彩 (元朗)

第一次來食, 來之前打來問過, 知道收3點, 所以12點幾就出發了.
舖內只有11個座位, 每轉人入去後, 就要在門外乾煎靜候.

好在門口位置比較當風, 未至於又曬又熱地乾煎.

等了足足60MINS, 終於入座了.

1.  麥麵配豚骨湯
麥麵據說是店家自製的, 有淡淡的麥香.
第一次食沾麵的我, 覺得幾有趣. 微凍的沾麵, 配熱熱的湯, 一啖一啖咁食.
追加了叉燒, 十分抵食. 實際價錢忘了, 就像是$15-20左右. 有2片.
美中不足就是, 就算一開始已追加, 叉燒也是另上, 亦即是凍凍的. 一旦吃到一半才追加, 叉燒就唯有凍食了.2.  麥麵配蝦湯
這個我就沒太大喜好, 試了一口湯就算了.此店的味玉是配在麵里的, 不用另外散叫.
而店更有幾款特色波子汽水及綠茶汽水, 每款$18, 一試也無妨.

食到最後, 店內唯一樓面女仔, 會問是否需要加水落湯, 將餘下的湯飲光.

不過我個人覺得, 這位女仔的數口較差, 因為她為我們埋單, 錯了3次才正確, 每次都計少了.
題外話, 店舖細細, 竟然附設洗手間, 出奇地洗手間是十分清潔. 值得一讚.

焰拉麵 (元朗)

夜晚等先生收工. 9點幾, 又想食拉麵, 所以上"開飯喇"揾食.

點了特濃豚骨及焦味噌黑蒜拉麵+唐揚雞.1.  特濃豚骨拉麵($78 + 味玉$10), 配以兩塊用德國寶烤爐略烤的叉燒. 不喜叉燒, 還可以選配豬軟骨.
湯底勁濃, 完全係我喜歡的味道. 兩塊叉燒雖然肥了一點, 但稱得上入口即溶. I LIKE IT~~2.  焦味噌黑蒜($78), 配以一片叉燒
原本我係點了這個, 一上枱先生就FEEL到我唔會喜歡食, 所以比我試左啖就同我交換了, 哈哈.
真的不是我杯茶, 因為完全食唔到"焦黑蒜"的味道. 這個我只覺得...一般3.  唐揚炸雞.($45)
本身超愛吃煎炸食物的我, 見到很失望, 一來只有6件, 二來味道一點也不特別. 所以試過就算了.總摠來說, 一定有下次, 但下次只吃一個特濃豚骨就夠了.
此店全日不設加一, 加水速度極快. 點餐前有員工親切問候是否需要每款講解. 吃到尾聲員工也會來問味道是否足夠, 有否改進空間.

Izumi Curry (屯門)

利申: 本人並不是薯蛋頭FANS. 以為此店有正常日式CURRY食, 所以先來. 點知...完全中伏.

首先, 晚上7:45分開始排, 喺門口等了45分鐘, 到8:30終於入座了.
一打開MENU, OH....NO....只得薯蛋頭系列的幾款套餐. 既然等左咁耐, 都要醫肚.看勻了MENU, 點了三款看似較飽肚的套餐. 我本人有孕在身, 所以吃熱食是必然的.

1.  自家製芝士牛肉薯餅飯配咖喱汁 ($129)
賣相...確係幾趣緻. 食落去呢....紫菜是淋的夾腥的, 咖喱汁是涷的....2.  吉列豬扒飯配日式燒汁 + $10多加了奄列(美其名是奄列, 其實只是炒滑蛋而已) (共$139)
賣相...又係好得意, 食落去呢...紫菜都係淋夾腥, 個飯係凍的, 日式燒汁是有陣羶味的(我自問係食得羊肉唔怕羶, 但都食到個汁有羶味, 應該係因為凍了....)3.  奄列牛肉咖喱飯配咖喱汁 $10多加了奄列 ($109)
跟以上兩款有一樣的通病, 飯是凍, 汁是凍, 紫菜又是淋的.3個餐都跟餐湯及汽水一罐
唔知點解個餐湯會上得比飯更遲. 汽水更是三催四請先上枱. 比湯及飯更遲.
個粟米忌廉湯呢.....只可稱得上是有粟米味的生粉水, 唔覺有粟米喺里面.總括而言, 完全不知所謂. 食到9點幾, 出面竟然"截人龍".
早知我就讓張枱出黎, 都唔會嘥$4XX食餐咁既飯.
最大件事係, 食左返到屋企, 肚痾.....大肚婆肚痾唔係講笑, 真係不可一, 不可再!!!

