今次去左食超人氣既安平燒肉，20:30去食出邊都依然有好多人等緊，好彩小編book定位🤣，去到就可以即刻入去，嗌左澳洲M5和牛120分鐘食到飽個個餐，所有野食都可以試到☺️ 首先會上左個炸物拼盤，有鹽酥雞、炸蕃薯同金沙翠肉苦瓜，最特別係個炸苦瓜，味道甘甘地，幾過癮😆另外每位會送2條牛舌芯，口感好軟熟 跟住就可以自己落單，試左咁多款牛，小編最鍾意都係澳洲M5和牛、安格斯牛小排同三角牛肩肉，食左咁多round，M5和牛雪花分布平均，淋得黎有口感，安格斯牛小排則牛味較濃，而三角牛肩肉都好驚喜，油脂感幾強😋佢既鹽燒牛舌都好出色，一啲都唔韌 其他推介既肉類有豬大腸、厚切雪花豬、原住民鹽燒肉同腎片，全部都好入味，不過真係太多款式選擇，其他都試唔哂😮‍💨 呢度仲有唔同既海鮮，最愛既有烤帆立貝，好新鮮乾淨，爽彈虎蝦都好大隻，屏東燒魚腹都好好味，魚好滑，醬汁就甜甜地🤤另外都有唔同汁既蜆、青口、鮮貝同魷魚等等 話明係台式燒肉，當然有啲台灣特有既配料，例如甜不辣、小香腸、台灣小枕頭，但小編真係飽到食唔落🥴決定下次先再試 出面有個自助吧，有醬料、飲品、蔬菜同熟食都可以攞，飲品有啲冷泡茶、汽水，係QR code落單仲有阿里山紅茶、百香果綠茶同冬瓜茶可以叫🤩 最後會每人包一杯雪糕或者仙草😋 💰價錢： 19:30前離座/ 23:00後入座 $359 加一 21:30-23:00入座 $378 加一 17:00-21:30入座 $398 加一

一個人唔知食咩好，又唔想食平時個啲連鎖快餐店，經過呢間熱狗店，賣相好似幾唔錯咁，岩哂自己外賣返屋企慢慢歎🤣 買左隻熱狗，再加左啲小食，呢度竟然仲推出左Chok Chok薯條，四隻味小編都想食，今次就試住一隻先😜 🐽火炙芝士辣肉醬熱狗 $42 有芝士、辣肉醬、生洋蔥、黃芥末同荷蘭腸，熱狗即叫即整，食落熱辣辣😋，上面有好多燒過既芝士，拉到絲，加埋微辣既肉醬同黃芥末，味道層次好豐富，估唔到食熱狗都可以食到咁滋味😍 🐽Chok Chok 薯條 加$12就可以任配兩款小食或飲品，而升級大薯條+ $5 就可以有一包Chok Chok粉，有芥末紫菜、地道椒鹽、香甜蕃茄、惹味麻辣，四隻味都好吸引，但最後都揀左地道椒鹽味，會附上一個袋比你去chok薯條，薯條係比較粗身，每一條都沾滿哂啲調味粉，超級惹味，鹹鹹地🤤 🐽薯餅 另一樣小食揀左薯餅，炸到好香脆，食到好多薯仔既口感，真材實料😍 🐽9件雞 $20 呢個都幾抵食，個皮都夠脆，肉質較平時食既軟淋啲，唔會死實實，個汁係配埋燒烤汁，好夾☺️ 🐽 魚手指 $20 總共有4條，炸到一條條既吉列魚柳，方便易食，再沾埋酸酸甜甜既千島醬，好正😜

經過附近，見到間有得食越南菜同泰國菜既餐廳，小編被佢個個牛肉酸鍋吸引左，覺得好特別，而餐廳都幾有feel，環境舒服😎 🐽 特色北越牛肉酸鍋 $198 越南火鍋都係第一次見🤣首先湯底係牛骨湯，味道好濃郁，酸酸地，好開胃，個湯滾左都飲左好多啖先開始食，另外仲會配埋生菜同檬粉😙 正宗食法係先將檬粉擺落自己隻碗，再按喜好加上芽菜同洋蔥，再淥塊牛肉，然後再淋啲湯係上面，鍾意食辣同酸既朋友仔可以加埋辣椒同青檸汁，令整體更加惹味 🐽 冬蔭公海鮮炒飯 $108 炒飯都幾大碟，有好多海鮮係入面，包括3隻大蝦、蜆肉、魷魚同帶子，飯炒得好乾身，帶有冬蔭公味，上面仲有啲肉鬆，好味到差唔多成碟都係小編食哂😂 🐽凍泰式班蘭奶茶 $28 班蘭味好香，本身好驚會好似出邊啲泰式奶茶咁好甜，但好彩呢度甜度調較得岩岩好🥰 🐽清新西柚滿滿 $38 估唔到會有呢類飲品，有好多粒粒西柚，每一啖都充滿住果肉，飲落好清新😋

