ar_thy 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-10-17
兩個人係尖東諗唔到食咩好,想食egg Benedict,就揀左黎呢度食。之前都食過好多次,都覺得不錯。但今次真係好失望,失望到唔會再黎食。 呢個係bacon 既,其實係個侍應落錯單,本第係想食煙三文魚既為左唔想浪費,就要左去。 隻蛋同煙肉都無問題,有問題係個汁。d 牛油味重得滯,好似直情食梗牛油汁,又無咩醋味。完全影響曬成個主食。 另一個主食係fish n chips,賣相都可以既。但舊魚一切開,就肉殼分離,都預左係冰鮮魚黎架喇,都有雪味。但個炸殼真係好硬,炸得好難食。墊底d 薯條,整身咁厚切就應該好好食既,但就炸得未夠火喉,冧pet pet 咁。 最後既雞翼小食,又係炸到好硬,入面又無咩味。真係pixxx hut 或者譚x d 雞翼都好食過佢。 仲要講下d 侍應,明知張枱唔夠大,又唔移開d 野先放低野食,又夾硬收走人地食梗野隻碟。退步成咁,真係無下次。
評分: 味道 2 環境 3 服務 2 衛生 3 抵食 2
2015-10-17
又係兩個女仔食飯既日子,揀左間環境比較休閒既餐廳。上到去先個原來係Apple green 個frd, 不過呢度就只有walk in,無得訂枱。 飲品,正常味道,不過係稍為細杯,又或者係隻杯唔夠大啦。沙冰只得2/3杯,好似俾人偷飲左咁。 幼薯條,好食,cream 同埋黃黃地色果pet 醬都好食。 唔記得左叫咩名係好食既,類似串燒豬肉咁,燒得好香。 主菜,係杰身版carbonara,好食 不過都好膩。味道有少少似pixxx hut 既海鮮寛條麵,用個鑊上都幾特別。 甜品,呢度得兩款,呢個係...pinacolada 。 um....賣相同質地都幾特別。白色果球以為係雪糕,實情係椰汁味cream,中間果舊係菠蘿味既冰,底係椰絲蛋糕,好甜。食落有點le hea, 切開去又唔係,唔切又唔係。我唔識欣賞呢個甜品。 整體都不錯,價錢都算合理。
評分: 味道 4 環境 4 服務 4 衛生 4 抵食 3
2015-10-16
又係聽聞呢間既北京賣鴨好食,咁諗住係大集團既餐廳,應該都唔錯。 走新式中菜廳既格局,佈置同餐具都有鴨仔。 叫左壺花茶,每位計。味道不錯,侍應仲會幫你添水。 賣相靚靚,味道都幾好食。醬料好平均地鋪上肉片上,入面仲夾左塊青瓜片,加強口感。 精美既齎老味味道同平時出面食既差唔多。 煎蠔烙,賣相同煮法同平常唔同,煎得好香跪。但粉漿好厚,完全食唔出d 蠔仔。唔好食兼唔抵食。 小籠包,正正常常,未見出色。 津白都煮得好入味,雖然佢好慷慨地切左4大片火腿,但略嫌唔夠精巧,太大塊好咸根本食唔到。如果可以切薄片或者切絲都會好好多。 難飲,完全唔夠龍蝦味,剩係飲到洋蔥粒,入面係咁易有兩粒帶子片。個薄餅味道正常,但配個湯就9唔搭8,敗筆之作。 拌麵反而有驚喜,睇落簡簡單單。肉粒有微辣,加埋青瓜絲,出奇地夾。 最期待亦最失望的北京填鴨兩食。 呢度話有半隻,似平時既例牌。片唔脆,肉又切到每舊都厚。皮就俾左好多,又係好厚,食兩塊已經好滯。 美其名既兩食,只係得碗疑似味精清湯。不過都好飲過碗龍蝦湯 我諗黎呢度叫小菜,小食都應該ok,但北京填鴨就免了。以呢個價錢,尖沙咀仲有好幾間食填鴨既餐廳可選。
評分: 味道 2 環境 4 服務 3 衛生 3 抵食 2
2015-10-15
難得一日悠悠閒閒行銅鑼灣,無咩頭緒食咩好,五點幾去食咩好呢。。。 一search openrice,就醒起喜來稀肉,未試過喎。因為我真係好怕排隊,好浪費時間。 五點幾上到去,有幾枱燒梗,唔算多人,不過都陸續有人黎。 一坐低就有侍應黎倒蛋 ,好好晚係佢會擺定舊肥豬肉起鑊。 另外就成堆前菜,仲可以refill 添 叫左塊牛扒,燒前唔記得影,呢個係熟左個樣 塊牛係有牛味既,不過太薄了,燒兩燒就熟左,淋pet pet 咁。可不試。 護心肉,呢度既推介食品。味道同口感都幾好,幾特別,黎呢度必試。 剩係食肉太油膩了,叫番個飯填一墳肚,剛剛好 兩個人黎真係比較難叫野食,都係人多黎好d. 比起其他韓式燒肉,暫時都係比較中意食呢間。 推介美食: 護心肉
評分: 味道 4 環境 4 服務 4 衛生 3 抵食 3
2015-10-11
食完飯行過,見條龍唔係好長喎。就心思思排下,試下呢個潮物流心芝士撻。 好彩大約排左20分鐘到就排到了,係人排我排既情況下,話咁快就排到。如果要我排成兩個鐘既話,我實唔會排。 排到好靚,好吸引,件件都焗到脹卜卜。 最期待既時刻出現了,咬落去係牛油曲奇既餅皮,比起平時蛋撻皮好食好多。係似薄脆曲奇果d 味,係厚版。 咬落個芝心,諗住係熱熱既,點知係暖既,未見流心。 芝士味都算濃,係有點微酸,但未見特別。 另外買多左兩個,雪左先食。雪完質地就似慕絲質地,但有d 實,應該叮熱食會比較好食。 $20個,試一次就夠了。
評分: 味道 4 環境 3 服務 4 衛生 4 抵食 2
|