今年母親節好特別，簡單慶祝就算。 平淡是福，亞B話想試呢間CAFE MAME❤️💋 餐廳裝修簡單利落，是自助式，自助搵位，自助點餐。 涷芒果梳打，味道帶點苦澀，亞B唔鍾意飲，所以俾亞媽飲，不愛甜的亞媽反而覺得不錯，似苦澀版什果賓治。 涷檸茶，茶濃不澀，正常味道。 炸魷魚$42／客，起初見得幾件有點貴，但食落皮薄炸到熱辣辣，簡單好味！ 白咖喱炸雞🥚包飯，材料豐富，但整體味道偏淡。 煙三文魚長通粉，有半份面包跟住上，好吸引。 面包焗到金黃色，好軟糯又白，好味👍。 材料簡單，魚子加煙三文魚 配適量醬汁 熱騰騰上枱， 不膩好味又有營養。 CAFE來說蛋糕和涷餅賣相比較差，唔吸引，感覺唔太新鮮。原本想試 都唔敢叫。 餐單款式貴精不貴多，價格相宜。 雖然餐廳只有2個服務員工，男的十分勤快，而且今晚好繁忙都好耐心 轉來轉去招呼客人，好讚👍。🩷❤️老闆我都好想請到咁勤快既員工😂。 簡簡單單想食一頓西餐，可以來試試，簡簡單單的愛。 人生在世，有2個人一定要愛---就是父母，只有父母永遠為你提供無需回報的愛❤️🩷。

因為要宴請一枱同事食自助餐，希望盡善盡美，千挑萬選選了薈景。 薈景地點方便，餐廳樓底高環境寬敞，取餐區與座位完美分開，而且座距離感好好，坐得好舒服。 網上訂位十分方便，用餐前一天有訊息提示。 當晚提早到達，接待處的姐姐好禮貌叫我地坐坐等等， 差唔多時間就安排我地入座。 走了一轉，食物擺放整齊，擺盤用心，款式多，所以好吸引。 🦐🦞🦀🐚海鮮區款式好多又靚，見到好多大大隻紅彤彤既龍蝦和鉗，已經流口水。試下味道，肉質彈牙又有膏，無雪味，蟹鉗啖啖肉，正！必食必食！🩷 食到最後見仍見補貨，好有態度既餐廳♡ 即開生蠔 ，仲要一路開 一路已經準備一大盤俾你去攞，唔需要排長龍，安排好好。 不過，唔知係咪季節問題，生蠔雖然新鮮但比較瘦，唔夠肥美。因為無限量供應，所以都忍不住食左8隻。💓💋 刺身有5款，有比較少有既帶子🥰，5款都試左，好新鮮。 壽司款式琳琅滿目，擺盤靚，好吸引。 熟食區， 我就沒有點試，已經好飽。 印度薄餅，即場煎起，配咖哩好香，怕太飽都忍唔住掃左一塊落肚。 甜品區，安排太好。因為我比較喜歡順次序食野，所以甜品都係到最後先食。好多時到最後，甜品區已經俾其他人掃曬或者掃蕩到不似預期，但薈景安排員工於甜品區幫你切餅，所以蛋糕都仍然乾乾淨淨，優雅放在你碟上，而且供應十足。 甜品款式都好多，雖然不是全部都好好食，但質素絕對係合格。 飲品方便，都係好多選擇，而且仲有紅白酒、各種汽水、橙汁、檸檬茶…… 近年既自助餐黎講，薈景質素確實不錯。 👍💯 ❤️🩷🧡有一樣十分難得既係 全晚 我接觸過既員工，服務態度都係十分好，說話既語氣都十分有禮貌，好難得。 希望薈景會好好珍惜呢班員工😍有時餐飲服務真係好重要。🫶 環境舒服，坐得舒服，取餐舒適，食物款式多， 服務又好，價格合理，真心唔想同人分享😆😆 費事搞到人山人海😂😂🤣 難得 有好好既餐廳一定會讓人念念不忘。 我已經又訂了下個星期再歎一回😍🥰🫡

