行旺角見到呢間餐廳都幾多人食，上網睇原來「榮哥煮場」曾經獲得「環球廚神國際挑戰賽」獎項，好犀利咁🤣🤣，就入去一上試究竟 🐽 花膠雞米線 $68 首先梗係飲啖湯先🤤，係用雞熬煮既湯，飲到雞既鮮味，但又唔會太鹹，花膠係比較薄身，但都食到佢既質感，份量都唔少，有成5-6舊，另外雞件好滑，配料仲有啲木耳同笌菜，米線係比較爽口個隻😋 🐽沙薑雞飯+竹笙花膠濃湯 $83 叫左個午市套餐，有飯有湯，沙薑雞係用鮮沙薑，冇沙薑粉既咁濃郁，但多左淡淡既辛香味，雞件都好鮮😆 另外叫左個花膠濃湯，見到奶白色就知好正，裏面有花膠、竹笙同木耳，非常夠味🤩 🐽胡椒雙肚 $38 估唔到呢個既湯都好好味😂，胡椒味幾重，有豬肚同魚肚，兩樣切成幼條，口感爽口唔韌 🐽樽仔檸茶、樽仔奶茶 $24 樽仔奶茶就聽得多，樽仔檸茶就第一次見，兩枝都好飲，茶味夠濃，奶茶夠香滑，檸茶唔會太甜，酸度都夠🤩

呢間蛋糕有好多口味，最重要係細細個，好岩2-3個人share，做生日蛋糕都係唔錯既選擇😙，因為隻隻味都想食，今次就買左4個😆 🐽 榛果炭燒咖啡 $58 咖啡味好香，蛋糕一啲都唔乾，幾軟熟同濕潤，上面同裏面都分別有cream，呢個味道會再回購🤣 🐽大甲香芋黑糖麻糬 $62 見到竟然有麻糬😍，而且蛋糕仲要係香芋味，超級吸引，麻糬都幾煙韌，不過4款入面，呢款既味道會比較甜，香芋味都幾重，仲食到啲粒粒芋頭🤤 🐽日本日向夏蜜柑 $62 呢款食落比較清新，蜜柑酸酸甜甜，上面有舊奶凍，而入面都會有忌廉，咁多款小編最鍾意呢隻味😋 🐽皇牌士多啤梨 $56 本身好驚會係好假既士多啤梨味，但食完十分驚喜，味道都係酸甜，裹面仲有啲士多啤梨醬同果肉，難怪係皇牌😍

呢度既外賣包裝好得意，全部都係一杯一杯咁，輕便易食，但份量都好多，一定夠飽，小編叫左2個湯加咖哩飯既套餐（$89），再加左個小食😎 🐽 法式龍蝦濃湯 龍蝦湯好濃郁，充滿住龍蝦鮮味，濃稠度都岩岩好，唔會太杰，襯佢熱辣辣飲真係好正😍而且湯既份量都好多，飲完都已經飽飽地，但可以一次過飲咁大杯，十分滿足 🐽一汁一茶和牛羅宋湯 個人好鍾意飲羅宋湯，呢度既好中小編口味，味道偏酸，很開胃，裏面仲有啲蔬菜、薯仔同和牛肉，煮到好軟淋🤤 🐽濃香牛肉野菌咖哩飯 咖哩係日式咖哩，偏甜味，辣度就小小辣，牛肉有好多舊，食極都仲有咁，同樣都係唔韌，炆到淋哂，咖哩汁仲有啲菇，增加口感😆 🐽和風蕃茄雞肉咖哩飯 蕃茄味幾重，用酸酸甜甜既咖哩撈飯會越食越多🤣雞肉未去到好嫩滑，但都可以接受，仲有啲蓮藕片同薯仔，都入哂味🙈 🐽油揚豆腐黑豚薑汁燒 $20 （跟餐） 薑汁味唔會太濃，油揚豆腐好索汁，超級入味，豚肉亦都唔鞋🤩

