幫襯開既西餐廳結束營業後，新開了中餐廳。 因為沿用舊裝修，格局有點怪怪，坐在一遍西式裝修氛圍，卻吃着中餐，有點格格不入感覺。 簡簡單單點了2個小菜和湯，咕嚕肉、魚湯腐竹時菜和 原盅燉湯。 咕嚕肉賣相精緻，炸粉算爽脆，酸甜度適中，美味。 魚湯腐竹時菜，碟頭大份量多，雖然菜心有點過火，莖不夠爽脆，但腐竹搭救，吸收了魚湯，有種清淡的好味道。 原盅燉湯，味道普通，可以不試。 總括而言，餐廳不大，食品價格比較貴，服務、菜式和味道都是一般。

今日去上水廣場消費消費，上5樓搵食，發現有幾間食店正在裝修，見這間八番麵工房已經開始營業，便坐下一試。 餐廳選用自助點餐QR CODE落單，食品和飲品選擇都不多，價錢都尚算合理。 我地隨便點了豚肉丼、網燒雞扒牛蒡丼、中華沙律、面豉湯、串燒秋葵、章魚燒和飲品。 首先上中華沙律，準備夾上黎食，朋友發現對筷子竟然夾唔到食物上黎‼️夾完又夾都唔成功 ，最後要用筷子好似食意粉咁 卷住食物 入嘴。 睇清楚發現對筷子設計有問題，對筷子 中段 肥圓，肥到 筷子頭 合唔埋，仲要頭重腳輕，請問點夾野？🔥😡 最後我地2對筷子要一齊挑起食品先夾得起🔥🔥。見下圖 如果你想食，建議你帶埋筷子去🤣😂，或者把筷子揸好低先會夾到食物。 ⭐🔥返到屋企，睇番OPEN RICE 見到有D 食評，都已經反映過餐具既問題，所以建議餐廳應該正視一下餐具問題🔥⭐ 投訴完餐具問題，講返食物，中華沙律和面豉湯，跟餐加$10，面豉湯入口順喉，好味。 丼飯～飯份量適中，豚肉和雞扒份量多，配上雞蛋絲和蔥花，两款都屬日式口味偏甜，味道可以。 炸章魚燒，跟飯加$20 有3粒，味道普通。 涷即磨咖啡味道比較淡，日式檸茶口味偏酸。 以這個價格來說，整體屬合格。 但如果唔換筷子，相信唔會再去，因為真係食得辛苦，手好累。

好耐沒有來過Outback Steakhouse, 今日去沙田看傢俬，就用商場apps 取票等位食晚餐，十分方便。 沙田Outback 位於沙田新城市廣場三期，行中價扒房路線，餐廳很大、很寛敞，所以座位都坐都舒服。 叫了幾款食物： 黑糖面包配牛油：餐廳名物，微暖，質地鬆軟， 入口甜甜，超級好味，令人愛不釋手 蘑菇忌廉湯：口味香濃 香煎黑椒日式黃鰭吞拿魚沙律(PEPPER CRUSTED SEARED AHI TUNA SALAD): 份量十足，有7、8片吞拿魚，味道肥美，配牛油果🥑、西柚和沙律菜，非常豐富。 美國牛柳扒(US FILET MIGNON)配了甜薯和沙律: 牛柳選了7成熟，口感尚算腍，肉汁少，牛肉味一般，下次會選五成熟試試。而黑椒汁不夠 香，亦不夠辣。 沙律口味酸酸，頗清新，中和牛扒肉感。 甜薯口感熱騰騰，香甜軟糯，真心好味，❤❤ 當甜品都不錯。 西冷牛扒配鮮蝦蘑菇(TOO WOOMBA TOPPED SIRLOIN )：牛扒選了7成熟，肉汁不多，肉不太腍，整體一般。 燒肉醬味豬肋骨(BABY BACK PORK RIBS): 豬助骨大條，算抵食，醬汁偏甜，味道略嫌唔夠惹味。 薯條：熱騰騰 墨西哥粟米片：賣相漂亮，味道有點怪怪 個人不太喜歡 🥭沙冰：賣相可愛，味道香甜 蜜桃蘋果酒沙冰(PEACH DARNED CIDER): 賣相出衆，香甜味道夾雜少少啤酒味，容易入口。 整體來說，各款都滿不錯！開開心心享受了一餐晚餐。