完全無需要寫太多，入到去叫了三次先攞餐牌黎，最後一次仲要問番我轉頭，未攞黎咩，O嘴。 招呼亂糟糟，幾枱客都有微言。 又追餐牌，有D野食又無，又無俾餐具，又無飲管， 又打錯單，無話可說。 新開業，小小亂可以接受，但全程又差呢樣，又無呢樣，點搞😪完全未準備好 食物方面，價錢中等。 今晚點了炸魷魚，平平無奇。 明太子玉子份量大 ，味道普通。 豆腐海鮮湯飯，香辣惹味，材料份量不多，可以一試。 涷蜂蜜柚子茶，淡淡的，無咩味。 食品一般，人手不足，招呼完全唔掂，需要改善，唔會再去。

這幾個月有好幾個小BB👶👶出世，今日放假專程去沙田買BB禮物。 行完一輪，到新城市地下搵野食醫肚。 衆多食店，老公還是喜歡西餐，所以就去SIMPLY LIFE 食晚餐。 晚餐都有好多選擇，我地點了燒安格斯牛扒啡菇蕃茄和煙肉芝士意粉，另外加錢 升級 要了飲品、湯和沙律。 餐湯是🍅蕃茄忌廉湯，湯上枱熱，清新蕃茄味，完全不膩，好渴。 是日沙律，橙蘋果沙律，十分新鮮，橙好甜👍開胃🥰正 餐前麵包3份配檸檬汁牛油，外脆外軟，超好味，必食❤️ 芝士煙肉意粉，上枱一股香噴噴芝士味，意粉夠熱，煙肉 好香，芝士味易入口，好滋味👍🩷 燒安格斯牛扒，點了7成熟，份量夠大塊，牛味適中，口感仍然嫩滑，配有芥末和茄汁，真不錯👍❤️ 啡菇🍄‍🟫和蕃茄都燒到好香，薯條爽脆，好吃。 今日是週末，餐廳客人多，侍應都好好服務、好有禮貌，唔會叫到傻都唔理你👍，而且餐廳可以入YUU 積分，又可以用Cash Dollars, 整體都好方便。 有好質素 ，自然有客幫襯👍❤️ 經濟不景，香港人幫香港經濟🩷❤️經濟好香港好🟠香港人更好🔴

🥚🟡🟠復活節外遊高峰期，我怕人山人海，繼續留港消費❤️。 食過幾日中餐，今晚想食西餐，選擇了粉嶺中心TOGETHER。 入座時，全場沒有一個位客人，侍應叫住我地去2人枱坐。 有時總覺得香港的餐廳令人有點壓迫感覺，全場無人， 點解咁多枱都唔可以俾將寬敞既枱客人坐左先😒。 當然到我食飽走，都係來了3張枱客人，仲有大量座位 無人問津😒。 幾個月無黎，餐牌已經完全唔一樣🙂‍↔️。 我們點了2個晚餐，今晚的餐湯是蕃🍅🍅茄湯，另外加錢要了一客酥皮忌簾海鮮🦐🐙湯。 蕃茄湯 味道平淡。 酥皮湯 外皮香軟👍 湯味道比較濃奶味。 凱撒沙律蔬菜新鮮度一般，🥬有少少啡色，而🐷煙肉是燶焦到咁⬛⚫️😤💀，我就怕怕，有興趣既可以去試下👎。 蒜蓉法飽都係油油膩膩。 主菜是肉眼搭香煎大蝦。牛扒無得選擇幾熟， 餐廳set好是7成熟左右。 主菜賣相都好靚，亦都有熱感。 大蝦有2隻，夠大肉厚彈牙，不錯。 而🐂牛扒沒有肉味，不算嫩滑又不算粗硬，質素一般。 甜品是紅豆忌簾慕士，味道可以，不過不失。 🫦🟠由開業好好到現在，每次去整體質素每次愈來愈差，真係好可惜！介紹寫廚師酒店級，總監酒店級，希望諗諗點做好D食品及服務。 ❤️有時煮野食真係要用心做❤️燶都咁既野都放落去俾客食🙂‍↔️🙂‍↔️🤢🫦一試難忘。

