金牛座♉️最留意食好西，多次IG 見到生日碟畫得好靚，再睇埋open rice 食評早已bookmarked， 今次終於食到， 牛扒有少少失望， 一向對🐷麻麻嘅我竟然覺得呢份豬鞍好好味，煎得好香又唔乾，都幾juicy，最後一至通過柯打多一份， 蟹膏多士好新穎，唔腥好好味， 多士好脆， 特飲名好特別，生日碟畫得好靚， 如果加埋名就更好，整體唔錯， 服務態度都好好，可以返叮👍😋

牛魔王一定會叫牛扒，落柯打時 我： 3成 老闆（相信係）打個突 我：係唔係無？ 老闆： 客人一般5或7成 我： 如無3成咁我叫第二樣 老闆： 有，驚妳生得滯 我： 3成，得唔得 老闆：當然得（意思係話我challenge 大廚） 我： 咁就3成啦 最後上枱切開牛扒顏色係保護色😡， 同牛扒表面差唔多，7成就差唔多，最衰唔記得影相😡😡😡 茶餐廳都好過佢，我同老闆反映塊扒太熟（唔止過熟），佢馬上同大廚講，我唔係要求換，但完全無同我交待😓 重點係我件扒係$178， 唔係$78🤦‍♀️ 成間餐廳只有兩人， 企喺度等埋單都要企5分鐘，無下次🤬🤬🤬

今日有團體活動去咗海馬公園， 通常都係由金牛座嘅我搵地方開餐，又要坐得耐，又要夠成班大食積飽肚，又要唔太貴，對於唔太熟香港區嘅我有點難度，誤打誤撞比我喺open rice 搵到“牛之鍋”， 又符合我哋嘅條件，食評都唔錯，一於試下， 牛肉有五六款，質素都幾好(掛住食，無影相)😆， 甜品有好多款，d buddies 都不及待未食完已經開始甜品時間，個個都讚不絕口， 尤其係抹茶芭菲杯，芝士藍莓，窩夫軟雪糕，楊枝金露， 仲有個咖啡味（唔記得咩名）好香咖啡味，嘩，幾款都堅好食，仲有幾款都唔錯，食甜品都返本🤭，可惜個肚唔夠位，試唔晒，有機一定會返叮😋👍 由於呢排腸胃麻麻，只揀咗個平套餐 $208+10%（無壽司同刺身）， CP值高, 加上銅鑼灣區，推介👍

阿仔返嚟香港話要食糖水，幾大就幾大，佢叫咗個應該係芒果唔知乜乜加雪糕，我就叫咗個花好月圓，有湯圓，芋圓，清心圓，桃膠加薑水低， 諗住暖下胃，又出奇地好食，最緊要真係好夠薑，正呀！

今日同同事出去食飯， 諗住近近地試下佢， 價錢一般啦， 格局唔錯， 今日唔係好熱，但冷氣似乎都唔夠， 食出汗，我地order 左雞扒同羊扒都係跟薯蓉， 先來沙律加湯加多士， 賣相唔錯， 但多士唔熱，雞扒煎得幾香，皮好脆， 羊扒都ok, 味道都係偏淡，但個薯蓉就真係無乜味，份量都足夠， 總結嚟講賣相比味道高

岩岩係隔離食完光明農場乳鴿，行出黎就見到有貓山王，就比呢三個字吸引，停低左睇， 又發現有榴槤飯？ 芒果飯就食得多， 榴槤飯就第一次見到， 行入去睇, 唔止有榴槤飯， 芒果飯都有， 還有多款甜品， 但我地淨係被榴槤吸引住，可能無乜生意， 個服務員好細心咁介紹， 仲請我地試食， 嘩！好蓉榴槤味 最後我地決定來一杯， 果然唔錯， 真係拍得住新鮮榴槤， 雪糕夠較滑 滿記嘅紙杯雪糕無得flight,都係值得推介， 下次一定要試試榴槤飯

地方不大， 只有十多個位，不算太擠迫， 近地鐵， 夠方便 王牌雙拼套餐 ¥99 包括12"雙拼Pizza, 鰻魚+榴槤 雞翼x4 凍檸樂 鰻魚...幾特別 榴槤...夠榴槤味，夠香， 但略甜二人食半份榴槤就夠了， 否則太溜 喜歡食榴槤的， 不錯的選擇

一行8 人, 齊賀媽子"28"歲牛一, 訂好位, 不用等, 我相信係來自內地既侍應姐姐介我地食呢個套餐, 需然差D 唔知佢講乜, 但誠意搭夠, 套餐有乳豬, 雞, 貴妃蚌, 紫菜卷, 瑤柱冬瓜甫, 魚, 翅, 伊面, 啤酒汽水, 等等, 仲係免茶介加一, 我地個個高頭馬都夠食(半席),星期一至五原價998, 用銀聯卡結帳就828, 超值 除了荷葉飯較鹹同較濕外, 其他都唔錯 不過冷氣一D都唔夠, 個個要攞手提風扇陪住食

今日又約左朋友聚舊, 又來了呢間餐廳, 須然呢度無乜裝修, 但食物係物超所值.

自己好喜歡食羊肉, 所以特登同老闆預訂了羊架,同朋友分享, 見到已經流口水,烤得 岩岩好,又 唔會太熟 我都係唔寫咁多喇, 自己睇下就口知道啦. 價錢仲十分抵, 平過自己買. 另外仲ORDER了PIZZA & 燒春雞 ,最後還有芒果布甸, 不過唔記得影低, 下次補返啦.

餐牌上無羊架架, 如果有興趣, 記得揾老闆預訂呀

今天又來到這裡晚飯, 我是經常幫襯的, 需然門面似茶餐廳, 但食品是餐廳款式, 茶餐廳價錢

今晚點了西冷牛扒, 三文魚波菜麵及清炒菜心

先上兩忌廉湯, 是老闆每天親自調校的, 水準有時會有點參差, 但今天水準不濁, 有80分啊 (總覺得不夠其他高級餐龐的滑, 還可做好 D)

再來西冷牛扒, 我們比較喜歡用碟上 (如用鐵板上, 會較熱氣), 西冷有成隻碟咁大件, 我要求4成熟, very good, 剛好, 只售 $55, 大x 樂都要 $4x 啦, 相比來, 還比快餐店平

三文魚波菜麵, 麵全部被汁包住, 不太溜, 面舖上煙三文魚, 清清地, 幾好

再來清炒菜心, 都唔錯, 菜心唔會全部比油包住, 菜心好甜

最後係甜品, 今晚老闆做了芒果布甸, 好正啊, 唔知係唔係老闆好耐無做, (近月都是做西米布甸) 好好食 (同老闆太熟了, 呢個係送的)

總評分 : 90分