❤️🧡520🧡攞唔到$520蚊 都要去食番餐慶祝 今晚去上水買補品俾亞媽補身😀今年我又無禮物啦🤣😂 唯有 買完就到5樓食PIZZA EXPRESS 刷一餐。 好耐無食PIZZA，今次點了2人餐$388加一，餐包括指定的小食一客，主菜兩款和飲品两杯。 因為是星期一 6:30PM 時間尚早，所以客人好少。 隨便坐下，餐廳座位都好寬闊舒適。 前菜點了小青菜沙律🥬🍅，沙律菜睇樣都知正，蔬菜爽脆好新鮮， 完全無啡黃，但略嫌沙律醬太少，所以叫了服務員哥哥俾多少少黎，加埋落去就好完美，清一清胃口。 🫗可樂， 好有誠意❤️👍是小枝玻璃樽裝，懷舊感滿滿，哈哈，總覺得玻璃裝可樂味比較濃夠汽，杯底放左一小片檸檬，剛剛好散發出點點檸檬味，好解膩🤭🤭 🍄‍🟫🍄‍🟫蘑菇長通粉，蘑菇味濃香，長通粉煙韌，軟硬適中，配上少少忌廉汁，簡簡單單，不膩夠飽足。 美國薄餅，薄脆批底，材料有辣肉腸，芝士和蕃茄醬。 這個批顏色火彤彤，味道惹味不會好🌶，但批底薄而不夠脆，所以有點怪怪，不難食但還是傳統的批底比較吸引我，2人餐有8件🤭食批都飽。 其實這個餐價錢是比較貴，如果大家有興趣去試下，記得選$368自選餐，會比這個餐多一款甜品，選擇靈活而價格優惠。 我係點完餐先見到枱面個直立餐牌，所以好可惜🫠。 整體來說，食物質素都OK 環境舒服 員工服務OK 價錢就比較貴 。 所有日子 不求食鮑參翅肚，只求一起活到老。 愛與珍惜 身邊人❤️🩷

人生總有好多甜蜜回憶值得懷念🩷我十幾年前放工傻傻下被老公約左黎呢間畢打奧食飯，就咁開始左我地💓故事。 當時覺得這裏好浪漫，到今日再去人物依舊，但情懷已經不再浪漫🙂‍↔️2公婆現在是一遍踏實🤭 ！ 人大了🙊💋我們都變了………😂 拍拖之後時不時有黎食飯，到疫情無黎幾年， 今晚慶起，專登去感受下當年情懷 。🥰 一入去，周圍環境都無咩大改變，仍黑貓貓，開住幾部足球比賽電視。 侍應安排方枱俾我地，坐得好舒服，感覺寬敞。 看了看餐牌，沒有了🚫我最喜愛的豬肋骨，哭。 原來，老公未入場前已經問左無供應豬肋骨好耐了。 沒有忘記我的口味💓 好失望，好好味既招牌菜消失了🥲要求豬肋骨回歸。 我地唯有試新餐，鐵板鵝肝拼7成熟牛柳❤️@ $300有找 餐湯有 羅宋湯和周打魚湯。羅宋湯 仍舊足料，湯比較稠，蕃茄味十足，入味。 黑糖麵包好好食，推介💋又軟但又煙韌，好想添食❤️。 薯蓉焗田螺，熱騰騰，田螺好香好好食，薯蓉好軟綿。 主菜黎啦，鐵板上薯角好大舊，鵝肝好軟棉，入口溶化，唔苦澀，好味。 牛柳夠淋，唔會粗硬，有2塊份量足 配少量西蘭花 ，平衡營養👍。 跟餐有意粉或白飯，啱晒我地 。 淨食肉好難頂😂 涷檸檬茶用塑膠杯無冰已雪涷，相信係預製品， 當然比以前差，不評了。 整體食物味道唔錯🩷，環境仍然懷舊，服務好左。 尾聲經理會同客人溝通食物質素和味道，介紹下海鮮，其實都沒有咩特別，但少少一個動作 俾客覺得餐廳重視客人意見，服務感提升啫🤭。 比粉嶺個間，我心目中味道和服務達標的只有💋上水畢打奧💋。 人大了，難得放肆地笑，才會懂煩惱盡量忘掉🥰 轉下眼就一年，轉下眼就十年😍😍😍 本人真金白銀消費，不知開飯說什麼有人檢舉有優惠，其實寫左百幾編食評根本沒有任何利益着數，食評作者只為打發時間跟大家分享，問心無愧，何需理會有誰人檢舉😏 今次一樣一蚊優惠都無，咪亂講啦 檢舉人～好搞笑囉😪

