聖誕節老公冇假放，未有跟囡囡慶祝，諗住食番餐放題補番數。因為有大盛日本料理[]既VIP卡，去佢地集團新開[]既元祖横丁食放題有85折，所以選擇左佢，點知失望而回，首先我點左三文魚，章红，立魚，八爪魚，甜蝦，帶子，象拔蚌，北寄貝，只有甜蝦，帶子，鮮甜好味其餘就味如嚼蠟
壽司更惨！D飯好似隔夜飯咁硬。
炸物就不過不失啦！脆口唔油膩，炸漿唔算厚。

串燒就好壞參半，牛舌味道適中有肉汁，雞翼，羊架，虎蝦，乾凈凈叫左一轉都唔取再叫，燒菠蘿就又甜又多汁，想再叫可惜已經截單喇各種沙律細細杯上又幾好喎！冷麵，烏冬，D汁冇特別超市貨色

鍋物，小炒就麻麻，碟炒牛肉咸到跳起，食左一片，就食唔落去喇！

焗蠔就唔錯，元祖祕制醬汁又真係掂喎！
甜品有雪糕，年糕，因為當晚冇年糕所以冇得試，雪糕係軟雪糕，下面放左D紅豆，紅豆好味不過太少。 飲品有冷有熱都係任飲，啤酒，清酒就要額外收費喇！

一個聖誕假期十幾日，囡囡日日話要慶祝聖誕節，邊有咁多錢同佢日日食聖誕大餐吖！突然諗起不如近近地去九龍灣宜家傢私裡面[]既餐廳。今日點左煙三文魚沙律，有四片煙三文魚，火箭菜，一盒香草蛋黃醬。三文魚咸味適中，菜夠新鮮，醬汁野味不過少左D，好在有一角檸檬補數！

緊係唔少得小朋友至愛炸薯條啦！熱辣辣，夠香脆！

脆炸黄金雞翼，真係脆皮架！

經典[]既瑞典肉丸，原來可以唔配薯仔配意大利粉都得架！[不過大家要注意D肉丸係牛肉，豬肉mix架！]

最後[]黎多件藍莓芝士蛋糕，講真蛋糕就真係嘛嘛，冇芝士味，餅底又太甜

記得飲番杯汽水喎！因為$7係無限量添飲架！

一年一度老闆請食聖誕自助餐，今年選擇了柏景餐廳，估不到他也會懂得上開飯網下載優惠卷。 我第一時間當然吃回本之選～海鮮，這裡的海鮮吧，原來是沒有生蠔供應，只有長蟹腳，翡翠螺，青口，凍蝦。蟹腳真是值得一讚，非常鮮甜，不會像一些平價貨有雪味。螺，蝦，青口就一般，沒有什麼驚喜。
一
日式刺生都是例牌貨，生文魚，吞拿魚，立魚。寿司和魚生飯就真是差過港鐵站三元一件的貨色。

沙律吧，選擇不多只有幾款。



自助晚餐，好少會有中式點心供應，這裡居然有蝦餃，燒賣，不過味道一般

鐵板燒烤，有台灣香腸，牛仔骨，秋刀魚，雞翼，虎蝦。可能我牙力不夠，咬不入牛仔骨，秋刀魚太乾身似柴皮，雞翼有點生不敢吃台灣腸又香又甜非常好味，虎蝦又爽又鮮不錯

燒牛肉，羊架，有肉汁又軟滑，如果怕生的人就差一點，因為兩者都是略生。 至於甜品款色算多但是不出色。因為太甜。



雪糕有不同品牌選擇，真是從沒試過有四種那麼多呀！ 總括所有食物只可以說ok啦！

見好耐冇去過花園餐廳食牛扒，又見搬左新地方，諗住去食吓牛鐵板[]既牛扒，點知一食之下都唔知幾時夠膽再去 。我地點左三款食物，西冷紐西蘭牛扒，黑椒紐西蘭牛柳同紅酒燴牛舌意粉，兩款扒都有餐湯同餐飽跟，餐飽有番熱尚算可以，羅宋湯裡都有D薯仔，洋葱，红蘿蔔，都算合格，但係D主菜就我點左六成熟都算做得到，至於D牛柳冇肉味又鞋，牛扒有少少肉味但係都係鞋左D，反而牛舌意粉既牛舌淋過D牛扒，但係意粉就好少，要比較細食既人先[]岩喇！我都知道一分錢一分貨，但係收$105既牛柳比大家樂既六十蚊有找既鐵板餐還差咁就有D過份喇！最慘係D待應好似想你快D埋單走，係咁收野，又問你係唔係要埋單

其實唔係第一次係度食飯，只不過未試過咁平，原來六點前落單有下午茶餐，滑旦吉列炸蝦飯都係$29，滑旦吉列炸雞扒飯$25，滑旦吉列炸豬扒飯$26。依度做得最好係D炸漿唔厚又夠鬆脆，又唔會食到一口油，米飯軟硬適中，我最鐘意就係D滑旦汁；甜甜地撈飯就最野味。只係下午茶餐冇咖喱供應。不過埋單有$8現金卷送，可以留番下次正價用，學生重抵，穿著校服就有8折優惠啦！

因為買了VIP會藉有7折又聽聞有米芝蓮稱譽所以專程去試一試。一坐低侍應生就拿了一個盛載着麵包既木盒給我們，一試之下真想問侍應生可不可以多要一點，因為盒內有三種不同的麵包，有香脆的麵包條，香草麵包，橄欖麵包，又香脆又鬆軟。我們三大一小點了一客芝士千層闊麵，炸海鮮薯片，蘑菇辣肉腸意大利飯，600g肉眼扒，全部吃光。肉眼扒味道ok沒有甚麼特別，千層闊麵就是有水準之作，芝士味濃郁，闊麵軟滑，茄汁味甜酸度適中，炸海鮮就非常好味 ，製作非常認真，因為有多款海鮮 ，有銀魚，蝦，軟殼蚧，尤魚，魚柳，薯片吃得出是新鮮薯仔切片炸的至於意大利飯就一般，只得少少辣肉腸一些芝士碎在飯面不過芝士味就一樣濃郁，總括而言物有所值

上星期五,晚飯時間同3個朋友经過佐敦渡船角,突然想食日本菜,立卽用手機上開飯網睇吓有咩好介紹,比我地揾到間岩手拉麪,立即去試吓,去到時只見一間叫尚品日本料理,因為太肚餓唔理咩名到照入,坐低點左海膽,三文魚腩,希靈魚,貝柱刺生,拉麪,烏冬,壽司同炸物,Ｄ食物好有質素,又低食夾大件,店員招呼又周到.同店員傾開原來店名改左,現在叫尚品~這間店用三個字形容[平,靚,正]~我巳經約好朋友再去.