屯門CAFE名物，新鋪位於愛定商場，交通方便。 今日陪爸旅行回程路過，行過想飲杯咖啡，2父女慢慢享受。☕️這間餐廳雖然不大，但頗受歡迎，不停都有客人買麵点。 餐廳行🍀🍀田園風🌿🪴，小小鋪面，幾張枱子，風格優雅。鋪仔細細，估唔到餐單選擇都好多。 櫃枱有多款麫包供選購，已經寫好曬價錢，全部都好吸引😍，流曬口水。🤤🤤 店裡座位不太多，好多客人都外賣帶走食。 如果座位多D就好，可以慢慢歎。 焙茶麻薯司康，外脆內軟 ，口感Q彈，濃濃的培茶味搭甜甜麻薯，出奇地夾。 亞爸最愛海鹽菠蘿酥，入口填滿牛油香👍🩷 鮮奶咖啡☕️，羊咩咩賣相可愛，咖啡味道香入口順滑。 海鹽焦糖咖啡☕️，熊仔拉花 ，味道是甜中帶少少咸，口感比較有層次。 貝果 軟軟糯糯，都好好味 ❤️🩷🥰 人均消費大約$70-80蚊，一定會再黎！ ❤️🩷人生在世，多見見家人🟠🔴愛要及時🌿勿回轉後悔🌹

畢打奧這個地方在我腦海是美好的-因為我跟老公第1️⃣次 食飯就在❤️上水畢打奧🩷，而且常常光顧。 最近聽朋友提起粉嶺聯和墟開左畢打奧，馬上開車去品嚐。 當晚6點左右到達，店員安排了⭐️酒吧個邊既餐桌位⭐️給我們。 💥💣🔥先把不滿例出🔥 💣我們身高不矮，不介意坐高枱高櫈，但坐低發現枱和櫈高度不配，我地需延直曬條腰吊住手進食我地的晚餐，好攰🫠 。 D枱同座位緊迫到恐怖，櫈背貼櫈背，前後2張枱迫到要攝出黎，根本連拉後張櫈既位都無！一拉又會撞到後面枱😵‍💫😵‍💫👎👎。 💣💣座位狹窄，無俾置物箱放袋。 💣💣💣完全唔明白，點解可以安排另一枱客坐前面既枱，但個張枱坐2個人之後完全BLOCK 住我張枱既出入位，見到咁D職員出出入入唔覺得有問題💥 櫈貼櫈、人貼枱 用餐環境 不合格。 💣💣💣💣我6點幾入座，竟然已經無生蠔、無青口、 無西冷牛扒、燒春雞在倒數中……🫨 晚市一開咁早就咁多野無🤷‍♀️ 講返😪食物方面： 羅宋湯味道差少少咸味，有點單調。 飲品點了檸檬茶，糖水自己DIY，用上塑膠杯，同環境格格不入，而且味道一般。 唯一最讚就是這個微熱軟糯糯的麫包，配牛油💯👍超好味👍。 三文魚扒配龍蝦汁，魚肉好粗硬，一點都不嫩， 魚同個汁唔夾。 🍟🍟薯條加9蚊，得中間大條個幾條食得， 其他硬到暈😵‍💫😵‍💫😵‍💫，唔掂0分💀，難食。 🐌焗蝸牛薯蓉，同上水畢打奧質素相近，好味💋一定要食👍💯 鐵板牛柳，牛柳尚算肉嫩，牛味一般，配飯都可以一試。 認真講，個人認為酒吧位既進餐環境差😵‍💫❗️❗️❗️ 🚫座位 同枱 多到失衡，👎令到進餐環境咁差。 咁樣招呼客人，只會失口碑，應該改善。 而我幫襯一次就BYE BYE😶‍🌫️😪 志趣不相投🙂‍↔️不了🙂‍↔️🙂‍↔️不了🙂‍↔️🙂‍↔️不了🙂‍↔️🙂‍↔️分手🙂‍↔️🙂‍↔️

剛剛係泰國6日歎完世界返港，仲有些意猶未盡。🤭 今日去一田家品部購置些美國碗筷，準備星期日朋友黎 食飯用。好不幸運，原來一田家品部已經無開。 買唔到廚具都要食飯，唯有附近搵下有咩好食。 突然，眼前發亮，見到泰國手標 {CHU TRA MUE CAFE}，泰國情懷立即湧上黎。 餐廳裝修簡單清潔 餐點款式都好多元化 手標招牌奶茶 ，味道跟泰國店一樣，但價錢就貴一倍🤭 泰國肉碎煎蛋飯，簡單滋味。 綠茶味梳乎厘，需要等15分鐘，即叫即做，熱噴噴，見到都流口水。 梳乎厘雞蛋味濃，入口軟軟，綠茶味比較膩，下次要試原味。 雖然價錢比較貴，但為左滿足泰國慾，都要一試。 🌈🌈🩷🩷🌍🌐✈️ 每次旅行都有一堆美好回憶，幸福感爆炸。

