咦? 居然我係第一個寫食評? 唔係掛? (小shock)
放假唔想出遠門, 近近地過聯和墟搵中同食個lunch
本身想去群記食豬手架, 但清明無開...-0-
就近就搵左依間泰國野食啦~

佢選擇唔算多, 但勝在夠平! $30左右有碗湯面+野飲
公假都冇加價都真係算係咁.....
menu好似車仔面咁, 可以揀湯底/料同面
湯底都幾特別, 有個甚麼椰汁湯...我就叫左個椰汁湯+蝦+金邊粉
點知原來都係辣的! 不過就冇冬蔭公咁勁
蝦都幾多, 我諗有十隻八隻
雖然冇話特別好食, 但價錢上我覺得抵食囉~

雖然平日我地都會去rainbow, 但我都係係小儀介紹完之後第一次試"耶紫湯圓"~~~哈哈其實單睇賣相已經很不錯啦~成個椰子上, 又睇得又食得~~!我揀左個奶黃餡, 好香~個湯圓皮有煙韌嘅感覺~椰汁唔算太甜~同奶黃好夾~椰子肉都食得到, 又滑又靚靚~~~

[注意!]重點係:::好飽肚架!!!

事關我食完個lunch再去食甜品, 食到一半已經有膩到食唔落嘅感覺...真的, 個"耶紫湯圓"係好好食, 但未必一個人食得哂, 如果你係食完飯去的話...下次都係share好d, 唔好嘥嘛

又黎白由發揮飲食團啦~天陰陰左幾日, 唔敢去元朗搵野食, 咁不如去青衣城啦~順便去睇微型展~~~老豆話要食中菜, 呀媽又話唔想食普通野, 咁就揀左間個名睇黎得意D嘅"前門飯莊"啦~

3個人, 叫左:
1) 什錦鍋巴
2) 饅頭宮保雞丁
3) 花蔥餅
4) 上湯津白
5) 芝麻餅

(1~4都好好食*V*)平日食鍋巴通常都係跟茄汁之類, 比較濃味嘅湯, 但依個好大嘗試, 用個咁淡口嘅獻汁, 讚! 蔬菜多之餘, 食到鍋巴米本身的香味!饅頭宮保雞丁絕對唔係得個樣架! 哈哈. 重點不在雞丁, 而係個饅頭呀!! 饅頭炸得非常之脆口, 有乳豬皮嘅感覺!! 我覺得佢依度嘅面粉唔錯, 事關佢個花蔥餅都好好食, 咬斷之後會彈番起身, 證明佢有彈性, 面包發得靚!

午飯110左右一位, 貴係貴左D, 但如果dinner time黎食就reasonable好多啦~~

屋企人話想食泉章居好耐架啦, 不過一直都訂唔到枱. 估佢唔到年初三下晝先打電話去, 夜晚都仲訂到枱, 去到之後仲要好快入得去~~讚!

傳統食物都好正!! 梅菜扣肉嘅梅菜好好食, 冇沙, 又甜. 平日我最唔中意食醃菜, 但今次嘅梅菜我用黎撈飯食囉!呵呵. 扣肉個人覺得佢仲可以做得鬆化D.鹽焗雞又係經典, 重點不在雞, 在於沙薑!! 沙薑是一定要點的!! 未食過咁香而唔鹹得over嘅沙薑, 值得一試.

老爸生日, 由主角拍板決定食甚麼, 我等小角色就只負責俾錢. 哈哈. 沒想到老爸寧願試和牛燒肉而放棄平日最愛的韓燒~~在金巴倫道隨便選了一家就去馬~

小店不大, 座位也不多, 但氣氛和格局都不錯, 好像好正宗的感覺, 又有榻榻米, 又有包廂座. 個人比較impressed by個環境多過食物, 因為第一次食日本和牛, 唔識比較, 只覺得確係有種入口即溶的綿同油脂的香.

燒蔬菜就一般般啦~多汁會比較起口.

三個人, 一個和牛併盤, 一個蔬菜併盤, 一個鹽燒雞柳, 一個石頭海鮮飯, 其實是有少少over了, 叫嘅時候唔覺, 食完之後好飽...XD

從openrice久仰麫屋山下嘅, 今日乘機同哈日嘅老豆去試下

麫店好細, 好似日劇入面啲居酒屋咁, 室內得4個面壁位
老闆是日本人, 中文都算識聽, 講到簡單嘅廣東話 (我諗佢嘅廣東話程度, 同我嘅日文差唔多)

