白切雞仔好出名, 好正, 現已完全消失.

b.燒鵝飯, ok, 不過不失.

c.魚頭菜湯, 我想每大碗約有半個大魚頭, 可惜是混煮, 所以有些客人會多, 有些客人會少, 是晚運氣差, 除了只有魚頭的骨架外, 只有丁點魚雲, 想是去了別人的那碗了, $35元, 勁唔抵.

d.豉汁蒸白鱔, 想爆粗, 是小鱔, 而且切到好薄, 不是一般的薄, 像魚片般薄, 而且量少, 又不新鮮, 全碟只有一片是新鮮的, 可能大部份是買剩的. 買$52一碟, 簡直係暴利.

我對呢間野既評語係:

1.服務態度差, 一向都差, 而家食物差, 所以特別不能容認.

2.食物質素大倒退, 不新鮮.

3.清潔衛生更差到難以接受, 匙筷油立立.

雖然經牙擦蘇推介後生意好, 多咗後生仔女去, 生意唔憂做, 希望佢地做番好, 唔好失去老店的品質.

對呢間野無好感, 自已唔會去食, 老細想食, 當然要陪, 叫肥叉飯, 特別強調"肥", 落單又見有肥字, 結果黎既完全唔肥, 仲係頭頭尾尾既碎叉, 仲有佢d叉燒同人唔同, 落好多粉, 糊糊的, 又不是做叉燒包.

真係好火, 好火, 明明單已經話要肥叉, 師傳居然俾瘦叉, 明明係瘦叉, 侍應姐姐居然講: 先生, 你要的肥叉飯, 請慢用.

老細要的乳豬飯也好不了多少, 飯少菜少, 居然有豬頭肉.

這是我的飯堂, 如果係個邊做野一定去個度食, pizza及焗飯, 意粉一流, 其他都好ok. 不過我自已就多數食千島熱情厚批同肉醬意粉同三文魚焗飯. 炸雞都ok, 不過我怕熱氣同肥膩, 好少叫.

環境有時很擠湧, 但員工服務都好好, d妹妹仔又年輕, 又勤力, 服務態度又好, 非常滿意!! 我覺得佢地全線工作人員服務態度都好好, 包括送外賣的肥佬阿叔及一d年紀稍長的阿姐. 掂!!

食完一肚火, 但年關將近, 多野做, 無時間在此反映, 現在補回.

特式雞翼不脆, 肉是粉的, 好差. d炒飯無料, 算, 但炒到臭燶, 真係惡頂, 事實上都有不少燶的飯粒, 但奇就奇在食到鹽粒同味粉未炒散, 怒向收銀小姐反映, 小姐說炒過一碟給我, 但我已很火, 即走.

聽人話佢d燒肉好食(外賣) , 第一次試, 全瘦, 皮甩, 好失望, 但死心不息, 認為偶然失準, 第二日再去, 同待應講唔好太廋, 結果來了一碟豬頭邊的肥肉, 四十几五十蚊一個碟頭飯連湯竟然水準咁差, 真係好過份!!!!

今晚7時半一家三口幫襯, 我家住何文田, 個度有間廣東燒味餐廳, 成日幫襯, 覺得好ok. 所以見到呢個招牌, 就入去食飯. 點知好谷氣, 好失望, 完全唔係一回事, 同一招牌, 分別居然咁大.

我老婆點梅肉扣肉($28), ok

我個仔點牛扒腸仔意粉($35), 勁難食, d意粉發到漲晒, 誇張d講, 接近鳥冬size, 豬扒腌到霉爛.

我點苦瓜燒腩炇班腩($38), 個名好吸引, 又燒腩又班腩, 但一上菜, 失望呀, 班腩冧pad pad, 無問題, 因為無寄望. 但燒腩變燒豬頭肉, 實在難忍!! 燒味店居然用這些大部份人都棄掉不吃的下欄野做菜俾人食, 仲要收$38, 太過份了. 最過份係廚師煮得好難食, d苦瓜又係冧pad pad, 打個鼻涕獻, 一d味都無.

仲有, 個操鄉音的大隻女侍應, 無禮貌, 無招呼, 梅肉扣肉, 28蚊, 佢寫29蚊, 我個仔要牛扒腸仔, 佢落單係豬扒腸仔.

唉, 都係廣東燒味餐廳, 點解何文田同油麻地差咁遠架.

註: 豬頭附近的肉有好多淋巴瘤, 真係唔適合食用架, 對身體有害架, 所以我一塊也沒吃。