譚強先生開設的 - 健味粥, 小妹年前已想光顧…早前和拍擋行經該處; 但另有原因而未能如願…哈! 今晚玩即興, 終於夢成真!
一行四人的「儍大姐」, 剎有"Sex In The City"主角feel…甫坐下, 任由部長推介點菜, 隨即「七咀八舌」的「吹水」等食…
菜單如下:
涼瓜炒七花腩 - 涼瓜全不苦, 隱約帶點甘, 七花腩又薄又滑, 比豬頸肉好吃幾倍! 讚!
紅酒燴牛尾 - 牛尾炆得又焾又無燥味, 且像東坡肉那般「鬆化」又「唔肥膩」; 紅蘿蔔超甜…個汁仲正!
炸脆骨 - 似鯇魚, 用魚尾部份, 炸得金黃鬆化, 魚肉吃得出不是一般魚檔貨色, 有種孩童時, 媽媽煮魚的質感; 但一定要趁熱食, 放涼後, 魚骨就不太脆了!
紅米鴨 - 嘩! 這個必食! 好味過滷水鴨多多聲! 米鴨用紅米漿+ 冰糖慢煮, 鴨肉又焾又滑, 紅米汁少甜且清爽, 令我多吃幾塊鴨肉也不覺膩! 驚喜!
清炒荷芹 - 一字曰「爽」!
鱔球粥三碗、魚卜粥一碗 - 真材實料, 如果粥底再濃一點更好!
總體出品認真, 廚師功架深厚, 且難得的是老闆、員工對食的堅持和執著; 方令我拾回「真味的意義」, 努力! 一定再「幫襯」!

註: 由於是晚較晚光顧, 健味豬和老闆自養的魚也售罄, 有點失望; 如欲光顧, 請先致電為上!
噢! 早前買了老闆自製的臘腸, 我的咀刁家人也說好吃…甚至比某品牌(過百元一斤)還好吃!

Godiva $42 / dark chocolate drink or milk chocolate or red cranberry的凍飲,
心想以她的出品,必屬佳品!
外型美極的凍飲,只看也「口水直流」…可惜事與願違! 只怪頂部那層厚厚的忌廉,把大好的dark chocolate 弄得又甜又膩; 連丁點兒的苦中帶甘的「幸福感」也沒了! 倒頭來只換來一埸遺憾!

在馬鞍山要吃一碗合格有餘的牛腩麵麵店, 真的沒多少; 不是價錢貴(還要加一服務費),就是「食不下嚥」…
幸好, 終找到一間較為抵食兼水準不錯的小店!
在下光顧此小店不下4-5次, 每次多為下午茶時段, 貪平啲嘛!
每次多點牛筋併坑腩或併爽腩(坑腩或爽腩+$2) 連餐茶(冷熱同價), 才收$29, 抵食啦!
叫你煮也不是這個價啦! 人家既要成本, 加上一般地產商只會不斷加租…
其實所賺無幾,兼夾好似日日「揼石仔」, 得個「捱」字!
除非該食店乃集團經營, 樣樣行中央採購、廚房, 兼且可「拖數」(季結或更甚!),
自然有錢賺啦!
你看大x 活等一碗粉麵也差不多三十元, 仲要自己嚟…真喺「谷鬼氣」!
好! 說了那麼多「廢話」, 該說回出品了!
先說湯底,湯清有牛味且鮮甜, 但無羶味, 正!
但上次光顧, 就發覺湯底已沒有開業時那麼濃郁…可能我嘴刁吧!
麵面乃大路貨色, 如換上「文輝」用的幼湯河, 就更好! 貪心鬼!
牛坑腩及爽腩炆得夠焾、不醎、有牛味; 且不太「癡牙」…
配埋清湯一口一啖; 多快活! 如果多下些蔥花…正到痺呢!
茶啡一般, 不評!
此乃一家庭式小店, 平實不花巧, 有homefeel! 繼續努力!
地產商就唔好成日話2年加一次租, 只少都逢5進1… 咪揾鬼租!
最後咪又自己揾自己笨! 攞啲社會良心出嚟!

