約左朋友仔，其實觀塘都幾多選擇，
但最後我地決定左去食泰國野。
三十幾度，諗諗下都係唔好周街揀啦！
所以就決定上apm啦。

因為未下午茶時段所以唔洗等位。
都幾多野食唔係靜係得泰國野同越南野，
仲有D應該算係中式野。

我地得2個人但我好多野都想食，
我朋友不停提住我，我地2個人炸。
唔好叫咁多野

咁2個人叫3樣野，差唔多啦。因為朋友唔鐘意食青木瓜，
所以就叫左呢個烤牛肉沙律，
但如果唔食西芹o既朋友仔就唔好叫，
因為呢個沙律主要材料係：西芹，蓄茄，有小小紅椒同紅蔥頭，當然仲有主角烤牛肉。
個sauce酸酸地好好食。我想叫咖哩o個d，因為有汁好送飯嗎。
點知朋友死要叫呢個！好啦好啦，叫啦叫啦。
咩都冇就係得2隻蝦囉！就係一人可以分到一隻。
冬陰功味就係唔係好覺得猜其實。個燒魷魚都幾OK o既。
都幾淋，但係o個個橙色o既汁，好奇怪，
完全唔知佢係咩味。青檬流打冇咩味，香芒樂園就幾好味，
仲有D芒果肉係入面。

去完領事館，
望望個錶，十點半。
食麥記好定茶仔呢。

最後決定茶仔，
行下行下就去到呢間。
除左早餐A-D，仲有1-12同健康餐1-4姐係牛奶麥皮。
都幾多選擇。

叫左9號，姐係蕃茄火腿通粉，我轉左要蛋。
一拎到黎，E.....點解唔係蕃茄湯o既?!?!?!
之後即刻問問.....阿姐即刻加返比你！
咁都得.....
冇咩味，好似真係就咁"不"返d蕃落去咁。
好彩有枝喼汁係度。加左幾滴，即刻好食好多。食食下發現有2隻蛋，加返小小分啦。
$23有2隻蛋同野飲，算係咁啦。OK啦!

見出開去決定同媽仔去食個LUNCH BUFFET
今次決定去試下新野，Café Serena好耐之前去過，
睇睇OPEN RICE就決定再去下先。

12:00-14:30。我地未夠12點就去到。
D Staff就叫我地坐幾分鐘，到左12點d staff就通知我地可以開動啦。冷盤：龍蝦，青口，冷麵，凍豆腐。
沙律：青瓜，粟米粒唔係好新鮮，好乾個樣。
IMG:2]
蘋果沙律好食。我差唔多碟碟都有佢。加左醋同橄欖油，酸maymay幾醒胃。

熱葷：芝士焗蠔，炸三交魚頭，牛仔骨，免治羊肉串，焗魚，炒尤魚仲有D炒西蘭花，焗薯皮同翠玉瓜，關東煮。
另一邊仲有燒牛肉，燒秋刀魚同三文魚。牛仔骨個味都ok o既同幾淋，三文魚炸到好黑冇食啊。羊肉串有小小鹹。媽仔話秋刀魚好乾唔好食，燒牛肉冇咩味。焗魚就幾好味。

