該店還在永樂街時,已想光顧…直至搬來現址才可如願!
平日吃慣港式早餐,真的悶透了!於是轉場去也!
早上八時許,只有我一枱客,甫坐下,點了"香草炒蛋+烘多士+latte"($30),跟着慢慢用眼睛遊覽店內陳設「等食」! 該店只見兩女士主理,一主煮食、另一主煮咖啡;很有默契…由於店內樓底很高,又播着輕聲收音機,感覺很舒服!
食品賣相平實簡潔,I like it! 炒蛋很滑,但稍嫌油多及沒什麼香草味,烘麥包多士非常好吃,夠脆身又唔燶!有夠幾片就好喇!至於latte,奶泡稍為不夠幼滑,但都合格啦!咖啡味稍淡,幾適合早上飲!
轉一下地方,吃一頓悠閒早餐…人都靚啲、醒神啲!

今天有假期,可以偕夫尋吃去!
OK德茶餐廳,由於位置不太顯眼,加上附近有汽車維修行…差點兒「走漏眼」!
點了下午茶餐:楊州炒飯+熱奶茶($21)、乾炒牛河+熱檸茶($21),如凍飲+$1,炒飯可能預製好翻熱,不太熱,但配料算多…唔錯!牛河熱辣辣…好鬼正!拍得住酒樓,但價錢平一截!讚!
奶茶茶厚奶多,掂!
檸茶有茶味,但檸檬放久了有點苦…如果我一早抽出檸檬片,應可更好!
家庭式經營,兼且只有一個爐炒餐…雖然地方稍為狹小,但出品絕對用心,服務勤快!一定再「幫襯」!
OK德原來真的OK得喎!

幾位家住西環的同事,都不約而同謂生記滷鵝好味道;心思思非要吃牠不可!
星期六午後放工,自己一人先來這裡偷閑一下,我叫了一碟滷鵝飯跟例湯($25),以她的名氣,此價錢絕對不貴!
一碟滷鵝飯約有7-8件鵝肉(鵝胸連骨),第一口已嚐到滷水的香味、不太鹹;鵝肉頗嫩,有點鵝油香味;反而臊味不多,但吃多幾件鵝,就覺得沒有滷水味…可能我的嗅、味覺感官已被同化,分不清楚,還心裡暗罵「不過如此」!如他們可於堂食時奉上一小碟滷永,豈不更好!
最驚喜是白飯,粒粒爽身又煙韌,超正!
但潮州食品,尤其滷水及醬汁一般通病,就是嚐後口渴非常…不知有何良策改善…有得有失啦!
總體出品幾好,價錢合理…讚!待下次試多幾款嗒真啲!

近日較忙,為了輕鬆一下,和同事們到海關會所吃晚飯去也!(貪玩才是真的)
好不容易地尋覓了一陣子,才找到門口…真是「大鄉里」!
會所環境頗開揚及清靜,全晚只得四枱客…(點做呀?)
例湯-青紅蔔白煲瘦肉,味道一般!
芝士焗中蝦(伊麵底)-芝士味淡、中蝦無味兼「梅梅地」,可能雪得久了!反而伊麵相對地比較好吃!
黃金涼瓜片(碎醎蛋黃炒涼瓜)-賣相不行,但食過後又覺不錯,幾好!
燒雞-味不鮮、肉質一般,無特別!
鳳梨排骨-茶記水準!
鴛鴦炒飯-全晚最驚喜菜色,紅白米爽口又夠散,加上有珊瑚蚌、菜心碎、粟米同炒…正呀!
另外,厠所最「攪嘢」!好似入咗化妝間咁!
連茶芥、果盤共收$540/５人(仲話已經九拆),一般啦!

