今日來食個下午茶，炒年糕就係豉油撈年糕．完全不好吃，生煎包個包皮濕淋的，沒甚麼味道，出品比以前差好多。 最勞氣有位阿姐（短髮，細眼，約1.5米高，略肥身形），我話「唔該俾啲豆瓣醬」，佢即時露出極之不耐煩的表情向我說；「唉，你一次講晒啦，分開叫」。 我即時着燈 我話「阿姐，我第一次叫你咋喎，乜嘢叫一次叫過叫晒呀？ 乜你咁冇禮貌㗎？」 之後佢攞咗一碟辣椒油放上枱面，說「冇豆瓣醬，得辣椒油」 成間舖數埋都冇10個客人，都咁冇禮貌，態度咁差，出品又唔好食，等執笠啦⋯⋯

今日星期六，下午五時半左右來吃，不用等位，叫了一個二人歺$280，一杯啤酒，加了一個萍果肉桂批$48  見食評不錯，待意來試下，望着自己畢業二十九年之母校吃晚餐，感覺特別親切。食物方面，可能九七前常吃到印度咖哩，所以要求特別高，而這間的味道，對我們來說，也算合格吧！

好開心有龍蝦任食，又無人爭，我一人吃了兩隻，即四件，好味，咖哩羊及薄餅我至愛，名牌雪糕也吃了五杯，最後2030hrs 有薑奶茶飲，感覺好舒服，這裏環境舒適，我比較喜歡地方細一點，人少少，比起一些大間，超多人，似酒樓感覺較舒適。

生曰特意過來蛇口行食，上openrice 見此處不錯，又有生日優惠，於是致電book 位，
並要求坐近生蠔區，原來生日優惠已變成"生日當日"的客人半價，同行者無份！($168-rmb，
星期一至四頭段價錢)，香港銀聯咭有九折。

我訂了頭段時間，由1730 hrs 至2130 hrs ，第二段時段好像2030 hrs 開始。
商埸超大，2／F平台連接其他商埸，超多地方行街，又有吉x島。

準時五點二十五到，門外已有人在排隊，由於已book 位，所以同職員報到後即給了一張號208 給我，
開始入埸，好快就有人帶我們入坐，在鐵板區對出，生蠔旁，兩人坐四人，仲要靠玻璃，柱角位，
相當舒適，不受人來人往騷擾。店內環境ok ，好大，不過有些好密！

講番食品，生蠔不停供應，放滿任取，出奇地鮮味，好正呀，我食了半打，魚生只有兩款，
每次限取四片，但味道都可以。

食品太多，有中式點心，甜品，有海鮮區，一碟一條手掌大鮮魚，我揀了一條泥孟清蒸，俾個號標籤佢，
蒸完會送上。

先埋單繼續食，我用寶石換了隻超細'大閘蟹'，但竟然好多膏呀。

燒味最好食係燒鵝，好好味，焗茄子及燒豬頸肉亦好好味，

甜品區我只吃了雪糕，法式杏仁餅仔及白朱古力蛋糕，好好味。

橙汁，奇異果汁，椰汁，咖啡，汽水，啤酒，超多飲品選擇，自己任取，我們飲了四瓶熱熱的清酒。

去茶水區，有專人幫你沖茶，有五款茶包任揀。

整體食品味道都不錯，很多食，很多飲品，但無貴價食品，所以不要期望有高檔食物。

服務很好，有專人企在附近幫你收碟，每當見我住托盤回，她們即上前幫手取下食品，真抵讚。

由於我生日半價，所以兩人埋單$168 +$84=$252-rmb (唔記得用銀聯正價可九折呀！)，
都算抵食呀。

近期食過幾次，粥粉麵飯之中以煲仔飯本人覺得較為好味，上次食過排骨滑雞飯$40-HK ，
今次食白鱔滑雞飯$50-HK另加兩條短臘腸$5-HK，共$55-HK

等了大約十分鐘，熱熱香噴噴的燙仔飯送到，未開蓋都聞到香味及少少飯焦香味。

先講飯：飯粒好靚，有咬口，水份控制得好好，飯唔會過爛，而煲飯時間及火候亦掌握得好好，
只有少少飯焦，絕無煲過龍，正呀.....