上水新開-荳子冰室，要在門外排隊等位，剛巧今晚人不多，便決定入去試一試龍與鳳。 入到餐廳，裝修是簡單俐落的冰室風格，耳邊傳來一首一首懷舊金歌曲，令人陶醉，有種時光倒流的感覺。 枱面有自助點餐QR CODE讓客人自行點餐，初次光顧，見到餐牌菜色種類不少，全部都是舊冰室名物，十分吸引。 主菜隨便點了咕嚕豬頸肉，椒鹽鮮魷，黑椒牛仔骨煲。另外，加錢可以配一款甜品、飲品、菜、小食 或湯，簡直花多眼亂。 餐廳上菜速度都算快，食物份量都合格，3款小菜味道都很好，特別喜歡黑椒牛仔骨煲，十分滋味，下飯一流。 蟲草花湯上枱仍熱騰騰，好味。上湯菜心，雖然味道好普通，但是絕對是我食飯必備品。最後來一客花奶芒果布丁，成個人完全浸透在懷舊的氣氛中。 回家寫食評，見到有幾篇都提到餐廳服務差，但我今晚郤十分幸運，待應服務都算合格，可能服務水平已經得到關注和改善。 因為還有很多食品想試，下次一定會再去懷舊一番。

疫情略為緩和，仍然留港消費。1個月前經網站預訂了國慶去＜喜馬當先＞ 享用午餐，打算帶老人家走走馬場、看看馬兒🐴🐴，見識見識，開心半天。 中午12點到達，下起大雨來，我們坐在落地玻璃窗口位一邊吃一邊賞雨景，悠然自得。 此餐廳我已來過好幾次，今次待應人數少了，而且不夠專業，相信是新馬季新入職的員工，培訓不足，餐碟堆滿了枱都不懂收拾、落單又落漏、又落錯，而且都沒有向客人介紹提供既飲品、進餐和食物供應時間/截單時間、熱飲又無配砂糖……真是錯漏百出，服務完全唔掂。 講返食物方面，午餐變成半自助式，沒有了海鮮冷盤，食物枱只提供少量 麵包、沙律、奄列、刺身、小蛋糕、水果、雪糕…… 而頭盤、主菜、甜品 就向待應落單點選。 先行一轉，刺身有4款，有馬刀貝、三文魚、吞拿魚和甜蝦。質素保持一向水平不錯的 點了幾款不同的前菜和主菜大家一起試，賣相全部都十分精緻、吸引。 前菜 煙三文魚他他伴青瓜配辣根忌廉，賣相100分，但質感有點油膩，味道一般。 黑森林火腿伴網果，網果咬落去很發水，個人比較喜歡用 哈蜜瓜搭火腿，簡單又美味! 香煎鱸魚炒羽衣甘藍、辣椒蕃茄配香草莎莎汁，鱸魚煎得皮脆肉嫩，羽衣甘籃香脆，全碟清盤。 豬肉腸搭青豆薯蓉配洋蔥燒汁，份量輕盈，因為主餐牌菜式通常沒有飯或者意粉，所以薯蓉比較飽肚，口感都算香滑，豬肉腸帶微微豬肉膻。 磨菇芝麻漢堡搭油浸甜椒和雜菜沙律配蛋王醬，此款是素食菜式，漢堡份量、材料十足，甜椒口感像炸薯，對素食者來說十分貼心，讚。 自選甜品有2款，是低糖草莓醬芝士餅和黑加倫子牛奶慕絲蛋糕，黑加倫子蛋糕賣相漂亮貼合馬會主題，影相一流，又好好味。低糖草莓芝士蛋糕，覺得少甜輕盈，芝士香醇，都十分好味。 Movenpick 雪糕 有3種口味，小小杯。 整體而言，食品種類比上季少，性價比下降少少，但食品仍然算合格，價錢跟上年相約，總算合理。 另外，餐廳安排與客人的互動缺少了，記得 初去此餐廳時，真的開心得不奕樂乎！有推廣姐姐介紹投注細節、拍 (即影即有)相、玩遊戲 送雪糕或咖啡券、101參觀活動 送小馬仔公仔，又食又玩又可見識～ 今次去大部份都沒有了，很可惜！因為一早想帶家人 參加101 投注及參觀活動，一入場已向負責既靚女推廣姐姐講左，佢話安排，屆時有同事來通知，到2點都沒有人來叫我地去參加，再聯絡靚女姐姐，又話會跟進。結果3點來通知話 佢地唔記得左我們既報名，但現在人數滿了，叫我地自己落去行馬圈就得，完全O嘴。請問佢負責咩工作？唉！記性和安排都差，完全唔掂！掃慶! 其實 [101參觀] 真是一個很值得參加活動，可加深對馬場既認識，希望餐廳檢討一下報名既安排。 個人一向喜歡<喜馬當先>既用餐氛圍，希望馬會積極改善餐廳服務質素，提升性價比。