今年母親節好特別，簡單慶祝就算。 平淡是福，亞B話想試呢間CAFE MAME❤️💋 餐廳裝修簡單利落，是自助式，自助搵位，自助點餐。 涷芒果梳打，味道帶點苦澀，亞B唔鍾意飲，所以俾亞媽飲，不愛甜的亞媽反而覺得不錯，似苦澀版什果賓治。 涷檸茶，茶濃不澀，正常味道。 炸魷魚$42／客，起初見得幾件有點貴，但食落皮薄炸到熱辣辣，簡單好味！ 白咖喱炸雞🥚包飯，材料豐富，但整體味道偏淡。 煙三文魚長通粉，有半份面包跟住上，好吸引。 面包焗到金黃色，好軟糯又白，好味👍。 材料簡單，魚子加煙三文魚 配適量醬汁 熱騰騰上枱， 不膩好味又有營養。 CAFE來說蛋糕和涷餅賣相比較差，唔吸引，感覺唔太新鮮。原本想試 都唔敢叫。 餐單款式貴精不貴多，價格相宜。 雖然餐廳只有2個服務員工，男的十分勤快，而且今晚好繁忙都好耐心 轉來轉去招呼客人，好讚👍。🩷❤️老闆我都好想請到咁勤快既員工😂。 簡簡單單想食一頓西餐，可以來試試，簡簡單單的愛。 人生在世，有2個人一定要愛---就是父母，只有父母永遠為你提供無需回報的愛❤️🩷。

因為要宴請一枱同事食自助餐，希望盡善盡美，千挑萬選選了薈景。 薈景地點方便，餐廳樓底高環境寬敞，取餐區與座位完美分開，而且座距離感好好，坐得好舒服。 網上訂位十分方便，用餐前一天有訊息提示。 當晚提早到達，接待處的姐姐好禮貌叫我地坐坐等等， 差唔多時間就安排我地入座。 走了一轉，食物擺放整齊，擺盤用心，款式多，所以好吸引。 🦐🦞🦀🐚海鮮區款式好多又靚，見到好多大大隻紅彤彤既龍蝦和鉗，已經流口水。試下味道，肉質彈牙又有膏，無雪味，蟹鉗啖啖肉，正！必食必食！🩷 食到最後見仍見補貨，好有態度既餐廳♡ 即開生蠔 ，仲要一路開 一路已經準備一大盤俾你去攞，唔需要排長龍，安排好好。 不過，唔知係咪季節問題，生蠔雖然新鮮但比較瘦，唔夠肥美。因為無限量供應，所以都忍不住食左8隻。💓💋 刺身有5款，有比較少有既帶子🥰，5款都試左，好新鮮。 壽司款式琳琅滿目，擺盤靚，好吸引。 熟食區， 我就沒有點試，已經好飽。 印度薄餅，即場煎起，配咖哩好香，怕太飽都忍唔住掃左一塊落肚。 甜品區，安排太好。因為我比較喜歡順次序食野，所以甜品都係到最後先食。好多時到最後，甜品區已經俾其他人掃曬或者掃蕩到不似預期，但薈景安排員工於甜品區幫你切餅，所以蛋糕都仍然乾乾淨淨，優雅放在你碟上，而且供應十足。 甜品款式都好多，雖然不是全部都好好食，但質素絕對係合格。 飲品方便，都係好多選擇，而且仲有紅白酒、各種汽水、橙汁、檸檬茶…… 近年既自助餐黎講，薈景質素確實不錯。 👍💯 ❤️🩷🧡有一樣十分難得既係 全晚 我接觸過既員工，服務態度都係十分好，說話既語氣都十分有禮貌，好難得。 希望薈景會好好珍惜呢班員工😍有時餐飲服務真係好重要。🫶 環境舒服，坐得舒服，取餐舒適，食物款式多， 服務又好，價格合理，真心唔想同人分享😆😆 費事搞到人山人海😂😂🤣 難得 有好好既餐廳一定會讓人念念不忘。 我已經又訂了下個星期再歎一回😍🥰🫡