刺身：三文魚，鯛魚，吞拿魚。
媽仔話D吞拿魚好多根，唔OK。

自製海鮮飯：甜蛋，吞拿魚，三文魚，鯛魚，仲有D木魚絲，紫菜......
但唔知點解尾升先拎D蟹子出黎。

湯：忌廉蟹肉湯同豬展清補涼，仲有肉骨茶。
忌廉蟹肉湯同罐頭湯冇咩分別，可以唔洗飲。之後諗住搵個包dip下個湯，點知得法包。

炸野：天婦羅(炸南瓜,蝦,茄子,蕃薯)，炸蟹拑等。
麵食：喇沙同埋港式麵，姐係魚蛋粉。係麵食counter o個度仲有煎餃子。
媽仔食左菠菜麵，有一粒雲吞同魚角

咖哩counter：雞咖哩，油酥餅。仲有d 幾款腸仔囉。
點解得一種咁多　仲要望都都唔吸引。

水果：菠蘿，木瓜，提子，西瓜，火龍果，士多啤梨。

甜品：麵包布甸，pancake，puff，血橙啫喱，濃味朱古力tart，蜂蜜蛋糕，栗子蛋糕，美國芝士蛋糕，brownie，藍莓tart，紅豆糯米卷，芒果布甸，opera，Tiramisu......起碼有20款，都係細細碟o既。仲有dreyers雪糕。
全場最正應該係甜品，個甜品櫃滿滿o既，細細碟細細碟咁。麵包布甸一向都幾中意食，有食過一pat野o既。但佢呢個又唔會個忌廉汁仲幾好味唔會好甜。朱古力o個個好食，朱古力cream下面係brownie仲有大大粒nut，白色o個個有d杏仁呼同好甜。
後面白色o個個腸仔都好好食。Tiramisu好食d。我係朱古力怪。朱古力tart encore左2次。紅豆糯米卷媽仔話好好食，好軟佢都encore左2次。血橙啫喱，係下面o個層血橙部份好食，上面o個層好甜，好似果汁先生加糖咁。

因為有hsbc card所以有75折，所以都食得過。臨走仲送左張7折coupon比我地，下次lunch buffet用。

　　

只有大約45分鐘食晚餐，
因為之後趕住去上堂，又唔想食麥仔，
就決定去食平靚正o既西餐。

2個人叫左pasta set同一個pizza
set + $18有湯同沙律餐湯3選1，我地係周打蜆湯同粟米忌廉湯
我地要左意大利雜菜湯。
個湯黎到好似比人飲左一半咁o既。

反而個沙律幾好味，沙律醬好多，好味。朋友望到個意粉，問左個問題？
點解d意粉係白色o既？！
咩意粉唔係黃色嫁咩？！
唔識答佢，總之味道都唔差啦！雖然呢個pizza上面d topping有dd唔平均，
但唔應該以貌取批，
pizza上面d菇好好味，開頭朋友話叫呢個仲以為會冇味tim。
誰不知竟然意外地好味。

上次去到竟然冇開，唔信邪。
因為鴛鴦紅豆冰我要再上去睇下。

YEAH，有開啊。
即刻推門入去坐低先，
今日好熱啊，好在冷氣都幾大下。

唔洗諗，當然係鴛鴦紅豆冰(走糖)，
怕太甜o既人最好走糖，因為其實d紅豆本身已經甜甜地。
話說佢地最出名o既係沙爹牛肉西多士、紅豆西多士。
但我都未試過，因為覺得沙爹牛肉西多，又咸又甜完全想像同接受唔到。

叫返d一般野算啦！
茶餐廳碟頭飯，佢D碟頭飯都冇餐嫁，要飲野啊！
散叫啦。阿姐介紹o既，鮮牛肉飯。
以為阿姐信得過，點知，
個飯完全冇汁撈唔到飯，d飯仲要好硬，
唯有問佢拎豉油，先有返小小汁。
早知唔聽阿姐介紹，叫蕃茄牛好過。媽仔唔夠喉，成日都食奶油多，
今次就試下油占多啦。仲有主角鴛鴦紅豆冰柚子蜜，都幾濃。

次次經過都好多人等位。
今日黎開又一城，係咁多間餐廳入面我地就揀左佢。
我地6點幾就入去，所以唔係好洗等睇下個meun原來都唔係好多野食，
我地2個人叫左一個pasta同一個pizza。

朋友話要食o既意粉。
好味，意粉有咬口。最怕就係淋pat pat o既意粉。
佢又唔係會本來想叫龍脷魚焗飯，但朋友話炙耐冇食Pizza，
就滿足下佢啦。
叫左pepperonis pizza，要左thick。
有小小油其實。
因為唔想浪費，我地一人食左4件。:Q

