上次食完, 見咁抵食, 即刻再買多2張團購($35 買$70現金卷)

入到鋪頭, 依然有好大陣火鍋味

今次試下d 未食過既.
椰皇河粉小丸子. 味道唔錯, 感覺清新, 椰青味濃. 不過河粉同小丸子既份量唔多. 除左河粉同小丸子, 入面仲有好多jelly 狀既半透明物, 係好味既, 我地估係椰青水整成既jelly.再黎芒果腸粉. d 芒果好甜, 其實成碟甜品係ok好味既. 不過諗諗下, 佢個個白色腸粉其實無咩味, 我地只係好似食緊一個好甜既芒果. 咁樣念, 俾$32 食個芒果, 好貴. hahaha.....原價$77, 用左團購卷補多$7
Total only $42.

 
行開樂富整野, 一個人左逛右逛諗緊食中,西or 日之際.
見到呢間oyster station. 之前想去食但佢未開工, 今日時間剛剛好.
12:30左右, 我係第一檯客. 點餐不久, 食物陸續送上. 先黎頭盤個包好好味, 外脆內軟, 仲帶點香草味, 唔錯. 個忌廉湯都做得幾好, 滑得黎又有d 豆香.個吞拿魚沙律都唔錯, 如果醬汁多一d 會更好. 依家因為吞拿魚既份量唔多, 所以d 沙律菜唔夠汁.建議加少少沙律醬or 油醋汁會更好.主菜pizza, 份量唔算多, 不過都幾好味, cheese 味不錯, 餅底都好脆.最後加柸斎啡, 完成一個人悠閒既一餐.加$8 可轉即磨咖啡, 不過我無轉到, 係普通啡, 還可以啦.

而待應生服務也不錯, 很勤力收碟.

最後埋單, 有驚喜,$58 唔使加一, 感覺良好. 肯定會再光臨.

呢輪成日都試新野, 見牧羊少年多好評就黎試下.
6:30去到, 已經要等位.
好似茶木ar, 咖啡弄, dazzling 個d 台式cafe 咁, 佢已經唔算等得耐.
等左around 15 min 就入得.
叫左個焗雞排飯, 中規中舉la牛油焗雜菌ok, 幾香. 扇貝就普通貨式, 旁邊既沙律菜就幾refreshing.最後叫左個朱古力waffle. waffle 幾脆, 雪糕就係普通朱古力味雪糕. ok, 不過就唔特別.overall ok, 不過如果同其他好hit 既台式cafe 比(除左dazzling 未試), 佢應該係排最尾.
價格算中位.

因為想去LCX 睇菇菇, 所以搵到附近有呢間日本拉麵去試試.因為配合LCX 個菇菇展, 佢都推左個菇菇餐. 就係香濃野菌豚骨湯拉麵麵都唔錯, 唔太硬唔太淋. 流心蛋夠流心, 上面仲有菇菇 LOGO, 除左雜菇, 仲有D 肉粒, 都幾入味.
配既白菌燒雞沙律, 容器就好得意, 不過個雞就麻麻地, 好凍同好硬. D沙律菜都幾FRESH,
不過就少左D.成個餐$125, 連飲品(未連加一). 都幾貴.

因為叫左另一個黑蒜油叉燒拉麵都只係 $78 (無影到相).
其實都係貪得意叫菇菇SET, 黑蒜油個湯底係好食D.
同埋如果要俾多$47 係因為個個沙律同可樂, 係真心貴.

唔係團購, 都唔知開左間甜品鋪係度.
見團購$35買到$70 Coupon, 好似好抵, 所以即日買, 即日試.
可能係新開同早既關係, 我地係第一檯客.
雖然客唔多, 而佢店員有3個, 招呼反而唔快, 汗!
一入到去, 店員同我地講佢地抽風麻麻, 所以會聞到隔離火鍋店既味.
唔講唔覺, 講開又覺. 不過無損我地興致 HAHAHA...幾好笑. 叫左2個甜品, 天鵝湖, 有3球雪糕(可選草莓, 朱古力, 同....唔記得左. 而特別味要加$).因為喜歡草莓味. 所以3球都係草莓
因為用既係haagen daz 雪糕, 所以其實無得輸. 而且有3球, 佢賣$48 真係抵過去haagen daz 食.
天鵝底應該係拿破崙個種酥皮, 幾脆.其他個d 裝飾就正正常常咁.而個個薑汁豆腐花, 我就覺得麻麻地la. 豆腐花既質地有點鬆散, 同埋唔夠滑, 豆香亦不夠濃. 下次唔會選豆腐花.

埋單原價$78, 因為團購only 俾$43, 抵到爛!
佢仲有好多甜品都d興趣想試. 下次或者試下拿破崙

喜歡早食飯的好處, 就是大部分時間都不用等位.
6:30pm 去到, 即刻有位坐.
一黎已經俾2人餐吸引. 因為可以選好多點心. 餐廳有2種二人餐. 一款是2碗麵食配5款麵點心.
而我地就選了九大簋餐. 即2碗麵食配9款麵點心及兩杯飲品 ($208).湯麵有3種選擇試左其中2款, 白湯即魚湯不錯, 魚味都算濃. 2個湯都好味. 但相比起黎, 大高湯會稍勝一籌.
老雞,金華火腿,豬骨配合得非常好 . 飲左d湯都唔覺得口乾, 確是真材實料.九大簋上檯la. 排得好整齊, 見到咁多點心, 心情都好愉快.
左上起: 雙冬-正正常常
           馥郁溏心蛋- 溏心做得好好, 而味道我都係覺得日本湯麵個d 溏心蛋好食d. 不過佢既都唔差.
           涼拌雲耳 - 清新爽口, 有少少酸酸地味, 好開胃.
           芥末炸墨魚球 - 好味! 炸得好脆, 又有好多墨魚肉, 中心有芥末汁. 好新穎.
           黃金墨魚夾- 都係好多墨魚肉,入面仲有鹹蛋黃,香口野味.
           酸梅炸蝦丸 - 同芥末炸墨魚球有異曲同工之妙, 入面係酸梅汁, 消去油膩感.
           雲吞-普普通通          
           竹笙金腿百花卷 - 竹笙爽口, 口感同味道都好好.
           鳳城水餃- 唔錯

Overall 好味又多款式. 咁多野食都係~200 左右, 算抵食.
          

去到因為時間尚早(~5:45pm), 唔使等位. d staffs 仲食緊飯. 不過呀姐食緊飯都仲同我地介紹有咩推介, 態度唔錯.
第一樣黎既係蒜蓉包, 幾脆, 如果蒜蓉味再多一點更好.再黎海鮮. overall d 海鮮都算新鮮, 美國蠔仲好平tim. $78 有5隻, 都幾大隻同有蠔味!其他燒肉都幾好, 如果有d 朋友食得辣, 有d 唔得, 可以叫佢分開上, 佢會俾辣粉你自己加. 同埋孜然粉都係. 可以叫佢俾你自己落.
有一點可以做好d 係, 佢d 火候控制, 第一輪既燒肉燒得干身d. 第2輪就juicy d.
串燒黎講價錢算ok, 又唔使加一, 算係咁.