畔溪可以算係我地屋企飲茶首選。
係貪佢D點心大逝份都係2件，咁就可以滿足又想食燒賣又想食蝦餃o既我地。

下午茶時段的確好抵。
1:45就開始派飛，2點就可以開始入去坐。飲茶蝦餃燒賣點小得啊，
一籠兩件蝦餃燒賣。蝦餃痴左一齊變左一個，
一夾爛左。咁應該可以算係皮簿o既。燒賣買相雙對係靚仔小小。
 味道同料都唔係好夠，靜係到好多一pat pat o既汁。$14.8抵食 o既叉燒麵，但個湯都幾咸。
除左叉燒仲有燒肉同其他燒味，可以揀麵，米粉，瀨粉等等。雞扎入面有芋頭(好淋)，蟹柳，魚肚，話明雞扎當然仲有雞啦
個腐皮有小小硬，可能未蒸得透。雞腳好入味好淋，但d花生就一d淋一d唔淋，
但個汁係好味o既。叉燒包同蛋撻仔(點心紙係叫葡撻)係3個一籠同3個一碟。
叉燒包好食D料都好多。蛋撻仔未影得切相已經被阿哥搶左閘。

次次經過都見要等位，今日經過冇人等所以就入去幫襯下啦！有麵有飯任君選擇。
我地一人叫左一個麵同一個飯，
媽咪要左泰國牛骨清湯魚片頭檬粉同熱奶茶，
我就叫左豬頸肉炒飯＋凍檸檬，
佢d凍飲完全唔凍o既，黎到ｄ冰已經溶哂，仲要有一半係暖o既。味道係幾好o既個蘿蔔都好淋同入味,
但食到一半發現有張纸係入面 (後來睇返張相原來上台o既時候已經依附係個碗陪住冬蔭公公一齊)
仲有碗野仲有d蒜頭皮。味道ok，至少比起碗麵呢個炒飯係乾淨D。呢個跟餐+$10 o既木瓜沙律算係最好食，
ｄ蕃茄好新鮮同都幾辣，好食。
下次要試下佢o既照牌菜冬蔭公湯麵。

好耐冇同一班朋友仔聚餐，決定去飲茶，
諗住就一班朋友仔去中間位就去旺角啦。

因為唔想去o個d新式點心鋪，
想去返d傳統o個d酒樓啦，諗住貪就腳，
就好彩啦！點知就係咁出左事啦！係就係好多選擇啊！但質素就......
我地去到啱啱好係係下午茶。

鮑汁鳳爪買上ok唔得，d汁成隻碟都係，
係唔係應該抹返乾淨先上枱呢?
味道ok o既，d花生都好淋同好入味，
酥炸魷魚都未食，點解我好食左一半先比我地咁o既?!
好細條，唔講都唔知係魷魚其實。
滷水豆腐，味道幾好夠味，
但睇睇佢一個百福豆腐盒o既形態。
娃娃菜味夠濃，但個汁有小小杰。點心黎啦！蝦餃個皮非常極之唔得，
平時出面食o個d會有d煙煙unun o既口感，
佢完全冇，係得個薄字。
菜苗餃都係o個d味啦有幾粒蝦碎囉，其實個人唔係太鍾意食菜苗餃，
因為佢個皮好痴好pat。
牛肉球一定要有喼汁佢可以唔比我地，
我地問佢喼汁呢？佢可以指住我地頭先魷魚o個碟喼汁
都冇左一半啦，比多一碟洗死咩？
鵪鶉蛋燒賣，轉左一轉個頭就冇哂，
賣相ok o既，算放得幾靚仔。叉燒餐包我認為係全埸最好食，
宜家真係唔係好多地方有最傳統呢隻叉燒餐包，
好多都係菠蘿皮，懶新穎，都係傳統比較好。
叉燒餐包黎到都仲係熱o既，都幾多料，
其實釀尖椒都唔錯，夠香口，
我食o個隻就唔辣，反而唔食辣o既朋友就食到隻辣。
三色水晶包，我覺得係媽媽年紀o既人先會食，
點知朋友仔一住低就即刻話要叫，
一黎到豆沙同奶皇已經有人認左頭，
咁見得返一粒啡啡地色冇人食，原來係蓮蓉黎o既，
可能係凍左感覺有d似擦膠 ：ｓ點心真係好快，一落單冇幾耐就黎，
但係叫賣單就等左有15分鐘。－。－＂