呢間餐廳既位置比較唔顯眼，位於觀塘工廈附近，但試完今次之後，都一定會再去幫襯，啲Burger都幾抵食，五六十蚊就有交易🤣除左室內既位置，室外都有好多枱，基本上全部都係高枱高櫈 🐽經典之堡 $60 有新鮮手打優質美國牛肉、芝士、生菜、蕃茄同Moo Moo汁，牛肉非常juicy，而且好有 牛味，再搭配埋新鮮既生菜同蕃茄，Moo Moo汁好似沙律醬咁，酸酸地幾開胃😋而個包係烘過，所以係脆脆地 🐽美式之堡 $63 配料同經典之堡差唔多，係多左煙肉同個汁係BBQ汁，呢款味道就比較甜少少，而且加埋煙肉，成個包真係更加美式😂😂 🐽芝士肉醬薯條 +$29 肉醬下面藏左好多芝士😍好邪惡，食完都幾飽，份量都好多 🐽 薯條 +$15 另一個就叫左普通既薯條，係幼身既薯條，好夠脆，出面有茄汁、鹽可以自己攞，想幾重口味都得🤣 🐽炸魷魚鬚 $68 炸到好香脆好香口，鹹味適中，魷魚鬚都唔韌 🐽可口可樂/雪碧

由於太耐都冇食椰子雞，於是就上網搵下邊到有得食，搵搵下就見到呢間開左冇耐既鳳宴火鍋，價錢都唔貴，即刻去試下🤣呢度除左椰子雞，仲有好多其他既特色雞鍋，例如榴槤雞煲、粟子雞煲等等😙 🐽椰子雞煲 （半隻） $198 首先係分開湯底、椰子同半隻雞上，店員會落左先落左啲椰子肉落去煮，跟住就落埋啲雞，擺個沙漏係隔離，漏完就可以食得，啲雞好有鮮味，肉質紥實但唔會韌，因為時間較得岩岩好，湯底都好清甜🤤 🐽牛骨髓 $42 呢度有比較特別既牛骨髓，本身就唔係話好重味，所以都係主要食佢既口感，口感係比較滑同淋😆 🐽肥鵝腸 $68 小編好鍾意鵝腸帶點肥膏，食落會特別香，鵝腸份量好多，好爽口 🐽響鈴 $48 響鈴係打邊爐必食😋，每一舊都充滿住清甜既椰子湯，非常好食 L 🐽生魚片 $38 唔會腥，但記住唔好淥咁耐，如果會太熟同散🙈 🐽四寶丸 $68 可以一次過試哂4款，有墨魚丸、鯪魚丸、蝦丸同豬肉丸，全部味道都唔錯，爽口彈牙😛 🐽韮菜餃 $38 總共有6粒，皮夠薄，裏面好多韮菜，幾好食😌 🐽稻庭烏冬 $28 點都要食返啲殿粉先滿足，叫左份烏冬，黎到係有兩個，食完超飽🤪 菜芥：$12/位 小食：$10

🐽皇袍叉燒飯 $58 賣相真係好似著左一件皇袍咁，啲叉燒蛋包住個飯，最特別係有熱既甜豉油會另外擺係一個兜度，食個陣先淋上去，鍾意落幾多都得😆叉燒既份量都唔少，口感軟淋，啲蛋都好好食，如果蛋再多啲就更好🤤 🐽瑞士巨脾滷肉飯 $52 雞脾好大隻，啖啖肉，用瑞士汁黎整，鹹甜適中，好入味，仲有海量既滷肉，比較似肉燥，但撈飯一流，好快就食哂成碗😍 🐽自家製墨魚餅 $38 墨魚餅非常彈牙，仲食到粒粒墨魚，呢度仲落左啲豉油，令味道更豐富😎 🐽蜜糖脆雞翼 （4隻） $38 炸到好脆口同熱辣辣，裏面好嫩滑，充滿住蜜糖既甜味😜 🐽Oreo朱古力 $25 上面有啲Oreo，搭配埋濃郁既朱古力

🐽口水雞刀削麵 $58 呢度有好多特色既餸，揀左幾人氣既口水雞，個口水雞汁好正，麻麻辣辣，超級惹味，而刀削麵都好煙韌，落單個陣可以揀淋啲定硬啲，好貼心，除左可以揀湯麵，仲有熱拌同冷拌選擇，湯底都好夠味，係令人想飲落去既湯🤤 🐽花鵰醉雞上海雲吞刀削麵 $68 另一碗都係叫左雞，係花鵰醉雞，醉雞既酒味唔會太濃，食到淡淡既酒香加雞既鮮味，雞件都幾滑，份量都多，另外仲加左上海雲吞，總共有3粒，皮一啲都唔厚，好香韭菜味😆 🐽越式春卷 $42 估唔到春卷好好食，炸到好酥脆，餡料調味都好唔錯🤩 🐽凍檸蜜/凍柚子茶

