可以在OpenRice 訂座，11am 去吃個brunch. 由於商場大部分店鋪未開門，人流較少，非常適合週末來享受一下brunch. 價錢尚算合理。平常去開灣仔總店，這裡環境相對寛鬆好多。 Brunch menu 有好多不同選擇，但係Galette 是必然之選，如果第一次來必要試一次。 Set menu 不包餐飲，有點失色，但勝在單點價錢亦算合理。本來想點一向水準不錯的咖啡，後來見menu 有smoothie 🤩立即要試試，味道還可以，不是太甜，必定會再來。

星期五晚飯，特別係尖沙咀，周圍都好多人。咁啱openrice 見到可以訂位，立即訂左先。 到達後，發現原來都好大間，仲安排左有海境窗囗，職員都好有禮貌，第一感覺好好。 點了Chorizo Salad, Sunny Side Egg, suckling pig. 二人份量啱啱好味道亦好好。特別喜歡燒豬，絕不油，啖啖肉 食物非常快速上枱，提議可以考慮先叫頭盤，再叫主菜. 因為好快吃完 必定會再來，但下次要約多D人，可以試多幾款菜式＆甜品。

一向喜歡週末到北京道一號午餐，地點方便，各區親友聚餐的好選擇！而且環境優美，飽覽維多利亞海港。近日發現這間新開，所以星期六中午十二時左右去試試。我們沒有訂位，亦即時有位。

環境非常舒服，與同一座大廈的酒家比較，較為高級，非常適合商務聚餐。當然價錢亦比較貴少少。這裡亦有好多房間，如果商務聚餐或慶祝活動也比較方便。

我們點了幾款點心，炒河和例湯，食物精緻，而且味道好好，份量適中。非常值得推介的，而且必會再來。

久違了的又一棧！
裝修雅致，有卡位，坐得舒適，服務員態度有善。最喜歡是他們的餐具，非常精緻，睇見都開心，以一般酒樓來說，保養算不錯。
今次三個人的晚飯，點了
-蜜汁方塊、雲吞雞湯、松子魚、蒸銀絲卷
甜品
-杏仁露、楊枝甘露、桂花紅蘋果

一家人或三五好友，聚會好選擇，因為細枱比較多。而且環境尚算零靜。

價錢尚屬合理，特別是甜品，價錢大約三十元一份，雙對於一些甜品店還要便宜。

細枱多數不接受訂位，一般六點鐘去比較容易有位。

為慶祝同事生日，選擇比較坐得舒適的環境.

一行4人先點2 course set lunch

Starter

3人選擇smoked brook trout,warm fingerling potato salad，而我選擇了poached green asparagus and organic egg mimosa

-他們贊不絕口的salad. 而且分量足夠

-我的蘆筍比較分量細小，但非常清新

Main course

我們3人選擇 Barbecued Pork Collar

-非常出色！入味而且非常鬆軟，入口即融的感覺。伴碟配以粟米，比起一般的伴菜清新

set lunch menu 甜品不是特別吸引，所以另外點了sabayon and chocolate mousse. 訂位時提出是慶祝生日，他們在碟上寫下Happy Birthday雖然少少幾個字，但完滿了整個午餐。

咖啡茶時送上2小碟朱古力！非常香滑，立即醒神了！

價錢雖然比較貴，但是非常值得推薦

2courses menu HKD375

3courses menu HKD425

Groupon special HKD328 for two 包service charge. 買完立即訂枱試食。
以為只係酒吧，原來樓上雅座。Server 非常熱情有禮，遞上Groupon menu,細心介紹。

Starter- pumpkin ginger soup
Appetizer - spicy wings & beef salad
Main course - chicken & beef
Dessert - cheese cake & tiramisu
Drinks - Craft beer

食物份量比較細，但食完整個menu 卻非常飽＆滿足。基本上食物味道非常好，salad & wings 比較辣，但配上啤酒中和下亦不錯。main course 可能Groupon 關係， portion 比較細,但配以potato wedges, 好飽亦好惹味。
Cheese cake 味道不夠濃， tiramisu 亦比較淡味， 甜品相對比較失色。
以Groupon 餐廳優惠，今次算是滿意，值得的一餐。

一行兩圍枱到生記晚飯，大家一起點菜，高高興興點了好多道菜
一定要推介係豬潤，非常好味，好滑！不像一般的比較「鞋！」一定要試。
其他小菜不過不失、不是特別驚喜   
甜品只有一款「白糖糕」，但又真係做得好好，不會有一般的酸味。

突然同事約食午飯，就近近地訂一間中菜
通常只會去潮庭，但竟然無人提議過紫玉蘭
打去就訂到枱，就要試下啦！
環境＆餐具非常高雅，令人心情開朗！
因為午飯，先點一些點心，選擇不算多。
1）紅油抄手-味道不錯
2）煎鍋貼-味道好好，但略油
3）生煎包-值得推介
4）蔥油餅-非常鬆化，外脆內軟
5）炒飯-好味但份量略少，而且第一道菜已上，一開始已有點飽肚
6）高力豆沙-份量比較細，但味道不錯
環境清靜，只有一半客人，係商務午飯的好選擇

早一天訂座原來只可訂12 或1：45。最後只好訂1：45。 一行6人，到達后仍要等十分鐘。

一般餐前小食都是花生，他們用芭樂做小吃醒神又開胃！贊👍
先點一些點心，有趣的是有「王子蝦餃」＆「公主燒賣」，三色蒸腸粉原來idea不錯，可惜皮太厚...
食物價錢略貴，但點心份量足！物有所值！
服務員笑容欠俸，但勝在夠快！
環境非常舒適，有natural sunlight比較光猛&舒服！建議訂1：45因為可慢慢享受至3時多，不用趕交枱。

中午突然決定今晚試新開「牛陣」，致電立即訂座。
一行四人，今晚點了澳洲超長期穀飼牛每位HKD188，鴛鴦湯底加HKD5. 肉，飲品任點，配菜、飯＆雪糕自助任添，比較自在，可自選份量，非常抵食。
每次加單，肉類＆飲品上枱時間非常快，但服務員只會上菜，不會主動將枱上吃完的碟或飲品拿走。
醬油有點酸酸，隨意問服務員是什麼醬，她說：唔知呀，我都唔食架 ！說畢又乖乖站在旁邊，沒有去查詢的意識，我們忍不住大笑！
牛肉＆蔬菜非常新鮮，份量亦足夠，可以再光顧