落左成個星期雨星期五終於好天，
唔可以浪費呢個機會即刻要出街去。
本來想食日本野點知想食ｏ既間都full booking。
見天氣暖返d就想食沙律，咁無埋由靜係食沙律咁齋。
就去左食Le Grand Pokka Café，真係懶係grand。
記憶中呢間野係好食嫁，細過都幾成日去食。

七點鐘去到唔洗等位，一坐低就有籃麵包。
佢有set meal或者散叫，set meal有頭盤，餐湯，主菜，甜品同餐飲。(奶茶咖啡檸茶檸水）
加$30可以轉特飲同一客macaron 。我地叫左一個set dinner同單點左紅酒牛柳粒蛋包飯。
頭盤要左銀魚仔沙律，餐湯係南瓜湯，係即場係你面前倒比你ｏ既。
南瓜湯唔creamy因為無忌廉，都好無咁漏。
送ｏ既籃麵包好硬下而且好油下。牛柳粒蛋包飯賣相就幾得，隻碟好大，
但個蛋好鞋而且無味，個牛柳就好咸。
應該係比你送個蛋包飯食，但我唔係食緊碟頭飯其實。
入面ｏ既飯係炒飯底，但好多一舊舊未炒勻。
香煎帶子比目魚有三塊魚，細中大咁疊住，
兩舊薯仔，兩粒帶子，一粒蘑菇同兩條盧筍。
比目魚幾滑無過熟但依然無味汁就多啦。
帶子好淋上面有小小魚子，反而薯仔就唔好太好食個皮淋一d都唔脆。跟餐甜品係一杯仔柚子嘟喱加柚子sober同一舊綠色ｏ既蛋糕仔。
餐飲就要左熱檸水。
基本上餐廳環境好舒服，但服務就比較causal。
服務員大大聲係你隔離大叫邊張有咩未到，仲係你隔離er氣，
當下我以為自己係去左大排檔其實。

團購買左burger mix嘅couple一直都未用，
因為佢嘅換領時間係14:30-19:30。
2點半又過左lunch hours，今日ot終於用得著。團購指定和牛漢堡加有機蘑菇湯，團購價$35。
比左張couple唔係幾分鐘就整好。個包唔算好大個同麥當當嘅差唔多，係塊牛肉厚D。
個包唔得軟熟，可能因為我唔係即食。因為佢係烘過，所以如果唔係即食就過左度氣變硬左。
個包除左塊牛肉仲有蘑菇同芝士，
但味道比較淡，醬就好多但無咩味，
如果可以有pickles應該會好味好多。標明係有機蘑菇所製，
湯入面嘅係碎蘑菇，個湯都幾杰下。

朋友仔由坐低就不停重覆住:呢度嘅麵包好好食！直到我地點左食物佢終於肯停。
得啦，我地知道啦！
我地叫左3個sets，再單點左炸雞籃同煙三文魚三文治。
Lunch set 4款意粉同2款飯咖喱可以選擇，同有一杯草莓益力多。
我地叫左：
Set A: 拿破侖意粉
Set B: Carbonara意粉
Set E: 吉列朱扒咖喱飯

因為餐廳做緊櫻花主題，所以每份食物都有2塊花形麵包，
但係真係得個靚字，好睇唔好食，好硬。
可能因為人唔多食物好快就到，
佢d食物都幾細碟，但都幾適合細食嘅人，仲有d salad。
我地share黎食，真係一人得一啖咁多。
佢d意粉係扁意粉，拿破侖比carbonara好食，
可能因為我唔好白汁，
兩款意粉分別都有火腿，煙肉同蘑菇，
Carbonara嗰碟d意粉係住埋一pat，應該係煮嘅時候無整散佢。咖喱吉列豬扒就係日本咖喱味道，
豬扒個吉列好黑，可能d油用左好耐。單點嘅炸雞籃入面有薯條，炸洋蔥，雞塊，丹麥麵包。
薯條未炸得透唔好食，雞塊無咩特別，丹麥麵包有士多啤利果醬同牛油可以搽。煙三文魚三文治，煙三文魚份量唔多，
反而d cream cheese有d over左，成塊好似唔洗錢一樣，
好食但太多都會變得唔好食其實。
同佢個包呢好似焗太耐，因為個底好黑下。基本上唔算十份好食，所以一次就夠啦！
 

是日朋友飯局，打算食潮洲野去！
本來想去北角但又怕有排等位，
就近近地去銅鑼灣鵝頸橋，
之前都食過一次。
一行6個人早一日訂左位，因為怕星期5無位。
七點半到左都差唔多滿坐。
食潮洲野當然一定要叫鵝片拼豆腐同蠔仔粥，鹽焗烏頭。
仲有唔係潮洲菜o既雜錦豆腐煲同雞炒芥蘭。鵝片拼豆腐兩個都好夠味，
蠔仔粥d蠔仔都幾大粒而且無沙。
上寸已經幫我地打開左，條魚本身無咩味，dip左醬就鮮味d。到雜錦豆腐煲入有有豆腐、豬肚、豬肉、生菜，蝦等等。
真係名符其實雜錦豆腐煲，大雜燴一樣咩都有。反而芥蘭炒雞就唔係咁好食啦！
D雞好大陣雪味同白賴哂唔係好夠鑊氣。

