諗唔到有咩好食下，男朋友話提議食上海野，係後巷位，平時無咩為意。

大排檔風格但好乾淨企理原本諗住散叫小菜，點知發覺有客飯，咁就叫左兩個客飯加小食好耐無食過咁足料既酸辣湯，豬紅，豬皮，木耳，豬肚...真係咩都齊，好味。唯獨是多左我唔中意食既綠色豆豆飲酸辣湯就梗係配銀絲卷啦，入面都好鬆軟，卷卷分明。小籠包就正正常常。客飯到，有得揀菜飯或者白飯。
菜飯剛好，有菜又唔似出面果d 撈到好油，配鱔餬一流。鱔餬都好足料，醬油味夠，又唔會太油。仲有呢個，唔好睇輕佢既咸肉湯。
d 咸肉真係好好食，好香，咸肉煮完湯之後味道剛好。要黎送飯都好好味。

人少少想食中式野絕對可以再試。

承蒙上司帶挈，可以一試晴報 x Tony Wong 的橙色玫瑰花蛋糕。

由於之前上左黎睇店舖地址同順便望下食譜，發現有食家又係訂左呢個特別版蛋糕，而且賣相非常慘烈。完全好似打完仗咁，於是我都擔心左一陣
斷估Tony 哥d quality無咁差卦........店舖內，確定個餅真係靚靚樣既

取餅後拿拿聲搭的士番公司，怕案件重演。店內職員都有溫馨提示話唔好壓個盒同埋保溫一小時。登登登登，原好無缺。然後我地切都唔切就逐塊逐塊揭開黎食。
面頭d 朱古力，確係好睇唔好食，太甜了，食左半塊放棄。呢個賣相有點差，請無視左佢。食到戲肉，見真章了，好滑既cream,但又唔會好膩。
入面有粒粒士多啤梨同埋疑似raspberry mousse .味道剛好，少少酸配番落去又唔會太甜。仲有餅底有薄朱古力係面同埋有點點果仁味(唔知其實有冇架.... )

花花蛋糕，都係比較岩追女仔用。自己食既會食番hazelnut ,哈哈

近年觀塘工廈都開左好多餐廳，咁岩同朋友去開呢頭食飯，就提議去工廈搵食。由於無早d book 枱，得番bar 枱，超後悔。成晚隻腳條條fing, 張枱又迫又唔好坐 頭盤都幾新鮮，味道酸酸mei mei，好開胃粟米忌廉湯，重粟米味，面頭有d 白色泡泡，試過係無味既 多口問侍應係咩黎既，佢話係分子料理，但真係食唔出有咩味.....主菜 ,睇落分量好似唔多，但其實好飽。類似海鮮汁味，帶子都煎得幾好，不過加左黃椒粒，我本人唔多好。另一個主菜，呢個睇落好乾身，但其實d 汁都係底，拌勻去食都唔錯，仲有溫泉蛋，好好味最後既甜品，芝麻慕絲蛋糕。正常味道，正常質地，相比起主食同頭盤都較為遜色。

終於係唔使排隊既情況下食到呢間台灣黎既cafe...由於本身係台北已經食過一次，所以都幾有期望。要贊既抹茶歐蕾，同係台北飲到既一樣。夠creamy 同埋抹茶味，個人覺得好飲過咖x弄。呢杯都好飲，不過我都係敵不過抹茶既魅力 無理由一開始就食甜品既，就叫左個三文治。味道不錯，係略為普通，比起係台灣食過既熱食鹹品差好遠，同埋得兩款揀。 超期待的抹茶蜜糖吐司，一見到d cream 都嘩左一聲。不過侍應姐姐見我地好迷茫個樣既時候，就好熱情咁走埋黎教我地切開
拎起第一層先，跟住好熟手咁搽d 雪糕上去。

吐司入面d 粒粒吐司烤得好好，每粒都有蜜糖味。比起茶x 真係好食一百倍。

整體黎講，我覺得呢度d 飲品好飲過咖x 弄，熱食鹹品就咖x弄好 d,甜品就平手

如果唔使排隊排咁耐既，就會再黎食。

同事介紹話有間新開喇沙好好食，今日就特登一齊再去食。
可能本身期望太高，試完之後有點落差。我叫左魚多魚片喇沙，睇落湯底唔錯。一試個湯都好有味，不過稍稍稀左d ,同埋香料味唔太足。 魚蛋同魚片都係正常貨式，反而豆卜好入味。要贊既係鴛鴦粉，口感好好，米粉就掛湯d, 疑似瀨粉就爽口d ,兩者加埋好夾 午餐仲有冰茶送，盛惠$60

學金剛小儀咁講:無得唔試

諗唔到食咩果時，隨心都會再黎食.