今日娘家家庭日,例牌往美孚的上海飯店等。
美孚有水準的上海舖不多,這裡可算是水準高、出品穩定的一間(起碼以我在同區所食過的)。
中午十二時已到,只有幾枱客,可揀落地玻璃窗位置。
七嘴ハ舌的點好菜…不到十分鐘就出菜…
小籠飽 x 2:肉鮮汁多、皮適中,正!
窩貼 x 2:肉鮮汁多、飽底夠香脆,yummy!
賽螃蟹:樣子幾靚,有瑤柱同炒、醎味適中又夠滑,BB或小朋友撈飯都幾得!起碼唔怕有骨會哽親!
醉雞:肉嫩,但酒味少又唔夠香、醎味稍重,一般啦!
口水雞:個樣似紅油抄手,肉地和醉雞肉一樣;但個汁幾得,先少酸後甜,而後再辣,有層次…加埋碎腰果粒,口感豐富!正!
雪菜肉絲炒年糕:唔太醎、有ｏ趙頭,my favourite嘅必點菜式 !
生煎牛肉飽:肉醃耐咗,食唔到鮮味;但個飽身煎得幾好,又軟熟又有啲脆…但我和母親都覺得清真牛飽得啲!莫非滬派和清真派會有那麼大分別?
和菜帶帽(跟薄餅):點此菜純因個名好神秘…上菜才不過是炒五絲(肉絲、雲耳、芽菜、甘筍、青椒絲),上舖一蛋皮,食時將五絲+蛋皮用薄餅包好同吃就是了…幾得意,小朋友會喜歡的;因有手作仔做來吃!但大人或覺得一般啦!
銀絲卷:出奇地…放涼了後,還很鬆軟,讚!
E度最正係免收加一,食咁多嘢,6個人都係$375,約$60/人,抵食!

帝苑酒店內的雅苑座buffet出名,就好多人知!
事因有朋自遠方來,他們還是飲食界中人(開食店,仲要係十零間),對食甚有心德…宴客豈能苟且…用了幾星期plan schedule & research,見雅苑座人氣好勁,幾星期都在top 10內,有期望的book了7/8/09 buffet。
當天很悶熱,行一陣已經「濕哂」!18:45 一行七人,有大有細,仲要「鬼剎咁嘈」去到…環境好開揚,坐在中堂(天井),旁有水池,但用布帶stand欄住(銀行排隊那種),唔safe!如果改用玻璃,既不阻視線,又好似安全啲!
頭盤先來一人一客的「香煎鮑魚大蝦」,鮑魚都唔細隻,熟了都有酒樓碗仔咁大(內直徑),加埋啲ＢＢ露筍及薯蓉伴碟,一睇已經「返本」啦!最緊要係我啲fd食咗一啖,就讚「好得」!放心哂!
刺生按人每種2-3片,我主攻油甘魚、劍魚和吞拿…幾新鮮,好正!
連亞仔都識食揀油甘魚。
越式海鮮湯(可揀冬蔭功):扇貝、蝦等用料鮮、又大隻,但啲湯底偏淡,一般酒店湯底毛病(可能佢哋專登煲淡啲,費事搶哂海鮮味),要加啲香料提味。
花旗蔘燉雞湯:香味夠、湯味淡,OK啦!都係奶奶啲正!因為佢唔識「打斧頭」,哈哈哈!
即炒香草蜆玉炒墨魚汁意粉(自選意粉),熱喇喇、好正!但越食越鹹,有啲失分!
燒牛肉:火喉恰到好處,有肉汁、「唔鞋囗」!
法國藍青囗好鮮甜、嫩滑、正!
長蟹腳:幾甜!不錯!但偏瘦削;
可能本月中我訂了幾隻正宗亞拉斯加蟹腳(識得有一凍肉批發商),嘩!佢啲蟹柳有成2隻手指公咁大,正到痺…連亞仔食到連殼都啜埋…回想起來,已即時比下去!
其他食物水準乃中上上之作…唯獨無生蠔食,好似欠缺了什麼似的!
有點抵讚是連吃Haagan dazs雪糕的食具都雪住保凍,夠窩心!讚!
我個fd事後讚好食過澳門四季添!

上星期四,老公忽發奇想…到旺角睇手機兼到太子金象苑食泰式buffet,有人約,「梗嫏飯應」!
18:30到,客人不多,幾易取食物(個埸似跟團係酒店食早餐那種)。成晚像樣的選擇不多…記憶中,食得下嚥的只有:香煎雞翼、蒜茸蒸生蠔、白烚魚蛋、千層糕、椰汁糕…該店可能有「自知之明」,送各食客一人一份三文魚刺生(三片)、菜膽雞燉翅(100 ml)一盅及燕窩椰汁雙色糕一客,Ｅ三樣都OK啦!
雖有蟹食,但肉削唔甜,虛有其表!
$157/ person 唔值!

