每當想食焗薯時，必會在放工後急步走到此店品嚐，因此店收七點半，基本上七點到來都關了部分座位，有時更不能再下單；
是日在睇戲前，在這裡品嚐美味焗薯，今次一改過往芝士吞拿魚習慣，改為吞拿魚咸牛肉，結果原來唔係好夾🐣，最後將二者分開再獨立配焗薯，回復正常味道😌
此店小弟推薦焗薯款式有二個：
芝士吞拿魚
白汁碎蛋吞拿魚吞拿魚屬罐頭貨，但加上岩岩好份量既沙律醬，是此店必選的配料之一，無論是焗薯還是三文治，都是很好的配料
咸牛肉一般同埋太肥，都係留番炒蛋三文治先配上咸牛肉會更為美味

是日係美食節行左三個鐘，今年比往年多好多小店參展，即場的美食之選亦是非常多。
返回正題，係會展行完後，搭船過海去了尖沙咀晚飯，落左新港中心地下美食廊，是日人不算多，很快有位。
行左一圈揀左pepper lunch，穩陣之選。

放假最後一日，原本準備去大家樂食焗豬扒飯，一直覺得放假去食個焗豬慢慢睇書係一大享受，今日12:35落到去大家樂，都已經無哂焗豬，咁唯有轉戰大快活，雖然碼頭要食焗豬好多選擇，但一心諗住同系會有保證，點知⋯超級中復⋯
48，焗豬加溝半杯水既紅豆冰⋯
最值得推薦信既係，環境好好，因為比隔離翠華搶哂啲客，裡面坐得好舒服。

冬至早收工，愛人準時收工，苦等了要加班開會二個鐘的我；
是晚與家人冬至晚餐，到了小桃園晚飯，冬至最開心莫過於一家團聚食餐飯，可惜是晚哥哥與他未婚妻家人晚飯不能在一起聚餐；
特別一提，是日很多餐廳酒樓都很多位，未知是否天氣太凍，很多人叫外賣回家團聚。
是晚晚飯後，送了愛人回家後，再回家跑步，跑完步後去了滿記買了薑汁芝麻湯圓到愛人家下面的公園冰涼涼地在公園吃熱騰騰的湯圓，感覺幸福😊

每次想食大排檔的第一選擇，但此店開始價錢升了，味道差了，店方可能比另一雞煲對手的擴張另其分心增加其他菜式，結果原本的菜式控制不好，真的是賠了夫人又折兵，終於可下決心試其他檔口的大排檔；希望店主認真在食物上下苦功，不然舊客只會不停流失

辛苦一年後享用早一個月前已買票既聖誕大餐，綜合來說講，環境滿意，食物非常多選擇，唯一覺得的缺點是刺身食物位置的侍者態度像施捨，不過龍蝦侍者女士同火雞位置既伯伯，非常敬業同有禮貌，伯伯話燒火腿既皮好香好脆一定要試！

名大於實，差，如不是有團購買左，唔會再食
首先係團購網見到，就唔理三七二十一買幾張，滿心歡喜去食。
去到首先要排隊，大約十五分鐘左右；杯薏米水非常難飲，飲水仲好飲；咖吔多士⋯一般，好普通；唯一覺得比較可取既係個喇沙湯底⋯而唔係個面；用哂團購後不會再翻食，下次買團購時都會睇定啲先買

等左個幾月終於品嚐到呢間酒店自助餐，首先一定要讚讚佢地既職員，速度非常高同態度好好，另外值得一讚既係酒店方面既安排，由18:30開始到21:15，不停補上美食，任何時間出到去都好似岩岩開始既自助餐咁，自助餐黎講第一次見，淨係呢二點，都值得我以後每次想食自助餐時既第一選擇。
講番食物方面
刺身新鮮，厚切，好好口感
芝士沙律盤方面選擇多，各式芝士都有，實有一款岩食
燒味，個人比較少食，外觀望上去燒得好靚，味道不詳
熱盤，炸蠔，非常好食，好脆好鮮；薑蔥蟹非常入味；仲有個必食既鱔煲仔飯，味鮮口感佳
每人送上一隻大閘蟹，雖然過了當做時份，但個人認為誠意可加，仲有薑茶可以飲
海鮮檔，有雞湯同喇沙湯選擇，但蜆多沙，全晚認為唯一需要改善既地方
無限飲品中，推薦檸蜜，好好飲
甜品係帝苑王牌，各款甜品都好有特色，不太甜，可多嘗。
美食之餘，帝苑提供現場樂隊表演，女聲每次唱生日歌都有少少不同，整晚過後不會覺得歌聲煩躁，反而有濃厚節日感覺。
最後要讚讚洗手間伯伯，你既服務好到加零一，全程感覺好似做左vip咁既招待👍👍

星期一同朋友聚餐，4個人八點半入席，差半個鐘到特價時段，結果每人食左220火煱，仲要超少同超普通野食；
講番正題，食物質素尚可：
丸類，算新鮮
牛肉，少得可憐，每片超薄好細塊要4蚊塊左右
湯底，豬骨湯，好入味，打邊爐一流，建議可點
總結，下次食一定要食九點後，價錢差一倍！

經過半年後再返黎食，感覺塊扒厚左，雞脾大隻同好juicy～
最重要價錢係性價比高既本地老牌快餐店，岩哂我用黎做今個sem份fast food industry既功課～