生日飯，朋友要求去一間坐得舒服o既餐廳。
呢度應該可以合佢心意o既。

食泰國點可以冇o既冬陰公。
色香就俱全啦，味就偏咸左小小。燒豬頸肉，一放低唔食5mins冇哂。
足以證明味道係好o既。
但我反而係欣賞佢酸maymay伴碟o既椰菜同青瓜。呢個真係唔知係青木瓜沙律定係椰菜沙律。
個拌碟椰菜仲多過D沙律，仲要係生o既，佔左半隻碟。
係食定唔食，定佢一陣用完會用黎煮返野用。4選3，我地要左魚餅、蝦餅同春卷。生菜包ok啦！冇咩香料味同都係好咸。就係荔枝炒鴨咁，冇咩特別。
所以其實可以唔洗食。因為朋友仔一句未食過，我地就叫左呢個椰漿焗飯。
真係夠哂漿，一pat野係哂個面。
只可以話真係太個杰，完全撈唔到個飯，
椰漿還椰漿，飯還飯。個人覺得幾好食。
但朋友A話好甜佢唔鍾意。
如果鍾意食甜野o既人，應該都會鍾意

難得平日黎到佐敦啊，平時星期六日例必排隊，
咁見得小貓3、4隻係門口，緊係9秘9去等啦。
唔洗1分鐘就有位啦

因為唔係好餓同埋已經3:xx，
所以叫小小野食算啦！仲要食晚飯。叫左一定要叫o既蛋治，
好厚啊個蛋，好味。個麵包好軟棉棉，個蛋有小小咸味，加小小胡椒粉，非常好味啊！

冇埋由有得食冇得飲嫁，就叫杯奶茶啦！

散叫o既奶茶，原來係大杯d嫁bor。
但我都係鍾意佢用返傳統o個D肥肥杯。仲有叫左個燉蛋嫁，
但未影相已經比媽仔叉左個匙落去。
好滑，唔會好甜，都好好味。

見open係10大好平之一。我朋友仔o既生日飯就比我迫左去baby cafe啦：）
2日前打去已經話full booking咁因為我真係好想試就唯有walk in啦！

朋友仔一早去等， 我放工去度都等左有20mins！
可能我地5個人，大枱比較難等啦。
朋友一度話要轉去monster sushi食。
等左差唔多一個鐘，終於等到啦！

我地5個人，所以坐左係太空倉。
我地5個人叫左3個sets，因為我地要留肚食甜品。

set meal可以揀湯或者沙律，main course同埋drink。朋友仔話似罐頭磨菇湯，但都幾好味o既！個湯飲就黎飲左一半，先黎牛角包。好食我地o既main coursesss！鵝肝墨汁意大利飯，好好食啊d飯煙煙unun。Baby 3食。整體都幾ok！但唔講真係唔知個意大利飯係鵝肝，個味有d似茄汁豆個味。
後面個意粉完全冇味，唔知係唔係唔記得落鹽，係得d海鮮有味。餐飲，朋友話似Jelly粉開水，但我覺得ok其實。重頭戲
tiramisu算係3個desserts入面比較唔好食o既一個，由其係上面o個粒macaron，真係好難食。朱古力伯爵茶Mousse蛋糕的確係食到有茶味o既。
心太軟就未開始食佢已經爆左個底，影緊佢d朱古力已經流緊出黎。加埋d酸酸地o既sauce係幾match o既！整體黎講都唔錯o既，環境幾好，食物過得去啦，甜品幾出色！

返工前約左朋友食晏，我地決定去食泰國野。
泰屋以前都食過，食晏真係第一次。

晏晝冇理由叫大野嗎！
所以我地就叫set lunch，其實佢d set lunch都幾唔泰國野！

set lunch: 湯（無影到，因為冇咩特別o既味精湯)、main dish、dessert同drink。

Set H 印度咖哩牛腩可以配烤包/飯，我就揀左烤包。
因為諗住會冇咁飽，但其實都係好多，食完之後我連晚飯都食唔落，
唔知係唔係太油。

牛腩係幾淋，都有好多下，因為我食極都仲有，之後我係咁"不"比我朋友，
同埋d薯仔都好入味。

我開頭以為烤包最多咪2、3件仔，點知有一大個可以分到6件，我比左一塊朋友，最後自己都食唔哂。朋友o既唔知咩烤雞扒飯，港式？定泰式？
我冇去試佢o個個，因為我自己o個個都食唔哂。係食左佢小小菜，都唔錯o既。
我見佢食哂應該係好食o既。餐飲，出奇地係最好味o既!甜品冇影度，因為一d都唔好食，其實都預左。又湯又main dish又drink，個dessert都唔會好食得去邊。
甜品係一個芒果椰汁糕，口感似大茶糕。:s