自從2007年起光顧到現在,差不多一星期有2-3次在此開餐。
除環境有待改善之外,那裡還可以說大件夾抵食呢!
早餐約$16-$18(凍飲+$2),通常我愛叫一客豬扒旦米線、熱奶茶共$18,已經好鬼飽,仲可以由8am頂到2pm!
他們出品的豬扒幾鬆化、又香囗夾大件…Ｅ個價錢,食到啲咁嘅嘢,夫復何求呀!最main point是他的食物配搭多,啱哂心多港人!
奶茶有中上水準,茶厚奶多、有啲苦澀味,balance到…好啱我囗味!正!
他們還用咖啡機即磨來沖咖啡…好用心製作,加分!當然,不能期望用什麼高檔咖啡豆來沖泡…他們也要賺錢的呢!
午、晚餐出品OK架!鍾意食硬飯者,一定對胃。
只要聲控,就有食物送上,價錢仲平過大Ｘ樂、大X活等!
他們送外賣好進取,遠近都送…希望佢地生意興隆,繼續薄利多銷,咁就不用加幅加價,益食家啦!

近幾星期飯隱起,非要吃煲仔飯不可,終於為了止隱,往永合成「解渴」去!
七月中,有一次午飯吃了窩旦牛飯($38),牛肉新鮮剁碎,舖在飯面上煮,好好味!幾日前,叫了排骨飯吃($38),排骨好新鮮,醃料適中,個芡又唔厚…而每次吃煲仔飯,啲白飯焗得透…粒粒都爽身有o趙頭,加埋佢哋啲豉油「撈飯」bowl:,簡直好味到震:…如果用上亞婆製的頤和園豉油…咁就發大達…哈哈哈!
今日又叫了個黃鱔飯吃($44)…可能十一點半啦,還早…啲飯放在麵包爐焗唔耐,有點「淋」身,但啲洋蔥加埋撈好嘅豉油黃鱔一起焗,可以加分!
仲有他們的奶茶、O茶都唔錯!試吓啦!
順便一提,中午見隔離枱叫了一客旦牛治…啲餡好多…好似好正,下次試吓先!

是次和同事聚舊,幾經尋覓嚴選食肆,終決定去五陵會吃晚飯!
一行人:六大一小,其中二人為「老外」準時收工,約6:30開餐。
這已是我第二次到上址用餐,環境依舊是一派中餐館平實設計…但勝在人流不多,「吹水」好free!
菜單如下:蔥油脆皮雞,宮廷桂花炒粉絲,腿茸鮮蝦仁蒸旦白,蒜片野菌煎和牛粒,鮮腐竹生炆斑頭腩,野什菌銀杏炒什菜,旦白杏仁茶,另加白飯5個。
雞乃鮮雞慢慢拉油…由生淋到熟,約需半小時,吃得出師傅用心製作,嫩囗非常、醃料份量適中!正!
炒粉絲唔油膩、好爽身,加埋瑤柱、芽菜mix埋一齊,好fresh、又唔salty!
蒸旦白火喉剛好,好似食豆腐花咁滑!但唯獨上面一層玻璃芡稍多…時間放久一點,就似水狀!
和牛粒用瓦煲上,夠熱!但食唔到牛味(可能唔係"正和牛")…可能用豉油醃耐咗!加上用類似中式牛柳煮法,有啲失望!但見小朋友食得好happy,因為"唔韌"!
班頭腩幾好!魚有肉食,又有骨lun!
野菌炒什菜一般啦!加番啲蒜茸、乾蔥片爆吓,更正!呀!點解我食唔到有銀杏嘅!
旦白杏仁茶好味又唔太甜、大碗啲更好!哈哈!
順帶一提:白飯好味呀!好似「金象米」咁嘅口感!
行會員制,$200/year
如攪farewell、一家人食飯、請客…Ｅ度都唔錯架!