半點心茶座 (旺角)

又係手痕買左團購, 買了午市用, 即11:30-1:30.
前一晚先落機, 由於快到期, 所以要盡快安排食左佢.
早兩星期打黎, 有個亞姐聽電話, 話FULL BOOKING, 但叫我過兩日打黎, 經理返工, 直接問經理.
當時心想, 服務態度都幾好喎, 有情講.
兩日後我就打去, 順利卜了, 好開心, 就算攰到不似人型, 都晨雞咁早由老遠出黎食.

點知...我同老公準時11:30就座, 入到去有20個位, 7枱, 當中都有一半入座, 都OK丫.

太餓了, 超想快D有熱野落肚, 想畫點心之際.
此店劃點心好新穎, 有張過左膠既MENU, 店面唯一一個亞姐, 忙到出哂煙, 完全冇同我地講過點落單.
我地坐左15MIN先見自己份茶具上枱. 茶呢...又係自己出去攞同REFILL既.
亞姐忙乜? 唔好問, 冇人知.諗緊食乜既同時, 聽到亞姐同D客講, 以下係冇既野. 早上11點幾咋
蝦餃, 糯米包, 牛仔骨, 煎蘿蔔糕, 生煎包, 菜肉包

解決左餐具問題, 裝到人地點劃點心, 我地又劃, 劃完交功課.
由落單到第一碟野上枱, 足足等左30MIN, 乾等, 奇就奇在不停有街客入黎散叫, 唔係團購客.
當然都有街客入黎見冇人招呼走左去. 喺呢30MIN里面, 眼見隔離枱不斷有點心上枱, 唯獨我地冇, 唉.......

此店標榜全部點心即叫即包即蒸, OK, 我等!!!
等左30MIN(即12:00), 估你唔到最先上既係....鮮蝦肉餅飯.
由於太肚餓, 秒殺左. 呢兜蒸飯, 問心嗰句, 堅好食既, 味好, 料多. 之後都ENCORE左一兜.10MIN之後(12:10), 終於見點心喇, 蟹柳蒸雞同干蒸牛肉.
蟹柳蒸雞, 只係偏咸, 整體係好食既 (唔知關唔關太餓事)
干蒸牛肉, 我只諗到好JUICY黎形容, 咬開里面, 哇.....乜咁多晶瑩剔透既肥羔.......跟住就黎鳳爪, 呢碟我冇食, NO COMMENT再等了25MIN (即12:35), 見到燒賣了同煎腸粉
燒賣啖啖肉, 對比之下比較少肥肉, 但真的偏咸了. 後尾都有ENCORE
煎腸粉, 煎到有點過了火, 啖啖都痴牙, 好有口感的.喺乾等既同時, 其實個肚仲係空空的, 我地又叫左個鮮蝦肉餅飯, 出奇地落單計10MIN內已經上枱, 當然再次秒殺了. 真的好餓好餓.....

最後黎既係.....炸雲吞, 12:40落枱
落枱之後, 老板娘就話"你地係團購, 所有蝦都唔包, 不過都落左枱, 由佢啦, 講聲你知", 下......你一開始講, 我地咪唔畫囉, 鬼知咩, 完全冇人講過. 算, 叫佢收番, 佢又話無謂, 我地唯有照食, 好似皇恩浩蕩咁.
喺呢一刻先如夢初醒, 點解個幾鐘前叫既蝦腸, 炸雲吞, 追極都唔見.
炸雲吞, 同坊間的差火多, 我喜歡食炸野, 所以覺得好食.知到唔叫得蝦, 蝦類只包燒賣, 我地再落其他點心, 但等左30MIN, 即係等到1:15, 終於忍唔住, 走喇, 乜都唔食喇. 等到幾時??

老實講, 有2另外兩枱團購客只係早我地2MIN入座, 人地都食飽走左, 其間不停有點心上枱, 得我地等了又等.....

後話: 我地食開團購, 完全明白團購有團購既遊戲規則, 完全唔係諗住摶大霧. 只要就座講聲就得. 一定會少好多誤會.

我絕對絕對唔會再黎, 亦唔會推介比我身邊的朋友, 差到冇得再差, 仲好意思收我地5蚊服務費.
哪里有受惠過服務?????

一入座, 亞姐同我核對姓乜, 我話黃小姐, 佢話哦..黃太, 我主動提供電話頭3位數字. 點知.....亞姐大聲朗讀哂我全個電話8位數字出黎, 仲問我啱唔啱, 我著哂火. 答佢"啱呀, 全舖都知喇". 亞姐知機, 即刻收聲.