行開灣仔附近，見到有間幾高質既壽司店，原來呢間壽司店係由20多年經驗的壽司師傅主理，每日都會有唔同既飛機貨同日本漁市場刺身黎港，用黎製作各款既刺身盛同壽司盛，係屋企都食到omakase😍 🐽 熟成島池魚 $58 灣仔分店有三款限定既鮮魚熟成壽司，小編試左其中一款， 就係熟成島池魚，經過熟成處理後，池魚囗感更滑身，味道好鮮甜😋 🐽三文魚腩刺身 $68 三文魚腩非常肥美，見到啲紋理同油脂分佈都知道好靚，食落帶點入口即化既感覺，有啲後悔冇買多盒🤣 🐽赤蝦刺身 $68 成隻手板咁長既赤蝦，蝦肉充滿膠質，鮮味十足，蝦頭仲有好多膏，屋企人都話好味🤤 🐽雜錦壽司盛12件 $128 呢度既壽司實在有太多選擇同好多唔同配搭，揀左好耐最後揀左個雜錦壽司盛，有三文魚、帶子、赤貝、蟹籽、鰻魚同蝦，特別鍾意個帶子同赤貝，好厚身同大塊，十分推介😎 另外仲見到有有三款好岩打卡既卷物，包括日本松葉蟹肉蟹膏卷、昆布北海卷同柚子漁師三味卷，見到賣相都好吸引，但怕食唔哂，所以冇試到，希望下次去都仲有啦😳

早前去到海之戀商場搵食，見到間餐廳有鼎爺既Logo，又睇到餐牌非常多元化，就入去試一試🤩 🐽 火焰黑豚腩叉燒 $168 呢個係必點😍，就咁賣相已經係一百分，最特別係比我地自己燒，燒到焦香就可以食🤤佢唔係普通既豬，係用美國黑毛豬腩，所以肥瘦適中，非常軟淋🤣，仲食到油脂香 🐽柑橘燒鵝飯 $85 跟住就梗係要試下招牌柑橘燒鵝，燒鵝係用左橙、檸檬和青檸等新鮮生果醃製，食落有淡淡既果香，燒鵝最重要係皮脆肉嫩，呢度做到呀😆，配埋個柑橘醬，更有特色😋，燒味飯仲會送碟油菜同涼拌青瓜 🐽化皮燒腩仔拼豉油雞瀬粉 $95 燒腩仔個皮好脆，肥肥地既肉有啲入口即融既感覺☺️，豉油雞都好好味，雞肉好嫩滑，雞皮上哂色，好入味，另個個飯轉左瀬粉，瀬粉偏滑同彈牙，湯底係豬骨湯 🐽生煎叉燒包 $50 個包質感好似炸饅頭，裏面包住啲叉燒，又新穎又好食😍 🐽烏龍芝士奶蓋 +$28 芝士奶蓋好濃郁，而且夠厚，配埋烏龍茶絕配，不過飲哂成杯會有啲膩 🐽凍田園水果茶 +$28 水果茶好大杯，味道好清新，仲會飲到啲熱情果肉，酸酸甜甜咁🤣

今日放假同屋企人去左葵芳新都會廣場，行完街就帶左佢地去呢間食豬既餐廳，店員服務態度好好，熱情友禮，整體食物質素都不錯🙈 🐽卡邦尼蛋汁煙肉意粉 $168 意粉充滿住好香既蛋汁，好濕潤，就算放左系度一陣，都唔會乾，意粉口感都岩岩好，幾彈牙😆 🐽手撕豬肉配墨西哥芝士粟米薄脆 $158 薄脆份量都幾多，上面仲有蕃茄莎莎、牛油果醬、橄欖同車打芝士，味道好豐富，非常開胃既小食，屋企人都好鐘意😋 🐽烤斧頭豬扒 $252 呢度咁出名食豬，叫左個好多人叫既斧頭豬，小編都系第一試，好大件，夠2-3人share，肉質都好淋，配左個好似芒果既醬汁，幾清新，配菜有煙肉椰菜仔、露荀同薯條🤣 🐽安格斯牛肉芝士漢堡 $178 有2塊牛肉、2塊芝士、生菜、蕃茄同煙肉，牛肉牛味都幾濃，加上烘脆左既麵包同半溶既芝士，味道很不錯🤩 🐽Tango $62 系用柚子茶、西柚紅莓菠羅汁、土多啤梨同梳打製成的，整體土多啤梨味較重，唔會似藥水味