滑雞 ：雞好多肉，OK 肉幾滑，唔"鞋" ，肉在煲之前應該先醃過，雞肉內層好夠味，並唔係咬開後
裏面無味種。

白鱔 ：鱔好美味，唔"醒"，幾滑，正呀....


臘腸 ：比較肥，本人喜歡較瘦的，但加$5-HK 就算啦....

值得一讚是煲仔飯份量很足，足夠食晒煲飯，因本人較喜歡多，最怕飯多無！
但其實價錢並不便宜，一煲飯加杯飲品，差不多成$70-HK 呀。

睇了之前的食評，加上之前新聞話十幾人食完後中招，我同Honey 已唔想嚟食，但無奈四月時買了兩張團購，$178x2 =$356-hk，唔去又唔抵，去又要俾多$98-加一，及冒肚痾危險，Honey又要提早收工去食，可能更加唔抵，真是進退兩難，好矛盾。

今日終於去，地方好細，放滿，好彩仲有一張卡位坐，舒服好多，（因為其他位迫過大X樂）

BB生蠔，兩人共食了9隻，期後太多人排隊，無食啦，因為唔值得為無味又超細隻蠔企咁耐囉…

沙律普通，火腿咸，pizza無材料

頭盆微型羊扒三件，比平常食的細一陪，好失禮，味道一般

炭燒肉眼扒，個汁同味道都超一般，快餐店質素

甜品又是普通貨

全晚唯一令我Honey高興就是個歌手唱英文老歌，佢聽，點唱咗幾首，好彩，好彩，否則我實俾honey 鬧死，因為要佢做做，走出黎同我食兩個鐘晚餐

兩個加埋四百幾，真係超級唔抵

最後，此店本來可能環境,情調唔錯，只可惜做團購攪到人山人海，超嘈，所以加埋歌聲更加嘈，同埋食品變了粗製濫造.

與同事們一行八人，選擇食全時段$468-HK八折再加$46.8-HK（加一）即$421-HK一
位，早在兩星期前已訂位，今次是我第四次來這裡食自助餐了。

六點準時到達，見無人，先取半打生蠔，因為如有人排隊則每次只可以取兩隻，所
以我第一時間取先，生蠔雖然不太大，但亦很鮮美。

由於太多食品，不能盡錄，以下是本人比較喜歡的

生蠔8隻，雖然每次只可以取兩至三隻，但由於有兩，三名哥哥好快手開，所以都唔
使等好耐就有，而人龍通常只有五，六個人左右，好快又排到啦。

芝士薯蓉焗龍蝦，好好味，但要排隊，不過其實唔使等，排隊只是可以有秩序
，唔會出現搶咁！

長腳蟹好有鮮味，但略為咸

自製凱薩沙律，好多不同芝士及風乾火腿呀…

羊架好味，約七成熟，外香內軟，肉仲有少少紅紅，正呀，不會overcook，焗
得剛好。


最值得讚的是所有員工，均好有禮貌，態度好好，尤其是開蠔兩位，全晚企幾粒
鐘，好辛苦地不停開，到了八點三，第一round埋單走了，第二round未入座時，我
們一行四人即時走去取蠔，師夫仔見只有我們，無其他人排隊，於是很好的一次過
開了十五隻給我們，避免我們稍後在人多時排隊，令我們很窩心又開心，真的辛苦
晒。

到十時半，又有職員同我們講，因為宵夜特價時段無生蠔及龍蝦供應，如我們想
要，可通知他們代為安排，不過我們已沒有本事吃了，很好的服務呀！

所以大家都食得好開心呀。

下午途經，見無乜人，於是又試吓啦，之前都食過一，兩次，

今日叫咗一個午餐，其實來來去去只有幾個餐，唔夠三十秒便來了火腿煎蛋，叉燒炒意粉，唔好以為好快，好有效率，就是一件多士足以令你坐多十幾分鐘

因為此店並不是用紙仔寫單，只是樓面人員大叫水吧的…B餐.....炒蛋....A餐轉多士...，3號枱欠奶茶....，人人鬥大聲，水吧師父聽到邉樣整邉樣，所以見勢色唔對，一定要提啲人員欠乜乜，仍未到，而啲樓面好明顯是家庭成員，媽媽，仔仔，女女，如果唔係一定炒晒

