inmama39 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2014-06-20
小南國係有好幾間分店，但係我都係第一次幫襯,六點半去到已經好full不過我有訂位所以唔駛等。地方都唔細，但係枱放得好密，所以感覺好迫好嘈！今晚叫左蟹粉小籠包，見到都幾開心架！一個籠裝一個但係食落就覺得唔抵，因為唔覺有蟹粉早知就叫普通小籠包，一個蟹粉小籠包相等四個普通嘅價錢 
灌湯生煎包就唔同喇！28蚊有三個包底煎得香脆內裡肉汁有多又鮮味，真係食完都想再食 
雞絲粉皮，諗住係前菜真係冇諗過係咁大碗嘅！麻酱味好香，粉皮夠爽略厭麻醬漿口左小小 
葱爆牛肉炒得嫩滑，D大葱炒得透令到牛肉索左葱嘅香味，所以好啱我胃口 
香酥鴨，香脆唔油膩，仲食到荔芋嘅香味仲跟埋薄餅，青瓜，大蒜一齊上，唔錯！ 
担担麵，夠辣，花生醬味少左D，油就多左D，麵質尚算幼滑 
脆炸雪糕，其實係春卷皮包住雪糕炸，放D糖漿，同綿花糖係面裝飾吓！雪糕當然係平價嘅雀巢啦！ 味道就麻麻地喇！ 
炸雪糕 整體嚟講依餐都算合格，我係買左團購現金卷嚟食，所以全餐都係用左三佰五十蚊咋！ 推介美食: 灌湯生煎包
評分: 味道 3 環境 3 服務 3 衛生 4 抵食 4
2014-06-12
經常路過八番，但係成日到見佢冷清清冇咩人食，心諗係唔係唔好食呢！見團購29蚊有飲有食又去試吓！ 唔洗講咁平當然只有一款拉麵，飲品就可以簡汽水或綠茶。 日本拉麵最重要係湯底夠鮮味又夠熱，八番都算做得到，湯底好濃郁，好有肉嘅鮮甜味，又唔會有成層油係面嘅感覺，又夠熱，食完唔覺口渴，拉麵爽口但就冇彈牙嘅感覺，叉燒薄薄一片，肥瘦適中，不過就淡口左少少，有 一片海苔，湯面灑左葱花所以令到湯嘅香味更濃！ 如果下次再做團購我都會再買嚟食！ 
評分: 味道 3 環境 4 服務 3 衛生 5 抵食 3
2014-05-30
講真有國內嘅親朋戚友嚟香港玩，要安排佢地食飯最好就係食日本料理，是關國內嘅日本料理好嘅一定貴，平嘅又怕唔新鮮，所以親朋一嚟探我，我就會帶佢地食日本料理亦會安排係大盛食，因為價錢大眾化唔會動不動都要二，三千找數吖嘛！ 唔洗講緊係要叫盤睇得吓嘅刺生撐撐場，其實平時唔係咁樣上嘅，不過可以同侍應生特別order佢地就會整到靚靚咁上枱，D親友通常見到都即刻扲部手機出嚟影低佢，牡丹蝦，鮮甜爽口足足有6寸長，海膽始終係木板貨當然冇即開即食咁鮮甜好味啦！赤貝夠爽脆，三文魚腩，脂肪厚有齒甲留香嘅感覺，用78蚊嘅價錢有8片依啲就係叫大眾化
評分: 味道 4 環境 3 服務 3 衛生 3 抵食 4
2014-05-27
好多時睇食店團購唔只係貪平，而係可以發掘到一啲自己少去嘅地方嘅食店，今次又發掘到一間喇！養珍牛肉麵，店裡有個哥哥有禮又好招呼，依度唔只好啲野好食服務態度都係值得一讚！ 先嚟前菜，有奄青瓜，味道偏甜爽口囡囡很喜歡，酸菜，酸酸甜甜又夠爽最啱用嚟開開胃
鹵水小吃，鹵旦就冇咩特別，牛肚就非常好味因為佢地嘅鹵水汁係好有層次，你可以食到每種鹵水料嘅味道，骨膠原豬腳，夠淋入味又唔會有油淋淋嘅感覺 
招牌牛肉麵，聽聞係用多種藥材加上上等牛骨，肉煲上十小時製成，飲落去只覺少少藥材味，鮮甜嘅肉味佈滿整個口腔，麵係一般上海麵，牛肉炆得入口即溶  老公讚不絕口 連湯都飲埋
可能牛肉麵實在做得太好，相對清湯牛腩就失色左啲，可能喜愛清淡嘅人會鐘意，台式肉燥飯，肉燥野味，飯係用台灣珍珠米
甜品係豆沙餅，個樣好似馬卡龍，味道唔係太甜，餅好脆口可以一試！ 加理任飲豆漿都只不過係$268四人套餐，所以好野係要發掘嘅！平時依度一碗小招牌牛肉麵都要$111不過都係物有所值！依度一定會再去！
推介美食: 招牌牛肉麵,豬手
評分: 味道 4 環境 4 服務 4 衛生 4 抵食 5
2014-05-26
係團購見到加加埋埋只係124蚊1人韓式放題，就即刻上開飯網睇吓食評，點知未有，心諗可能係新開，見唔貴決定買3張試試，就係咁衰左，食到老公鬼咬咁聲話冇下次！ 煎葱餅又唔係咩貴野比多條葱都唔得咩！淨係團粉又冇味要點辣醬食先得，藥膳雞腳又係冇味嘅  紫菜卷D飯好硬似生米，凍豆腐加左肉鬆同辣醬還可以
炸黄花魚，肉有點霉，又係冇味
鐵板尤魚,，一份得三片尤魚，椰菜一大碟不過依味終於食到有辣味 
炒粉絲比超市熟食部買嘅重要差
終於可以食到啲似樣嘅野喇！ 鐵板牛肉，勝在醬汁香甜就算牛肉係平價貨式都可以帶到D牛肉有點鮮味！
炆豬軟骨，都幾入味又夠淋D紅蘿蔔，白蘿蔔索晒D肉汁，係今餐 令到我倆公婆有飽肚感覺嘅食物
炸餃子，皮炸得脆口都保留到少少肉汁，好在都有E味可以食得吓，唔係返到屋企樓下囡囡實行話要買雲吞麵呀！
總然知唔會再去！
評分: 味道 1 環境 3 服務 3 衛生 3 抵食 1
|
2次成為首位寫食評會員
食評數目
編輯推介數目
0
會員推介次數
18
人氣指數
543
留言數目
上載相片
上載影片
我推介的食評
我的餐廳
關注
3
粉絲
41
蟹粉小籠包
灌湯生煎包