番正題先, 我地叫左3個拉麪, 一碟餃子, 一隻溫泉蛋
3個拉麫都是不同湯底
個人覺得好味程度如下: 醬油>味增>黑蒜
麪身我地冇特別要求, 但軟硬度非常不錯
剛剛來到有點硬, 放一陣就剛剛好~
可能你會覺得$20碟餃子(5小隻)有D貴, 但我話你聽佢抵係邊啦!平日餃子都係豬肉餡
佢用嘅係蝦! 仲要係有甜味嘅鮮蝦!!!
而且非常皮薄, 1D都唔膩~讚!
另外不得不提的, 就係叉燒佢唔係厚切果隻, 薄薄一片, 入口即融
反而大家最推薦嘅溫泉蛋個人就麻麻地喜歡啦
蛋黃未夠糖心

一個麪成$50-60, 抵唔抵食就見人見智啦
但肯定日本味道為食物增左值
老闆服務很殷勤, 笑容可掬
bb女又好可愛
在店內聽到老闆娘用日文向大廚老公落單
加上迫迫夾夾嘅座位
輕輕的日文歌, 又唔趕人走嘅閒情
的確有種日本小鎮食店的風情

係上水依d邊境城市, 居然開左間咁有feel ge cafe, 真係what a surprise!
平日去旺角d樓上cafe, 都比較噪, 人又多又迫.
依度就好唔同啦, 依度冇board game, 但有書同雜誌
依度唔播廣東歌, 而係播法文歌
一入去ge感覺, 就好似去到另一個國度咁!!講番食野, 事關我地係lunch hour去的, 所以只有brunch同小食
都係食包同沙津依d cold food
小店多數都冇乜選擇, 但都算係特色之選~~
好似飲品就係果汁, 應該係石榴汁~
沙津亦都係配黑醋的
另外最值得一讚ge係香草!!
法包裡面ge香草, 醃三文魚ge香料
未食過依種味, 但會令你自此之後好記得!呵呵小店另一特色: 人情味!
唔好以為只係老店先有人情味啵~
開得小店ge都係有心人
我地問咩係意式xxx腸ge時候, 佢地居然請埋個廚出黎同我地傾
而且仲好有耐性咁同我地解釋
影相ge時候, 店員同我地影完一張之後
仲問我地要唔要其他角度, 超nice的

天時暑熱, 本身都唔想食一煲煲架啦, 仲要係辣ge就更加....
不過大班人話食就是但啦~

結果...真係唔錯啵~好似譚仔咁, 有得揀辣ge level
我地叫少少辣, 對於唔太食辣ge我, 完全ok入到口
其實我覺得佢個煲係香多過辣
雖然d雞係冇乜雞味, 但湯汁入哂去
冬天食, 用黎打邊爐就真係perfect啦~

另外叫ge一d炸物都ok, 最like椒鹽魷魚~~
食左3碟炸物都冇喉嚨痛, good!

平時最怕食完ed咁濃味ge野之後成晚口乾
so far, 成晚冇乜飲水, 仲要一路吹水都冇事!

雞煲唔錯~yeah~椒鹽系列都好ok~

其實依間鋪應該都好多年架啦, 但一直都冇食過. 今日終於去左試, 嘩! 估唔到係禾趕冚珍珠~~~老闆娘推介ge酸辣湯, 的確係正! 特別係我唔太食得辣ge人, 就更加啱食啦~而且非常足料! $26, 有蝦有木耳有豆乾...又平又好食....真係覺得平時俾大財團呃得多....=_=另外炒鱔糊都好好食, 鱔肉又厚又脆, D粗面唔同平時, 粗幼不一, 口感特好.小籠包係抵食! $38一籠10個, 平時依個價錢係d大鋪頭得果4隻, 小店真係抵食!! 同埋好有心機整, d肉餡係啄出黎架! 仲食得出肉的口感, 唔似用機絞出黎咁一patpat....擔擔面超平! $15一碗. 雖然係冇乜料, 花生味好重, 但咁ge價錢, 咁ge質素ok啦~~

最唔好食係炸花卷, 太大舊, 又唔脆口...

年初二, 費時食中菜同人逼, 試左間越南菜, 真的有驚喜!!

首先等位好快, 話說話要等10幾張枱, 但佢去得都幾快, 而且安排得幾好, 好快就清到枱俾客
keep住門口都唔會有太多人等~~~~唔錯~~~

其實我係俾佢個門面吸引左囉, 呵呵平時都好少食越南野, 食親都係粉面居多,
而且基本上我地都係亂叫一通~~哈哈哈
我地叫左:

1. 大蝦柚子沙律 (少貴...)
2. 龍利柳芒果米紙卷
3. 春雞釀黃飯
4. 咖哩牛腩鍋
5. 蒜茸炒椰菜仔

春雞釀黃飯真係超正!! 春雞嘅皮燒到脆卜卜
而入面嘅飯亦炒得好香~~~
香料味亦唔算太搶果龍利柳芒果米紙卷都幾好架
但如果九層塔可以少番dd就好啦~~~