平日放工時間喺旺角出現，心血來潮想試吓新嘢，喺門口等咗 15分鐘左右，因為前面 d客唔坐吧枱，所以我哋排第 3枱嘅可以入先，6:32pm俾 QR Code我哋落單，5分鐘都無就落好單，Order咗 2份溫泉蛋牛丼。 一直都望住廚房出餐位，眼見廚房出餐連出起碼 5~6張外賣單，亦都見到門口有客不停問 "有未？" ﹑"仲要等幾耐？"﹐門口排隊人龍亦越嚟越長，但廚房出餐速度極慢，亦聽到有漏單問題，最後..... 我都等咗半粒鐘以上先有得食。 其實都係飯 + 牛肉 + 蛋，都係一早 Ready好嘅嘢，唔知點解都可以慢成咁，呢個速度唔掂，同同區另一間人氣牛丼店比下去。 食物方面，不外如是，味道無驚喜無特別，價錢亦唔吸引，我哋揀咗細Size﹐原來都真係幾細，非常肚餓嘅話，食完其實都唔會覺得飽。 重點係...... 等位+等食用咗 45分鐘，但食飯時間就 10分鐘唔駛，Um..... 呢間唔會再試了。 食完呢餐，再行過隔離街，見到烏冬店，竟然入去再食嘢，但人哋...... 速度亦極快。

呢間餐廳都去過幾次，地點喺田心村，位置雖然唔算起眼，但都唔難搵，因為住沙田關係，都知田心有唔少好野食，而呢間西餐廳最吸引嘅地方就係平得嚟好食，份量仲要唔少添。而環境就舖頭細細，不過枱與枱中間都有距離，唔會好迫。 今次係第 3次嚟，可能時間尚早 (未夠 7:00pm)，唔駛等位，一入即坐。 今次揀之前無食過嘅野﹐樣樣都想食樣樣都好吸引哇~! 最後個個都飽到上心口，我自己覺得最好食嘅係卡邦尼煙肉意粉，比起出面，個汁真係食晒 d意粉都仲會慢慢品嚐，可能我自己鐘意濕濕哋嘅意粉，所以我好鐘意呢個，$50唔駛喎，出面真係比較少見。 下次可以再試其他野。

生日飯當然由生日主腳話事啦 , 山哥成為今晚既飯聚地點 , 一到達金馬倫道 , 一支箭直衝 , 大大個黃色招牌 (別心邪, 佢真係大大個而又係黃色 XD) 跟住樓梯行落一層就係門口 , 可能因為平日關係 , 完全唔駛等位  , 平時見到D 餐廳無乜人會好驚中伏 , 希望呢間唔係啦 , 因為揀之前都有做少少功課架!!!食雞翼都需要學問.. 食之前就睇下佢點講先..學問睇完.. 就梗係睇Menu啦.. 好肚餓呀!!!order完就等食!!!大大碗.. 夠晒份量.. 有蕃茄青瓜薯蓉沙律菜.. 開胃好味.. 蛋夠滑.. 可惜份量太少.. 亦都唔平..聽聞呢個烏冬鍋係招牌菜.. 咁就要試下喇.. 送上後.. 打開蓋.. 蒸氣不斷上升.. 味噌的香氣.. 令到大家都口水直流.. 不過一試味就覺得有d..... 總之就唔知點解有少少失望既感覺.. 唔係我地想像中個回事..香脆可口.. 但4個人點分呢.. 我哋要犧牲一個人喇 XDD第一主角.. 當然係佢啦 (名古屋).. 大家都係因為佢而黎.. 睇相以為 1份有好多隻.. 但其實一切都係幻覺.. 要細心留意 D字.. 佢寫住 5份.. 即係你要點 5份先有佢咁夢幻呢個豬扒蛋飯同其他日式餐廳既無咩分別其實咩叫精力香醋?? 唔知呀.. 但幾好味既.. 不過又係個句啦.. 唔平純粹為口痕而叫既炸雞.. 感覺中伏了.. 好彩去到最後一樣先有中伏感覺.. 呢個炸雞好乾.. 又細粒無肉食.. 份量唔多.. 得3~4粒.. 如果可以返轉頭的話.. 我唔會叫 =="

因為要去紅磡攪 d野，所以喺紅磡出現，攪掂私事，當然要慰勞一下大腩腩，途經崇潔街，有米線有餐廳有韓式有西式有日式，最後揀咗呢間米線，我哋一行 3人，一人一碗 3個都係揀米線 (除咗米線，仲有紅薯粉)