今日難得有半天假，出了上水找個舒服既地方歎個午餐。 這間Delifrance我很久沒有幫襯了，見到有幾張枱可以坐便隨便叫了個招牌 Baguette Bread🥖🥖，材料都很豐富，有煙三文魚、蛋沙律、青瓜和生菜，味道配合得很好，簡單美味。 飲品要加$4蚊 轉了杯涷咖啡，咖啡味都算香，沒有酸味。 客人不多，一邊食一邊坐在窗邊呆了一下，都十分 享受寫意。 有一處投訴：因為自己一個人午餐，原先想請執枱姐姐幫忙拿點鮮奶，但等了一會都唔見人，唯有自己到櫃檯拿，放下手袋和搓手液，讓人知道此枱還有人用餐，然後快快趕回。 怎麼回來時就見到那個短髮姐姐，竟然把我的搓手液 放埋入餐盤一拼收走。我的大手袋還放在椅子上 ，為什麼她沒有見到？我對她說搓手液是我的 ，她就放回枱面，一聲不響走了。 其實此餐廳餐枱不多，工作不需要太趕急，點解收枱姐姐工作會咁麻目？ 需要改善

是晚再到這間森美奧廚房晚餐，之前已來過2次，今次一入門口 短髮收銀小姐便對朋友說：「十分繁忙，沒有人招呼，選餐剔紙後要自己交回收銀處入機！」然後遞上點餐紙和筆。 我跟着朋友身後行，沒有聽清楚，朋友以為我可以接受，便傻乎乎的入去，坐下再問朋友剛才對話情況，唉！完全呆左，這餐廳已經去到咁低既服務水平。之前2次黎覺得唔夠待應，待應姐姐好繁忙、有點燥，收銀既更加唔掂，唔夠醒目，登記入座，竟然亂糟糟，以為是新開張情況，但現在更是每況愈下，沒有改善！ 既然坐下了，就只好繼續點餐，最多下次不來。 餐廳人好多，待應真的好少。目測待應可能只有3至4個，但客人是幾十人，咁既比例，唯有自己招呼自己。整個過程，除左攞食品來，根本唔會有待應得閒睬你，等等等……食物上枱 隨便點了個蕃茄牛肉飯，是一般質素。另一個是海鮮湯河，材料都尚算豐富，有魚、蝦、魷魚和蟹柳，味道不錯。 此餐廳食品質素可以，但服務完全唔合格，令人郤步、厭惡。 其實如果請唔到人，應該開一半範圍或者索性改做快餐形式……以保持服務質素，好過做壞招牌和口碑。