和同事行女人街兼「揾食」…
十五十六的拿不定主意, 眼見這兒賣豚肉丼專門店, 便入內一試!
裝修及餐牌到出品, 看得出下了心思, 價錢乃中等收費… 期望着驚喜!
我們點了吉列豚肉滑蛋丼套餐、海鹽燒厚切豚肉丼套餐、南瓜沙律等… 食評如下:
吉列豚肉滑蛋丼套餐 - 滑蛋可以, 吉列豚肉及飯普通! 一般日式食肆水準! 沒驚喜!
海鹽燒厚切豚肉丼套餐 - 豚肉雖叫厚切, 但吃不到海鹽燒味道; 又吃不到什麼豚肉味,
既無肉汁又「鞋囗」, 心想像普通急凍豬扒罷了… 貨源問題! 失望!
唯有兩樣收貨的是:
前菜做得精緻, 可提升食慾!
南瓜沙律 - 先把南瓜變成南瓜茸, 再配以煙肉粒及脆藕片同吃,幾過癮!
但如脆藕片可多幾片就好了!
希望該店繼續努力, 研究如何使豚肉在烹調上可更juicy、米飯如何可更「黏囗」…
那麼, 就一定「客似雲來」, 生意興隆! ( 咁似賀年廣告嘅! 哈哈哈!)

士丹利街的威記白粥，n年前已給大食家唯靈推介過了！我間中為求＂清熱＂，也會光顧她！
今日行經上址，甫坐下點了白粥，蝦米腸，看看街外的大排檔，回憶起兒時往事！
很久也沒有吃過這麼好味的白粥，綿綿的滲着米香和腐竹味道，再用很有大排檔feel的藍白色碗盛着，簡直滿分啦！正！吃罷頓時覺得非常"下火"...哈哈哈！
至於蝦米腸就失分了，可能製成後放在蒸爐太久，失去米香兼粉皮稍欠口感,像在7仔吃腸粉似的,失望！但以前不是這樣的，奇怪！轉了師傅？

打邊爐的地方,例必又迫又嘈! 但見食友推介「千福」,膽粗粗的一試吧! (饞嘴、「吹水」是我的強項,哈哈!)
由於我的強項,飯局多由我選址,蠻有壓力...
一行三人,坐在暗黃燈下的六人餐桌(如在酒樓,真可坐足六人了!), 那寬敞的布藝餐椅及空間感十足的環境;已叫人心情輕鬆,食慾大增! (是晚食量如「恐龍」,嚇人!)
菜單如下:
前菜兩小碟:麻辣翡翠螺,螺肉很嫩滑,頗易「o趙」,味道先辣後麻,很過癮!
xx八爪魚鬆:怕辣的可以一試,幾開胃!
三文魚刺身(5-6片?)$48,一般刺身水準,但賣相很好!
醉雞(半隻)湯鍋$68,湯底喝不出有下味精,但帶有陣陣酒香味!雞肉也沒有「雪味」,幾新鮮!
以此價錢做鍋底及作火鍋配料,感覺還化算!
牛脊肉$138,味甜肉嫩又無渣,正!
韮菜餃$48,自家製,比酒樓的好吃,起碼吃不到滿囗肥豬肉碎,且韮菜份量也頗多,幾fresh又不太醎!
脆腐竹(忘了價錢),乃炸過的腐竹,上菜時看其貌,像把炸過的腐竹稍為浸水,令它不太油膩(我諗!),但結果是嚐了一囗,已暗叫不妙! 失策! 或者要煮久一點才可入囗!
魚腩及鱔片(忘了價錢),水準一般,但新鮮、嫩滑!
蟹子墨丸(忘了價錢),尚算彈牙,但如有墨魚肉粒混在一起,囗感更佳!(其實,我怕它的膽固醇才是!)
手打烏冬$28,幾嫩滑!食到「啜啜聲」!究竟有多少%是手打呢?嘻嘻!
木耳$28,order這個配料純因貪其夠爽,煮不爛,兼且具降血脂、血壓功用,可謂「又怕死、又要食」!
西洋菜$28,無意見!
粟米八小段?$28,超甜且ト卜脆,好味!
日本Axxxi啤兩支$?,淡囗易入喉,爽!
飯後生菓一碟
埋單$723
註:入席後有侍應端來一盤醬料,客人可按喜好「混醬」,但經本人實戰後認為,食物新鮮程度高,吃其原味已足夠! 如愛「混醬」者,還是取一小碟以盛各種醬料,而後按食品種類即時自行調味,方為上策! 免得有所遺憾!
值得一讚是:裝潢及出品有誠意,且吃不到「味精」(至少吃罷沒口乾),如對MSG過敏者,起碼多了一個選擇!