等咗唔夠5分鐘米線一到，呆咗！超大碗！

除咗大碗仲好香，第一啖即刻試咗個湯先，好夠熱又好夠味，但又唔會覺得太咸喎，如果鐘意重口味嘅一定覺得無乜味 另外 d麵亦唔會覺得好淋，我最鐘意就係佢個秘製腩肉，不得了，好入味又唔un，如果叫一碗腩肉我哋都食得晒，但可惜食完成碗米線已經飽到唔郁得仲有個炸醬，本身佢已經係小辣，再加埋米線一齊食，味道剛好，順帶一提，d配料都值得一讚有炸醬有酸菜有韭菜有芽菜有蔥，超多，完全唔孤寒

我哋極速就食晒成碗米線，完全唔覺口渴，咁就知道佢有無靠味精啦 又唔貴，3個餸都係40蚊左右，而家閒閒哋都 40~50蚊啦，所以呢個價錢，我覺得ok

雖然距離我活動範圍有 d遠，但呢間米線可以再食！正！！！

好耐無寫食評喇, 今次再寫都係因為呢間韓式School Food, 韓流係香港越黎越強勁, 其實我從來都無受影響, 但最近亦因為睇韓國綜藝節目而愛上韓國, 聽聞呢間school food 係CWB 既分店已經好多人好爆場, 早幾個月亦係沙田開左分店, 我身為沙田友當然要試下, 可惜第 1次去既時候, 實在太多人, 根本無可能係食飯時間入到去, 最後決定放棄, 咁... 搵另一個少人d 既時間再黎, 結果.... 我同朋友仔係一個星期日既下晝, 排左 20分鐘左右, 就入坐, 今次, 係我既第 2次, 有上次既經驗, 今次一定要早d 去拎飛排隊 [未夠 5點半就拎左飛] , 對於Dinner 黎講, 又真係早左d 既, 不過為左避開人潮, 早d 食完早d 散囉!! 結果, 出奇地只等左 15分鐘，可能時間真係尚早，所以等位時間唔耐!!! THANKS GOD~

門口既韓文牆Menu, 其實... 款式唔多.由於有第 1次經驗, 一入坐就落單, 首先order 左...

廚師卡邦尼年糕  (上次食過, 今次再食)
佢同「卡邦尼年糕」有d 唔同, 「廚師」有少少辣, 仲有d 粉絲, 個汁唔太「杰」, 亦都唔太膩, 辣辣地幾開胃, 從來唔食年糕嘅我都被吸引, 個汁真係好正, 如果有碗飯, 撈汁仲正.炸雞塊 (上次食過, 今次再食)
雖然普通食物, 但佢唔太油, 亦無厚粉.韓小姐
係Kimchi, 辣辣地都幾開胃, 會不停一舊舊咁吞噬.韓式醬燒牛仔骨飯配薯角
由於本人唔食牛, 所以無牛仔骨既食後感, 但屋企人話OK, 有薯角又有飯, 好飽好滿足, 不過美中不足既係竟然無茄汁, 本人覺得薯角薯條應該要有少少茄汁點綴一下先好食.之後等齊人再order...

烏卒卒  (上次食過, 今次再食)
裡面係墨魚, 好鮮甜既墨魚, 辣辣地, 招牌菜果然好味野菜沙律 
呢款無乜特別, 其實只係我地覺得成枱肉又無菜先叫既.哈哈咖哩拉麵 
其實即係炸蝦, 同埋好香濃咖哩味既拉麵, 仲有好「杰」既咖哩湯底, 雖然就普通左d, 價錢亦都唔平, 但OK既.(加單) 炸雞塊 
再叫再食整體黎講, d野食幾吸引幾好食既, 4個人食左 600蚊, 沙田區黎講都OK 啦!
服務都OK 既, 係有少少唔太主動, 水 - 要問佢拎先有, 飲晒d 水又唔會主動幫你加.
環境OK, 幾乾淨幾舒服.
我會再黎食過架!!!!!

是日與 2位女孩子朋友仔共進晚餐，沒想到竟然不用等就可內進。
職員安排的是 4人座位，非常好，好讓我們靜靜聊天。
先研究一下大家想吃什麼，然後再點菜。
3人份量，這樣想吃、那樣也想吃，最後點了 8款食物。1碟 3隻，外脆內熱的芝麻醬夠香夠濃，一流的冷盤忘記了什麼名字，這味菜淡淡的，它能中和比較濃味的小菜吃上海菜不得不試的，熱呼呼小籠包，圓圓渾渾很飽滿的，皮夠薄，但可惜湯汁不多！中規中舉的，沒有什麼特別很濃味的一道菜，酸酸辣辣的醬汁，蝦球很爽，可能過多蒜味，遮蓋了蝦的味道年糕煙韌軟棉，可能我不太喜歡吃炒年糕，只吃了 1- 2件，只是朋友說很好吃醬汁既甜又辣店內牆上掛滿了很多中國風味的可愛圖畫

次次經過門口都見到企滿晒人..
雖然明知要等好耐.. 但因為好想食.. 尤其 "小蘢包"..
所以.. . . ..一於少理.. . .. 照等!!
結果一等就. ... 40分鐘了!!

