因為朋友有會員卡，會有半價，所以先考慮食。

訂左位都仲要得一陣間，其實入面都好多吉台，但好似安排得麻麻地。cheese n bacon fries
d薯條有調味過，加埋芝士同sour cream 係絕對既配搭，仲有d 過左火既煙肉粒，有d乾身。牛扒大蝦同埋rib
rib 係原味，醃得好夠味，不過d醬好似太大，有d甜。同埋稍為煮得太耐，d肉好淋，一切開就甩曬出黎，連骨都唔使咬。雞翼拼，最右邊，橙橙地色果隻好難食，面頭果pat 好厚既香料，又唔係辣，又唔甜。bbq 同buffalo 味就正常。不過d雞翼都係overcook , 炸到過左火，雞肉好乾身，仲有d硬硬地。tall cake 好漏，4個人食剛好，蛋糕都好夠朱古力味，同埋夠鬆軟。反而係雪糕唔夠，如果多一球會更好。

後尾好彩埋單check 單，有會員卡就剩係做左半價，但明明就係牛扒餐做特價，個侍應無俾個優惠我地，有差價，估唔到而家去大餐廳食野都真係要小心。

黎開深水埗，行到累累地，想坐得食少少野。
就諗起豆腐布甸oreo 豆腐布甸
原來我好耐無黎過了，呢個係新口味。
oreo 同豆腐出奇地夾，淡淡既豆腐味，加埋甜甜地既oreo 餅餅，味道剛好。仲有不可缺少既淡奶。大粒花生碎既糖不甩
糖不甩好好口感，加上粒粒花生碎，軟身得黎又有咬口，糖分量都夠，唔會太甜。粒粒栗子露
稍為稀左少少，但栗子味好香，都食到粒粒既栗子。唔算太甜，聞落都幾香。

興致勃勃咁成班女仔去食炸雞，就見呢間平時好多人排隊，就試一試。紫菜卷拼盤
同張參考相差好遠
d壽司卷細細粒，紫菜又淋，唔好食。煮年糕，份量少得可憐，得十幾廿粒年糕。
d湯仲好稀，好似溝到好淡咁，牛肉多少少兩片。唔得左咩名既薄餅，又唔香又唔脆，個底仲淋淋地。入面係有d芝士雞肉，不過好似無咩調味過。另一款海鮮薄餅，仲難食過酒樓d薄餐，無咩料，呢張係最多料架喇，個薄餅好漿好淋。

以下既炸雞除左面果d醬料外，都係一樣味。係炸得幾鬆脆可口，同埋雞件都好多汁，不過就相對細件。柚子炸雞，係面就咁加左柚子茶果pat醬韓式辣汁雞，有少少辣，酸甜醬既味道。原味雞，好似無咩調味，係炸個皮脆d.呢個完全俾圖呃左，又話芝士辣雞，隔離果pat都唔係芝士醬，只係洋蔥底加面少少芝士,雞又得幾粒，唔抵食。

近年興既韓風同韓食店越黎越多，食韓式炸雞仲有大把其他選擇。

同舊同事飯聚，大家都遲放工，所以都係office 附近搵食二樓既menu同地下唔同，但其實都唔係好多選擇內部裝修都好有心思，每個擺設都好特別。前菜 ,鵝肝兩食，好精巧，半圓形係鵝肝醬夾啫喱層。d 醬好幼滑同啫喱層既口感好夾。
另外就係煎鵝肝，煎得剛好，面夠香脆，入面剛熟，又唔會太生。讚既係中間點綴既醬同埋開心果碎。apple n walnut salad
個人唔太中意walnut 既味, 但整體都可以既，酸酸地，好開胃sea bass
同想像好大出入，係類似fushion 菜色。
日式湯底加疑似冬瓜粒，仲有一pat類似麵豉醬係面。日式湯底味，少少甜，d 魚都好嫩滑，但就係有少少怪怪的。薑蓉雞
呢度係半份既份量，有少少似醬油雞，但底又有少少栗米粒墊底，雞好嫩滑，都幾多準。味道係可以既，但總係有少少怪怪的。甜品，椰子果仁雪糕
好甜，d果仁椰子碎撈左白朱古力，甜到入口都覺得漏。初初既火焰效果，好睇唔好食，仲要係酒太多，燒到個底好燶，仲地。apple pie.
由於唔中意玉桂隻味，所以不大評論。

整體黎講，好睇唔係特別好食，口味太獨特了。
同埋份量偏少，唔適合人多黎食。

又係行行下銅鑼灣諗唔到食咩好，行左去食通天搵食。

又唔係特別想要食fine dinning...咁就揀左pizza express.