又到一星期嘅開始，
啱啱先Recovery到又返工啦！
即然係咁應該要買返杯咖啡醒醒神。
habitu有個promote每逢星期一都會有一款飲品Buy one get one free 比你迎接美好嘅星期一。
今次係Puree Latte（普洱茶鮮奶咖啡）
不嬲都鍾意試新野當然要試下啦。
可能我要左Soy Milk所以個泡唔夠細滑，
飲得岀有茶味都有咖啡味，
仲有小小茶葉碎係上面。
都幾特別啊！ 

上個星期凍到得返幾度，今日開始回暖返小小，
去左觀塘接個朋友放工，
本來諗住去食麥當勞，點知條友仔話帶我去食羊肉麵。
羊肉話時話我唔好嫁，加上我都唔餓，
但朋友極力推介下就去試下啦。
我地由裕民坊碌碌碌到去觀塘廣場，
佢唔講都唔知係巷仔有間食羊肉麵嘅鋪頭。
未行到已經見到人龍啦。
係我地前面都有6,7個人。
我地等岀面所以就耐小小。
朋友話坐入面會好大陣味，加上入面都幾迫夾下。我地叫左一碗細清湯羊肉(連皮)米粉加蘿蔔，
除左有得比你揀要瘦肉定連皮外，湯底就有清湯定酸辣湯，米粉定米線。
對我呢d唔嚐羊嘅人都唔覺得好羶，而且個湯好清下。因為廢事2個人靜係叫一碗所以多點左涼拌雲耳，
都幾多，味道都唔錯。除左羊肉外，其實仲有牛腩同豬手 ，
所以唔食羊肉都可以有其他選擇。

自從食pizza嘅食店越開越多，
都好耐無去食Pizza Hut食pizza 。
記得中學食pizza只係得pizza hit可以選擇。
我要食厚pizza第一時間就係諗到pizza hut。
Pizza Hut 定時都會岀d新囗味pizza。
咁見佢有新野緊係要試下嘅。
1.芝士七重奏 2.蜜桃帆立貝 3.菠蘿煙燻豬肉
我地叫左信用咭餐，
意大利菜湯(羅宋湯)、忌廉磨菇雞湯。
意大利沙律，
香蒜芝士白汁蜆肉焗薯蓉，
雞肉闊條麵，
飲品(奶茶，檸茶，汽水)
套餐可以以半價優惠叫某d小食，
我地就叫左再加點左個。紅湯同白湯，我地一致覺得白湯係好味d。
羅宋湯味道唔夠濃，好水希希下，
相比之下忌廉係好d。

意大利沙律配特色芝士包條(油醋汁)，d沙律菜都算新鮮。

薯容味道好淡，機本上係無味，就係靠面嗰d煙肉同芝士先叫有dd味但好似唔覺有蜆肉。
跟餐焗揀如果唔係應該無人會考慮。反而薯條擺低左都未夠5分鐘已經無哂，
D芝士醬都好夠多。卡邦尼雞肉蘑菇寬條麵同薯蓉一樣無咩味，
而且d料好似唔係新鮮。
因為d食物無咩只好用焗雜菜d葡汁離送住食。壓續嘅係好食嘅，
我地無叫到芝心/芝脆批，批邊係巴馬巨芝士脆脆批邊，
食落去脆卜卜唔會靜係得麵包，Pizza d料配答都幾夾，
帆立貝、蜜桃、水牛芝士，蕃茄。
係就係今次嘅新味都值得去試下，
但係銅鑼灣呢間pizza hut幾污糟同服務幾唔好下。

以前去糖水鋪例必叫芒果西米露等等凍冰冰嘅糖水。
唔記得幾時開始愛上左熱嘅中式糖水。
只係賣中式糖水嘅小店已經買小見小。
知道旺角呢

間係岀名桑寄生蓮子蛋茶，
即刻要去試下，唔係遲下可能無埋。
只有幾張枱，坐底唔洗諗啦。
蓮子蛋茶，好甜好甜真係好甜，
除左甜之外又無咩桑寄生應該有嘅味道，
蓮子都唔見得鬆化，而且有心同苦嘅。
杏仁茶都唔係好滑仲要都幾甜下。

金華岀名菠蘿油就係人都知，
但我去到並唔係食菠蘿油。
我去食早餐ABCDE。
星期日一早已經坐滿哂人，早餐餐都係28蚊有一個餸，
再跟火腿，腸仔，蛋同飲品一杯。
我叫左重量級嘅午餐肉通粉，，朋友就沙嗲牛肉米。
奶茶夠濃奶味都幾重，
通粉米粉黎先過腿丶腸、蛋，通粉唔會過淋而且係我鍾意食嗰隻，無紋嘅。
兩塊午餐肉，薄薄地但都煎得幾香囗。

朋友仔嘅沙嗲牛都幾好味。
食到一半腿腸蛋，我仲同朋友講唔會食飽先黎掛。
食到一半腿腸蛋終於黎啦！
一次倒埋落去通粉到，好豐盛啊！

睇完牙醫由炮台山行落維園年宵，
順便睇下附近有咩好食，
想食d唔係好洗咬嘅食物，所以就揀左食粥。我叫左我嘅最愛肉丸粥$48，都幾貴下，可能因為手打掛。
肉丸數量都幾多，但肉丸好實下，可能粉落太多，味道一般。反而牛筋腩河比較岀色，
牛筋牛腩都炆得好淋，湯底味度都OK。