由我地坐底到走既1HR 45MIN, 喺10MIN內跳左兩次FUSE, 係全店黑哂冇哂電嗰隻. 搞咩呢???

港畔餐廳 (尖沙咀)

 
位於五星酒店內的HARBORSIDE, 價錢收足六星級數, 但對於此餐完完全全徹底的失望.
用餐價錢, 我相信景觀佔了70%, 食物只佔了30%. 何出此言??

開開心心同老公黎食生日飯. 仲提早左2個月BOOK位. 滿心期待等呢日.
我地未夠8點就到了, 諗住早少少入座應該都OK.
點知頭輪未散, 冇錯, 係有頭尾輪之分.
頭輪係6-8, 尾輪係8半開始.
一間五星酒店, 食評正面多於負面既餐廳, 都玩頭尾輪??

等到8半了, 在外面排隊入座.
坐低後開始攞食物.

海鮮:
開邊龍蝦 --- 好好食, 如喜歡食蝦籽既朋友, 一定開心到爆, 有部份是充滿著籽籽的
長腳蟹 --- 好好食, 唔係一味得個咸水味, 夠鮮味
原隻蟹鉗 --- 好貼心, 一拿上手就可以食, 完全唔使"中"佢, 正
原隻鮑魚 --- 食到中後段有鮑魚出, 但鮮鮑冷盤唔係我杯茶, 試左一個就算了. 唔係想像中咁好食.刺身:
帶子 --- 原粒珍寶帶子, 雖然橫切為幾份, 但都鮮味十足, 超正   ***食到九點幾想再攞帶子食, 哥哥仔答"無哂", 我.....靜左, 收得咁貴一位, 可以"無哂???!"
三文魚 --- 夠肥美加厚切, 好正 (我都係喜歡食D下價野, 哈哈)
甜蝦 --- 都係一般的甜蝦, 冇乜特別讚/彈天婦羅:
炸蝦天婦羅 --- 個脆漿可以用"樣衰"黎形容, 想像唔到一間五星酒店內的餐廳質素會係咁, 完全跟坊間平價日式放題比下去
蕃薯天婦羅 --- 粉漿厚過蕃薯, 感覺上比炸蝦的還要好WELCOME DRINK:
有好多款鮮榨果汁揀湯類:
南瓜忌廉湯 --- 只淺嘗了少少, 都OK, 幾好飲
蓮藕豬踭湯 --- 老火湯, 夠味, GOOD
海鮮燕窩羮 --- 過份地杰, 但足料的鐵板燒:
有豬肉, 牛肉, 羊肉 --- 值得一提既係牛肉, 略肥, 但口感一流. 羊肉就一D都唔羶熱盤:
燒牛肉 --- 部份部的確好好食
蒸石斑魚 --- 鞋鞋的, 蒸到明顯過哂火
片皮鴨 --- 估佢唔到又幾好食, 一啖一件, 又唔使落手, GOOD
意大利雲吞 --- 太大粒, 完全試唔到佢有咩餡, 微辣的
海鮮炒飯 --- 太過乾身
青咖喱蝦 --- 奇奇怪怪的, 辣又唔係辣, 香味又欠奉甜品:
雪糕 --- 哈人帶C都算係我其中一個飛佛, 我去攞雪櫃, 問人咩品牌, 佢話係哈人帶C, 但係......眼見雪糕櫃雖然有6款味道, 但全部都係平平無奇既味道, 冇D特別既, 例如朱古力大可以出"比利時朱力", 但佢無....朱力就係朱力, 望落個雪糕櫃, 似牛奶公司多過哈人帶C. 平時超喜歡食雪糕既我, 食左一球就收手了, 失望
麵包布甸 --- 食落似一個海棉蛋糕多D, 又或者本身佢就係海棉蛋糕, 我以為佢係麵包布甸
朱古力蛋糕 --- 有陣過份濃烈的橙味, 冚哂朱古力既味道
梳乎里 --- 戲肉黎喇, 要ORDER的, 即叫即焗, 點知......我嗰杯食到底, 係未焗透既蛋白, 流質狀......完全諗唔到喺呢度發生......生蛋白......即刻收手, 唔再食落去. 而家D菌咁惡, 何況係生既蛋類, 咪搞.總括而言, 咁既價錢食咁既質素, 試過一次就夠了.

侍應沒有主動收碟及加水, 叫一次, 就加一次