完全無需要寫太多，入到去叫了三次先攞餐牌黎，最後一次仲要問番我轉頭，未攞黎咩，O嘴。 招呼亂糟糟，幾枱客都有微言。 又追餐牌，有D野食又無，又無俾餐具，又無飲管， 又打錯單，無話可說。 新開業，小小亂可以接受，但全程又差呢樣，又無呢樣，點搞😪完全未準備好 食物方面，價錢中等。 今晚點了炸魷魚，平平無奇。 明太子玉子份量大 ，味道普通。 豆腐海鮮湯飯，香辣惹味，材料份量不多，可以一試。 涷蜂蜜柚子茶，淡淡的，無咩味。 食品一般，人手不足，招呼完全唔掂，需要改善，唔會再去。

這幾個月有好幾個小BB👶👶出世，今日放假專程去沙田買BB禮物。 行完一輪，到新城市地下搵野食醫肚。 衆多食店，老公還是喜歡西餐，所以就去SIMPLY LIFE 食晚餐。 晚餐都有好多選擇，我地點了燒安格斯牛扒啡菇蕃茄和煙肉芝士意粉，另外加錢 升級 要了飲品、湯和沙律。 餐湯是🍅蕃茄忌廉湯，湯上枱熱，清新蕃茄味，完全不膩，好渴。 是日沙律，橙蘋果沙律，十分新鮮，橙好甜👍開胃🥰正 餐前麵包3份配檸檬汁牛油，外脆外軟，超好味，必食❤️ 芝士煙肉意粉，上枱一股香噴噴芝士味，意粉夠熱，煙肉 好香，芝士味易入口，好滋味👍🩷 燒安格斯牛扒，點了7成熟，份量夠大塊，牛味適中，口感仍然嫩滑，配有芥末和茄汁，真不錯👍❤️ 啡菇🍄‍🟫和蕃茄都燒到好香，薯條爽脆，好吃。 今日是週末，餐廳客人多，侍應都好好服務、好有禮貌，唔會叫到傻都唔理你👍，而且餐廳可以入YUU 積分，又可以用Cash Dollars, 整體都好方便。 有好質素 ，自然有客幫襯👍❤️ 經濟不景，香港人幫香港經濟🩷❤️經濟好香港好🟠香港人更好🔴

🥚🟡🟠復活節外遊高峰期，我怕人山人海，繼續留港消費❤️。 食過幾日中餐，今晚想食西餐，選擇了粉嶺中心TOGETHER。 入座時，全場沒有一個位客人，侍應叫住我地去2人枱坐。 有時總覺得香港的餐廳令人有點壓迫感覺，全場無人， 點解咁多枱都唔可以俾將寬敞既枱客人坐左先😒。 當然到我食飽走，都係來了3張枱客人，仲有大量座位 無人問津😒。 幾個月無黎，餐牌已經完全唔一樣🙂‍↔️。 我們點了2個晚餐，今晚的餐湯是蕃🍅🍅茄湯，另外加錢要了一客酥皮忌簾海鮮🦐🐙湯。 蕃茄湯 味道平淡。 酥皮湯 外皮香軟👍 湯味道比較濃奶味。 凱撒沙律蔬菜新鮮度一般，🥬有少少啡色，而🐷煙肉是燶焦到咁⬛⚫️😤💀，我就怕怕，有興趣既可以去試下👎。 蒜蓉法飽都係油油膩膩。 主菜是肉眼搭香煎大蝦。牛扒無得選擇幾熟， 餐廳set好是7成熟左右。 主菜賣相都好靚，亦都有熱感。 大蝦有2隻，夠大肉厚彈牙，不錯。 而🐂牛扒沒有肉味，不算嫩滑又不算粗硬，質素一般。 甜品是紅豆忌簾慕士，味道可以，不過不失。 🫦🟠由開業好好到現在，每次去整體質素每次愈來愈差，真係好可惜！介紹寫廚師酒店級，總監酒店級，希望諗諗點做好D食品及服務。 ❤️有時煮野食真係要用心做❤️燶都咁既野都放落去俾客食🙂‍↔️🙂‍↔️🤢🫦一試難忘。