由於媽咪生日，所以就早早book左洲際同佢食dinner buffet ,仲可以預訂果時reserve 定一個切餅有生日牌。

一坐低就有杯welcome drink,有果汁有mocktail. 不過...都係似果汁穩陣d 一開始就食左冷盤先，好多開邊龍蝦。
好新鮮，仲有蟹腳，麵包蟹，蜆，青口果d ..不過之前食過麵包蟹麻麻地。
所以都係主攻龍蝦同埋長腳蟹
當然仲有ham 同 salami

熱食有鵝肝多士，味道不錯，如果件肝可以煎香少少仲好。
串燒同蟶子都幾好。質素穩地。
但天婦羅就麻麻，個炸殼分離曬，好彩無咩油益味。
要讚既係佢d 壽司，好好味，仲多款。d 飯醋味適中，仲唔會好實。清蒸海斑...唔得，無魚味，無鮮味，仲好鞋

魚湯烏冬反而不錯,不過食唔到咁多。

仲有好好好味既菜心，好甜，無渣最後到我最期待既畫面，甜品區

呢度既甜品區算係好多好多款式，每款試一個都好滿足了

一個海景伴美食，非常滿足的一晚。

之前都曾經黎過呢間餐廳，印象普通，沒太特別。因為在公司附近，所以今次再同同事黎食。

食之前上黎望望食譜..心諗..弊傢伙..d 午餐定食份量唔多。擔心食唔飽

於是就叫左十件壽司定食。跟沙律，前菜，蕎麥麵同飲品。
沙律-唔記得影相，因為叫完野食無耐，就有人埋黎放低沙律同前菜。只係生菜沙律加左芝麻汁，特別在有薄薄苦瓜片。

食完前菜沙律，竟然係會蕎麥麵黎先
以往去其他日式店都係最後先上麵食，又或者係師傅整唔切壽司 對於呢個上食物既次序有d 怪怪。咁概然熱食到左都要食左先啦，同埋當然好肚餓了...睇落唔係好大碗，但原來入面好多麵

等左陣就黎壽司了唔知係個碟太大定waiter 拎得唔好。碟壽司落到枱果時，好似打完風咁...歪埋一邊

其實壽司質素不錯，魚類，甜蝦，貝類都很好。係海膽差少少，有 d d 煤氣味.

由於已經食左成碗麵落肚，都好難唔飽既，食到壽司最尾兩件，已經飽飽地

最後飲品得柚子茶/咖啡，我揀左柚子茶。
係好hea 既一pat 醬加水 作為完結。

整體黎講，食物質素ok的，不過比起其他中價日式店，仲有好多地方唔夠細心。以相約既價錢，我去銅鑼灣食好過lu ~~~~~~~

心血來潮想食炸雞，就亂咁搵到呢間。
睇之前d 食評都話要等，同埋打電話book枱無人聽。係打過去book枱既，但聽電話姐姐過7:00-10:00要walk in..咁唯有walk in 碰碰運氣，一出勁多人，好彩朋友先到，等左15分鐘有枱。限時90分鐘。

由於兩個女仔食，都預左唔叫得多野。剩係叫左兩個主菜黎到呢度梗係要試炸雞。香料味足，外脆而裡面d 雞肉都唔會太鞋。值得一試。韓式魚蛋湯，正常味道，份量都頻大。兩個食唔曬。可不試。食熱氣野梗係要飲番杯野。幾得意既Apple cider ,盛惠$78. 一個人會飲唔曬，兩個人share 都 ok

整體黎講都唔錯，除左炸雞仲見好多人食蛋卷。不過如果無得book枱又要等好耐的話，我會揀試其他野。

放工搭車途中睇下大埔有咩食。俾我搵到間食碗仔翅既小食店。自從車仔檔消失之後，都好少食到好味既碗仔翅。

本身想要剩翅既。見人地兩溝自己又貪心。揀左兩溝，即係魚肉碗仔翅。最緊要加埋麻油，醋，胡椒粉

先試魚肉，同其他食評講既一樣。係懷舊生菜魚肉味，係ok 既，咁當然唔好期待係好有魚肉味啦，但質地係像樣既。
最重要既主菜就梗係碗仔翅啦，用匙"不"起果時，質地剛好。唔會太結或者變漿，又唔會太稀。材料剛好。真係近年食過比較好食既碗仔翅，平民得黎最緊要保持到味道。

絕對會再去食

之前成日經過都見好多人等位，認為應該唔錯。但係一見open kitchen 同好大油煙味就打消左念頭，到最近又見介紹呢到出名既薯仔粒，終於黎試一試。

兩個人叫左一個set dinner $208 有湯，主菜，甜品有菇味，不過打得好溶，無咩口感份量足既牛扒滿心期待既甜品，仲諗住單點多件窩夫，點知食完呢件已經好失望。 窩夫整身個漿麻麻地，唔香，同埋整果時應該落多左油，底面烘得較乾身，但又唔脆。配有一球雪糕，據menu估應該係阿波蘿的，得假朱古力味，不吃也罷。期望好大既甜品結果失望而回。好彩呢個主食補番數，好香芝士味，又有腸仔，牛粒，煙肉，菇。 仲有兩隻流心蛋，拌勻食好好味，不過食少少已經好滯

總括黎講係ok 既，價錢算合理，不過出名既waffle 真係唔會再試。

坐位係開放式，同出面走廊無阻隔。如坐得近廚房都幾大陣味。座位算一般，係員工d service 好好補番分。