講到食品，啲火腿及蛋勁多油，個碟都係油，一叫完即到，微暖，相信是一早整定

叉燒意粉有幾片叉燒，有啲番茄汁，如果是炒我會覺得太多汁，如果是燴我覺得啲汁太"希"，食完仲有好多汁，茄醬咁嘅味道是，不算好吃，

奶茶亦無特別驚喜，普普通通

等了十分鐘，多士終於到啦 厚多加牛油，味道ok啦( 講真，多士好少會做到難食的)

總結是$25-HK一餐，唔使等位, 算數啦

97後英軍走了， 連帶石崗的軍營亦變了解放軍軍營 ，與食咖哩有乜關係 …！！！　因為曾在石崗軍營附近工作，所以得知軍營內有很多canteen 想食正中咖哩必定去軍營 ，97後已很少食到沒有港化的咖哩.

作晚終於氹到honey 帶我去呀 , (因為他一直覺得重慶大厦品流複雜, 所以無得去), 我在重慶大厦外取了一張menu, 結果比成十多人圍住我派卡片 ，　好不容易才行到地下中間，之後比security 截住 , 問去邊間, 揾人帶我們去, 最後我揀了這間, security安排人帶我們去排隊等, 我由入大廈一刻不自覺地已攬住手袋, 哈哈..

我們點了以下食品：
最愛的原味烤餅　X 2: 很香呀, 因本人覺得原味點咖哩是最好的

咖哩羊 : 好味道, 都有好多羊肉喎,

咖哩雞:　超辣, 我好鍾意呀

印度黃飯: 飯粒粒分明, 好有”趙”口, 撈咖哩一流,

兩個人食到好飽, 好開心, 好少食到好辣的咖哩 (因本人超食得辣, 哈哈)

埋單有八折 $188-HK 好抵呀, 不過honey唔知幾時先肯再帶我去呀 　

向九時半buffet 出發，七時在太子會合honey ，還有兩個半鐘，決定步行去尖尖，途經信和，永安，行廟街，
再行裕華，終於行到尖尖。好開心，一次過重遊幾個舊地。

早一日已訂位，晚上九時二十五到達餐廳，嘩，門外已有三十幾人排隊等入座，到九時半開始入座，很快我們便
安排了座位，侍應很禮貌，地方不算很大，但環境很舒適，食物種類雖不及晚餐多，但宵夜來說亦算豐富。

生蠔較多人，所以 要排隊，但很快的，不定refill，任自己，雖然size不大，但也很肥美，有鮮味，
我與honey 食了兩打呀…

三文魚要師父切，其餘還有自助沙律吧（材料有些特別，像中東式沙律，有辣味的，咸味的）。有湯，粉，
麵，飯，炸雞，菜，燒豬頸肉，春卷等等.........，另有西式三文治，腸仔，火腿，壽司等，果汁是
膠杯裝的(我飲四杯橙汁），很好，不是水機出的那種，另有咖啡，奶茶自己攪

甜品有很多不同種類的小撻仔 ，但沒有貴價的蛋糕 ，雪糕是名牌子，有最愛的朱古力( 我食了四小杯)，
云呢拿，士多啤梨味。

雖然是星期二晚，但座無虛席，最少都有七十多人，有大夥十幾人的，有二人撐腳的，都幾熱鬧，
人們都比較斯文，沒有搶的情況，侍應執碟亦執得很快，很有禮貌，我聽到他們主動問鄰桌的兩
位老人家夠唔夠6x歲，因為價錢平好多。整體來說 很滿意的一餐。

$208x75% + 正價的加一費 = $176-HK 都算抵啦。