話時話講左好多次話要食Burgeroom但冇去到，
以前係o個頭返工都冇去過，
因為知道lunch time一定好多人，

所以今日就去食tea
Tea Time都幾多人，入面仲要好熱下。Tea Set有3款，

2話不說就叫左Set 1，
Mini Classic Burger同媽仔share一個，因為其實我地食完野冇幾耐。
想叫佢幫我地切開一半，
點知佢話tea set係唔切o既
唔知係咪因為太細呢?!Tea Set仲有potato wedges，應該係即叫即炸o既，
因為佢拎到黎都仲係熱o既同好脆，有小小咸，加d茄汁已經好好味啦！
打開個burger睇下先，入面有一塊蕃茄同2片生菜，
都幾新鮮！
唯有差d就係d sauce好似唔多夠，好彩塊牛肉都好juicy！加左＄8要左枝bottled drink，因為唔想飲氣水。等下次餓d要一個人食一個set。mad:

好耐好耐以前呢間大中華素食係叫大自然素食，
自從改左名之後都冇幫襯過啦！
見諗唔到食咩，就入去試下啦。本來想叫猴頭菇，
但比佢個咖哩南瓜牛肉煲吸引左，
咁就叫佢一個Set Lunch A 同咖哩南瓜牛肉煲。冬瓜紅蘿蔔湯，好淡冇咩味，
個茄子鮮竹粒飯有小小油，但味道都唔錯。
入面有茄子豆腐同麵筋，之後就係咖哩南瓜牛肉煲，
牛肉？牛肉？牛肉？唔係素食咩？
點解會有牛肉？！
食落去真係好似牛肉啊！
我係咁問媽仔，真係唔係牛肉咩？真係咩？
但真係好似啊！我真係以為自己食緊牛肉！
媽仔話可能係係菇類。
個咖哩汁都幾好味，D南瓜都OK！
呢個用黎送飯幾一流。其實佢個MEUN都仲有好多野幾吸引，
但係2個人得2個肚，哈哈哈。
就留返下一次啦！

細過o既時候最怕就係中式糖水，
見到靜係得中式糖水o既鋪頭，
我係唔會入去，可能因為陪媽咪食得多，
唔知幾時開始就鍾意左。

糖水鋪越開越多，但傳統中式就買小見小，
人人都要多花款，舊的就會被洶汰。
好多由細幫襯開o既鋪頭都一一結業。

佳佳不嬲一貫作風，唔花巧。中午時份，見老闆係度將d煮好o既糖水放入雪櫃，
見都未食晏，就叫一個飽肚d o既蕃薯糖水，
平時食飽飽就唔敢叫，因為驚太飽。真係好係薑，因為我好鍾意任何薑o既食物，
所以覺得好好味啊！
飲d薑水落去感覺到個胃都暖左一暖，
d蕃薯好淋好綿，有4大舊。

媽咪就叫左杏仁糊加湯圓3粒。
我冇試食，因為我唔鐘意杏仁味。
媽仔話幾滑，芝麻湯圓都好食。仲有佳佳o既合桃糊同芝麻糊都好食，
起碼唔會好漏。

誤打誤撞食過一次之後就愛上左啦，
第一次去係因為公司聚餐，
如果唔係根本係唔會入去，
因為佢門面一d都唔吸引，好似三隻小豬o既磚頭屋。
但佢o既食物係頂瓜瓜嫁呢！

第一次去食左好多特色o既雲南菜，
好多不知名o既菇，應該係菌。
之後我發現到佢唔單止小菜好食，
仲有米線，應該係餌絲。睇下個午餐MEUN，
都OK多選擇，佢同一般米線鋪唔同，
佢唔係紅腸，腩肉o個d，

我未坐低一定會問下姐姐們有冇餌絲先，
因為試過有一次冇，就叫左米線，
都好食但餌絲真係好食好多，
坐低例牌叫雲南酸辣湯餌絲，餌絲口感煙煙unun，好似上海年糕o既口感，而朋友仔就必叫野山菌餃湯餌絲，

佢話好好味，一碗有3粒。
佢個湯比較清，因為佢唔食得辣，午餐會包飲品，
好搞笑o既係佢供應都係台式飲料，
蜂蜜檸檬同荔枝玉露。最後仲有佢o既辣椒油好香好好味，
雖然我碗野已經係辣，
但都不左dd。