兩個人食二人餐應該唔飽...所以都係散叫。中意食呢度既焗磨菇，有兩隻味，芝士味好濃，配埋香料醬，好夾。同埋焗磨菇又唔會好乾，入面都好juicy...忌廉肉丸，新口味
芝士味淡淡的，唔算太濃味，肉丸用作吊味，味道都幾夾。又係一個屬於淡味既main course.
淡淡白酒，香蒜味，香草味，同埋少少辣椒乾。微辣既效果加埋檸檬汁，好開胃。

兩個大食鬼當然食得曬咁多野....但就食唔落甜品了。

呢間店既位置係食通天上面，有落地玻璃，同埋樓底都好高，坐得比較舒服。

去開九龍城都一定會食泰菜，有好多間都係由泰國人主理，隆姐都係其中一間。

6點半左右去到，都要等一陣間。串燒雙拼，有雞有豬.
平時中意食雞肉串多d,反而今次覺得豬肉串好食d.
醃得比較入味，同埋燒得唔會乾爭爭，有口感。小食拼盤， 蝦餅爽口彈牙，唔會好梅。
魚餅好香香葉味，好食過出門果d. 值得一試。
其實春卷同中間圓形果粒都好食，不過下次會取捨，唔叫咁多。正常既冬陰功湯，好足料，有幾隻蝦。
比起平時果d會無咁酸，不過香辣搭夠。青木瓜沙律，係撈得略為鹹左d.

不過不失，可不食。

新年過後，又有機會同工作伙伴來個businese lunch.

之前黎花盃都係食鐵板燒多，今次反而食左魚生飯。好靚既擺位，魚生都好足料好吸引，原本以為魚生飯份量唔多，但食食下都好飽海膽夠新鮮，無煤氣味，不過就有少少溶，同埋好細隻。蟹肉都鮮甜，拆開出黎都一絲絲，足料。
甜蝦就正常，反而帶子有驚喜。好厚同埋有口感，又夠鮮甜。大滿足既一個魚生飯。甜品，牛奶布甸，濃奶味，好似3.6布甸。

最後，要讚既係最尾細細杯既熱啡，好香濃，仲有少少炭燒味。為friday lunch 畫上完美句號。

見近期觀塘工廈既餐廳越開越多，今次係特登黎覓食的。星期六下午三點幾，比較少人，坐得好舒服，同埋餐廳裝修好有心機，同埋擺滿聖誕佈置。星期六都有午餐定食，價錢都好合理。有沙律, 加左個酸酸的沙律汁, 都幾開胃, 仲有少少櫻花蝦做點綴
有麵豉湯，正常味道, 無咩驚嚇.
有蒸蛋, 蒸蛋味道都唔錯，有白果同埋日式魚蛋. 不過可能翻熱過，個蒸蛋面有少少乾。賣相都唔錯，三文魚蓉有調味過，質地淋淋的, 有切到細細粒既三文魚. 似平時吞拿魚腩咁.
同埋份量都好多。白飯個質地稍稍乾身，醋味唔係好夠, 不過都可接受既，唯獨敗筆既係海膽唔夠鮮甜, 有D 較為深色. 有少少煤氣味。
希望小店可繼續努力。

次次黎開呢頭都見排長龍，個人中意食咸pancake 多d,不過今次試左個甜既都唔錯，好足料。
成條香蕉切左係入面,有一球自選雪糕，面仲有朱古力醬。
佢個pancake 皮個漿調得好好, 甜味剛好. 最好係佢既質地, 比較軟身但又有少少煙煙韌韌, 好有咬口.
D cream 其實都好香, 係比較厚身既cream, 食完好飽好滿足個人覺得太多cream ,中意食cream 既就岩曬

新城市呢間可以唔使排隊，仲可以用個apps 拎飛。兩個人叫左兩個main course ，一個叫安格斯西冷，一個係黑松露什菌意粉。湯叫左蘑菇湯，粒粒蘑菇好有質感。

反而係覺得個甜點有驚喜。焦糖雲尼拿蛋糕，好香焦糖味，仲有果仁好夾。好好味