經過呢間滷水店，見到價錢都好親民，於是就買左幾樣野返屋企加餸😋 🐽師傅精選拼盤 $98 份量都幾多，有金錢肚、爽腎、豬大腸、紅腸同豆腐，配料都切得比較大，唔會碎濕濕，滷水汁都好香，個人就最鍾意豆腐、大腸同金錢肚、三樣都入哂味，另外仲有啲鹹酸菜，鹹酸甜既味道都有齊哂，好開胃😝 🐽蠔仔泡飯 $68 小編本身都好鍾意食蠔仔泡飯，一打開就知道呢碗好掂😍，蠔仔非常大粒，肉身飽滿，一啲都唔腥，湯底好濃郁好夠味，唔經唔覺都食左好多🤤 🐽韭菜豬紅 $58 一開始以為咁多辣油應該都幾辣，但食落其實就少辣，豬紅好味，會吸左啲湯，亦都容易散開，配飯食一流😎 ———————————————————————— 滿分係🐷🐷🐷🐷🐷🐷🐷🐷🐷🐷 好味Level：7🐷 抵食Level: 7.5🐷

趕得切係禁堂食前試下呢間觀塘既半自助餐，佢半自助吧既野食都算多，最想試既原因係佢有即製串燒檔，有唔同既海鮮🤩 出面自助吧有啲前菜、冰鎮海鮮、串燒、甜品同飲品可以拎，冰鎮海鮮有凍蟹、皇冠螺、青口同凍海蝦，小編幾鍾意佢既蟹同螺，蟹肉唔會霉，螺肉爽口彈牙，有海水味🤗 另外有啲沙律菜同餐湯可以任拎，菜都幾新鮮，有個corner係有專人係度燒海鮮同串燒，海鮮有唔同款式，上面會鋪左啲蒜蓉，都食左成3轉，推介既有鮑魚、大蜆、元貝、牛丸、芝士腸同雞翼，呢度仲有沙嗲醬同麻辣醬可以點，岩哂鍾意食濃味啲既朋友仔😜 每人可以點一個主菜，嗌左紐西蘭烤羊西冷配香草醬同澳洲肉眼扒（8安士）配野菌汁，羊扒都幾大塊，叫左七成熟，一啲都唔膻，羊肉好軟淋，配埋香草醬食好夾，側邊仲有啲茄汁配菜，而肉眼扒肥瘦均勻，牛味香濃，冇筋唔韌，熟度都岩岩好😎 甜品櫃有多款糕點同蛋糕，有椰汁紅豆糕、馬豆糕、芝士蛋糕、綠茶蛋糕等等，味道都唔錯😍仲有Movenpick雪糕任食😝 價錢：$328 （另加一）

成日經過呢間餐廳都覺得好靚，有好多櫻花樹，一坐低店員會比每人一張許願卡，寫完可以掛到樹上😍 🐽麻辣半筋半肉麵 $65 睇落細細碗咁，但其實有好多牛肉同牛筋，食完都好飽，麻辣味都重，麵條幾好食，煙煙韌韌，好掛湯🤣 🐽別忘了 九宮格 $98 總共有9格，一次過可以試到多款台式小食，有鹽酥雞、花枝丸、甜不辣、香酥魷魚、醉雞、肉鬆豆腐、滷蛋、香腸同肉燥燙青菜，炸物炸得香口，醉雞酒味唔會太濃😆 🐽香酥雞排飯 $52 雞排好大塊，肉質嫩滑，而肉燥肥瘦均勻，送飯一流，味道都唔會過鹹🤤 🐽蜂蜜綠茶/世家烏龍 $10 呢度有好多手調飲品選擇，見有咁多炸物，就叫兩杯茶飲，有得選甜度同冰，好貼心

前排有幾日天氣好凍，知道有間韓國餐廳有好多唔同款既湯飯食，就即刻去試下🤤，去到都好多人排隊，好彩book左位就唔使等🙈 🐽蔘雞湯 $148 好耐冇食人蔘雞湯啦😆二話不說就叫左佢，蔘味唔會太濃，但飲到甘甘地既味道，雞既份量係成隻，都幾多肉，雞肉已經係淆到好淋，就連啲骨都一咬就爛，裹面包住啲飯，另外再加左份素麵（$20），擺落啲湯度食好掛湯好正🤣，飲完成個湯，個人即刻暖哂☺️ 🐽炒豬肉石鍋拌飯 $108 呢個飯既特別之處係用韓國紅米飯，配料有芽菜、蘿蔔、菠菜、翠肉瓜、菇同豬肉片，加埋韓式辣醬係石鍋上撈勻，熱辣辣，口感好豐富🥰 🐽煎醬牛小排餃子 $78 煎到香脆可口，餡料都幾濃味，係牛肉餡料，甜甜地，再配埋個餃子汁，不錯的小食😎