生日豈能待薄自己！況且要返工兼收夜,心血來潮買個蛋糕來自己嘆吓！
特地到IFC "La Maison Du Chocolat"買了一個朱古力慕絲蛋糕"Delice"及
28粒朱古力 " Coffret Maison" 可真重手！
先說蛋糕口感，蛋糕鬆軟,朱古力好rich又滑又不太甜,好幸福um.....!
至於Coffret Maison,則給Delice比下去....可能種類太多，分不清楚！
如下次再嚐，定要逐樣品嚐，才不枉此生！
幸福是要自己爭取的！

記不得是上年底或是年初的一個提議…大家嚷着叫好…但等了半年才湊好日子成事 - 吃炒辣蟹!
一行四人,七時一刻左右到了<喜記小廚>,今期他們做大閘蟹套餐,包茶芥加一,再送一隻炒辣蟹,只收$87x (唔記得尾數添?!),算好吸引,菜單如下:
蜆肉蝦乾九肚魚湯:材料算好足、又新鮮,飲落唔太味精味… 幾好!
清蒸陽澄湖大閘蟹四隻-嘩! 好正!蟹黃好滑、肉又鮮…食到"啜啜聲"(聽聞今年當造)!
(唔記得XX)炒大閘蟹: 大閘蟹拿去炒…太浪費(走哂啲蟹黃,no good),不及清蒸大閘蟹好吃。
蟹油炒麵: 夠辣道、有豉味,正! 但一定要趁熱食。
蟹黃扒西籣花: 蟹黃好滑,為蔬菜添上華衣!
(唔記得XX)黃金球: 除了蟹黃好滑、好吃外, 那做用?甘筍汁或?南瓜汁搓成的粉糰就是失敗之作! 是晚唯一的遺憾!
中辣的辣椒炒蟹:可能我吃得辣或是放涼了,那些蒜頭辣椒碎一點也不辣…蟹殼"啜落"辣辣地、蟹肉丁點兒也不辣, 越南蟹 - 肉多,但不夠大閘蟹肉鮮甜。
薑湯湯丸: 好味、好滿足! 乃驚喜之作!
如廚房可按各枱菜單分段出菜,不用一下子「出哂」,把菜餚放涼,影響食味;壞其「寶號」!
考慮下!

現在吃一客早餐,平均$20,午餐約$30+,感覺頗貴…相比廣、澳地區,也許已叫做比較抵!
在上環工作,飲食消費指數也不低,而發掘抵食食肆已成了我的首要工作…某日行經孖沙街,貪此位處內街,理應租金較平,食店收費或有驚喜吧!
我比較喜歡小店,見此白色食店,心裡盤算着…站了良久才入內光顧。老闆身兼樓面及大廚,另有一女士負責送外賣及打雜,全店只有12個位,由於抽風系統不夠力,引致油煙倒流入舖,令冷氣不夠涼,各位要留意!
分別數天光顧,早餐由$10-$18,共八款可選擇,我最愛吃炒米併燒賣+熱飲$14,炒米即炒,內有椰菜及火腿,味道不太醎,又夠熱辣辣,正!燒賣彈牙好味,且不是那種用肥豬肉溝粉做的,共有4粒…去7仔食也不是這個價啦!勁抵!有日沒燒賣,用雞翼代之…筍呀!
豬扒飽+熱飲$15,豬扒夠鬆化,加埋蕃茄片及沙律醬,已flesh!
港式早餐$18,口感一般,不作評論!
茶、啡一般,但以價錢計算的話,已叫「收貨」喇!
焗飯午餐+熱飲約$26,分別吃過堂食及外賣,扒類的肉質OK,茶記水準,不作評論;但最正係個醬,好味!無論咖喱、燒汁、黑椒汁都「好出」為焗飯添上驚喜!但如果在選白米上再「升呢」,肯定更能錦上
添花!
提示:如叫外賣的話,最好即送即吃,免得白飯焗過久而「太淋」,影響食味!
希望堅哥繼續堅持、努力,薄利多銷,益食家!加油!

難得下午放假,一家人特地到「糖百府」吃棉花冰去也!
我們一行三人,點了2款棉花冰:
宇冶金時($35) - 綠茶+綠茶糖漿+紅豆+果凍,首啖已嚐到淡淡清香的綠茶味,軟如綿的棉花冰加上紅豆及果凍，口感豐富! 小兒愛極了,狂吃不停!
第2款為番石榴+芒果醬+金柚($25),嘩! 真的不得了,好flesh又好match,都係我揀得「叻」! 哈哈! 怪不得我和夫子二人搶看吃呢!
溫馨提示:由於一客棉花冰分量頗多,狀似小雪山,且很快溶,建議如點一客以上的話,最好在吃至中段才點第二客比較好!
落單時,留意建議食法,很match的組合!
總結,糖百府給我頗窩心的印象!加油!