Via Tokyo (銅鑼灣)

偷得浮生半日閒，難得早左放工可以去食雪糕

呢個鐘數真係好，又唔使排隊，又有位坐。



兩個人，一人叫左一個。



呢度既抹茶軟雪糕真係好好味，好濃抹茶味，仲有少少茶苦澀味。個人喜歡少少苦味多過甜椰椰。雪糕質地好實，唔會好易溶到變雪糕水。配左幾粒糯米糍，好好咬口，質地好夾，不過糯米糍無咩味既。

如果抹茶癮起果時，絕對可以過黎買番支雪糕cone 食，無位坐都唔怕丫嗎

HeSheEat (銅鑼灣)

聽過好多朋友話呢間甜品鋪好食，趁星期六下午無咩人等黎試試。

每人最低消費一杯野飲/甜品。
原本諗住食鹹品既，不過睇過其他食評都覺得普通，寧願食番甜品好過。

最期待既綠茶心太軟




賣相幾靚，伴豆腐雪糕都好夾。讚既係豆腐雪糕有餅底墊住，有口感。少少開心果碎作點綴。
心太軟望落有少少乾同裂開左，但切落去果時都好林既。
一切開，綠茶漿慢慢流出，即刻試味啦。
其實質地都正常，係偏軟同林身。但食落綠茶味唔夠，覺得稍稍甜。另外疑似有d 淡淡既豆腐味，配搭都清新既，但整體未見突出。



最低消費既一杯飲品。
普普通通一杯沙冰，啡味唔夠，係落多左好多焦糖漿。仲有用膠杯裝，成件事破壞左，感覺上同去對面coffee shop 飲無分別。

無咩特色既一間店，係銅鑼灣仲有其他野可試。

鋒味 By Beyond Dessert (中環)

臨近中秋，工作伙伴送黎既鋒味月曲奇。
一收到，成班女同事都好興奮，係因為謝霆鋒既魅力吧......

究竟咩係月曲奇呢?
滿懷期待既心情試餅，唔知係月餅，定曲奇呢。
結論係...曲奇餅，月餅餡。創意十足，但味道就.....



其實以包裝黎講唔算靚，一盒8件，一樣味道的，吸引在"鋒味"。



開包裝見幾靚，面係"nic" 的英文字，等係時時刻刻都記得鋒味..



一個人唔想食成塊，就切開share 食。
一切開就散曬....內面d 餡碎曬出黎。

個曲奇面正常，不過又唔係特別香，同埋好乾身。又未至於好鬆脆，係好"鬆碎",好似食到成口粉咁....

入面個餡有d 蓮蓉同蛋黃味，係特別既。但味道真係唔討好，唔湯唔水咁。好似食咁d 花生糖碎咁，乾爭爭，仲有d 膩。

整體黎講真係唔好食，試完之後唔想再食了。
有點點眼高手低既感覺。

咖啡弄 (尖沙咀)

講左好耐想試尖沙咀既咖啡弄，終於試到。
之前食開都係銅鑼灣果間。

好在朋友早少少到，所以唔使等好耐就有位。Oreo 沙冰，好足料，好多曲奇同埋黑朱古力粒粒。朋友飲既。兩個人share 食，因為怕食唔曬，食半個都飽飽地，好足料同埋水準都好平均。仲有每次黎到都會叫窩夫，不過呢個好似厚左少少同埋熱食都未食完佢就上左。

整體黎講都係覺得銅鑼灣果間好食d.

韓舍朗 (尖沙咀)

話說好即興咁約左兩個女仔朋友食飯，臨時臨急都無訂枱，就諗住去tst 睇下有咩韓食。點知原來朋友揀左間有得食韓燒既餐廳。

可能餐廳入面d 侍應溝通比較差，搞左好耐先安排我地入座，但其中有個韓國男都好有禮貌，係咁叫我地等一等。

三個女仔，都唔叫得多野食，就咁叫左個2-3人套餐。有泡菜餅，味道都夠既，係略嫌個餅底粉左少少，有d 漿住個口。石頭飯，味道不錯，有少少飯落肚會充實d 燒牛肉拼盤，其實我地無叫到呢碟野既
佢上錯左，而我地又傻下傻下以為呢碟係套餐肉。咁個男侍應又好熱情好快手咁夾塊肉擺左上去燒.......................結果就係咁喇...到塊肉都熟曬先有另一個女仔就埋黎話佢地出錯單，呢碟唔係我地既...肉都熟左啦，咁個韓男因為出錯又係咁sorry 同埋話free 俾我地。咁我地都好樂意既
不過塊牛扒真係幾好食，好有牛味，脂肪比例都唔錯，值得推介。講番轉頭先，就係我第一次食爐邊蛋，不過不失啦，只係好似有d 老左既燉蛋咁囉。除左蛋，仲有邪惡芝士粟米，d 芝士熔左之後勁正，好味呢兩碟先係套餐的肉 其實都唔錯，五花腩係無調味既，點少少鹽好味，同埋佢幫我地燒到好香脆。

護心肉初初唔知咩黎既，search一search 先知係豬既橫隔膜果頭塊肉，質地似豬扒，不過都幾有肉味。又唔會太難咬，都幾好食。

整體食物都唔錯，要讚既係d 侍應都好好service ，又會幫你燒埋。個人覺得呢度d 肉類仲好食果d 甚麼七色五花腩。