暑假唔好俾佢停，停不了的自助餐，今次一行人殺去喜來登酒店THE CAFE 吃餐飽。 因為疫情關係部分出入口關閉，走左個大圈先搵到入口，身水身汗！入到大堂一遍寧靜，樓梯好有氣派顯然跟其他酒店不一樣，寧靜高雅。 餐廳不大，樓底亦不高，但由於枱與枱距離足夠， 而且枱數目及客戶不多，所以減少了壓迫感，坐得十分舒適。 🥳🥳到了開餐時候，走了一圈，食品區不大，食物種類不多，但都足夠滿足我了。 先向法國生蠔進發，我拿了頭輪既生蠔，肉厚新鮮，不會太咸，十分鮮甜連吃十隻朋友之後再拿的幾輪就不行了，肉瘦又不肥美真的睇運氣。 跟住去佔領海鮮部，有六，七種海鮮，都算豐富，海鮮有職員負責幫客人攞，確保衛生。 吃了龍蝦、長腳蟹、翡翠螺🐚🐚、青口和蟹。整體都不錯，特別喜歡蟹，有滿滿蟹膏，膩膩口感，沒有雪味，口水都流下來了。 巴拿馬火腿吐司和牛油果前菜都很新穎，簡單美味，個人十分喜歡。 煎牛扒肉質嫩滑，內𥚃保留住肉汁，配上秋葵、青瓜，好精緻。 即煎鴨肝多士，需要排隊領取，即煎即食，味道香濃👍口感綿綿👍連食了3、4件。 川貝花膠海底椰燉湯，味道清甜，暖胃之選❤。 刺身有六款選擇，帶子、八爪魚、三文魚、吞拿魚、赤貝和油甘魚。 叫廚師姐姐每款給一片，不知道為何將我的刺身切成粒？影響了刺身既口感。 整體來說，刺身質素合格，略嫌帶子不夠肥美。 甜品款式少又普通，沒有驚喜，連雪糕口味都十分普通，較遜色，甜品控完全失望，需要改善。 另外，有一個投訴，是鴨肝廚房後面的洗手盆感覺有點污糟。雖然不知道這裏是否用來處理食材，但開放式廚房還是每處都應表現出清潔衛生，客人才安心❗❕ 我會形容在The cafe食自助餐 是可以坐得舒服享受既自助餐，不必擔心人群、時間、隊長龍。 近年，食品款式比較多的自助餐餐廳，通常都客人如鯉，有人山人海、搶食、嘈吵等問題，令人郤步。 總括而言，The cafe 是食品款式和味道都合格，而且環境氣氛都十分舒適，絕對可以一試。

粉嶺火車站附近日本餐廳選擇較少，水戶是較有水準的一間，鋪頭不大，今次坐卡位，比較舒適。 刺身{三文魚、三文魚腩、八爪魚}： 一客五片，價格合理，尤其三文魚腩很鮮味 南瓜蕃薯天婦羅： 味道普通，乾爽香脆，可以不試 加洲卷：材料豐富，簡單又好味 吉豬烏冬：手打烏冬，口感滑溜， 豬扒份量大，雖然唔夠juicy ，但不會乾柴。 串燒（牛肉、香菇、粟米）： 3串都沒有燒焦，香菇比較咸，牛肉質素不錯，粟米香甜算抵食 水戶相信是區內其中一間質素較好的日本餐廳。

路經此地，想歎日本野，見此店充滿日本風，便入去回憶日本的感覺。 地點：位於VCity ，地點方便⭐⭐⭐ 價錢： 略貴⭐ 環境：枱與枱保持距離，坐得舒服，有空間感⭐⭐⭐👍 食物：中規中鉅⭐⭐ 三文魚刺身🐟：一客4件，質素一般，沒有驚喜 希臘沙律：蔬菜🥬🥗新鮮，配上蕃茄仔，菲達芝士🧀芝士味淡香，唔會咸膩👍👍 三文魚拼盤壽司：五件，有五種口味，有火炙、配三文子、配海膽……五款都質素一般，沒有驚喜 豆腐炒雜菜🥬🥬：一般 燒🍠🍠蕃薯、燒蕃茄煙肉：合格，不會燒得過焦，蕃薯香甜 涷野梅梳打：$38杯，外貌和味道普通 由於亞妹對部分海鮮有敏感，唔可以叫2人餐，要散叫，所以今次價錢比較高。 總括而言，食品一般，坐位環境舒服，2人餐性價比👍💥 較高。