🐽豐盛台灣牛肉湯麵 $78 裏面有好多餸，有牛肉、花枝丸、貢丸、蛋同菜，湯底就係牛肉湯，湯底濃郁，夠味但唔會過份鹹，牛肉夠淋易咬，而兩款丸都好彈牙，麵條係扁麵，軟硬適中，份量都唔少😆 🐽紅燒牛肉拼雞翅滷肉飯 $67 一上到枱已經比個滷肉吸引左，肥肉較多🤤，撈埋飯食有少少入囗即融既感覺，牛肉就似係厚牛展咁，帶有啲筋勁，雞翅則滷得非常入味，隔離仲有啲菜甫花生，好好送飯🤪 🐽炸物拼盤 $49 所有炸物都做得不錯，有鹽酥雞、花枝丸、貢丸、台灣腸、甘梅蕃薯條同蝦捲，幾鍾意個蕃薯條，上面有啲甘梅粉，酸酸甜甜，很開胃，其他都幾好食，唔會太油😋 🐽團團圓圓 $98 冬天梗係要食啲暖笠笠既甜品，呢個set係一次過試到3樣野，有燒仙草、牛奶花生紫薯圓同黑松露薯片 燒仙草裹面有仙草、珍珠、芋圓、花生同紅豆，芋圓同珍珠都好煙韌，仙草都好滑溜，食食下就食哂成碗🤤 牛奶花生紫薯圓味道濃郁，有大量的花生，配上紫薯圓同蕃薯圓，好豐富既口感🤩 另外個薯片真係不得了，真係有幾塊黑松露片係薯片上面，聽講老闆有個特別食法，就係先用黑松露片夾住薯片，再飲一啖牛奶花生🤣 🐽蘋果眉妹 $48 蘋果醋加一啲新鮮蘋果粒，味道好清新，酸酸尾尾，好開胃🤩

🔸飲品和醬料 兩樣都係自助既，飲品方面有成3個飲品櫃，載住茶、汽水同果汁等等，而醬料都幾多選擇🤣 🔸宮廷香辣走地荔枝雞煲 首先會黎一個雞煲，份量唔會好多，咁就唔驚會食到好飽，如果唔夠係可以再加，雞煲𥚃面除左雞外，仲會有啲豬皮，個汁都好濃味，十分惹味😙 🔸刺身（加$38） 加錢可以任食刺身，所有都幾新鮮，最愛就係三文魚同帶子，前者肥美後者大大粒厚肉😍encore左好多次 🔸花膠胡椒豬肚湯底 & 麻辣湯底 胡椒豬肚湯好足料，有好多花膠同豬肚，亦飲到胡椒味，而麻辣湯辣度就比較溫和，相信唔太食得辣既朋友仔都食到😳 🔸海鮮拼盤 食食下就會送個拼盤，有多款唔同既海鮮，比較深刻係鮑魚同蟹，鮑魚好嫩，一啲都唔韌，而蟹都幾鮮甜，唔會霉😋 🔸小食 呢度仲會有啲前菜小食可以叫，都係任食，試左海蜇、酸辣鳳爪、蜜糖雞翼、中華沙律同木耳，小編鍾意食個海蜇，好爽口而且都幾辣，雞翼就蜜糖味好香，幾好食🤩 🔸SRF黑毛和牛 & 安格肩胛肥牛 油脂分佈好靚，和牛比安格斯牛更軟滑同淋，兩者牛味都幾濃，不過如果加多少少錢就有SRF牛食，就建議加埋😎 🔸火鍋配料 都係有唔同既丸同餃，任叫既海鮮包括海蝦、沙白同青口，其他配料仲有鵝腸、牛柏葉、蔬菜同麵類 🔸雪糕 每人會包一杯貴少少既雪糕，其他既雪條雪糕就係任食 正價時段：$288加一 刺身任食：加$38

🐽台式麻辣鍋 $115 味道都幾辣幾麻，冬天食岩哂，食完暖笠笠，裏面有好多配料，有牛肉、鴨血、爆汁牛丸、蛋餃、蜂巢豆腐等等，最愛係鴨血同豆腐，索哂啲麻辣湯😋仲有飯同粗粉絲揀，小編揀左粗粉絲，煙煙韌韌，同湯底好夾🤣 🐽胡椒豚骨濃湯鍋 $115 好香胡椒味，湯底都幾濃郁，不過呢個鍋就冇牛肉，係用豚肉，其他配料基本上都係一樣，而飯就加$7轉左台式滷肉飯，滷肉幾好味，係半肥瘦🥰，如果啲配料唔夠食，仲可以另外加餸🤤 🐽台式麻辣鴨血 $38 鴨血好入味，麻辣做得幾好，有成6舊咁多🤩 🐽夜市雞皮捲 $36 好驚喜既一個小食，小編都係第一次食😳雞皮好脆，而雞肉都幾嫩滑多汁，好好食 🐽凍低糖紅茶/凍低糖級茶 火鍋套餐仲包左野飲，紅茶同綠茶都各揀左一杯，好解膩