韭黃炒鱔糊 - 第 1次食.. 好味呀!! 可能本身自己都鐘意食鱔.. d鱔又嫩滑.. 又唔太咸.. Good![90分]

上海小蘢包 - 皮薄., 好多湯汁,. 又夠熱.. 夾時要非常小心.. 小心弄穿那非常薄的皮!! 配上生薑醋.. 極品呀~~~~~[95分]

四川擔擔麵 - 好香花生, 芝麻味.. 湯夠濃夠辣.. 麵夠爽口.. 下次一定要再食!! [95分]

炸醬麵 - 友人叫的.. 他只說 "好味，夠多醬" =="[80分]

豆漿 - 要了 1杯凍 1杯熱.. 好飲! [95分]

一時忘記了要 book位..
攪到去到見到排晒隊之後就即刻 o晒嘴
結果等左成 20分鐘.. 終於有位..
實在太多人喇.. 連幾間地舖都爆晒
我地上左樓上坐..
由於地方太小.. 好迫.. 同隔離枱背對背櫈貼櫈

一坐低就即係睇下有乜好食!!
出發前已經做好功課.. 上 openrice搵定有乜好介紹

紅毛丹 - 似藥水味.. 唔掂!!

青檸梳打 - 夠穩陣!! 掂!!

菠蘿炒飯 - 有.. 蝦、肉鬆、菠蘿粒、蛋.. d飯 1粒粒.. 比較乾身.. 麻麻地

冬陰公(細) - 不過不失.. 唔算好辣.. 接受到!!

醬爆蝦餅 - 成晚最正呢味.... 可以再叫再食!!! 不過真係要好小心食.. 個餡好熱!!

沙爹串燒 - 雞/ 牛/ 豬.. 牛太熟了.. 豬無味.. 都係雞最好食!!!!!

是日同行之人是我的家人.. 表哥、表妹、細妹
情調足夠.. 但對象錯了..

試食之前.. 同行的表妹小姐在早一星期前已經品嚐過
當天佢叫左 2人套餐.. 而且只得 2個人食.. 所以相對比較貴

今日我地 4人行.. 9:30pm後入座套餐 7折..
就叫 4人套餐啦!!!!!!!!!!!!! $448 加一.. 7折後 $344.. 抵到爛呀!!!!

4人套餐包括：
什菜湯 / 是日餐湯：2個什菜 2個餐湯.. 我飲既係 什菜.. 味道好羅宋湯.. 正呀！
田圍沙律　　　　：無乜特別.. 有菜、芒果、香蕉..
白菌牛柳　　　　：呢個最正.. d牛柳好 "林" ..
菠菜煙肉蛋麵　　：d麵有 d乾身.. 好多菠菜.. 加埋一齊食就正喇..
海鮮薄餅　　　　：果然夠薄.. 正呀！可惜已經食飽左.. 我食到 1塊咋！
蒜蓉包配牛油　　：呢個無得頂呀！好香蒜蓉味.. 唔駛加牛油都好正！！！

Pizza + 蒜蓉包都正過 Pizza Hut的！！！！

繼續我的 2010年 1月篇

過份!!!!!

Book左位都要等咁耐... Book黎做咩!!?? 頂丫!!!!!!!

次次都係咁... 呢次已經叫做好少少架喇

如果 Book晏少少.. 唔止等 15分鐘!!!!!

算!!!!!!!!

今日飯聚原因係因為有朋友生日

加上呢度又有火鍋又有小菜又有日本野.. 所以揀呢度!!!!!!

特別推介：
七味雞軟骨 - 香口..

一口豆腐 - 外脆內熱.. 不過要分兩口先落到.. 因為裡面太熱喇..

七味雞中翼 - 雖然係普通既炸雞翼.. 但佢有少少辣.. 好正.. 又夠脆

八爪魚螺肉 - 八爪魚大大粒.. 同平時日本餐廳的差不多..

菠蘿咕嚕肉 - 像大酒樓的咕嚕肉.. 不厚粉.. 正!!!

雪糕糯米滋 - 每次都要吃 2個!!!!!!