帝苑餅店 (尖沙咀)

有人請食帝苑既CAKE, 心情非常之好.2個人, 總共食左4件甜品, 好滿足, 而且無想像中咁漏.
佢第一次試fine foods 既cake, 而我只係食過一次都係人地請既拿破崙.
穩陣起建, 一定選返好好食既拿破崙.同第一次食到既拿破崙一樣, 皮十分之脆, 而且酥香味美, 佢既吉士醬唔算好甜, 不過如果少D D 仲好, 士多啤梨都算甜, 好味!第二件選人氣極高既青蘋果芝士蛋糕. 外表精緻, 非常吸睛. 外面係白朱古力, 而入面就係甜甜酸酸既cream cheese, 而cheese 既下面有蘋果肉, 酸酸地, 無咁漏, cheese 上面既脆粒就有d 牛油香, 唔錯. 不過佢表層既白朱古力就太甜, 可能我地對白朱古力麻麻啦, 最後食晒d 涵, 剩返個殼.第三件係白桃柸. 上面2片白桃好香好甜. Jelly蓉既質感好實在, 雖然係蓉, 但係唔鬆散. 中間有層應該係奶凍, 因為唔鍾意食奶, 所以skip 左. 最下面個層就係完整既jelly.最後係芒果mousse cake: 外面有macaroon包圍, 食唔出係咩味, 不過唔係好甜, 比起平時食到既macaroon 易入口. Mousse 好香芒果味, 都係唔太甜, 而且夠軟滑, 中間既底層係朱古力味又有少少脆脆既蛋糕. 應該係dark chocolate, 因為有少少苦味. 不過係易入口既.
食完4件, 各有特色, 不過最愛都係拿破崙, 而青蘋果如果係自己俾錢應該就唔會買, 因為太多地方唔食, 好浪費…..
 

金蒂餐廳 (灣仔)

因為去書展, 一早Check去灣仔食咩好. 睇中左呢間金蒂餐廳食海南雞. 睇左食評, 做左功課, 知道好多人去食, 一定要book 位. 因為除左要留位仲要留埋雞脾.

準時去到, 同佢講book 左. 待應就帶我地去reserved 左既檯(真係寫住我地book既info, 好有心既留檯!). settle之後就問我地係唔係真係如留位咁講要一個海南雞脾飯.

佢地既海南雞係唔同部位唔同價錢既, 最貴係雞脾, 之後係胸, 最平係雞翼. 本來想要多一個海南雞脾飯, 不過佢同我地講如果要多一個就無, 雞脾賣晒 (再一次覺得佢地既留位or 留脾係真係有做野).
唔緊要, 我地最後要多個豬頸肉飯(個飯可選白飯or 蒜香飯).個海南雞脾飯好好味, d 雞好滑, 一碟有5舊無骨既雞脾(都算大舊). 油飯好有味, 連埋佢酸酸地個個汁食, 好正, 好鍾意佢個汁.個豬頸肉飯都幾好味, 蒜香飯好香, 頸肉飯都好野味.
Overall 感覺好好, 野食都好味, 待應都幾nice.
 

大熱高湯麵 (北角)

喜歡早食飯的好處, 就是大部分時間都不用等位.
6:30pm 去到, 即刻有位坐.
一黎已經俾2人餐吸引. 因為可以選好多點心. 餐廳有2種二人餐. 一款是2碗麵食配5款麵點心.
而我地就選了九大簋餐. 即2碗麵食配9款麵點心及兩杯飲品 ($208).湯麵有3種選擇試左其中2款, 白湯即魚湯不錯, 魚味都算濃. 2個湯都好味. 但相比起黎, 大高湯會稍勝一籌.
老雞,金華火腿,豬骨配合得非常好 . 飲左d湯都唔覺得口乾, 確是真材實料.九大簋上檯la. 排得好整齊, 見到咁多點心, 心情都好愉快.
左上起: 雙冬-正正常常
           馥郁溏心蛋- 溏心做得好好, 而味道我都係覺得日本湯麵個d 溏心蛋好食d. 不過佢既都唔差.
           涼拌雲耳 - 清新爽口, 有少少酸酸地味, 好開胃.
           芥末炸墨魚球 - 好味! 炸得好脆, 又有好多墨魚肉, 中心有芥末汁. 好新穎.
           黃金墨魚夾- 都係好多墨魚肉,入面仲有鹹蛋黃,香口野味.
           酸梅炸蝦丸 - 同芥末炸墨魚球有異曲同工之妙, 入面係酸梅汁, 消去油膩感.
           雲吞-普普通通          
           竹笙金腿百花卷 - 竹笙爽口, 口感同味道都好好.
           鳳城水餃- 唔錯

Overall 好味又多款式. 咁多野食都係~200 左右, 算抵食.
          

蠔站 (樂富)

 
行開樂富整野, 一個人左逛右逛諗緊食中,西or 日之際.
見到呢間oyster station. 之前想去食但佢未開工, 今日時間剛剛好.
12:30左右, 我係第一檯客. 點餐不久, 食物陸續送上. 先黎頭盤個包好好味, 外脆內軟, 仲帶點香草味, 唔錯. 個忌廉湯都做得幾好, 滑得黎又有d 豆香.個吞拿魚沙律都唔錯, 如果醬汁多一d 會更好. 依家因為吞拿魚既份量唔多, 所以d 沙律菜唔夠汁.建議加少少沙律醬or 油醋汁會更好.主菜pizza, 份量唔算多, 不過都幾好味, cheese 味不錯, 餅底都好脆.最後加柸斎啡, 完成一個人悠閒既一餐.加$8 可轉即磨咖啡, 不過我無轉到, 係普通啡, 還可以啦.

而待應生服務也不錯, 很勤力收碟.

最後埋單, 有驚喜,$58 唔使加一, 感覺良好. 肯定會再光臨.

帝樂 - 德國餐廳 (赤柱)

入到赤柱, 大概4:30, 因為無book 檯既關係, 我地又無食lunch, 所以去King Ludwig Beerhall 食個早飯. 聽到有個家庭想book 夜晚食飯, 侍應己經話今晚full 晒無得book. 證明我地既決定無錯. 4點幾5點

有好多位, 可以選坐出面定入面.太陽已經唔猛烈, 又有d 風, 決定坐出面欣賞海景.農夫包一個$25, 一個醬(牛仔肝醬or 芝士醬)$15. 但佢有個set $40 有農夫包連2個醬.
農夫包上檯既時候係微暖, 算鬆軟唔un. 不過再熱d 會好d. 點牛仔肝醬或芝士醬都好味. 不過牛仔肝醬會香d.德國麵包圈 $38, 佢menu 寫一個, 不過佢黎係一份2個.
德國麵包圈黎既時候係室溫, 好軟熟. 個人覺得農夫包好食d.豬手($215)等左好耐, 差唔多9個字, 吹佢佢話再要等多3分鐘. 上檯既時係熱辣辣, 侍應仲問我地切之前使唔使影張相. 咁當然好啦.切好啦, d 皮好脆, 入口鬆化, d 肉有少少得意, 一絲絲, 不過係嫩滑既. 而佢係豬手唔係好咸, 皮脆肉嫩, 墊底既酸菜只係微酸, 開胃得黎又易入口. 伴菜既薯仔香口好味. 不過已經好飽, 所以都食唔晒.

上菜好慢, 本來佢俾2個鐘時間我地, 我地念住唔使咁多時間. 個個時間, 客唔多, 點知等包又等左15分鐘(但係d 包唔係熱). 隻豬手又等左成45分鐘. 食完真係剛好交檯.