公司從上環搬來北角後, 一直與同事在附近覓食. 今日一個人週圍逛, 見到呢間小舖, 諗起好似有報紙/雜誌介紹過, 便睇吓有乜好食.

中午約 1點半, 只有兩人排隊, 便決定買一個咖哩飯試吓.

咖喱幾香, 味道唔係太濃, 但都幾好味, 飯是珍珠米吧, 軟軟的, 吸收了咖喱的味道都唔錯.

回寫字樓見到原來營業到 8月中就要結業, 有點感到可惜. 希望店主在附近能找到另一個地點再開舖吧 (但開一間舖投資起碼十幾萬, 而且現在舖租咁貴, 這些小店真的很難做唷! 希望大家可以對好的小店多多支持, 唔好淨係去大店/連鎖店).

借題發揮:
現在政府真係唔知點搞, 政策益晒大財團大地產商, 小市民的生活真係一日不如一日 !

與神父及教友一年一度飯聚, 原本建議去泉x居, 但神父說現在的泉x居抵食不再, 建議試試這間,

很多人去呢度都會行錯去隔離市政大廈熟食中心, 因為出入口在室內運動場入口, 而且正在裝修, 我們一行廿多人也有數人行錯.

今日食呢度的私房菜套餐, $1,380 一圍, 菜式之前已有人列出.

首先有五小碟, 味道不錯

火焰羊架有少少'蘇'.

桑拿蝦 ok

推介: 白肺湯及煎裹蒸糉

臨尾仲有壽桃包送, 又有廣東話英文及普通話的生日歌送 !

兩圍22人食, 食到飽仲有大把剩, 每圍13-14人食都夠 !

自己帶酒仲免開瓶費

揸車的旁邊有舊北角村的停車場, 泊車容易, 又近地鐵站.

以此價錢真的抵食 !

昨晚世界盃十六強：英格蘭大戰德國

一早諗住　book 地方同啲　friend 一齊睇，但接受 book 位的一早已爆滿，呢間就唔使 book， first come first serve.

場波十點開波，同個 friend　8點未到已到，得返兩三張枱，大部份是外藉人士，氣氛唔錯，雖然大部份是英格蘭　fans，但都見到少量德國 fans，大家都好和平．

由於未開場，電視直播 espn　F.1．　叫啲嘢食，叫咗一個 smoked salmon ＋salad 同　個　Sirloin steak burger，味道唔錯同幾抵食 ($5x & $9x).

睇波當然唔少得飲啤酒，kilkenny 係呢度都多人飲，每人叫咗一杯，不過味道偏淡，下次可以飲 guinness.

雖然最後英格蘭大敗　1:4，全場都無精打彩，但正如坐旁邊的德國人所講，the best team win the game !

　

張相係一大個窩有半隻雞, 雖然俾得 35 蚊 唔係期望好大, 但俾到我時都唔使差咁遠o架?

得一舊雞, 4粒 手指公指甲咁大o既雲吞咁大把 !

呀, 仲有 3 條小棠菜, 同埋一碗味精湯, 及一碗菜飯