屯門CAFE名物，新鋪位於愛定商場，交通方便。 今日陪爸旅行回程路過，行過想飲杯咖啡，2父女慢慢享受。☕️這間餐廳雖然不大，但頗受歡迎，不停都有客人買麵点。 餐廳行🍀🍀田園風🌿🪴，小小鋪面，幾張枱子，風格優雅。鋪仔細細，估唔到餐單選擇都好多。 櫃枱有多款麫包供選購，已經寫好曬價錢，全部都好吸引😍，流曬口水。🤤🤤 店裡座位不太多，好多客人都外賣帶走食。 如果座位多D就好，可以慢慢歎。 焙茶麻薯司康，外脆內軟 ，口感Q彈，濃濃的培茶味搭甜甜麻薯，出奇地夾。 亞爸最愛海鹽菠蘿酥，入口填滿牛油香👍🩷 鮮奶咖啡☕️，羊咩咩賣相可愛，咖啡味道香入口順滑。 海鹽焦糖咖啡☕️，熊仔拉花 ，味道是甜中帶少少咸，口感比較有層次。 貝果 軟軟糯糯，都好好味 ❤️🩷🥰 人均消費大約$70-80蚊，一定會再黎！ ❤️🩷人生在世，多見見家人🟠🔴愛要及時🌿勿回轉後悔🌹

畢打奧這個地方在我腦海是美好的-因為我跟老公第1️⃣次 食飯就在❤️上水畢打奧🩷，而且常常光顧。 最近聽朋友提起粉嶺聯和墟開左畢打奧，馬上開車去品嚐。 當晚6點左右到達，店員安排了⭐️酒吧個邊既餐桌位⭐️給我們。 💥💣🔥先把不滿例出🔥 💣我們身高不矮，不介意坐高枱高櫈，但坐低發現枱和櫈高度不配，我地需延直曬條腰吊住手進食我地的晚餐，好攰🫠 。 D枱同座位緊迫到恐怖，櫈背貼櫈背，前後2張枱迫到要攝出黎，根本連拉後張櫈既位都無！一拉又會撞到後面枱😵‍💫😵‍💫👎👎。 💣💣座位狹窄，無俾置物箱放袋。 💣💣💣完全唔明白，點解可以安排另一枱客坐前面既枱，但個張枱坐2個人之後完全BLOCK 住我張枱既出入位，見到咁D職員出出入入唔覺得有問題💥 櫈貼櫈、人貼枱 用餐環境 不合格。 💣💣💣💣我6點幾入座，竟然已經無生蠔、無青口、 無西冷牛扒、燒春雞在倒數中……🫨 晚市一開咁早就咁多野無🤷‍♀️ 講返😪食物方面： 羅宋湯味道差少少咸味，有點單調。 飲品點了檸檬茶，糖水自己DIY，用上塑膠杯，同環境格格不入，而且味道一般。 唯一最讚就是這個微熱軟糯糯的麫包，配牛油💯👍超好味👍。 三文魚扒配龍蝦汁，魚肉好粗硬，一點都不嫩， 魚同個汁唔夾。 🍟🍟薯條加9蚊，得中間大條個幾條食得， 其他硬到暈😵‍💫😵‍💫😵‍💫，唔掂0分💀，難食。 🐌焗蝸牛薯蓉，同上水畢打奧質素相近，好味💋一定要食👍💯 鐵板牛柳，牛柳尚算肉嫩，牛味一般，配飯都可以一試。 認真講，個人認為酒吧位既進餐環境差😵‍💫❗️❗️❗️ 🚫座位 同枱 多到失衡，👎令到進餐環境咁差。 咁樣招呼客人，只會失口碑，應該改善。 而我幫襯一次就BYE BYE😶‍🌫️😪 志趣不相投🙂‍↔️不了🙂‍↔️🙂‍↔️不了🙂‍↔️🙂‍↔️不了🙂‍↔️🙂‍↔️分手🙂‍↔️🙂‍↔️

剛剛係泰國6日歎完世界返港，仲有些意猶未盡。🤭 今日去一田家品部購置些美國碗筷，準備星期日朋友黎 食飯用。好不幸運，原來一田家品部已經無開。 買唔到廚具都要食飯，唯有附近搵下有咩好食。 突然，眼前發亮，見到泰國手標 {CHU TRA MUE CAFE}，泰國情懷立即湧上黎。 餐廳裝修簡單清潔 餐點款式都好多元化 手標招牌奶茶 ，味道跟泰國店一樣，但價錢就貴一倍🤭 泰國肉碎煎蛋飯，簡單滋味。 綠茶味梳乎厘，需要等15分鐘，即叫即做，熱噴噴，見到都流口水。 梳乎厘雞蛋味濃，入口軟軟，綠茶味比較膩，下次要試原味。 雖然價錢比較貴，但為左滿足泰國慾，都要一試。 🌈🌈🩷🩷🌍🌐✈️ 每次旅行都有一堆美好回憶，幸福感爆炸。