新年流流，需要買好多禮物🎁送埋親朋好友，日日去逛街，好開心。 今晚去沙田新城市瘋狂購物後，轉戰Odelice歎一回法國菜。 餐廳位於新城市1期6樓，位置方便。我地到達餐廳時，就嗅到一股強烈的酸菜魚味，原來隔離鋪頭開了探魚，附近都飄住一股濃郁的酸菜魚味道🫠，餐廳入面通風設施都好差，一邊食西餐一邊傳來酸魚味🫣。 Odelice裝潢是藍白簡約風，流露着一種田園法國風，侍應安排我地坐大卡位，感覺尚算寬闊，但出入有點不太方便。 是晚大家都好肚餓，胃口好好，所以點了好多好多菜式，慢慢品嚐🥂。 法國生蠔❤️❤️❤️點了1打，1️⃣盤上枱感覺很澎湃， 生蠔雖然新鮮但比較瘦，不夠肥美，淺嘗暫時止住 我對生蠔慾望🫦 POKA沙律❤️❤️❤️盤頭都大，1️⃣份都足夠2人食，沙律菜十分新鮮配上烚雞蛋，簡直是至營前菜，略歉醬汁少影響口感 是日餐湯～❤️ 磨菇湯配麵包，湯味道普普通通，這片麵包配湯 在水準之下 法國田蠔 搭麵包❤️❤️❤️茄蓉底，味道酸甜，醬汁搽麵包 ，好開胃☺️推介 大蝦多士❤️❤️大蝦大隻，味道平平，多士被醬汁濕透， 沒有達到期望 黑椒牛扒薯條❤️❤️❤️7成熟牛扒2塊，牛扒入口嫩、牛味濃，味道可以 龍蝦焗飯🩷上枱打卡一流，加左錢要多半隻龍蝦，飯入面有一陣太濃郁的龍蝦味，我覺得味道帶苦難入口，失望😶‍🌫️ 雜菌蕎麥餅❤️賣相吸引🩷蔬菜野菌配搭，出期好味， 開胃清新有營養 薯蓉燒雞，上枱香噴噴，燒雞肉嫩，外皮香口，唔夠食 海鮮🦐🦞意粉，材料豐富，有魷魚、蜆、蝦，茄汁開胃，滿足 三文魚蕎麥餅，材料好新奇，有🥚 蔬菜，檸檬汁，沙律醬，完全感受到法國情懷 橙酒可麗餅配雪糕🍨酒味仍然濃郁，味道甜甜苦苦 第1次食連鎖法國菜，感覺食品和服務雖然不是最好，但都達合格水平。今餐埋單三千幾蚊，價格是中等，想簡簡單單食餐法國菜，這裏是可以一試。 🌈☀️人生需要及時行樂，風雨困難會隨時來，適時退。 盡情享受每天🩷

今晚去德福專門店攞按摩器，順道同老公拍拖行下街入年貨送禮，當然係德福醫埋肚仔。 近排食中菜比較多，所以今晚想試下日本菜。見這間千両足夠寧靜，決定試試。打開餐牌，坦白講 無咩驚喜， 咁就唯有隨便點幾個比較想食的。 千両的光線比較暗，卡位餐桌大，2人用餐十分寬敞。 冰見牛肉烏冬$60 細細碗，湯底清，所以牛肉味比較特出，烏冬質感滑， 熱食推介 特選刺身拼盤$286 7款海鮮，質素一般，除左帶子，其他都唔太鮮味， 三文魚有筋 鐵板牛油粟米$38 好香，無燒焦，但牛油太多，有點膩 特選壽司拼盤$235 10件不同款式壽司，魚生都係唔夠新鮮 餐點沒有驚喜，食物質素一般，個人認為這個定價應有更好的質素，所以可以不試。 💟🩷必須推陳出新，方能成功留住食客💟❤️ 留港消費，幫助香港💋