細細個果陣就已經係呢到食牛肉麵
次次都覺得好好食
今日下晝有係呢頭所以就過尼幫襯下
其實呢到既野食幾好食嫁
但係咁多種入面我最愛既都係生滾牛肉麵湯底好清,牛肉好滑,個麵唔會話煮到好林
加上炸蒜就更加帶出牛肉既鮮味
另外我就叫左杯凍檸茶
total 24蚊都ok呀唔錯
不過有一樣野要講一講
就係係我食緊lunch既期間
部冷氣間唔中都滴水落尼
係時候要整整啦=]

今日去開紅磡見又有d肚餓
於是就行左尼時新到食個包
其實都唔係第一次幫襯
不過就今次先尼寫個食評
時新既沙律汁係自制既
別有一番風味

今次叫左一個芝士蛋漢堡包
我去幫襯既時間係差唔多夜晚7點
所以人唔算好多
一去到買左飛轉頭就整好了新鮮出爐熱辣辣
個包脆脆地感覺非常好!
難怪有咁多好評哈哈
事實上我都覺得佢地既漢堡包真係整得好出色
咁有特色既食物一定要keep住呀!!

今日去完婆婆屋企探佢
於是就係長沙灣呢到搵d野食下
平時返教會都會經過旺記
不過就真係冇咩點幫襯過
襯今日有時間又自己一個就試下啦

長沙灣呢一頭多數住既都係公公婆婆
所以呢頭餐廳d野食都普遍平d
迎合返地區既消費指數
15蚊一個車仔面有3個送老實講,係出面其實真係好難會搵到
我揀左墨魚丸,牛柏葉,豬皮同幼麵
另外再加左兩串串燒,一串豬頸肉一串羊肉
先講車仔面我覺得就普普通通啦
我以為幼面係平時食開果d雲吞面
原來唔係既
不過我就覺得個麵質不太好
牛柏葉冇咩味,墨魚丸ok,豬皮係咖哩味
但個味道都係普通

至於串燒就好得多了串燒就即叫即整,所以等既時間比較長少少
但當燒好既串燒加上醬汁,芝麻等等
就突顯到果種地道風味
正呀!

今日同朋友係朗豪坊行街
行到攰而且又到左tea time
所以就搵d野食下啦

食甜品的確係夏天消暑其中一個選擇
我叫左一個椰汁西米露涼粉
價值22蚊呢個價錢又唔係好貴
但又可以能夠令我地食到好野真係好!
椰汁好香好滑,西米好林,加上涼粉既質感真係好好!
已經唔係第一次食呢個嫁啦
食左咁多次都仲係咁好食
正呀!

今日同一個好耐冇見既好朋友出尼行街
於是尼左海港城呢到搵野食
記得我地之前都有尼過
係foodcourt入面,店舖都好似冇咩點變過
今次就試下越膳呢到
我叫左一個雞翼檬粉一個湯檬入面有4隻雞翼其實都幾多下
出面好多都係得3隻
不過個雞翼就lone左少少
但都可以接受
湯底其實幾清,唔算話好咸
檬粉都好爽
食起上尼我覺得真係唔錯嫁bor
都唔係好似其他人講到咁差既@@
呢個餐36蚊仲有一杯野飲
飲品我就叫左一個凍紅棗茶
味道甜甜地,不過太多冰了
下次我想試下d蔗蝦xd

今日lunch唔知食咩好
於是求其就係藍田搵d野食下
記得以前有朋友同我講過話大滿貫唔係咁好食
所以我一路以尼我都冇幫襯過
不過唸唸下見佢都係呢到做左咁多年
如果真係咁差都做唔到落去啦
同埋見到佢個意粉餐幾吸引於是就決定試下

餡料有4款,包括火煺,牛肉,蝦球仲有雞肉,
但只可以揀兩樣,於是我揀左牛肉同蝦球
醬汁方面有兩個,包括菠菜忌廉汁,另一個我唔記得左
咁我就揀左忌廉汁
意粉方面有長通粉,普通意粉同扁意粉
而我就揀左長通粉
飲品可以揀羅宋湯or中湯or汽水
咁我就揀左sprite
成個餐先係30蚊我覺得ok唔錯外賣大慨等左5分鐘到就有,其實都好快
上到家姐屋企一打開哇個樣睇落去唔錯wor
一試之下覺得佢地既汁好香好濃,牛肉好滑
蝦球就比較硬身左少少
但食落我覺得真係好好味!
30蚊食到一個咁好既lunch
下次繼續!

呢間和民好大間
開張果陣冇學生餐所以身為學生既我都好少幫襯
後來就整左學生餐
每個29蚊再加一,有麵豉湯又飲品
呢個價錢對我地呢d學生就合理得多啦哈哈
學生餐既供應時間係星期一至五中午12點至3點
可以令更多人受惠真係唔錯!

學生餐有6個餐
不過我既最愛始終係豬扒鍋定食一個鍋仔有6小塊豬扒
個sauce咸咸地加上洋蔥就特出左豬扒既鮮味
當個鍋滾既時候
仲可以由自己打隻蛋落去
真係夠晒特別!
麵豉湯既味道好濃都唔錯

飲品方面有幾多款下
例如有普通既奶茶,咖啡
特別D既就有柚子蜜同柚子蜜梳打
得閒再尼!

今日星期日
所以就陪婆婆食個LUNCH
一家人一齊去到呢到食
以後夜晚都試過係到炒小菜食
味道都唔錯
不過因為地方唔係好衛生
所以少尼左好多lu

今日本身想叫特餐食
但係又驚食唔晒
所以就係叫左一個車仔麵我揀左炸醬,肥牛,雲吞仲有粗面
本身叫左牛腩汁做湯底
不過最後就比炸醬既味蓋過左
炸醬既味道都幾濃
不過我比較喜歡譚仔果種
肥牛好滑幾好呀
但雲吞就唔係咁新鮮
同埋個麵好生唔好食
希望可以改善下

前日去開BU
所以就順道尼又一城食個LUNCH
尼到既時候都已經成兩點
不過都仲係好多人
因為foodcourt有幾間食肆
所以就揀左尼呢到啦

今次就揀左noodle place尼試下
去到見到佢既餐牌其實都有好多唔同款式既飯或面
最後我就叫左一個鰻魚豬頸肉炒飯呢個炒飯係38蚊,都幾大碟下
我一個人就真係食唔晒
最後食剩左差唔多成半碟
味道唔係話好好.過得去咁樣啦
不過食落真係好似冇咩味咁
foodcourt既質素係咁上下啦
下次都未必會再食嫁啦

果日同幾個朋友去傾野
就尼左好運星呢到食
前手係星仔記
佢開左咁耐我都未幫襯過其實
今晚終於可以試下

我地4個人叫左3個菜
佢地好好咁都比左4個例湯我地
叫左一個豆豉鯪魚油麥菜,一個京都豬扒同一個涼瓜炆雞
先個例湯,果日既湯係木瓜雪耳
味道好鮮甜
好夠料!油麥菜好爽加上豆豉鯪魚既味道
真係配搭得好好至於豬扒方面
味道酸酸地加上洋蔥就好開胃涼瓜炆雞都好入味
不過如果有多少少雞就會比較好總括尼講呢到d野都唔錯!