朋友飯本應諗住去食日式放題但諗諗下要2百幾蚊食埋o個d野，
都係算啦！轉場轉場轉場，

有人提意去打冷，
本應想去試下米豬連o個間o既，
但係朋友話得好小台，又話好多人，
好啦好啦！第2間囉。

近近地就呢間啦！
8點幾去到，爆哂。
一個姐姐話冇位啊，但另一個即刻叫我地上樓上，
原來有2樓o既！
一上度去，好大陣煙味，
上到去等左好耐都冇人埋我地，
因為上面係冇人埋嫁，
一度想打電話落去叫嫁啦。
仲有2樓好有呢個打冷大排檔feel，
因為好嘈，大家要好嗌先聽到大家講咩。

有個姐姐上黎，
二話不說叫住佢啦，仲比佢走，好耐冇食掌翼，所以就叫黎食下。
OK啦。但D花生好硬下。滷水鵝片&豆腐，鵝片係有小小肥，
但好入味，幾好食。
因為好多時都係好老D肉，但佢又唔會，
反而D滷水豆腐就唔好食，因為佢係滷水豆卜黎o既，有小小硬睇唔睇到隻蠔仔mad
我嗌o個時係方魚蠔仔肉碎粥，
但唔知點解阿姐死重覆蠔仔肉碎粥，
我話係方魚蠔仔肉碎粥，
佢再重覆蠔仔肉碎粥。我心諗你地係咪冇方魚啊?
黎到不左不，有一粒咁大把。朋友話要食瀨尿蝦，時價$80。
唔好食，好pat d肉。蠔餅打冷必點之一，
第一次食度唔算好油o既蠔餅，
平時食o個d令立立，呢個又唔會wor，
所以都食左幾件。
好食啊，d蠔仔脹卜卜。

知道土瓜灣有2間好好食o既粢飯，
一心諗住要去試下。
本應係想去豆漿王阿媽，
因為聽講話另一間個老闆娘好有性格嫁，
我唔想比人趕出門口。哈哈
講笑啦，因為我比較近豆漿王阿媽，
所以決定去呢間。點知......
東主有事要28/8先開返，

唯有冒住三十幾度行去美華啦！
行到身水身汗，
入到去人唔多因為又未到食飯時間，
睇下meun先但係點解得D大野，
睇黎睇去都冇粢飯o既?!
一問之下，原來粢飯係要早餐先有。
行到身水身汗，專登去到土瓜灣，竟然食唔到

冇理由坐低坐行返出去嫁，
其實我好想，但算啦。
係眾多食物中，我叫左炸醬麵同豆漿。豆漿好細杯，個炸醬麵未黎其實我已經飲哂，
個炸醬麵好唔上海，反而有d屋企感覺。
有d雜豆o既......味道ok啦，
但個麵幾好食其實。

下一次一定要早d，我要食粢飯，粢飯，粢飯。

Fru:yo Factory一直都係我最愛，
由佢CWB第一間鋪就已經開始幫襯。

好欣賞佢有佢o既風格同主題"象仔"，
唔係單單係買froyo咁簡單，
睇得出係落左心機落去。
仲時不時有新顏色o既象仔匙更添。
仲有D Stuffs係好nice嫁。

又再一次有團購，
當然第一時間買返幾張啦。
$15可以當然$30用，好抵

因為今次團購只定唔可以買小象同中象，
咁一個人食唔哂一個大象嫁嗎約埋朋友仔去啦，多左好多新野，
但我都係要返o個樣。我地要左原味同朱古力味，
我地可以揀2隻toppings，
toppings都有好多選擇，
比較特別o既有cheesecake，puff，brownie，
因為我地啱啱先食完野，唔好要d咁漏嫁啦!
本來想要strawberry但係冇，
所以就要左kiwi同raisin，
嘩，好多啊！好足料，同平時分量都係一樣。
呢度o既froyo係甜味多過酸味，
但我好buy，朱古力好濃啊！好味。
個分量2個人都有d多其實仲有sunshin in love，
係香蕉同strawberry smoothie，
可以免費加雪糕
個smoothie有好香o既香蕉味，
仲有d未打碎o既香蕉肉。好味